Library·Mahābhārata (critical edition)·7·7.120
धृतराष्ट्र उवाच तदवस्थे हते तस्मिन् भूरिश्रवसि कौरवे यथा भूयो ऽभवद् युद्धं तन् ममाचक्ष्व संजय
dhṛtarāṣṭra uvāca tadavasthe hate tasmin bhūriśravasi kaurave yathā bhūyo 'bhavad yuddhaṃ tan mamācakṣva saṃjaya
Sanskrit only: no published translation is held for this verse.
संजय उवाच भूरिश्रवसि संक्रान्ते परलोकाय भारत वासुदेवं महाबाहुर् अर्जुनः समचूचुदत्
saṃjaya uvāca bhūriśravasi saṃkrānte paralokāya bhārata vāsudevaṃ mahābāhur arjunaḥ samacūcudat
Sanskrit only: no published translation is held for this verse.
चोदयाश्वान् भृशं कृष्ण यतो राजा जयद्रथः अस्तम् एति महाबाहो त्वरमाणो दिवाकरः
codayāśvān bhṛśaṃ kṛṣṇa yato rājā jayadrathaḥ astam eti mahābāho tvaramāṇo divākaraḥ
Sanskrit only: no published translation is held for this verse.
एतद् धि पुरुषव्याघ्र महद् अभ्युद्यतं मया कार्यं संरक्ष्यते चैष कुरुसेनामहारथैः
etad dhi puruṣavyāghra mahad abhyudyataṃ mayā kāryaṃ saṃrakṣyate caiṣa kurusenāmahārathaiḥ
Sanskrit only: no published translation is held for this verse.
नास्तम् एति यथा सूर्यो यथा सत्यं भवेद् वचः चोदयाश्वांस् तथा कृष्ण यथा हन्यां जयद्रथम्
nāstam eti yathā sūryo yathā satyaṃ bhaved vacaḥ codayāśvāṃs tathā kṛṣṇa yathā hanyāṃ jayadratham
Sanskrit only: no published translation is held for this verse.
ततः कृष्णो महाबाहू रजतप्रतिमान् हयान् हयज्ञश् चोदयाम् आस जयद्रथरथं प्रति
tataḥ kṛṣṇo mahābāhū rajatapratimān hayān hayajñaś codayām āsa jayadratharathaṃ prati
Sanskrit only: no published translation is held for this verse.
तं प्रयान्तम् अमोघेषुम् उत्पतद्भिर् इवाशुगैः त्वरमाणा महाराज सेनामुख्याः समाव्रजन्
taṃ prayāntam amogheṣum utpatadbhir ivāśugaiḥ tvaramāṇā mahārāja senāmukhyāḥ samāvrajan
Sanskrit only: no published translation is held for this verse.
दुर्योधनश् च कर्णश् च वृषसेनो ऽथ मद्रराट् अश्वत्थामा कृपश् चैव स्वयम् एव च सैन्धवः
duryodhanaś ca karṇaś ca vṛṣaseno 'tha madrarāṭ aśvatthāmā kṛpaś caiva svayam eva ca saindhavaḥ
Sanskrit only: no published translation is held for this verse.
समासाद्य तु बीभत्सुः सैन्धवं प्रमुखे स्थितम् नेत्राभ्यां क्रोधदीप्ताभ्यां संप्रैक्षन् निर्दहन्न् इव
samāsādya tu bībhatsuḥ saindhavaṃ pramukhe sthitam netrābhyāṃ krodhadīptābhyāṃ saṃpraikṣan nirdahann iva
Sanskrit only: no published translation is held for this verse.
ततो दुर्योधनो राजा राधेयं त्वरितो ऽब्रवीत् अर्जुनं वीक्ष्य संयान्तं जयद्रथरथं प्रति
tato duryodhano rājā rādheyaṃ tvarito 'bravīt arjunaṃ vīkṣya saṃyāntaṃ jayadratharathaṃ prati
Sanskrit only: no published translation is held for this verse.
अयं स वैकर्तन युद्धकालो; विदर्शयस्वात्मबलं महात्मन् यथा न वध्येत रणे ऽर्जुनेन; जयद्रथः कर्ण तथा कुरुष्व
ayaṃ sa vaikartana yuddhakālo; vidarśayasvātmabalaṃ mahātman yathā na vadhyeta raṇe 'rjunena; jayadrathaḥ karṇa tathā kuruṣva
Sanskrit only: no published translation is held for this verse.
अल्पावशिष्टं दिवसं नृवीर; विघातयस्वाद्य रिपुं शरौघैः दिनक्षयं प्राप्य नरप्रवीर; ध्रुवं हि नः कर्ण जयो भविष्यति
alpāvaśiṣṭaṃ divasaṃ nṛvīra; vighātayasvādya ripuṃ śaraughaiḥ dinakṣayaṃ prāpya narapravīra; dhruvaṃ hi naḥ karṇa jayo bhaviṣyati
Sanskrit only: no published translation is held for this verse.
सैन्धवे रक्ष्यमाणे तु सूर्यस्यास्तमयं प्रति मिथ्याप्रतिज्ञः कौन्तेयः प्रवेक्ष्यति हुताशनम्
saindhave rakṣyamāṇe tu sūryasyāstamayaṃ prati mithyāpratijñaḥ kaunteyaḥ pravekṣyati hutāśanam
Sanskrit only: no published translation is held for this verse.
अनर्जुनायां च भुवि मुहूर्तम् अपि मानद जीवितुं नोत्सहेरन् वै भ्रातरो ऽस्य सहानुगाः
anarjunāyāṃ ca bhuvi muhūrtam api mānada jīvituṃ notsaheran vai bhrātaro 'sya sahānugāḥ
Sanskrit only: no published translation is held for this verse.
विनष्टैः पाण्डवेयैश् च सशैलवनकाननाम् वसुंधराम् इमां कर्ण भोक्ष्यामो हतकण्टकाम्
vinaṣṭaiḥ pāṇḍaveyaiś ca saśailavanakānanām vasuṃdharām imāṃ karṇa bhokṣyāmo hatakaṇṭakām
Sanskrit only: no published translation is held for this verse.
दैवेनोपहतः पार्थो विपरीतश् च मानद कार्याकार्यम् अजानन् वै प्रतिज्ञां कृतवान् रणे
daivenopahataḥ pārtho viparītaś ca mānada kāryākāryam ajānan vai pratijñāṃ kṛtavān raṇe
Sanskrit only: no published translation is held for this verse.
नूनम् आत्मविनाशाय पाण्डवेन किरीटिना प्रतिज्ञेयं कृता कर्ण जयद्रथवधं प्रति
nūnam ātmavināśāya pāṇḍavena kirīṭinā pratijñeyaṃ kṛtā karṇa jayadrathavadhaṃ prati
Sanskrit only: no published translation is held for this verse.
कथं जीवति दुर्धर्षे त्वयि राधेय फल्गुनः अनस्तंगत आदित्ये हन्यात् सैन्धवकं नृपम्
kathaṃ jīvati durdharṣe tvayi rādheya phalgunaḥ anastaṃgata āditye hanyāt saindhavakaṃ nṛpam
Sanskrit only: no published translation is held for this verse.
रक्षितं मद्रराजेन कृपेण च महात्मना जयद्रथं रणमुखे कथं हन्याद् धनंजयः
rakṣitaṃ madrarājena kṛpeṇa ca mahātmanā jayadrathaṃ raṇamukhe kathaṃ hanyād dhanaṃjayaḥ
Sanskrit only: no published translation is held for this verse.
द्रौणिना रक्ष्यमाणं च मया दुःशासनेन च कथं प्राप्स्यति बीभत्सुः सैन्धवं कालचोदितः
drauṇinā rakṣyamāṇaṃ ca mayā duḥśāsanena ca kathaṃ prāpsyati bībhatsuḥ saindhavaṃ kālacoditaḥ
Sanskrit only: no published translation is held for this verse.
युध्यन्ते बहवः शूरा लम्बते च दिवाकरः शङ्के जयद्रथं पार्थो नैव प्राप्स्यति मानद
yudhyante bahavaḥ śūrā lambate ca divākaraḥ śaṅke jayadrathaṃ pārtho naiva prāpsyati mānada
Sanskrit only: no published translation is held for this verse.
स त्वं कर्ण मया सार्धं शूरैश् चान्यैर् महारथैः युध्यस्व यत्नम् आस्थाय परं पार्थेन संयुगे
sa tvaṃ karṇa mayā sārdhaṃ śūraiś cānyair mahārathaiḥ yudhyasva yatnam āsthāya paraṃ pārthena saṃyuge
Sanskrit only: no published translation is held for this verse.
एवम् उक्तस् तु राधेयस् तव पुत्रेण मारिष दुर्योधनम् इदं वाक्यं प्रत्युवाच कुरूत्तमम्
evam uktas tu rādheyas tava putreṇa māriṣa duryodhanam idaṃ vākyaṃ pratyuvāca kurūttamam
Sanskrit only: no published translation is held for this verse.
दृढलक्ष्येण शूरेण भीमसेनेन धन्विना भृशम् उद्वेजितः संख्ये शरजालैर् अनेकशः
dṛḍhalakṣyeṇa śūreṇa bhīmasenena dhanvinā bhṛśam udvejitaḥ saṃkhye śarajālair anekaśaḥ
Sanskrit only: no published translation is held for this verse.
स्थातव्यम् इति तिष्ठामि रणे संप्रति मानद नैवाङ्गम् इङ्गति किं चिन् मे संतप्तस्य रणेषुभिः
sthātavyam iti tiṣṭhāmi raṇe saṃprati mānada naivāṅgam iṅgati kiṃ cin me saṃtaptasya raṇeṣubhiḥ
Sanskrit only: no published translation is held for this verse.
योत्स्यामि तु तथा राजञ् शक्त्याहं परया रणे यथा पाण्डवमुख्यो ऽसौ न हनिष्यति सैन्धवम्
yotsyāmi tu tathā rājañ śaktyāhaṃ parayā raṇe yathā pāṇḍavamukhyo 'sau na haniṣyati saindhavam
Sanskrit only: no published translation is held for this verse.
न हि मे युध्यमानस्य सायकांश् चास्यतः शितान् सैन्धवं प्राप्स्यते वीरः सव्यसाची धनंजयः
na hi me yudhyamānasya sāyakāṃś cāsyataḥ śitān saindhavaṃ prāpsyate vīraḥ savyasācī dhanaṃjayaḥ
Sanskrit only: no published translation is held for this verse.
यत् तु शक्तिमता कार्यं सततं हितकारिणा तत् करिष्यामि कौरव्य जयो दैवे प्रतिष्ठितः
yat tu śaktimatā kāryaṃ satataṃ hitakāriṇā tat kariṣyāmi kauravya jayo daive pratiṣṭhitaḥ
Sanskrit only: no published translation is held for this verse.
अद्य योत्स्ये ऽर्जुनम् अहं पौरुषं स्वं व्यपाश्रितः त्वदर्थं पुरुषव्याघ्र जयो दैवे प्रतिष्ठितः
adya yotsye 'rjunam ahaṃ pauruṣaṃ svaṃ vyapāśritaḥ tvadarthaṃ puruṣavyāghra jayo daive pratiṣṭhitaḥ
Sanskrit only: no published translation is held for this verse.
अद्य युद्धं कुरुश्रेष्ठ मम पार्थस्य चोभयोः पश्यन्तु सर्वभूतानि दारुणं लोमहर्षणम्
adya yuddhaṃ kuruśreṣṭha mama pārthasya cobhayoḥ paśyantu sarvabhūtāni dāruṇaṃ lomaharṣaṇam
Sanskrit only: no published translation is held for this verse.
कर्णकौरवयोर् एवं रणे संभाषमाणयोः अर्जुनो निशितैर् बाणैर् जघान तव वाहिनीम्
karṇakauravayor evaṃ raṇe saṃbhāṣamāṇayoḥ arjuno niśitair bāṇair jaghāna tava vāhinīm
Sanskrit only: no published translation is held for this verse.
चिच्छेद तीक्ष्णाग्रमुखैः शूराणाम् अनिवर्तिनाम् भुजान् परिघसंकाशान् हस्तिहस्तोपमान् रणे
ciccheda tīkṣṇāgramukhaiḥ śūrāṇām anivartinām bhujān parighasaṃkāśān hastihastopamān raṇe
Sanskrit only: no published translation is held for this verse.
शिरांसि च महाबाहुश् चिच्छेद निशितैः शरैः हस्तिहस्तान् हयग्रीवा रथाक्षांश् च समन्ततः
śirāṃsi ca mahābāhuś ciccheda niśitaiḥ śaraiḥ hastihastān hayagrīvā rathākṣāṃś ca samantataḥ
Sanskrit only: no published translation is held for this verse.
शोणिताक्तान् हयारोहान् गृहीतप्रासतोमरान् क्षुरैश् चिच्छेद बीभत्सुर् द्विधैकैकं त्रिधैव च
śoṇitāktān hayārohān gṛhītaprāsatomarān kṣuraiś ciccheda bībhatsur dvidhaikaikaṃ tridhaiva ca
Sanskrit only: no published translation is held for this verse.
हयवारणमुख्याश् च प्रापतन्त सहस्रशः ध्वजाश् छत्राणि चापानि चामराणि शिरांसि च
hayavāraṇamukhyāś ca prāpatanta sahasraśaḥ dhvajāś chatrāṇi cāpāni cāmarāṇi śirāṃsi ca
Sanskrit only: no published translation is held for this verse.
कक्षम् अग्निम् इवोद्धूतः प्रदहंस् तव वाहिनीम् अचिरेण महीं पार्थश् चकार रुधिरोत्तराम्
kakṣam agnim ivoddhūtaḥ pradahaṃs tava vāhinīm acireṇa mahīṃ pārthaś cakāra rudhirottarām
Sanskrit only: no published translation is held for this verse.
हतभूयिष्ठयोधं तत् कृत्वा तव बलं बली आससाद दुराधर्षः सैन्धवं सत्यविक्रमः
hatabhūyiṣṭhayodhaṃ tat kṛtvā tava balaṃ balī āsasāda durādharṣaḥ saindhavaṃ satyavikramaḥ
Sanskrit only: no published translation is held for this verse.
बीभत्सुर् भीमसेनेन सात्वतेन च रक्षितः स बभौ भरतश्रेष्ठ ज्वलन्न् इव हुताशनः
bībhatsur bhīmasenena sātvatena ca rakṣitaḥ sa babhau bharataśreṣṭha jvalann iva hutāśanaḥ
Sanskrit only: no published translation is held for this verse.
तं तथावस्थितं दृष्ट्वा त्वदीया वीर्यसंमताः नामृष्यन्त महेष्वासाः फल्गुनं पुरुषर्षभाः
taṃ tathāvasthitaṃ dṛṣṭvā tvadīyā vīryasaṃmatāḥ nāmṛṣyanta maheṣvāsāḥ phalgunaṃ puruṣarṣabhāḥ
Sanskrit only: no published translation is held for this verse.
दुर्योधनश् च कर्णश् च वृषसेनो ऽथ मद्रराट् अश्वत्थामा कृपश् चैव स्वयम् एव च सैन्धवः
duryodhanaś ca karṇaś ca vṛṣaseno 'tha madrarāṭ aśvatthāmā kṛpaś caiva svayam eva ca saindhavaḥ
Sanskrit only: no published translation is held for this verse.
संरब्धाः सैन्धवस्यार्थे समावृण्वन् किरीटिनम् नृत्यन्तं रथमार्गेषु धनुर्ज्यातलनिस्वनैः
saṃrabdhāḥ saindhavasyārthe samāvṛṇvan kirīṭinam nṛtyantaṃ rathamārgeṣu dhanurjyātalanisvanaiḥ
Sanskrit only: no published translation is held for this verse.
संग्रामकोविदं पार्थं सर्वे युद्धविशारदाः अभीताः पर्यवर्तन्त व्यादितास्यम् इवान्तकम्
saṃgrāmakovidaṃ pārthaṃ sarve yuddhaviśāradāḥ abhītāḥ paryavartanta vyāditāsyam ivāntakam
Sanskrit only: no published translation is held for this verse.
सैन्धवं पृष्ठतः कृत्वा जिघांसन्तो ऽर्जुनाच्युतौ सूर्यास्तमयम् इच्छन्तो लोहितायति भास्करे
saindhavaṃ pṛṣṭhataḥ kṛtvā jighāṃsanto 'rjunācyutau sūryāstamayam icchanto lohitāyati bhāskare
Sanskrit only: no published translation is held for this verse.
ते भुजैर् भोगिभोगाभैर् धनूंष्य् आयम्य सायकान् मुमुचुः सूर्यरश्म्याभाञ् शतशः फल्गुनं प्रति
te bhujair bhogibhogābhair dhanūṃṣy āyamya sāyakān mumucuḥ sūryaraśmyābhāñ śataśaḥ phalgunaṃ prati
Sanskrit only: no published translation is held for this verse.
तान् अस्तान् अस्यमानांश् च किरीटी युद्धदुर्मदः द्विधा त्रिधाष्टधैकैकं छित्त्वा विव्याध तान् रणे
tān astān asyamānāṃś ca kirīṭī yuddhadurmadaḥ dvidhā tridhāṣṭadhaikaikaṃ chittvā vivyādha tān raṇe
Sanskrit only: no published translation is held for this verse.
सिंहलाङ्गूलकेतुस् तु दर्शयञ् शक्तिम् आत्मनः शारद्वतीसुतो राजन्न् अर्जुनं प्रत्यवारयत्
siṃhalāṅgūlaketus tu darśayañ śaktim ātmanaḥ śāradvatīsuto rājann arjunaṃ pratyavārayat
Sanskrit only: no published translation is held for this verse.
स विद्ध्वा दशभिः पार्थं वासुदेवं च सप्तभिः अतिष्ठद् रथमार्गेषु सैन्धवं परिपालयन्
sa viddhvā daśabhiḥ pārthaṃ vāsudevaṃ ca saptabhiḥ atiṣṭhad rathamārgeṣu saindhavaṃ paripālayan
Sanskrit only: no published translation is held for this verse.
अथैनं कौरवश्रेष्ठाः सर्व एव महारथाः महता रथवंशेन सर्वतः पर्यवारयन्
athainaṃ kauravaśreṣṭhāḥ sarva eva mahārathāḥ mahatā rathavaṃśena sarvataḥ paryavārayan
Sanskrit only: no published translation is held for this verse.
विस्फारयन्तश् चापानि विसृजन्तश् च सायकान् सैन्धवं पर्यरक्षन्त शासनात् तनयस्य ते
visphārayantaś cāpāni visṛjantaś ca sāyakān saindhavaṃ paryarakṣanta śāsanāt tanayasya te
Sanskrit only: no published translation is held for this verse.
तत्र पार्थस्य शूरस्य बाह्वोर् बलम् अदृश्यत इषूणाम् अक्षयत्वं च धनुषो गाण्डिवस्य च
tatra pārthasya śūrasya bāhvor balam adṛśyata iṣūṇām akṣayatvaṃ ca dhanuṣo gāṇḍivasya ca
Sanskrit only: no published translation is held for this verse.
अस्त्रैर् अस्त्राणि संवार्य द्रौणेः शारद्वतस्य च एकैकं नवभिर् बाणैः सर्वान् एव समर्पयत्
astrair astrāṇi saṃvārya drauṇeḥ śāradvatasya ca ekaikaṃ navabhir bāṇaiḥ sarvān eva samarpayat
Sanskrit only: no published translation is held for this verse.
तं द्रौणिः पञ्चविंशत्या वृषसेनश् च सप्तभिः दुर्योधनश् च विंशत्या कर्णशल्यौ त्रिभिस् त्रिभिः
taṃ drauṇiḥ pañcaviṃśatyā vṛṣasenaś ca saptabhiḥ duryodhanaś ca viṃśatyā karṇaśalyau tribhis tribhiḥ
Sanskrit only: no published translation is held for this verse.
त एनम् अभिगर्जन्तो विध्यन्तश् च पुनः पुनः विधुन्वन्तश् च चापानि सर्वतः पर्यवारयन्
ta enam abhigarjanto vidhyantaś ca punaḥ punaḥ vidhunvantaś ca cāpāni sarvataḥ paryavārayan
Sanskrit only: no published translation is held for this verse.
श्लिष्टं तु सर्वतश् चक्रू रथमण्डलम् आशु ते सूर्यास्तमयम् इच्छन्तस् त्वरमाणा महारथाः
śliṣṭaṃ tu sarvataś cakrū rathamaṇḍalam āśu te sūryāstamayam icchantas tvaramāṇā mahārathāḥ
Sanskrit only: no published translation is held for this verse.
त एनम् अभिनर्दन्तो विधुन्वाना धनूंषि च सिषिचुर् मार्गणैर् घोरैर् गिरिं मेघा इवाम्बुभिः
ta enam abhinardanto vidhunvānā dhanūṃṣi ca siṣicur mārgaṇair ghorair giriṃ meghā ivāmbubhiḥ
Sanskrit only: no published translation is held for this verse.
ते महास्त्राणि दिव्यानि तत्र राजन् व्यदर्शयन् धनंजयस्य गात्रेषु शूराः परिघबाहवः
te mahāstrāṇi divyāni tatra rājan vyadarśayan dhanaṃjayasya gātreṣu śūrāḥ parighabāhavaḥ
Sanskrit only: no published translation is held for this verse.
हतभूयिष्ठयोधं तत् कृत्वा तव बलं बली आससाद दुराधर्षः सैन्धवं सत्यविक्रमः
hatabhūyiṣṭhayodhaṃ tat kṛtvā tava balaṃ balī āsasāda durādharṣaḥ saindhavaṃ satyavikramaḥ
Sanskrit only: no published translation is held for this verse.
तं कर्णः संयुगे राजन् प्रत्यवारयद् आशुगैः मिषतो भीमसेनस्य सात्वतस्य च भारत
taṃ karṇaḥ saṃyuge rājan pratyavārayad āśugaiḥ miṣato bhīmasenasya sātvatasya ca bhārata
Sanskrit only: no published translation is held for this verse.
तं पार्थो दशभिर् बाणैः प्रत्यविध्यद् रणाजिरे सूतपुत्रं महाबाहुः सर्वसैन्यस्य पश्यतः
taṃ pārtho daśabhir bāṇaiḥ pratyavidhyad raṇājire sūtaputraṃ mahābāhuḥ sarvasainyasya paśyataḥ
Sanskrit only: no published translation is held for this verse.
सात्वतश् च त्रिभिर् बाणैः कर्णं विव्याध मारिष भीमसेनस् त्रिभिश् चैव पुनः पार्थश् च सप्तभिः
sātvataś ca tribhir bāṇaiḥ karṇaṃ vivyādha māriṣa bhīmasenas tribhiś caiva punaḥ pārthaś ca saptabhiḥ
Sanskrit only: no published translation is held for this verse.
तान् कर्णः प्रतिविव्याध षष्ट्या षष्ट्या महारथः तद् युद्धम् अभवद् राजन् कर्णस्य बहुभिः सह
tān karṇaḥ prativivyādha ṣaṣṭyā ṣaṣṭyā mahārathaḥ tad yuddham abhavad rājan karṇasya bahubhiḥ saha
Sanskrit only: no published translation is held for this verse.
तत्राद्भुतम् अपश्याम सूतपुत्रस्य मारिष यद् एकः समरे क्रुद्धस् त्रीन् रथान् पर्यवारयत्
tatrādbhutam apaśyāma sūtaputrasya māriṣa yad ekaḥ samare kruddhas trīn rathān paryavārayat
Sanskrit only: no published translation is held for this verse.
फल्गुनस् तु महाबाहुः कर्णं वैकर्तनं रणे सायकानां शतेनैव सर्वमर्मस्व् अताडयत्
phalgunas tu mahābāhuḥ karṇaṃ vaikartanaṃ raṇe sāyakānāṃ śatenaiva sarvamarmasv atāḍayat
Sanskrit only: no published translation is held for this verse.
रुधिरोक्षितसर्वाङ्गः सूतपुत्रः प्रतापवान् शरैः पञ्चाशता वीरः फल्गुनं प्रत्यविध्यत तस्य तल् लाघवं दृष्ट्वा नामृष्यत रणे ऽर्जुनः
rudhirokṣitasarvāṅgaḥ sūtaputraḥ pratāpavān śaraiḥ pañcāśatā vīraḥ phalgunaṃ pratyavidhyata tasya tal lāghavaṃ dṛṣṭvā nāmṛṣyata raṇe 'rjunaḥ
Sanskrit only: no published translation is held for this verse.
ततः पार्थो धनुश् छित्त्वा विव्याधैनं स्तनान्तरे सायकैर् नवभिर् वीरस् त्वरमाणो धनंजयः
tataḥ pārtho dhanuś chittvā vivyādhainaṃ stanāntare sāyakair navabhir vīras tvaramāṇo dhanaṃjayaḥ
Sanskrit only: no published translation is held for this verse.
वधार्थं चास्य समरे सायकं सूर्यवर्चसम् चिक्षेप त्वरया युक्तस् त्वराकाले धनंजयः
vadhārthaṃ cāsya samare sāyakaṃ sūryavarcasam cikṣepa tvarayā yuktas tvarākāle dhanaṃjayaḥ
Sanskrit only: no published translation is held for this verse.
तम् आपतन्तं वेगेन द्रौणिश् चिच्छेद सायकम् अर्धचन्द्रेण तीक्ष्णेन स छिन्नः प्रापतद् भुवि
tam āpatantaṃ vegena drauṇiś ciccheda sāyakam ardhacandreṇa tīkṣṇena sa chinnaḥ prāpatad bhuvi
Sanskrit only: no published translation is held for this verse.
अथान्यद् धनुर् आदाय सूतपुत्रः प्रतापवान् कर्णो ऽपि द्विषतां हन्ता छादयाम् आस फल्गुनम् सायकैर् बहुसाहस्रैः कृतप्रतिकृतेप्सया
athānyad dhanur ādāya sūtaputraḥ pratāpavān karṇo 'pi dviṣatāṃ hantā chādayām āsa phalgunam sāyakair bahusāhasraiḥ kṛtapratikṛtepsayā
Sanskrit only: no published translation is held for this verse.
तौ वृषाव् इव नर्दन्तौ नरसिंहौ महारथौ सायकौघप्रतिच्छन्नं चक्रतुः खम् अजिह्मगैः अदृश्यौ च शरौघैस् तौ निघ्नताम् इतरेतरम्
tau vṛṣāv iva nardantau narasiṃhau mahārathau sāyakaughapraticchannaṃ cakratuḥ kham ajihmagaiḥ adṛśyau ca śaraughais tau nighnatām itaretaram
Sanskrit only: no published translation is held for this verse.
पार्थो ऽहम् अस्मि तिष्ठ त्वं कर्णो ऽहं तिष्ठ फल्गुन इत्य् एवं तर्जयन्तौ तौ वाक्शल्यैस् तुदतां तथा
pārtho 'ham asmi tiṣṭha tvaṃ karṇo 'haṃ tiṣṭha phalguna ity evaṃ tarjayantau tau vākśalyais tudatāṃ tathā
Sanskrit only: no published translation is held for this verse.
युध्येतां समरे वीरौ चित्रं लघु च सुष्ठु च प्रेक्षणीयौ चाभवतां सर्वयोधसमागमे
yudhyetāṃ samare vīrau citraṃ laghu ca suṣṭhu ca prekṣaṇīyau cābhavatāṃ sarvayodhasamāgame
Sanskrit only: no published translation is held for this verse.
प्रशस्यमानौ समरे सिद्धचारणवातिकैः अयुध्येतां महाराज परस्परवधैषिणौ
praśasyamānau samare siddhacāraṇavātikaiḥ ayudhyetāṃ mahārāja parasparavadhaiṣiṇau
Sanskrit only: no published translation is held for this verse.
ततो दुर्योधनो राजंस् तावकान् अभ्यभाषत यत्ता रक्षत राधेयं नाहत्वा समरे ऽर्जुनम् निवर्तिष्यति राधेय इति माम् उक्तवान् वृषः
tato duryodhano rājaṃs tāvakān abhyabhāṣata yattā rakṣata rādheyaṃ nāhatvā samare 'rjunam nivartiṣyati rādheya iti mām uktavān vṛṣaḥ
Sanskrit only: no published translation is held for this verse.
एतस्मिन्न् अन्तरे राजन् दृष्ट्वा कर्णस्य विक्रमम् आकर्णमुक्तैर् इषुभिः कर्णस्य चतुरो हयान् अनयन् मृत्युलोकाय चतुर्भिः सायकोत्तमैः
etasminn antare rājan dṛṣṭvā karṇasya vikramam ākarṇamuktair iṣubhiḥ karṇasya caturo hayān anayan mṛtyulokāya caturbhiḥ sāyakottamaiḥ
Sanskrit only: no published translation is held for this verse.
सारथिं चास्य भल्लेन रथनीडाद् अपाहरत् छादयाम् आस च शरैस् तव पुत्रस्य पश्यतः
sārathiṃ cāsya bhallena rathanīḍād apāharat chādayām āsa ca śarais tava putrasya paśyataḥ
Sanskrit only: no published translation is held for this verse.
स छाद्यमानः समरे हताश्वो हतसारथिः मोहितः शरजालेन कर्तव्यं नाभ्यपद्यत
sa chādyamānaḥ samare hatāśvo hatasārathiḥ mohitaḥ śarajālena kartavyaṃ nābhyapadyata
Sanskrit only: no published translation is held for this verse.
तं तथा विरथं दृष्ट्वा रथम् आरोप्य स्वं तदा अश्वत्थामा महाराज भूयो ऽर्जुनम् अयोधयत्
taṃ tathā virathaṃ dṛṣṭvā ratham āropya svaṃ tadā aśvatthāmā mahārāja bhūyo 'rjunam ayodhayat
Sanskrit only: no published translation is held for this verse.
मद्रराजस् तु कौन्तेयम् अविध्यत् त्रिंशता शरैः शारद्वतस् तु विंशत्या वासुदेवं समार्पयत् धनंजयं द्वादशभिर् आजघान शिलीमुखैः
madrarājas tu kaunteyam avidhyat triṃśatā śaraiḥ śāradvatas tu viṃśatyā vāsudevaṃ samārpayat dhanaṃjayaṃ dvādaśabhir ājaghāna śilīmukhaiḥ
Sanskrit only: no published translation is held for this verse.
चतुर्भिः सिन्धुराजश् च वृषसेनश् च सप्तभिः पृथक् पृथङ् महाराज कृष्णपार्थाव् अविध्यताम्
caturbhiḥ sindhurājaś ca vṛṣasenaś ca saptabhiḥ pṛthak pṛthaṅ mahārāja kṛṣṇapārthāv avidhyatām
Sanskrit only: no published translation is held for this verse.
तथैव तान् प्रत्यविध्यत् कुन्तीपुत्रो धनंजयः द्रोणपुत्रं चतुःषष्ट्या मद्रराजं शतेन च
tathaiva tān pratyavidhyat kuntīputro dhanaṃjayaḥ droṇaputraṃ catuḥṣaṣṭyā madrarājaṃ śatena ca
Sanskrit only: no published translation is held for this verse.
सैन्धवं दशभिर् भल्लैर् वृषसेनं त्रिभिः शरैः शारद्वतं च विंशत्या विद्ध्वा पार्थः समुन्नदत्
saindhavaṃ daśabhir bhallair vṛṣasenaṃ tribhiḥ śaraiḥ śāradvataṃ ca viṃśatyā viddhvā pārthaḥ samunnadat
Sanskrit only: no published translation is held for this verse.
ते प्रतिज्ञाप्रतीघातम् इच्छन्तः सव्यसाचिनः सहितास् तावकास् तूर्णम् अभिपेतुर् धनंजयम्
te pratijñāpratīghātam icchantaḥ savyasācinaḥ sahitās tāvakās tūrṇam abhipetur dhanaṃjayam
Sanskrit only: no published translation is held for this verse.
अथार्जुनः सर्वतोधारम् अस्त्रं; प्रादुश्चक्रे त्रासयन् धार्तराष्ट्रान् तं प्रत्युदीयुः कुरवः पाण्डुसूनुं; रथैर् महार्हैः शरवर्षाण्य् अवर्षन्
athārjunaḥ sarvatodhāram astraṃ; prāduścakre trāsayan dhārtarāṣṭrān taṃ pratyudīyuḥ kuravaḥ pāṇḍusūnuṃ; rathair mahārhaiḥ śaravarṣāṇy avarṣan
Sanskrit only: no published translation is held for this verse.
ततस् तु तस्मिंस् तुमुले समुत्थिते; सुदारुणे भारत मोहनीये नामुह्यत प्राप्य स राजपुत्रः; किरीटमाली विसृजन् पृषत्कान्
tatas tu tasmiṃs tumule samutthite; sudāruṇe bhārata mohanīye nāmuhyata prāpya sa rājaputraḥ; kirīṭamālī visṛjan pṛṣatkān
Sanskrit only: no published translation is held for this verse.
राज्यप्रेप्सुः सव्यसाची कुरूणां; स्मरन् क्लेशान् द्वादशवर्षवृत्तान् गाण्डीवमुक्तैर् इषुभिर् महात्मा; सर्वा दिशो व्यावृणोद् अप्रमेयैः
rājyaprepsuḥ savyasācī kurūṇāṃ; smaran kleśān dvādaśavarṣavṛttān gāṇḍīvamuktair iṣubhir mahātmā; sarvā diśo vyāvṛṇod aprameyaiḥ
Sanskrit only: no published translation is held for this verse.
प्रदीप्तोल्कम् अभवच् चान्तरिक्षं; देहेषु भूरीण्य् अपतन् वयांसि यत् पिङ्गलज्येन किरीटमाली; क्रुद्धो रिपून् आजगवेन हन्ति
pradīptolkam abhavac cāntarikṣaṃ; deheṣu bhūrīṇy apatan vayāṃsi yat piṅgalajyena kirīṭamālī; kruddho ripūn ājagavena hanti
Sanskrit only: no published translation is held for this verse.
किरीटमाली महता महायशाः; शरासनेनास्य शरान् अनीकजित् हयप्रवेकोत्तमनागधूर्गतान्; कुरुप्रवीरान् इषुभिर् न्यपातयत्
kirīṭamālī mahatā mahāyaśāḥ; śarāsanenāsya śarān anīkajit hayapravekottamanāgadhūrgatān; kurupravīrān iṣubhir nyapātayat
Sanskrit only: no published translation is held for this verse.
गदाश् च गुर्वीः परिघान् अयस्मयान्; असींश् च शक्तीश् च रणे नराधिपाः महान्ति शस्त्राणि च भीमदर्शनाः; प्रगृह्य पार्थं सहसाभिदुद्रुवुः
gadāś ca gurvīḥ parighān ayasmayān; asīṃś ca śaktīś ca raṇe narādhipāḥ mahānti śastrāṇi ca bhīmadarśanāḥ; pragṛhya pārthaṃ sahasābhidudruvuḥ
Sanskrit only: no published translation is held for this verse.
स तान् उदीर्णान् सरथाश्ववारणान्; पदातिसंघांश् च महाधनुर्धरः विपन्नसर्वायुधजीवितान् रणे; चकार वीरो यमराष्ट्रवर्धनान्
sa tān udīrṇān sarathāśvavāraṇān; padātisaṃghāṃś ca mahādhanurdharaḥ vipannasarvāyudhajīvitān raṇe; cakāra vīro yamarāṣṭravardhanān
Sanskrit only: no published translation is held for this verse.