Library·Mahābhārata (critical edition)·7·7.128
संजय उवाच तद् उदीर्णगजाश्वौघं बलं तव जनाधिप पाण्डुसेनाम् अभिद्रुत्य योधयाम् आस सर्वतः
saṃjaya uvāca tad udīrṇagajāśvaughaṃ balaṃ tava janādhipa pāṇḍusenām abhidrutya yodhayām āsa sarvataḥ
Sanskrit only: no published translation is held for this verse.
पाञ्चालाः कुरवश् चैव योधयन्तः परस्परम् यमराष्ट्राय महते परलोकाय दीक्षिताः
pāñcālāḥ kuravaś caiva yodhayantaḥ parasparam yamarāṣṭrāya mahate paralokāya dīkṣitāḥ
Sanskrit only: no published translation is held for this verse.
शूराः शूरैः समागम्य शरतोमरशक्तिभिः विव्यधुः समरे तूर्णं निन्युश् चैव यमक्षयम्
śūrāḥ śūraiḥ samāgamya śaratomaraśaktibhiḥ vivyadhuḥ samare tūrṇaṃ ninyuś caiva yamakṣayam
Sanskrit only: no published translation is held for this verse.
रथिनां रथिभिः सार्धं रुधिरस्रावि दारुणम् प्रावर्तत महद् युद्धं निघ्नताम् इतरेतरम्
rathināṃ rathibhiḥ sārdhaṃ rudhirasrāvi dāruṇam prāvartata mahad yuddhaṃ nighnatām itaretaram
Sanskrit only: no published translation is held for this verse.
वारणाश् च महाराज समासाद्य परस्परम् विषाणैर् दारयाम् आसुः संक्रुद्धाश् च मदोत्कटाः
vāraṇāś ca mahārāja samāsādya parasparam viṣāṇair dārayām āsuḥ saṃkruddhāś ca madotkaṭāḥ
Sanskrit only: no published translation is held for this verse.
हयारोहान् हयारोहाः प्रासशक्तिपरश्वधैः बिभिदुस् तुमुले युद्धे प्रार्थयन्तो महद् यशः
hayārohān hayārohāḥ prāsaśaktiparaśvadhaiḥ bibhidus tumule yuddhe prārthayanto mahad yaśaḥ
Sanskrit only: no published translation is held for this verse.
पत्तयश् च महाबाहो शतशः शस्त्रपाणयः अन्योन्यम् आर्दयन् राजन् नित्ययत्ताः पराक्रमे
pattayaś ca mahābāho śataśaḥ śastrapāṇayaḥ anyonyam ārdayan rājan nityayattāḥ parākrame
Sanskrit only: no published translation is held for this verse.
गोत्राणां नामधेयानां कुलानां चैव मारिष श्रवणाद् धि विजानीमः पाञ्चालान् कुरुभिः सह
gotrāṇāṃ nāmadheyānāṃ kulānāṃ caiva māriṣa śravaṇād dhi vijānīmaḥ pāñcālān kurubhiḥ saha
Sanskrit only: no published translation is held for this verse.
अन्योन्यं समरे योधाः शरशक्तिपरश्वधैः प्रेषयन् परलोकाय विचरन्तो ह्य् अभीतवत्
anyonyaṃ samare yodhāḥ śaraśaktiparaśvadhaiḥ preṣayan paralokāya vicaranto hy abhītavat
Sanskrit only: no published translation is held for this verse.
शरैर् दश दिशो राजंस् तेषां मुक्तैः सहस्रशः न भ्राजन्त यथापूर्वं भास्करे ऽस्तं गते ऽपि च
śarair daśa diśo rājaṃs teṣāṃ muktaiḥ sahasraśaḥ na bhrājanta yathāpūrvaṃ bhāskare 'staṃ gate 'pi ca
Sanskrit only: no published translation is held for this verse.
तथा प्रयुध्यमानेषु पाण्डवेयेषु निर्भयः दुर्योधनो महाराज व्यवगाहत तद् बलम्
tathā prayudhyamāneṣu pāṇḍaveyeṣu nirbhayaḥ duryodhano mahārāja vyavagāhata tad balam
Sanskrit only: no published translation is held for this verse.
सैन्धवस्य वधेनैव भृशं दुःखसमन्वितः मर्तव्यम् इति संचिन्त्य प्राविशत् तु द्विषद्बलम्
saindhavasya vadhenaiva bhṛśaṃ duḥkhasamanvitaḥ martavyam iti saṃcintya prāviśat tu dviṣadbalam
Sanskrit only: no published translation is held for this verse.
नादयन् रथघोषेण कम्पयन्न् इव मेदिनीम् अभ्यवर्तत पुत्रस् ते पाण्डवानाम् अनीकिनीम्
nādayan rathaghoṣeṇa kampayann iva medinīm abhyavartata putras te pāṇḍavānām anīkinīm
Sanskrit only: no published translation is held for this verse.
स संनिपातस् तुमुलस् तस्य तेषां च भारत अभवत् सर्वसैन्यानाम् अभावकरणो महान्
sa saṃnipātas tumulas tasya teṣāṃ ca bhārata abhavat sarvasainyānām abhāvakaraṇo mahān
Sanskrit only: no published translation is held for this verse.
मध्यंदिनगतं सूर्यं प्रतपन्तं गभस्तिभिः तथा तव सुतं मध्ये प्रतपन्तं शरोर्मिभिः
madhyaṃdinagataṃ sūryaṃ pratapantaṃ gabhastibhiḥ tathā tava sutaṃ madhye pratapantaṃ śarormibhiḥ
Sanskrit only: no published translation is held for this verse.
न शेकुर् भारतं युद्धे पाण्डवाः समवेक्षितुम् पलायने कृतोत्साहा निरुत्साहा द्विषज्जये
na śekur bhārataṃ yuddhe pāṇḍavāḥ samavekṣitum palāyane kṛtotsāhā nirutsāhā dviṣajjaye
Sanskrit only: no published translation is held for this verse.
पर्यधावन्त पाञ्चाला वध्यमाना महात्मना रुक्मपुङ्खैः प्रसन्नाग्रैस् तव पुत्रेण धन्विना अर्द्यमानाः शरैस् तूर्णं न्यपतन् पाण्डुसैनिकाः
paryadhāvanta pāñcālā vadhyamānā mahātmanā rukmapuṅkhaiḥ prasannāgrais tava putreṇa dhanvinā ardyamānāḥ śarais tūrṇaṃ nyapatan pāṇḍusainikāḥ
Sanskrit only: no published translation is held for this verse.
न तादृशं रणे कर्म कृतवन्तस् तु तावकाः यादृशं कृतवान् राजा पुत्रस् तव विशां पते
na tādṛśaṃ raṇe karma kṛtavantas tu tāvakāḥ yādṛśaṃ kṛtavān rājā putras tava viśāṃ pate
Sanskrit only: no published translation is held for this verse.
पुत्रेण तव सा सेना पाण्डवी मथिता रणे नलिनी द्विरदेनेव समन्तात् फुल्लपङ्कजा
putreṇa tava sā senā pāṇḍavī mathitā raṇe nalinī dviradeneva samantāt phullapaṅkajā
Sanskrit only: no published translation is held for this verse.
क्षीणतोयानिलार्काभ्यां हतत्विड् इव पद्मिनी बभूव पाण्डवी सेना तव पुत्रस्य तेजसा
kṣīṇatoyānilārkābhyāṃ hatatviḍ iva padminī babhūva pāṇḍavī senā tava putrasya tejasā
Sanskrit only: no published translation is held for this verse.
पाण्डुसेनां हतां दृष्ट्वा तव पुत्रेण भारत भीमसेनपुरोगास् तु पाञ्चालाः समुपाद्रवन्
pāṇḍusenāṃ hatāṃ dṛṣṭvā tava putreṇa bhārata bhīmasenapurogās tu pāñcālāḥ samupādravan
Sanskrit only: no published translation is held for this verse.
स भीमसेनं दशभिर् माद्रीपुत्रौ त्रिभिस् त्रिभिः विराटद्रुपदौ षड्भिः शतेन च शिखण्डिनम्
sa bhīmasenaṃ daśabhir mādrīputrau tribhis tribhiḥ virāṭadrupadau ṣaḍbhiḥ śatena ca śikhaṇḍinam
Sanskrit only: no published translation is held for this verse.
धृष्टद्युम्नं च सप्तत्या धर्मपुत्रं च सप्तभिः केकयांश् चैव चेदींश् च बहुभिर् निशितैः शरैः
dhṛṣṭadyumnaṃ ca saptatyā dharmaputraṃ ca saptabhiḥ kekayāṃś caiva cedīṃś ca bahubhir niśitaiḥ śaraiḥ
Sanskrit only: no published translation is held for this verse.
सात्वतं पञ्चभिर् विद्ध्वा द्रौपदेयांस् त्रिभिस् त्रिभिः घटोत्कचं च समरे विद्ध्वा सिंह इवानदत्
sātvataṃ pañcabhir viddhvā draupadeyāṃs tribhis tribhiḥ ghaṭotkacaṃ ca samare viddhvā siṃha ivānadat
Sanskrit only: no published translation is held for this verse.
शतशश् चापरान् योधान् सद्विपाश्वरथान् रणे शरैर् अवचकर्तोग्रैः क्रुद्धो ऽन्तक इव प्रजाः
śataśaś cāparān yodhān sadvipāśvarathān raṇe śarair avacakartograiḥ kruddho 'ntaka iva prajāḥ
Sanskrit only: no published translation is held for this verse.
तस्य तान् निघ्नतः शत्रून् रुक्मपृष्ठं महद् धनुः भल्लाभ्यां पाण्डवो ज्येष्ठस् त्रिधा चिच्छेद मारिष
tasya tān nighnataḥ śatrūn rukmapṛṣṭhaṃ mahad dhanuḥ bhallābhyāṃ pāṇḍavo jyeṣṭhas tridhā ciccheda māriṣa
Sanskrit only: no published translation is held for this verse.
विव्याध चैनं दशभिः सम्यगस्तैः शितैः शरैः मर्माणि भित्त्वा ते सर्वे संभग्नाः क्षितिम् आविशन्
vivyādha cainaṃ daśabhiḥ samyagastaiḥ śitaiḥ śaraiḥ marmāṇi bhittvā te sarve saṃbhagnāḥ kṣitim āviśan
Sanskrit only: no published translation is held for this verse.
ततः प्रमुदिता योधाः परिवव्रुर् युधिष्ठिरम् वृत्रहत्यै यथा देवाः परिवव्रुः पुरंदरम्
tataḥ pramuditā yodhāḥ parivavrur yudhiṣṭhiram vṛtrahatyai yathā devāḥ parivavruḥ puraṃdaram
Sanskrit only: no published translation is held for this verse.
ततो युधिष्ठिरो राजा तव पुत्रस्य मारिष शरं परमदुर्वारं प्रेषयाम् आस संयुगे स तेन भृशसंविद्धो निषसाद रथोत्तमे
tato yudhiṣṭhiro rājā tava putrasya māriṣa śaraṃ paramadurvāraṃ preṣayām āsa saṃyuge sa tena bhṛśasaṃviddho niṣasāda rathottame
Sanskrit only: no published translation is held for this verse.
ततः पाञ्चालसैन्यानां भृशम् आसीद् रवो महान् हतो राजेति राजेन्द्र मुदितानां समन्ततः
tataḥ pāñcālasainyānāṃ bhṛśam āsīd ravo mahān hato rājeti rājendra muditānāṃ samantataḥ
Sanskrit only: no published translation is held for this verse.
बाणशब्दरवश् चोग्रः शुश्रुवे तत्र मारिष अथ द्रोणो द्रुतं तत्र प्रत्यदृश्यत संयुगे
bāṇaśabdaravaś cograḥ śuśruve tatra māriṣa atha droṇo drutaṃ tatra pratyadṛśyata saṃyuge
Sanskrit only: no published translation is held for this verse.
हृष्टो दुर्योधनश् चापि दृढम् आदाय कार्मुकम् तिष्ठ तिष्ठेति राजानं ब्रुवन् पाण्डवम् अभ्ययात्
hṛṣṭo duryodhanaś cāpi dṛḍham ādāya kārmukam tiṣṭha tiṣṭheti rājānaṃ bruvan pāṇḍavam abhyayāt
Sanskrit only: no published translation is held for this verse.
प्रत्युद्ययुस् तं त्वरिताः पाञ्चाला राजगृद्धिनः तान् द्रोणः प्रतिजग्राह परीप्सन् कुरुसत्तमम् चण्डवातोद्धतान् मेघान् निघ्नन् रश्मिमुचो यथा
pratyudyayus taṃ tvaritāḥ pāñcālā rājagṛddhinaḥ tān droṇaḥ pratijagrāha parīpsan kurusattamam caṇḍavātoddhatān meghān nighnan raśmimuco yathā
Sanskrit only: no published translation is held for this verse.
ततो राजन् महान् आसीत् संग्रामो भूरिवर्धनः तावकानां परेषां च समेतानां युयुत्सया
tato rājan mahān āsīt saṃgrāmo bhūrivardhanaḥ tāvakānāṃ pareṣāṃ ca sametānāṃ yuyutsayā
Sanskrit only: no published translation is held for this verse.