Library·Mahābhārata (critical edition)·7·7.134
संजय उवाच तथा परुषितं दृष्ट्वा सूतपुत्रेण मातुलम् खड्गम् उद्यम्य वेगेन द्रौणिर् अभ्यपतद् द्रुतम्
saṃjaya uvāca tathā paruṣitaṃ dṛṣṭvā sūtaputreṇa mātulam khaḍgam udyamya vegena drauṇir abhyapatad drutam
Sanskrit only: no published translation is held for this verse.
अश्वत्थामोवाच कर्ण पश्य सुदुर्बुद्धे तिष्ठेदानीं नराधम एष ते ऽद्य शिरः कायाद् उद्धरामि सुदुर्मते
aśvatthāmovāca karṇa paśya sudurbuddhe tiṣṭhedānīṃ narādhama eṣa te 'dya śiraḥ kāyād uddharāmi sudurmate
Sanskrit only: no published translation is held for this verse.
संजय उवाच तम् उत्पतन्तं वेगेन राजा दुर्योधनः स्वयम् न्यवारयन् महाराज कृपश् च द्विपदां वरः
saṃjaya uvāca tam utpatantaṃ vegena rājā duryodhanaḥ svayam nyavārayan mahārāja kṛpaś ca dvipadāṃ varaḥ
Sanskrit only: no published translation is held for this verse.
कर्ण उवाच शूरो ऽयं समरश्लाघी दुर्मतिश् च द्विजाधमः आसादयतु मद्वीर्यं मुञ्चेमं कुरुसत्तम
karṇa uvāca śūro 'yaṃ samaraślāghī durmatiś ca dvijādhamaḥ āsādayatu madvīryaṃ muñcemaṃ kurusattama
Sanskrit only: no published translation is held for this verse.
अश्वत्थामोवाच तवैतत् क्षम्यते ऽस्माभिः सूतात्मज सुदुर्मते दर्पम् उत्सिक्तम् एतत् ते फल्गुनो नाशयिष्यति
aśvatthāmovāca tavaitat kṣamyate 'smābhiḥ sūtātmaja sudurmate darpam utsiktam etat te phalguno nāśayiṣyati
Sanskrit only: no published translation is held for this verse.
दुर्योधन उवाच अश्वत्थामन् प्रसीदस्व क्षन्तुम् अर्हसि मानद कोपः खलु न कर्तव्यः सूतपुत्रे कथं चन
duryodhana uvāca aśvatthāman prasīdasva kṣantum arhasi mānada kopaḥ khalu na kartavyaḥ sūtaputre kathaṃ cana
Sanskrit only: no published translation is held for this verse.
त्वयि कर्णे कृपे द्रोणे मद्रराजे ऽथ सौबले महत् कार्यं समायत्तं प्रसीद द्विजसत्तम
tvayi karṇe kṛpe droṇe madrarāje 'tha saubale mahat kāryaṃ samāyattaṃ prasīda dvijasattama
Sanskrit only: no published translation is held for this verse.
एते ह्य् अभिमुखाः सर्वे राधेयेन युयुत्सवः आयान्ति पाण्डवा ब्रह्मन्न् आह्वयन्तः समन्ततः
ete hy abhimukhāḥ sarve rādheyena yuyutsavaḥ āyānti pāṇḍavā brahmann āhvayantaḥ samantataḥ
Sanskrit only: no published translation is held for this verse.
संजय उवाच कर्णो ऽपि रथिनां श्रेष्ठश् चापम् उद्यम्य वीर्यवान् कौरवाग्र्यैः परिवृतः शक्रो देवगणैर् इव पर्यतिष्ठत तेजस्वी स्वबाहुबलम् आश्रितः
saṃjaya uvāca karṇo 'pi rathināṃ śreṣṭhaś cāpam udyamya vīryavān kauravāgryaiḥ parivṛtaḥ śakro devagaṇair iva paryatiṣṭhata tejasvī svabāhubalam āśritaḥ
Sanskrit only: no published translation is held for this verse.
ततः प्रववृते युद्धं कर्णस्य सह पाण्डवैः संरब्धस्य महाराज सिंहनादविनादितम्
tataḥ pravavṛte yuddhaṃ karṇasya saha pāṇḍavaiḥ saṃrabdhasya mahārāja siṃhanādavināditam
Sanskrit only: no published translation is held for this verse.
ततस् ते पाण्डवा राजन् पाञ्चालाश् च यशस्विनः दृष्ट्वा कर्णं महाबाहुम् उच्चैः शब्दम् अथानदन्
tatas te pāṇḍavā rājan pāñcālāś ca yaśasvinaḥ dṛṣṭvā karṇaṃ mahābāhum uccaiḥ śabdam athānadan
Sanskrit only: no published translation is held for this verse.
अयं कर्णः कुतः कर्णस् तिष्ठ कर्ण महारणे युध्यस्व सहितो ऽस्माभिर् दुरात्मन् पुरुषाधम
ayaṃ karṇaḥ kutaḥ karṇas tiṣṭha karṇa mahāraṇe yudhyasva sahito 'smābhir durātman puruṣādhama
Sanskrit only: no published translation is held for this verse.
अन्ये तु दृष्ट्वा राधेयं क्रोधरक्तेक्षणाब्रुवन् हन्यताम् अयम् उत्सिक्तः सूतपुत्रो ऽल्पचेतनः
anye tu dṛṣṭvā rādheyaṃ krodharaktekṣaṇābruvan hanyatām ayam utsiktaḥ sūtaputro 'lpacetanaḥ
Sanskrit only: no published translation is held for this verse.
सर्वैः पार्थिवशार्दूलैर् नानेनार्थो ऽस्ति जीवता अत्यन्तवैरी पार्थानां सततं पापपूरुषः
sarvaiḥ pārthivaśārdūlair nānenārtho 'sti jīvatā atyantavairī pārthānāṃ satataṃ pāpapūruṣaḥ
Sanskrit only: no published translation is held for this verse.
एष मूलं ह्य् अनर्थानां दुर्योधनमते स्थितः हतैनम् इति जल्पन्तः क्षत्रियाः समुपाद्रवन्
eṣa mūlaṃ hy anarthānāṃ duryodhanamate sthitaḥ hatainam iti jalpantaḥ kṣatriyāḥ samupādravan
Sanskrit only: no published translation is held for this verse.
महता शरवर्षेण छादयन्तो महारथाः वधार्थं सूतपुत्रस्य पाण्डवेयेन चोदिताः
mahatā śaravarṣeṇa chādayanto mahārathāḥ vadhārthaṃ sūtaputrasya pāṇḍaveyena coditāḥ
Sanskrit only: no published translation is held for this verse.
तांस् तु सर्वांस् तथा दृष्ट्वा धावमानान् महारथान् न विव्यथे सूतपुत्रो न च त्रासम् अगच्छत
tāṃs tu sarvāṃs tathā dṛṣṭvā dhāvamānān mahārathān na vivyathe sūtaputro na ca trāsam agacchata
Sanskrit only: no published translation is held for this verse.
दृष्ट्वा नगरकल्पं तम् उद्धूतं सैन्यसागरम् पिप्रीषुस् तव पुत्राणां संग्रामेष्व् अपराजितः
dṛṣṭvā nagarakalpaṃ tam uddhūtaṃ sainyasāgaram piprīṣus tava putrāṇāṃ saṃgrāmeṣv aparājitaḥ
Sanskrit only: no published translation is held for this verse.
सायकौघेन बलवान् क्षिप्रकारी महाबलः वारयाम् आस तत् सैन्यं समन्ताद् भरतर्षभ
sāyakaughena balavān kṣiprakārī mahābalaḥ vārayām āsa tat sainyaṃ samantād bharatarṣabha
Sanskrit only: no published translation is held for this verse.
ततस् तु शरवर्षेण पार्थिवास् तम् अवारयन् धनूंषि ते विधुन्वानाः शतशो ऽथ सहस्रशः अयोधयन्त राधेयं शक्रं दैत्यगणा इव
tatas tu śaravarṣeṇa pārthivās tam avārayan dhanūṃṣi te vidhunvānāḥ śataśo 'tha sahasraśaḥ ayodhayanta rādheyaṃ śakraṃ daityagaṇā iva
Sanskrit only: no published translation is held for this verse.
शरवर्षं तु तत् कर्णः पार्थिवैः समुदीरितम् शरवर्षेण महता समन्ताद् व्यकिरत् प्रभो
śaravarṣaṃ tu tat karṇaḥ pārthivaiḥ samudīritam śaravarṣeṇa mahatā samantād vyakirat prabho
Sanskrit only: no published translation is held for this verse.
तद् युद्धम् अभवत् तेषां कृतप्रतिकृतैषिणाम् यथा देवासुरे युद्धे शक्रस्य सह दानवैः
tad yuddham abhavat teṣāṃ kṛtapratikṛtaiṣiṇām yathā devāsure yuddhe śakrasya saha dānavaiḥ
Sanskrit only: no published translation is held for this verse.
तत्राद्भुतम् अपश्याम सूतपुत्रस्य लाघवम् यद् एनं समरे यत्ता नाप्नुवन्त परे युधि
tatrādbhutam apaśyāma sūtaputrasya lāghavam yad enaṃ samare yattā nāpnuvanta pare yudhi
Sanskrit only: no published translation is held for this verse.
निवार्य च शरौघांस् तान् पार्थिवानां महारथः युगेष्व् ईषासु छत्रेषु ध्वजेषु च हयेषु च आत्मनामाङ्कितान् बाणान् राधेयः प्राहिणोच् छितान्
nivārya ca śaraughāṃs tān pārthivānāṃ mahārathaḥ yugeṣv īṣāsu chatreṣu dhvajeṣu ca hayeṣu ca ātmanāmāṅkitān bāṇān rādheyaḥ prāhiṇoc chitān
Sanskrit only: no published translation is held for this verse.
ततस् ते व्याकुलीभूता राजानः कर्णपीडिताः बभ्रमुस् तत्र तत्रैव गावः शीतार्दिता इव
tatas te vyākulībhūtā rājānaḥ karṇapīḍitāḥ babhramus tatra tatraiva gāvaḥ śītārditā iva
Sanskrit only: no published translation is held for this verse.
हयानां वध्यमानानां गजानां रथिनां तथा तत्र तत्राभ्यवेक्षामः संघान् कर्णेन पातितान्
hayānāṃ vadhyamānānāṃ gajānāṃ rathināṃ tathā tatra tatrābhyavekṣāmaḥ saṃghān karṇena pātitān
Sanskrit only: no published translation is held for this verse.
शिरोभिः पतितै राजन् बाहुभिश् च समन्ततः आस्तीर्णा वसुधा सर्वा शूराणाम् अनिवर्तिनाम्
śirobhiḥ patitai rājan bāhubhiś ca samantataḥ āstīrṇā vasudhā sarvā śūrāṇām anivartinām
Sanskrit only: no published translation is held for this verse.
हतैश् च हन्यमानैश् च निष्टनद्भिश् च सर्वशः बभूवायोधनं रौद्रं वैवस्वतपुरोपमम्
hataiś ca hanyamānaiś ca niṣṭanadbhiś ca sarvaśaḥ babhūvāyodhanaṃ raudraṃ vaivasvatapuropamam
Sanskrit only: no published translation is held for this verse.
ततो दुर्योधनो राजा दृष्ट्वा कर्णस्य विक्रमम् अश्वत्थामानम् आसाद्य तदा वाक्यम् उवाच ह
tato duryodhano rājā dṛṣṭvā karṇasya vikramam aśvatthāmānam āsādya tadā vākyam uvāca ha
Sanskrit only: no published translation is held for this verse.
युध्यते ऽसौ रणे कर्णो दंशितः सर्वपार्थिवैः पश्यैतां द्रवतीं सेनां कर्णसायकपीडिताम् कार्त्तिकेयेन विध्वस्ताम् आसुरीं पृतनाम् इव
yudhyate 'sau raṇe karṇo daṃśitaḥ sarvapārthivaiḥ paśyaitāṃ dravatīṃ senāṃ karṇasāyakapīḍitām kārttikeyena vidhvastām āsurīṃ pṛtanām iva
Sanskrit only: no published translation is held for this verse.
दृष्ट्वैतां निर्जितां सेनां रणे कर्णेन धीमता अभियात्य् एष बीभत्सुः सूतपुत्रजिघांसया
dṛṣṭvaitāṃ nirjitāṃ senāṃ raṇe karṇena dhīmatā abhiyāty eṣa bībhatsuḥ sūtaputrajighāṃsayā
Sanskrit only: no published translation is held for this verse.
तद् यथा पश्यमानानां सूतपुत्रं महारथम् न हन्यात् पाण्डवः संख्ये तथा नीतिर् विधीयताम्
tad yathā paśyamānānāṃ sūtaputraṃ mahāratham na hanyāt pāṇḍavaḥ saṃkhye tathā nītir vidhīyatām
Sanskrit only: no published translation is held for this verse.
ततो द्रौणिः कृपः शल्यो हार्दिक्यश् च महारथः प्रत्युद्ययुस् तदा पार्थं सूतपुत्रपरीप्सया
tato drauṇiḥ kṛpaḥ śalyo hārdikyaś ca mahārathaḥ pratyudyayus tadā pārthaṃ sūtaputraparīpsayā
Sanskrit only: no published translation is held for this verse.
आयान्तं दृश्य कौन्तेयं वृत्रं देवचमूम् इव प्रत्युद्ययौ तदा कर्णो यथा शक्रः प्रतापवान्
āyāntaṃ dṛśya kaunteyaṃ vṛtraṃ devacamūm iva pratyudyayau tadā karṇo yathā śakraḥ pratāpavān
Sanskrit only: no published translation is held for this verse.
धृतराष्ट्र उवाच संरब्धं फल्गुनं दृष्ट्वा कालान्तकयमोपमम् कर्णो वैकर्तनः सूत प्रत्यपद्यत् किम् उत्तरम्
dhṛtarāṣṭra uvāca saṃrabdhaṃ phalgunaṃ dṛṣṭvā kālāntakayamopamam karṇo vaikartanaḥ sūta pratyapadyat kim uttaram
Sanskrit only: no published translation is held for this verse.
स ह्य् अस्पर्धत पार्थेन नित्यम् एव महारथः आशंसते च बीभत्सुं युद्धे जेतुं सुदारुणे
sa hy aspardhata pārthena nityam eva mahārathaḥ āśaṃsate ca bībhatsuṃ yuddhe jetuṃ sudāruṇe
Sanskrit only: no published translation is held for this verse.
स तु तं सहसा प्राप्तं नित्यम् अत्यन्तवैरिणम् कर्णो वैकर्तनः सूत किम् उत्तरम् अपद्यत
sa tu taṃ sahasā prāptaṃ nityam atyantavairiṇam karṇo vaikartanaḥ sūta kim uttaram apadyata
Sanskrit only: no published translation is held for this verse.
संजय उवाच आयान्तं पाण्डवं दृष्ट्वा गजः प्रतिगजं यथा असंभ्रान्ततरः कर्णः पर्त्युदीयाद् धनंजयम्
saṃjaya uvāca āyāntaṃ pāṇḍavaṃ dṛṣṭvā gajaḥ pratigajaṃ yathā asaṃbhrāntataraḥ karṇaḥ partyudīyād dhanaṃjayam
Sanskrit only: no published translation is held for this verse.
तम् आपतन्तं वेगेन वैकर्तनम् अजिह्मगैः वारयाम् आस तेजस्वी पाण्डवः शत्रुतापनः
tam āpatantaṃ vegena vaikartanam ajihmagaiḥ vārayām āsa tejasvī pāṇḍavaḥ śatrutāpanaḥ
Sanskrit only: no published translation is held for this verse.
तं कर्णः शरजालेन छादयाम् आस मारिष विव्याध च सुसंक्रुद्धः शरैस् त्रिभिर् अजिह्मगैः
taṃ karṇaḥ śarajālena chādayām āsa māriṣa vivyādha ca susaṃkruddhaḥ śarais tribhir ajihmagaiḥ
Sanskrit only: no published translation is held for this verse.
तस्य तल् लाघवं पार्थो नामृष्यत महाबलः तस्मै बाणाञ् शिलाधौतान् प्रसन्नाग्रान् अजिह्मगान्
tasya tal lāghavaṃ pārtho nāmṛṣyata mahābalaḥ tasmai bāṇāñ śilādhautān prasannāgrān ajihmagān
Sanskrit only: no published translation is held for this verse.
प्राहिणोत् सूतपुत्राय त्रिंशतं शत्रुतापनः विव्याध चैनं संरब्धो बाणेनैकेन वीर्यवान्
prāhiṇot sūtaputrāya triṃśataṃ śatrutāpanaḥ vivyādha cainaṃ saṃrabdho bāṇenaikena vīryavān
Sanskrit only: no published translation is held for this verse.
सव्ये भुजाग्रे बलवान् नाराचेन हसन्न् इव तस्य विद्धस्य वेगेन कराच् चापं पपात ह
savye bhujāgre balavān nārācena hasann iva tasya viddhasya vegena karāc cāpaṃ papāta ha
Sanskrit only: no published translation is held for this verse.
पुनर् आदाय तच् चापं निमेषार्धान् महाबलः छादयाम् आस बाणौघैः फल्गुनं कृतहस्तवत्
punar ādāya tac cāpaṃ nimeṣārdhān mahābalaḥ chādayām āsa bāṇaughaiḥ phalgunaṃ kṛtahastavat
Sanskrit only: no published translation is held for this verse.
शरवृष्टिं तु तां मुक्तां सूतपुत्रेण भारत व्यधमच् छरवर्षेण स्मयन्न् इव धनंजयः
śaravṛṣṭiṃ tu tāṃ muktāṃ sūtaputreṇa bhārata vyadhamac charavarṣeṇa smayann iva dhanaṃjayaḥ
Sanskrit only: no published translation is held for this verse.
तौ परस्परम् आसाद्य शरवर्षेण पार्थिव छादयेतां महेष्वासौ कृतप्रतिकृतैषिणौ
tau parasparam āsādya śaravarṣeṇa pārthiva chādayetāṃ maheṣvāsau kṛtapratikṛtaiṣiṇau
Sanskrit only: no published translation is held for this verse.
तद् अद्भुतम् अभूद् युद्धं कर्णपाण्डवयोर् मृधे क्रुद्धयोर् वाशिताहेतोर् वन्ययोर् गजयोर् इव
tad adbhutam abhūd yuddhaṃ karṇapāṇḍavayor mṛdhe kruddhayor vāśitāhetor vanyayor gajayor iva
Sanskrit only: no published translation is held for this verse.
ततः पार्थो महेष्वासो दृष्ट्वा कर्णस्य विक्रमम् मुष्टिदेशे धनुस् तस्य चिच्छेद त्वरयान्वितः
tataḥ pārtho maheṣvāso dṛṣṭvā karṇasya vikramam muṣṭideśe dhanus tasya ciccheda tvarayānvitaḥ
Sanskrit only: no published translation is held for this verse.
अश्वांश् च चतुरो भल्लैर् अनयद् यमसादनम् सारथेश् च शिरः कायाद् अहरच् छत्रुतापनः
aśvāṃś ca caturo bhallair anayad yamasādanam sāratheś ca śiraḥ kāyād aharac chatrutāpanaḥ
Sanskrit only: no published translation is held for this verse.
अथैनं छिन्नधन्वानं हताश्वं हतसारथिम् विव्याध सायकैः पार्थश् चतुर्भिः पाण्डुनन्दनः
athainaṃ chinnadhanvānaṃ hatāśvaṃ hatasārathim vivyādha sāyakaiḥ pārthaś caturbhiḥ pāṇḍunandanaḥ
Sanskrit only: no published translation is held for this verse.
हताश्वात् तु रथात् तूर्णम् अवप्लुत्य नरर्षभः आरुरोह रथं तूर्णं कृपस्य शरपीडितः
hatāśvāt tu rathāt tūrṇam avaplutya nararṣabhaḥ āruroha rathaṃ tūrṇaṃ kṛpasya śarapīḍitaḥ
Sanskrit only: no published translation is held for this verse.
राधेयं निर्जितं दृष्ट्वा तावका भरतर्षभ धनंजयशरैर् नुन्नाः प्राद्रवन्त दिशो दश
rādheyaṃ nirjitaṃ dṛṣṭvā tāvakā bharatarṣabha dhanaṃjayaśarair nunnāḥ prādravanta diśo daśa
Sanskrit only: no published translation is held for this verse.
द्रवतस् तान् समालोक्य राजा दुर्योधनो नृप निवर्तयाम् आस तदा वाक्यं चेदम् उवाच ह
dravatas tān samālokya rājā duryodhano nṛpa nivartayām āsa tadā vākyaṃ cedam uvāca ha
Sanskrit only: no published translation is held for this verse.
अलं द्रुतेन वः शूरास् तिष्ठध्वं क्षत्रियर्षभाः एष पार्थवधायाहं स्वयं गच्छामि संयुगे अहं पार्थान् हनिष्यामि सपाञ्चालान् ससोमकान्
alaṃ drutena vaḥ śūrās tiṣṭhadhvaṃ kṣatriyarṣabhāḥ eṣa pārthavadhāyāhaṃ svayaṃ gacchāmi saṃyuge ahaṃ pārthān haniṣyāmi sapāñcālān sasomakān
Sanskrit only: no published translation is held for this verse.
अद्य मे युध्यमानस्य सह गाण्डीवधन्वना द्रक्ष्यन्ति विक्रमं पार्थाः कालस्येव युगक्षये
adya me yudhyamānasya saha gāṇḍīvadhanvanā drakṣyanti vikramaṃ pārthāḥ kālasyeva yugakṣaye
Sanskrit only: no published translation is held for this verse.
अद्य मद्बाणजालानि विमुक्तानि सहस्रशः द्रक्ष्यन्ति समरे योधाः शलभानाम् इवायतीः
adya madbāṇajālāni vimuktāni sahasraśaḥ drakṣyanti samare yodhāḥ śalabhānām ivāyatīḥ
Sanskrit only: no published translation is held for this verse.
अद्य बाणमयं वर्षं सृजतो मम धन्विनः जीमूतस्येव घर्मान्ते द्रक्ष्यन्ति युधि सैनिकाः
adya bāṇamayaṃ varṣaṃ sṛjato mama dhanvinaḥ jīmūtasyeva gharmānte drakṣyanti yudhi sainikāḥ
Sanskrit only: no published translation is held for this verse.
जेष्याम्य् अद्य रणे पार्थं सायकैर् नतपर्वभिः तिष्ठध्वं समरे शूरा भयं त्यजत फल्गुनात्
jeṣyāmy adya raṇe pārthaṃ sāyakair nataparvabhiḥ tiṣṭhadhvaṃ samare śūrā bhayaṃ tyajata phalgunāt
Sanskrit only: no published translation is held for this verse.
न हि मद्वीर्यम् आसाद्य फल्गुनः प्रसहिष्यति यथा वेलां समासाद्य सागरो मकरालयः
na hi madvīryam āsādya phalgunaḥ prasahiṣyati yathā velāṃ samāsādya sāgaro makarālayaḥ
Sanskrit only: no published translation is held for this verse.
इत्य् उक्त्वा प्रययौ राजा सैन्येन महता वृतः फल्गुनं प्रति दुर्धर्षः क्रोधसंरक्तलोचनः
ity uktvā prayayau rājā sainyena mahatā vṛtaḥ phalgunaṃ prati durdharṣaḥ krodhasaṃraktalocanaḥ
Sanskrit only: no published translation is held for this verse.
तं प्रयान्तं महाबाहुं दृष्ट्वा शारद्वतस् तदा अश्वत्थामानम् आसाद्य वाक्यम् एतद् उवाच ह
taṃ prayāntaṃ mahābāhuṃ dṛṣṭvā śāradvatas tadā aśvatthāmānam āsādya vākyam etad uvāca ha
Sanskrit only: no published translation is held for this verse.
एष राजा महाबाहुर् अमर्षी क्रोधमूर्छितः पतंगवृत्तिम् आस्थाय फल्गुनं योद्धुम् इच्छति
eṣa rājā mahābāhur amarṣī krodhamūrchitaḥ pataṃgavṛttim āsthāya phalgunaṃ yoddhum icchati
Sanskrit only: no published translation is held for this verse.
यावन् नः पश्यमानानां प्राणान् पार्थेन संगतः न जह्यात् पुरुषव्याघ्रस् तावद् वारय कौरवम्
yāvan naḥ paśyamānānāṃ prāṇān pārthena saṃgataḥ na jahyāt puruṣavyāghras tāvad vāraya kauravam
Sanskrit only: no published translation is held for this verse.
यावत् फल्गुनबाणानां गोचरं नाधिगच्छति कौरवः पार्थिवो वीरस् तावद् वारय तं द्रुतम्
yāvat phalgunabāṇānāṃ gocaraṃ nādhigacchati kauravaḥ pārthivo vīras tāvad vāraya taṃ drutam
Sanskrit only: no published translation is held for this verse.
यावत् पार्थशरैर् घोरैर् निर्मुक्तोरगसंनिभैः न भस्मीक्रियते राजा तावद् युद्धान् निवार्यताम्
yāvat pārthaśarair ghorair nirmuktoragasaṃnibhaiḥ na bhasmīkriyate rājā tāvad yuddhān nivāryatām
Sanskrit only: no published translation is held for this verse.
अयुक्तम् इव पश्यामि तिष्ठत्स्व् अस्मासु मानद स्वयं युद्धाय यद् राजा पार्थं यात्य् असहायवान्
ayuktam iva paśyāmi tiṣṭhatsv asmāsu mānada svayaṃ yuddhāya yad rājā pārthaṃ yāty asahāyavān
Sanskrit only: no published translation is held for this verse.
दुर्लभं जीवितं मन्ये कौरव्यस्य किरीटिना युध्यमानस्य पार्थेन शार्दूलेनेव हस्तिनः
durlabhaṃ jīvitaṃ manye kauravyasya kirīṭinā yudhyamānasya pārthena śārdūleneva hastinaḥ
Sanskrit only: no published translation is held for this verse.
मातुलेनैवम् उक्तस् तु द्रौणिः शस्त्रभृतां वरः दुर्योधनम् इदं वाक्यं त्वरितं समभाषत
mātulenaivam uktas tu drauṇiḥ śastrabhṛtāṃ varaḥ duryodhanam idaṃ vākyaṃ tvaritaṃ samabhāṣata
Sanskrit only: no published translation is held for this verse.
मयि जीवति गान्धारे न युद्धं गन्तुम् अर्हसि माम् अनादृत्य कौरव्य तव नित्यं हितैषिणम्
mayi jīvati gāndhāre na yuddhaṃ gantum arhasi mām anādṛtya kauravya tava nityaṃ hitaiṣiṇam
Sanskrit only: no published translation is held for this verse.
न हि ते संभ्रमः कार्यः पार्थस्य विजयं प्रति अहम् आवारयिष्यामि पार्थं तिष्ठ सुयोधन
na hi te saṃbhramaḥ kāryaḥ pārthasya vijayaṃ prati aham āvārayiṣyāmi pārthaṃ tiṣṭha suyodhana
Sanskrit only: no published translation is held for this verse.
दुर्योधन उवाच आचार्यः पाण्डुपुत्रान् वै पुत्रवत् परिरक्षति त्वम् अप्य् उपेक्षां कुरुषे तेषु नित्यं द्विजोत्तम
duryodhana uvāca ācāryaḥ pāṇḍuputrān vai putravat parirakṣati tvam apy upekṣāṃ kuruṣe teṣu nityaṃ dvijottama
Sanskrit only: no published translation is held for this verse.
मम वा मन्दभाग्यत्वान् मन्दस् ते विक्रमो युधि धर्मराजप्रियार्थं वा द्रौपद्या वा न विद्म तत्
mama vā mandabhāgyatvān mandas te vikramo yudhi dharmarājapriyārthaṃ vā draupadyā vā na vidma tat
Sanskrit only: no published translation is held for this verse.
धिग् अस्तु मम लुब्धस्य यत्कृते सर्वबान्धवाः सुखार्हाः परमं दुःखं प्राप्नुवन्त्य् अपराजिताः
dhig astu mama lubdhasya yatkṛte sarvabāndhavāḥ sukhārhāḥ paramaṃ duḥkhaṃ prāpnuvanty aparājitāḥ
Sanskrit only: no published translation is held for this verse.
को हि शस्त्रभृतां मुख्यो महेश्वरसमो युधि शत्रून् न क्षपयेच् छक्तो यो न स्याद् गौतमीसुतः
ko hi śastrabhṛtāṃ mukhyo maheśvarasamo yudhi śatrūn na kṣapayec chakto yo na syād gautamīsutaḥ
Sanskrit only: no published translation is held for this verse.
अश्वत्थामन् प्रसीदस्व नाशयैतान् ममाहितान् तवास्त्रगोचरे शक्ताः स्थातुं देवापि नानघ
aśvatthāman prasīdasva nāśayaitān mamāhitān tavāstragocare śaktāḥ sthātuṃ devāpi nānagha
Sanskrit only: no published translation is held for this verse.
पाञ्चालान् सोमकांश् चैव जहि द्रौणे सहानुगान् वयं शेषान् हनिष्यामस् त्वयैव परिरक्षिताः
pāñcālān somakāṃś caiva jahi drauṇe sahānugān vayaṃ śeṣān haniṣyāmas tvayaiva parirakṣitāḥ
Sanskrit only: no published translation is held for this verse.
एते हि सोमका विप्र पाञ्चालाश् च यशस्विनः मम सैन्येषु संरब्धा विचरन्ति दवाग्निवत्
ete hi somakā vipra pāñcālāś ca yaśasvinaḥ mama sainyeṣu saṃrabdhā vicaranti davāgnivat
Sanskrit only: no published translation is held for this verse.
तान् वारय महाबाहो केकयांश् च नरोत्तम पुरा कुर्वन्ति निःशेषं रक्ष्यमाणाः किरीटिना
tān vāraya mahābāho kekayāṃś ca narottama purā kurvanti niḥśeṣaṃ rakṣyamāṇāḥ kirīṭinā
Sanskrit only: no published translation is held for this verse.
आदौ वा यदि वा पश्चात् तवेदं कर्म मारिष त्वम् उत्पन्नो महाबाहो पाञ्चालानां वधं प्रति
ādau vā yadi vā paścāt tavedaṃ karma māriṣa tvam utpanno mahābāho pāñcālānāṃ vadhaṃ prati
Sanskrit only: no published translation is held for this verse.
करिष्यसि जगत् सर्वम् अपाञ्चालं किलाच्युत एवं सिद्धाब्रुवन् वाचो भविष्यति च तत् तथा
kariṣyasi jagat sarvam apāñcālaṃ kilācyuta evaṃ siddhābruvan vāco bhaviṣyati ca tat tathā
Sanskrit only: no published translation is held for this verse.
न ते ऽस्त्रगोचरे शक्ताः स्थातुं देवाः सवासवाः किम् उ पार्थाः सपाञ्चालाः सत्यम् एतद् वचो मम
na te 'stragocare śaktāḥ sthātuṃ devāḥ savāsavāḥ kim u pārthāḥ sapāñcālāḥ satyam etad vaco mama
Sanskrit only: no published translation is held for this verse.