Mahābhārata (critical edition) 7.4

संजय उवाच तस्य लालप्यतः श्रुत्वा वृद्धः कुरुपितामहः देशकालोचितं वाक्यम् अब्रवीत् प्रीतमानसः

saṃjaya uvāca tasya lālapyataḥ śrutvā vṛddhaḥ kurupitāmahaḥ deśakālocitaṃ vākyam abravīt prītamānasaḥ

Sanskrit only: no published translation is held for this verse.

समुद्र इव सिन्धूनां ज्योतिषाम् इव भास्करः सत्यस्य च यथा सन्तो बीजानाम् इव चोर्वरा

samudra iva sindhūnāṃ jyotiṣām iva bhāskaraḥ satyasya ca yathā santo bījānām iva corvarā

Sanskrit only: no published translation is held for this verse.

पर्जन्य इव भूतानां प्रतिष्ठा सुहृदां भव बान्धवास् त्वानुजीवन्तु सहस्राक्षम् इवामराः

parjanya iva bhūtānāṃ pratiṣṭhā suhṛdāṃ bhava bāndhavās tvānujīvantu sahasrākṣam ivāmarāḥ

Sanskrit only: no published translation is held for this verse.

स्वबाहुबलवीर्येण धार्तराष्ट्रप्रियैषिणा कर्ण राजपुरं गत्वा काम्बोजा निहतास् त्वया

svabāhubalavīryeṇa dhārtarāṣṭrapriyaiṣiṇā karṇa rājapuraṃ gatvā kāmbojā nihatās tvayā

Sanskrit only: no published translation is held for this verse.

गिरिव्रजगताश् चापि नग्नजित्प्रमुखा नृपाः अम्बष्ठाश् च विदेहाश् च गान्धाराश् च जितास् त्वया

girivrajagatāś cāpi nagnajitpramukhā nṛpāḥ ambaṣṭhāś ca videhāś ca gāndhārāś ca jitās tvayā

Sanskrit only: no published translation is held for this verse.

हिमवद्दुर्गनिलयाः किराता रणकर्कशाः दुर्योधनस्य वशगाः कृताः कर्ण त्वया पुरा

himavaddurganilayāḥ kirātā raṇakarkaśāḥ duryodhanasya vaśagāḥ kṛtāḥ karṇa tvayā purā

Sanskrit only: no published translation is held for this verse.

तत्र तत्र च संग्रामे दुर्योधनहितैषिणा बहवश् च जिता वीरास् त्वया कर्ण महौजसा

tatra tatra ca saṃgrāme duryodhanahitaiṣiṇā bahavaś ca jitā vīrās tvayā karṇa mahaujasā

Sanskrit only: no published translation is held for this verse.

यथा दुर्योधनस् तात सज्ञातिकुलबान्धवः तथा त्वम् अपि सर्वेषां कौरवाणां गतिर् भव

yathā duryodhanas tāta sajñātikulabāndhavaḥ tathā tvam api sarveṣāṃ kauravāṇāṃ gatir bhava

Sanskrit only: no published translation is held for this verse.

शिवेनाभिवदामि त्वां गच्छ युध्यस्व शत्रुभिः अनुशाधि कुरून् संख्ये धत्स्व दुर्योधने जयम्

śivenābhivadāmi tvāṃ gaccha yudhyasva śatrubhiḥ anuśādhi kurūn saṃkhye dhatsva duryodhane jayam

Sanskrit only: no published translation is held for this verse.

भवान् पौत्रसमो ऽस्माकं यथा दुर्योधनस् तथा तवापि धर्मतः सर्वे यथा तस्य वयं तथा

bhavān pautrasamo 'smākaṃ yathā duryodhanas tathā tavāpi dharmataḥ sarve yathā tasya vayaṃ tathā

Sanskrit only: no published translation is held for this verse.

यौनात् संबन्धकाल् लोके विशिष्टं संगतं सताम् सद्भिः सह नरश्रेष्ठ प्रवदन्ति मनीषिणः

yaunāt saṃbandhakāl loke viśiṣṭaṃ saṃgataṃ satām sadbhiḥ saha naraśreṣṭha pravadanti manīṣiṇaḥ

Sanskrit only: no published translation is held for this verse.

स सत्यसंगरो भूत्वा ममेदम् इति निश्चितम् कुरूणां पालय बलं यथा दुर्योधनस् तथा

sa satyasaṃgaro bhūtvā mamedam iti niścitam kurūṇāṃ pālaya balaṃ yathā duryodhanas tathā

Sanskrit only: no published translation is held for this verse.

इति श्रुत्वा वचः सो ऽथ चरणाव् अभिवाद्य च ययौ वैकर्तनः कर्णस् तूर्णम् आयोधनं प्रति

iti śrutvā vacaḥ so 'tha caraṇāv abhivādya ca yayau vaikartanaḥ karṇas tūrṇam āyodhanaṃ prati

Sanskrit only: no published translation is held for this verse.

सो ऽभिवीक्ष्य नरौघाणां स्थानम् अप्रतिमं महत् व्यूढप्रहरणोरस्कं सैन्यं तत् समबृंहयत्

so 'bhivīkṣya naraughāṇāṃ sthānam apratimaṃ mahat vyūḍhapraharaṇoraskaṃ sainyaṃ tat samabṛṃhayat

Sanskrit only: no published translation is held for this verse.

कर्णं दृष्ट्वा महेष्वासं युद्धाय समवस्थितम् क्ष्वेडितास्फोटितरवैः सिंहनादरवैर् अपि धनुःशब्दैश् च विविधैः कुरवः समपूजयन्

karṇaṃ dṛṣṭvā maheṣvāsaṃ yuddhāya samavasthitam kṣveḍitāsphoṭitaravaiḥ siṃhanādaravair api dhanuḥśabdaiś ca vividhaiḥ kuravaḥ samapūjayan

Sanskrit only: no published translation is held for this verse.