Library·Mahābhārata (critical edition)·7·7.59
युधिष्ठिर उवाच सुखेन रजनी व्युष्टा कच्चित् ते मधुसूदन कच्चिज् ज्ञानानि सर्वाणि प्रसन्नानि तवाच्युत
yudhiṣṭhira uvāca sukhena rajanī vyuṣṭā kaccit te madhusūdana kaccij jñānāni sarvāṇi prasannāni tavācyuta
Sanskrit only: no published translation is held for this verse.
संजय उवाच वासुदेवो ऽपि तद् युक्तं पर्यपृच्छद् युधिष्ठिरम् ततः क्षत्ता प्रकृतयो न्यवेदयद् उपस्थिताः
saṃjaya uvāca vāsudevo 'pi tad yuktaṃ paryapṛcchad yudhiṣṭhiram tataḥ kṣattā prakṛtayo nyavedayad upasthitāḥ
Sanskrit only: no published translation is held for this verse.
अनुज्ञातश् च राज्ञा स प्रावेशयत तं जनम् विराटं भीमसेनं च धृष्टद्युम्नं च सात्यकिम्
anujñātaś ca rājñā sa prāveśayata taṃ janam virāṭaṃ bhīmasenaṃ ca dhṛṣṭadyumnaṃ ca sātyakim
Sanskrit only: no published translation is held for this verse.
शिखण्डिनं यमौ चैव चेकितानं च केकयान् युयुत्सुं चैव कौरव्यं पाञ्चाल्यं चोत्तमौजसम्
śikhaṇḍinaṃ yamau caiva cekitānaṃ ca kekayān yuyutsuṃ caiva kauravyaṃ pāñcālyaṃ cottamaujasam
Sanskrit only: no published translation is held for this verse.
एते चान्ये च बहवः क्षत्रियाः क्षत्रियर्षभम् उपतस्थुर् महात्मानं विविशुश् चासनेषु ते
ete cānye ca bahavaḥ kṣatriyāḥ kṣatriyarṣabham upatasthur mahātmānaṃ viviśuś cāsaneṣu te
Sanskrit only: no published translation is held for this verse.
एकस्मिन्न् आसने वीराव् उपविष्टौ महाबलौ कृष्णश् च युयुधानश् च महात्मानौ महाद्युती
ekasminn āsane vīrāv upaviṣṭau mahābalau kṛṣṇaś ca yuyudhānaś ca mahātmānau mahādyutī
Sanskrit only: no published translation is held for this verse.
ततो युधिष्ठिरस् तेषां शृण्वतां मधुसूदनम् अब्रवीत् पुण्डरीकाक्षम् आभाष्य मधुरं वचः
tato yudhiṣṭhiras teṣāṃ śṛṇvatāṃ madhusūdanam abravīt puṇḍarīkākṣam ābhāṣya madhuraṃ vacaḥ
Sanskrit only: no published translation is held for this verse.
एकं त्वां वयम् आश्रित्य सहस्राक्षम् इवामराः प्रार्थयामो जयं युद्धे शाश्वतानि सुखानि च
ekaṃ tvāṃ vayam āśritya sahasrākṣam ivāmarāḥ prārthayāmo jayaṃ yuddhe śāśvatāni sukhāni ca
Sanskrit only: no published translation is held for this verse.
त्वं हि राज्यविनाशं च द्विषद्भिश् च निराक्रियाम् क्लेशांश् च विविधान् कृष्ण सर्वांस् तान् अपि वेत्थ नः
tvaṃ hi rājyavināśaṃ ca dviṣadbhiś ca nirākriyām kleśāṃś ca vividhān kṛṣṇa sarvāṃs tān api vettha naḥ
Sanskrit only: no published translation is held for this verse.
त्वयि सर्वेश सर्वेषाम् अस्माकं भक्तवत्सल सुखम् आयत्तम् अत्यर्थं यात्रा च मधुसूदन
tvayi sarveśa sarveṣām asmākaṃ bhaktavatsala sukham āyattam atyarthaṃ yātrā ca madhusūdana
Sanskrit only: no published translation is held for this verse.
स तथा कुरु वार्ष्णेय यथा त्वयि मनो मम अर्जुनस्य यथा सत्या प्रतिज्ञा स्याच् चिकीर्षिता
sa tathā kuru vārṣṇeya yathā tvayi mano mama arjunasya yathā satyā pratijñā syāc cikīrṣitā
Sanskrit only: no published translation is held for this verse.
स भवांस् तारयत्व् अस्माद् दुःखामर्षमहार्णवात् पारं तितीर्षताम् अद्य प्लवो नो भव माधव
sa bhavāṃs tārayatv asmād duḥkhāmarṣamahārṇavāt pāraṃ titīrṣatām adya plavo no bhava mādhava
Sanskrit only: no published translation is held for this verse.
न हि तत् कुरुते संख्ये कार्तवीर्यसमस् त्व् अपि रथी यत् कुरुते कृष्ण सारथिर् यत्नम् आस्थितः
na hi tat kurute saṃkhye kārtavīryasamas tv api rathī yat kurute kṛṣṇa sārathir yatnam āsthitaḥ
Sanskrit only: no published translation is held for this verse.
वासुदेव उवाच सामरेष्व् अपि लोकेषु सर्वेषु न तथाविधः शरासनधरः कश् चिद् यथा पार्थो धनंजयः
vāsudeva uvāca sāmareṣv api lokeṣu sarveṣu na tathāvidhaḥ śarāsanadharaḥ kaś cid yathā pārtho dhanaṃjayaḥ
Sanskrit only: no published translation is held for this verse.
वीर्यवान् अस्त्रसंपन्नः पराक्रान्तो महाबलः युद्धशौण्डः सदामर्षी तेजसा परमो नृणाम्
vīryavān astrasaṃpannaḥ parākrānto mahābalaḥ yuddhaśauṇḍaḥ sadāmarṣī tejasā paramo nṛṇām
Sanskrit only: no published translation is held for this verse.
स युवा वृषभस्कन्धो दीर्घबाहुर् महाबलः सिंहर्षभगतिः श्रीमान् द्विषतस् ते हनिष्यति
sa yuvā vṛṣabhaskandho dīrghabāhur mahābalaḥ siṃharṣabhagatiḥ śrīmān dviṣatas te haniṣyati
Sanskrit only: no published translation is held for this verse.
अहं च तत् करिष्यामि यथा कुन्तीसुतो ऽर्जुनः धार्तराष्ट्रस्य सैन्यानि धक्ष्यत्य् अग्निर् इवोत्थितः
ahaṃ ca tat kariṣyāmi yathā kuntīsuto 'rjunaḥ dhārtarāṣṭrasya sainyāni dhakṣyaty agnir ivotthitaḥ
Sanskrit only: no published translation is held for this verse.
अद्य तं पापकर्माणं क्षुद्रं सौभद्रघातिनम् अपुनर्दर्शनं मार्गम् इषुभिः क्षेप्स्यते ऽर्जुनः
adya taṃ pāpakarmāṇaṃ kṣudraṃ saubhadraghātinam apunardarśanaṃ mārgam iṣubhiḥ kṣepsyate 'rjunaḥ
Sanskrit only: no published translation is held for this verse.
तस्याद्य गृध्राः श्येनाश् च वडगोमायवस् तथा भक्षयिष्यन्ति मांसानि ये चान्ये पुरुषादकाः
tasyādya gṛdhrāḥ śyenāś ca vaḍagomāyavas tathā bhakṣayiṣyanti māṃsāni ye cānye puruṣādakāḥ
Sanskrit only: no published translation is held for this verse.
यद्य् अस्य देवा गोप्तारः सेन्द्राः सर्वे तथाप्य् असौ राजधानीं यमस्याद्य हतः प्राप्स्यति संकुले
yady asya devā goptāraḥ sendrāḥ sarve tathāpy asau rājadhānīṃ yamasyādya hataḥ prāpsyati saṃkule
Sanskrit only: no published translation is held for this verse.
निहत्य सैन्धवं जिष्णुर् अद्य त्वाम् उपयास्यति विशोको विज्वरो राजन् भव भूतिपुरस्कृतः
nihatya saindhavaṃ jiṣṇur adya tvām upayāsyati viśoko vijvaro rājan bhava bhūtipuraskṛtaḥ
Sanskrit only: no published translation is held for this verse.