Library·Mahābhārata (critical edition)·7·7.75
संजय उवाच सलिले जनिते तस्मिन् कौन्तेयेन महात्मना निवारिते द्विषत्सैन्ये कृते च शरवेश्मनि
saṃjaya uvāca salile janite tasmin kaunteyena mahātmanā nivārite dviṣatsainye kṛte ca śaraveśmani
Sanskrit only: no published translation is held for this verse.
वासुदेवो रथात् तूर्णम् अवतीर्य महाद्युतिः मोचयाम् आस तुरगान् वितुन्नान् कङ्कपत्रिभिः
vāsudevo rathāt tūrṇam avatīrya mahādyutiḥ mocayām āsa turagān vitunnān kaṅkapatribhiḥ
Sanskrit only: no published translation is held for this verse.
अदृष्टपूर्वं तद् दृष्ट्वा सिंहनादो महान् अभूत् सिद्धचारणसंघानां सैनिकानां च सर्वशः
adṛṣṭapūrvaṃ tad dṛṣṭvā siṃhanādo mahān abhūt siddhacāraṇasaṃghānāṃ sainikānāṃ ca sarvaśaḥ
Sanskrit only: no published translation is held for this verse.
पदातिनं तु कौन्तेयं युध्यमानं नरर्षभाः नाशक्नुवन् वारयितुं तद् अद्भुतम् इवाभवत्
padātinaṃ tu kaunteyaṃ yudhyamānaṃ nararṣabhāḥ nāśaknuvan vārayituṃ tad adbhutam ivābhavat
Sanskrit only: no published translation is held for this verse.
आपतत्सु रथौघेषु प्रभूतगजवाजिषु नासंभ्रमत् तदा पार्थस् तद् अस्य पुरुषान् अति
āpatatsu rathaugheṣu prabhūtagajavājiṣu nāsaṃbhramat tadā pārthas tad asya puruṣān ati
Sanskrit only: no published translation is held for this verse.
व्यसृजन्त शरौघांस् ते पाण्डवं प्रति पार्थिवाः न चाव्यथत धर्मात्मा वासविः परवीरहा
vyasṛjanta śaraughāṃs te pāṇḍavaṃ prati pārthivāḥ na cāvyathata dharmātmā vāsaviḥ paravīrahā
Sanskrit only: no published translation is held for this verse.
स तानि शरजालानि गदाः प्रासांश् च वीर्यवान् आगतान् अग्रसत् पार्थः सरितः सागरो यथा
sa tāni śarajālāni gadāḥ prāsāṃś ca vīryavān āgatān agrasat pārthaḥ saritaḥ sāgaro yathā
Sanskrit only: no published translation is held for this verse.
अस्त्रवेगेन महता पार्थो बाहुबलेन च सर्वेषां पार्थिवेन्द्राणाम् अग्रसत् ताञ् शरोत्तमान्
astravegena mahatā pārtho bāhubalena ca sarveṣāṃ pārthivendrāṇām agrasat tāñ śarottamān
Sanskrit only: no published translation is held for this verse.
तत् तु पार्थस्य विक्रान्तं वासुदेवस्य चोभयोः अपूजयन् महाराज कौरवाः परमाद्भुतम्
tat tu pārthasya vikrāntaṃ vāsudevasya cobhayoḥ apūjayan mahārāja kauravāḥ paramādbhutam
Sanskrit only: no published translation is held for this verse.
किम् अद्भुततरं लोके भविताप्य् अथ वाप्य् अभूत् यद् अश्वान् पार्थगोविन्दौ मोचयाम् आसतू रणे
kim adbhutataraṃ loke bhavitāpy atha vāpy abhūt yad aśvān pārthagovindau mocayām āsatū raṇe
Sanskrit only: no published translation is held for this verse.
भयं विपुलम् अस्मासु ताव् अधत्तां नरोत्तमौ तेजो विदधतुश् चोग्रं विस्रब्धौ रणमूर्धनि
bhayaṃ vipulam asmāsu tāv adhattāṃ narottamau tejo vidadhatuś cograṃ visrabdhau raṇamūrdhani
Sanskrit only: no published translation is held for this verse.
अथोत्स्मयन् हृषीकेशः स्त्रीमध्य इव भारत अर्जुनेन कृते संख्ये शरगर्भगृहे तदा
athotsmayan hṛṣīkeśaḥ strīmadhya iva bhārata arjunena kṛte saṃkhye śaragarbhagṛhe tadā
Sanskrit only: no published translation is held for this verse.
उपावर्तयद् अव्यग्रस् तान् अश्वान् पुष्करेक्षणः मिषतां सर्वसैन्यानां त्वदीयानां विशां पते
upāvartayad avyagras tān aśvān puṣkarekṣaṇaḥ miṣatāṃ sarvasainyānāṃ tvadīyānāṃ viśāṃ pate
Sanskrit only: no published translation is held for this verse.
तेषां श्रमं च ग्लानिं च वेपथुं वमथुं व्रणान् सर्वं व्यपानुदत् कृष्णः कुशलो ह्य् अश्वकर्मणि
teṣāṃ śramaṃ ca glāniṃ ca vepathuṃ vamathuṃ vraṇān sarvaṃ vyapānudat kṛṣṇaḥ kuśalo hy aśvakarmaṇi
Sanskrit only: no published translation is held for this verse.
शल्यान् उद्धृत्य पाणिभ्यां परिमृज्य च तान् हयान् उपावृत्य यथान्यायं पाययाम् आस वारि सः
śalyān uddhṛtya pāṇibhyāṃ parimṛjya ca tān hayān upāvṛtya yathānyāyaṃ pāyayām āsa vāri saḥ
Sanskrit only: no published translation is held for this verse.
स तांल् लब्धोदकान् स्नाताञ् जग्धान्नान् विगतक्लमान् योजयाम् आस संहृष्टः पुनर् एव रथोत्तमे
sa tāṃl labdhodakān snātāñ jagdhānnān vigataklamān yojayām āsa saṃhṛṣṭaḥ punar eva rathottame
Sanskrit only: no published translation is held for this verse.
स तं रथवरं शौरिः सर्वशस्त्रभृतां वरः समास्थाय महातेजाः सार्जुनः प्रययौ द्रुतम्
sa taṃ rathavaraṃ śauriḥ sarvaśastrabhṛtāṃ varaḥ samāsthāya mahātejāḥ sārjunaḥ prayayau drutam
Sanskrit only: no published translation is held for this verse.
रथं रथवरस्याजौ युक्तं लब्धोदकैर् हयैः दृष्ट्वा कुरुबलश्रेष्ठाः पुनर् विमनसो ऽभवन्
rathaṃ rathavarasyājau yuktaṃ labdhodakair hayaiḥ dṛṣṭvā kurubalaśreṣṭhāḥ punar vimanaso 'bhavan
Sanskrit only: no published translation is held for this verse.
विनिःश्वसन्तस् ते राजन् भग्नदंष्ट्रा इवोरगाः धिग् अहो धिग् गतः पार्थः कृष्णश् चेत्य् अब्रुवन् पृथक्
viniḥśvasantas te rājan bhagnadaṃṣṭrā ivoragāḥ dhig aho dhig gataḥ pārthaḥ kṛṣṇaś cety abruvan pṛthak
Sanskrit only: no published translation is held for this verse.
सर्वक्षत्रस्य मिषतो रथेनैकेन दंशितौ बालक्रीडनकेनेव कदर्थीकृत्य नो बलम्
sarvakṣatrasya miṣato rathenaikena daṃśitau bālakrīḍanakeneva kadarthīkṛtya no balam
Sanskrit only: no published translation is held for this verse.
क्रोशतां यतमानानाम् असंसक्तौ परंतपौ दर्शयित्वात्मनो वीर्यं प्रयातौ सर्वराजसु
krośatāṃ yatamānānām asaṃsaktau paraṃtapau darśayitvātmano vīryaṃ prayātau sarvarājasu
Sanskrit only: no published translation is held for this verse.
तौ प्रयातौ पुनर् दृष्ट्वा तदान्ये सैनिकाब्रुवन् त्वरध्वं कुरवः सर्वे वधे कृष्णकिरीटिनोः
tau prayātau punar dṛṣṭvā tadānye sainikābruvan tvaradhvaṃ kuravaḥ sarve vadhe kṛṣṇakirīṭinoḥ
Sanskrit only: no published translation is held for this verse.
रथं युक्त्वा हि दाशार्हो मिषतां सर्वधन्विनाम् जयद्रथाय यात्य् एष कदर्थीकृत्य नो रणे
rathaṃ yuktvā hi dāśārho miṣatāṃ sarvadhanvinām jayadrathāya yāty eṣa kadarthīkṛtya no raṇe
Sanskrit only: no published translation is held for this verse.
तत्र के चिन् मिथो राजन् समभाषन्त भूमिपाः अदृष्टपूर्वं संग्रामे तद् दृष्ट्वा महद् अद्भुतम्
tatra ke cin mitho rājan samabhāṣanta bhūmipāḥ adṛṣṭapūrvaṃ saṃgrāme tad dṛṣṭvā mahad adbhutam
Sanskrit only: no published translation is held for this verse.
सर्वसैन्यानि राजा च धृतराष्ट्रो ऽत्ययं गतः दुर्योधनापराधेन क्षत्रं कृत्स्ना च मेदिनी
sarvasainyāni rājā ca dhṛtarāṣṭro 'tyayaṃ gataḥ duryodhanāparādhena kṣatraṃ kṛtsnā ca medinī
Sanskrit only: no published translation is held for this verse.
विलयं समनुप्राप्ता तच् च राजा न बुध्यते इत्य् एवं क्षत्रियास् तत्र ब्रुवन्त्य् अन्ये च भारत
vilayaṃ samanuprāptā tac ca rājā na budhyate ity evaṃ kṣatriyās tatra bruvanty anye ca bhārata
Sanskrit only: no published translation is held for this verse.
सिन्धुराजस्य यत् कृत्यं गतस्य यमसादनम् तत् करोतु वृथादृष्टिर् धार्तराष्ट्रो ऽनुपायवित्
sindhurājasya yat kṛtyaṃ gatasya yamasādanam tat karotu vṛthādṛṣṭir dhārtarāṣṭro 'nupāyavit
Sanskrit only: no published translation is held for this verse.
ततः शीघ्रतरं प्रायात् पाण्डवः सैन्धवं प्रति निवर्तमाने तिग्मांशौ हृष्टैः पीतोदकैर् हयैः
tataḥ śīghrataraṃ prāyāt pāṇḍavaḥ saindhavaṃ prati nivartamāne tigmāṃśau hṛṣṭaiḥ pītodakair hayaiḥ
Sanskrit only: no published translation is held for this verse.
तं प्रयान्तं महाबाहुं सर्वशस्त्रभृतां वरम् नाशक्नुवन् वारयितुं योधाः क्रुद्धम् इवान्तकम्
taṃ prayāntaṃ mahābāhuṃ sarvaśastrabhṛtāṃ varam nāśaknuvan vārayituṃ yodhāḥ kruddham ivāntakam
Sanskrit only: no published translation is held for this verse.
विद्राव्य तु ततः सैन्यं पाण्डवः शत्रुतापनः यथा मृगगणान् सिंहः सैन्धवार्थे व्यलोडयत्
vidrāvya tu tataḥ sainyaṃ pāṇḍavaḥ śatrutāpanaḥ yathā mṛgagaṇān siṃhaḥ saindhavārthe vyaloḍayat
Sanskrit only: no published translation is held for this verse.
गाहमानस् त्व् अनीकानि तूर्णम् अश्वान् अचोदयत् बलाकवर्णान् दाशार्हः पाञ्चजन्यं व्यनादयत्
gāhamānas tv anīkāni tūrṇam aśvān acodayat balākavarṇān dāśārhaḥ pāñcajanyaṃ vyanādayat
Sanskrit only: no published translation is held for this verse.
कौन्तेयेनाग्रतः सृष्टा न्यपतन् पृष्ठतः शराः तूर्णात् तूर्णतरं ह्य् अश्वास् ते ऽवहन् वातरंहसः
kaunteyenāgrataḥ sṛṣṭā nyapatan pṛṣṭhataḥ śarāḥ tūrṇāt tūrṇataraṃ hy aśvās te 'vahan vātaraṃhasaḥ
Sanskrit only: no published translation is held for this verse.
वातोद्धूतपताकान्तं रथं जलदनिस्वनम् घोरं कपिध्वजं दृष्ट्वा विषण्णा रथिनो ऽभवन्
vātoddhūtapatākāntaṃ rathaṃ jaladanisvanam ghoraṃ kapidhvajaṃ dṛṣṭvā viṣaṇṇā rathino 'bhavan
Sanskrit only: no published translation is held for this verse.
दिवाकरे ऽथ रजसा सर्वतः संवृते भृशम् शरार्ताश् च रणे योधा न कृष्णौ शेकुर् ईक्षितुम्
divākare 'tha rajasā sarvataḥ saṃvṛte bhṛśam śarārtāś ca raṇe yodhā na kṛṣṇau śekur īkṣitum
Sanskrit only: no published translation is held for this verse.
ततो नृपतयः क्रुद्धाः परिवव्रुर् धनंजयम् क्षत्रिया बहवश् चान्ये जयद्रथवधैषिणम्
tato nṛpatayaḥ kruddhāḥ parivavrur dhanaṃjayam kṣatriyā bahavaś cānye jayadrathavadhaiṣiṇam
Sanskrit only: no published translation is held for this verse.
अपनीयत्सु शल्येषु धिष्ठितं पुरुषर्षभम् दुर्योधनस् त्व् अगात् पार्थं त्वरमाणो महाहवे
apanīyatsu śalyeṣu dhiṣṭhitaṃ puruṣarṣabham duryodhanas tv agāt pārthaṃ tvaramāṇo mahāhave
Sanskrit only: no published translation is held for this verse.