Mahābhārata (critical edition) 7.99

संजय उवाच ततो दुःशासनो राजञ् शैनेयं समुपाद्रवत् किरञ् शरसहस्राणि पर्जन्य इव वृष्टिमान्

saṃjaya uvāca tato duḥśāsano rājañ śaineyaṃ samupādravat kirañ śarasahasrāṇi parjanya iva vṛṣṭimān

Sanskrit only: no published translation is held for this verse.

स विद्ध्वा सात्यकिं षष्ट्या तथा षोडशभिः शरैः नाकम्पयत् स्थितं युद्धे मैनाकम् इव पर्वतम्

sa viddhvā sātyakiṃ ṣaṣṭyā tathā ṣoḍaśabhiḥ śaraiḥ nākampayat sthitaṃ yuddhe mainākam iva parvatam

Sanskrit only: no published translation is held for this verse.

स तु दुःशासनं वीरः सायकैर् आवृणोद् भृशम् मशकं समनुप्राप्तम् ऊर्णनाभिर् इवोर्णया

sa tu duḥśāsanaṃ vīraḥ sāyakair āvṛṇod bhṛśam maśakaṃ samanuprāptam ūrṇanābhir ivorṇayā

Sanskrit only: no published translation is held for this verse.

दृष्ट्वा दुःशासनं राजा तथा शरशताचितम् त्रिगर्तांश् चोदयाम् आस युयुधानरथं प्रति

dṛṣṭvā duḥśāsanaṃ rājā tathā śaraśatācitam trigartāṃś codayām āsa yuyudhānarathaṃ prati

Sanskrit only: no published translation is held for this verse.

ते ऽगच्छन् युयुधानस्य समीपं क्रूरकारिणः त्रिगर्तानां त्रिसाहस्रा रथा युद्धविशारदाः

te 'gacchan yuyudhānasya samīpaṃ krūrakāriṇaḥ trigartānāṃ trisāhasrā rathā yuddhaviśāradāḥ

Sanskrit only: no published translation is held for this verse.

ते तु तं रथवंशेन महता पर्यवारयन् स्थिरां कृत्वा मतिं युद्धे भूत्वा संशप्तका मिथः

te tu taṃ rathavaṃśena mahatā paryavārayan sthirāṃ kṛtvā matiṃ yuddhe bhūtvā saṃśaptakā mithaḥ

Sanskrit only: no published translation is held for this verse.

तेषां प्रयततां युद्धे शरवर्षाणि मुञ्चताम् योधान् पञ्चशतान् मुख्यान् अग्रानीके व्यपोथयत्

teṣāṃ prayatatāṃ yuddhe śaravarṣāṇi muñcatām yodhān pañcaśatān mukhyān agrānīke vyapothayat

Sanskrit only: no published translation is held for this verse.

ते ऽपतन्त हतास् तूर्णं शिनिप्रवरसायकैः महामारुतवेगेन रुग्णा इव महाद्रुमाः

te 'patanta hatās tūrṇaṃ śinipravarasāyakaiḥ mahāmārutavegena rugṇā iva mahādrumāḥ

Sanskrit only: no published translation is held for this verse.

रथैश् च बहुधा छिन्नैर् ध्वजैश् चैव विशां पते हयैश् च कनकापीडैः पतितैस् तत्र मेदिनी

rathaiś ca bahudhā chinnair dhvajaiś caiva viśāṃ pate hayaiś ca kanakāpīḍaiḥ patitais tatra medinī

Sanskrit only: no published translation is held for this verse.

शैनेयशरसंकृत्तैः शोणितौघपरिप्लुतैः अशोभत महाराज किंशुकैर् इव पुष्पितैः

śaineyaśarasaṃkṛttaiḥ śoṇitaughapariplutaiḥ aśobhata mahārāja kiṃśukair iva puṣpitaiḥ

Sanskrit only: no published translation is held for this verse.

ते वध्यमानाः समरे युयुधानेन तावकाः त्रातारं नाध्यगच्छन्त पङ्कमग्ना इव द्विपाः

te vadhyamānāḥ samare yuyudhānena tāvakāḥ trātāraṃ nādhyagacchanta paṅkamagnā iva dvipāḥ

Sanskrit only: no published translation is held for this verse.

ततस् ते पर्यवर्तन्त सर्वे द्रोणरथं प्रति भयात् पतगराजस्य गर्तानीव महोरगाः

tatas te paryavartanta sarve droṇarathaṃ prati bhayāt patagarājasya gartānīva mahoragāḥ

Sanskrit only: no published translation is held for this verse.

हत्वा पञ्चशतान् योधाञ् शरैर् आशीविषोपमैः प्रायात् स शनकैर् वीरो धनंजयरथं प्रति

hatvā pañcaśatān yodhāñ śarair āśīviṣopamaiḥ prāyāt sa śanakair vīro dhanaṃjayarathaṃ prati

Sanskrit only: no published translation is held for this verse.

तं प्रयान्तं नरश्रेष्ठं पुत्रो दुःशासनस् तव विव्याध नवभिस् तूर्णं शरैः संनतपर्वभिः

taṃ prayāntaṃ naraśreṣṭhaṃ putro duḥśāsanas tava vivyādha navabhis tūrṇaṃ śaraiḥ saṃnataparvabhiḥ

Sanskrit only: no published translation is held for this verse.

स तु तं प्रतिविव्याध पञ्चभिर् निशितैः शरैः रुक्मपुङ्खैर् महेष्वासो गार्ध्रपत्रैर् अजिह्मगैः

sa tu taṃ prativivyādha pañcabhir niśitaiḥ śaraiḥ rukmapuṅkhair maheṣvāso gārdhrapatrair ajihmagaiḥ

Sanskrit only: no published translation is held for this verse.

सात्यकिं तु महाराज प्रहसन्न् इव भारत दुःशासनस् त्रिभिर् विद्ध्वा पुनर् विव्याध पञ्चभिः

sātyakiṃ tu mahārāja prahasann iva bhārata duḥśāsanas tribhir viddhvā punar vivyādha pañcabhiḥ

Sanskrit only: no published translation is held for this verse.

शैनेयस् तव पुत्रं तु विद्ध्वा पञ्चभिर् आशुगैः धनुश् चास्य रणे छित्त्वा विस्मयन्न् अर्जुनं ययौ

śaineyas tava putraṃ tu viddhvā pañcabhir āśugaiḥ dhanuś cāsya raṇe chittvā vismayann arjunaṃ yayau

Sanskrit only: no published translation is held for this verse.

ततो दुःशासनः क्रुद्धो वृष्णिवीराय गच्छते सर्वपारशवीं शक्तिं विससर्ज जिघांसया

tato duḥśāsanaḥ kruddho vṛṣṇivīrāya gacchate sarvapāraśavīṃ śaktiṃ visasarja jighāṃsayā

Sanskrit only: no published translation is held for this verse.

तां तु शक्तिं तदा घोरां तव पुत्रस्य सात्यकिः चिच्छेद शतधा राजन् निशितैः कङ्कपत्रिभिः

tāṃ tu śaktiṃ tadā ghorāṃ tava putrasya sātyakiḥ ciccheda śatadhā rājan niśitaiḥ kaṅkapatribhiḥ

Sanskrit only: no published translation is held for this verse.

अथान्यद् धनुर् आदाय पुत्रस् तव जनेश्वर सात्यकिं दशभिर् विद्ध्वा सिंहनादं ननाद ह

athānyad dhanur ādāya putras tava janeśvara sātyakiṃ daśabhir viddhvā siṃhanādaṃ nanāda ha

Sanskrit only: no published translation is held for this verse.

सात्यकिस् तु रणे क्रुद्धो मोहयित्वा सुतं तव शरैर् अग्निशिखाकारैर् आजघान स्तनान्तरे सर्वायसैस् तीक्ष्णवक्त्रैर् अष्टाभिर् विव्यधे पुनः

sātyakis tu raṇe kruddho mohayitvā sutaṃ tava śarair agniśikhākārair ājaghāna stanāntare sarvāyasais tīkṣṇavaktrair aṣṭābhir vivyadhe punaḥ

Sanskrit only: no published translation is held for this verse.

दुःशासनस् तु विंशत्या सात्यकिं प्रत्यविध्यत सात्वतो ऽपि महाराज तं विव्याध स्तनान्तरे त्रिभिर् एव महावेगैः शरैः संनतपर्वभिः

duḥśāsanas tu viṃśatyā sātyakiṃ pratyavidhyata sātvato 'pi mahārāja taṃ vivyādha stanāntare tribhir eva mahāvegaiḥ śaraiḥ saṃnataparvabhiḥ

Sanskrit only: no published translation is held for this verse.

ततो ऽस्य वाहान् निशितैः शरैर् जघ्ने महारथः सारथिं च सुसंक्रुद्धः शरैः संनतपर्वभिः

tato 'sya vāhān niśitaiḥ śarair jaghne mahārathaḥ sārathiṃ ca susaṃkruddhaḥ śaraiḥ saṃnataparvabhiḥ

Sanskrit only: no published translation is held for this verse.

धनुर् एकेन भल्लेन हस्तावापं च पञ्चभिः ध्वजं च रथशक्तिं च भल्लाभ्यां परमास्त्रवित् चिच्छेद विशिखैस् तीक्ष्णैस् तथोभौ पार्ष्णिसारथी

dhanur ekena bhallena hastāvāpaṃ ca pañcabhiḥ dhvajaṃ ca rathaśaktiṃ ca bhallābhyāṃ paramāstravit ciccheda viśikhais tīkṣṇais tathobhau pārṣṇisārathī

Sanskrit only: no published translation is held for this verse.

स छिन्नधन्वा विरथो हताश्वो हतसारथिः त्रिगर्तसेनापतिना स्वरथेनापवाहितः

sa chinnadhanvā viratho hatāśvo hatasārathiḥ trigartasenāpatinā svarathenāpavāhitaḥ

Sanskrit only: no published translation is held for this verse.

तम् अभिद्रुत्य शैनेयो मुहूर्तम् इव भारत न जघान महाबाहुर् भीमसेनवचः स्मरन्

tam abhidrutya śaineyo muhūrtam iva bhārata na jaghāna mahābāhur bhīmasenavacaḥ smaran

Sanskrit only: no published translation is held for this verse.

भीमसेनेन हि वधः सुतानां तव भारत प्रतिज्ञातः सभामध्ये सर्वेषाम् एव संयुगे

bhīmasenena hi vadhaḥ sutānāṃ tava bhārata pratijñātaḥ sabhāmadhye sarveṣām eva saṃyuge

Sanskrit only: no published translation is held for this verse.

तथा दुःशासनं जित्वा सात्यकिः संयुगे प्रभो जगाम त्वरितो राजन् येन यातो धनंजयः

tathā duḥśāsanaṃ jitvā sātyakiḥ saṃyuge prabho jagāma tvarito rājan yena yāto dhanaṃjayaḥ

Sanskrit only: no published translation is held for this verse.