Mahābhārata (critical edition) 8.25

दुर्योधन उवाच एवं स भगवान् देवः सर्वलोकपितामहः सारथ्यम् अकरोत् तत्र यत्र रुद्रो ऽभवद् रथी

duryodhana uvāca evaṃ sa bhagavān devaḥ sarvalokapitāmahaḥ sārathyam akarot tatra yatra rudro 'bhavad rathī

Sanskrit only: no published translation is held for this verse.

रथिनाभ्यधिको वीरः कर्तव्यो रथसारथिः तस्मात् त्वं पुरुषव्याघ्र नियच्छ तुरगान् युधि

rathinābhyadhiko vīraḥ kartavyo rathasārathiḥ tasmāt tvaṃ puruṣavyāghra niyaccha turagān yudhi

Sanskrit only: no published translation is held for this verse.

संजय उवाच ततः शल्यः परिष्वज्य सुतं ते वाक्यम् अब्रवीत् दुर्योधनम् अमित्रघ्नः प्रीतो मद्राधिपस् तदा

saṃjaya uvāca tataḥ śalyaḥ pariṣvajya sutaṃ te vākyam abravīt duryodhanam amitraghnaḥ prīto madrādhipas tadā

Sanskrit only: no published translation is held for this verse.

एवं चेन् मन्यसे राजन् गान्धारे प्रियदर्शन तस्मात् ते यत् प्रियं किं चित् तत् सर्वं करवाण्य् अहम्

evaṃ cen manyase rājan gāndhāre priyadarśana tasmāt te yat priyaṃ kiṃ cit tat sarvaṃ karavāṇy aham

Sanskrit only: no published translation is held for this verse.

यत्रास्मि भरतश्रेष्ठ योग्यः कर्मणि कर्हि चित् तत्र सर्वात्मना युक्तो वक्ष्ये कार्यधुरं तव

yatrāsmi bharataśreṣṭha yogyaḥ karmaṇi karhi cit tatra sarvātmanā yukto vakṣye kāryadhuraṃ tava

Sanskrit only: no published translation is held for this verse.

यत् तु कर्णम् अहं ब्रूयां हितकामः प्रियाप्रियम् मम तत्क्षमतां सर्वं भवान् कर्णश् च सर्वशः

yat tu karṇam ahaṃ brūyāṃ hitakāmaḥ priyāpriyam mama tatkṣamatāṃ sarvaṃ bhavān karṇaś ca sarvaśaḥ

Sanskrit only: no published translation is held for this verse.

कर्ण उवाच ईशानस्य यथा ब्रह्मा यथा पार्थस्य केशवः तथा नित्यं हिते युक्तो मद्रराज भजस्व नः

karṇa uvāca īśānasya yathā brahmā yathā pārthasya keśavaḥ tathā nityaṃ hite yukto madrarāja bhajasva naḥ

Sanskrit only: no published translation is held for this verse.

शल्य उवाच आत्मनिन्दात्मपूजा च परनिन्दा परस्तवः अनाचरितम् आर्याणां वृत्तम् एतच् चतुर्विधम्

śalya uvāca ātmanindātmapūjā ca paranindā parastavaḥ anācaritam āryāṇāṃ vṛttam etac caturvidham

Sanskrit only: no published translation is held for this verse.

यत् तु विद्वन् प्रवक्ष्यामि प्रत्ययार्थम् अहं तव आत्मनः स्तवसंयुक्तं तन् निबोध यथातथम्

yat tu vidvan pravakṣyāmi pratyayārtham ahaṃ tava ātmanaḥ stavasaṃyuktaṃ tan nibodha yathātatham

Sanskrit only: no published translation is held for this verse.

अहं शक्रस्य सारथ्ये योग्यो मातलिवत् प्रभो अप्रमादप्रयोगाच् च ज्ञानविद्याचिकित्सितैः

ahaṃ śakrasya sārathye yogyo mātalivat prabho apramādaprayogāc ca jñānavidyācikitsitaiḥ

Sanskrit only: no published translation is held for this verse.

ततः पार्थेन संग्रामे युध्यमानस्य ते ऽनघ वाहयिष्यामि तुरगान् विज्वरो भव सूतज

tataḥ pārthena saṃgrāme yudhyamānasya te 'nagha vāhayiṣyāmi turagān vijvaro bhava sūtaja

Sanskrit only: no published translation is held for this verse.