Mahābhārata (critical edition) 8.41

संजय उवाच त्वरमाणः पुनः कृष्णः पार्थम् अभ्यवदच् छनैः पश्य कौरव्य राजानम् अपयातांश् च पाण्डवान्

saṃjaya uvāca tvaramāṇaḥ punaḥ kṛṣṇaḥ pārtham abhyavadac chanaiḥ paśya kauravya rājānam apayātāṃś ca pāṇḍavān

Sanskrit only: no published translation is held for this verse.

कर्णं पश्य महारङ्गे ज्वलन्तम् इव पावकम् असौ भीमो महेष्वासः संनिवृत्तो रणं प्रति

karṇaṃ paśya mahāraṅge jvalantam iva pāvakam asau bhīmo maheṣvāsaḥ saṃnivṛtto raṇaṃ prati

Sanskrit only: no published translation is held for this verse.

तम् एते ऽनु निवर्तन्ते धृष्टद्युम्नपुरोगमाः पाञ्चालानां सृञ्जयानां पाण्डवानां च यन् मुखम् निवृत्तैश् च तथा पार्थैर् भग्नं शत्रुबलं महत्

tam ete 'nu nivartante dhṛṣṭadyumnapurogamāḥ pāñcālānāṃ sṛñjayānāṃ pāṇḍavānāṃ ca yan mukham nivṛttaiś ca tathā pārthair bhagnaṃ śatrubalaṃ mahat

Sanskrit only: no published translation is held for this verse.

कौरवान् द्रवतो ह्य् एष कर्णो धारयते ऽर्जुन अन्तकप्रतिमो वेगे शक्रतुल्यपराक्रमः

kauravān dravato hy eṣa karṇo dhārayate 'rjuna antakapratimo vege śakratulyaparākramaḥ

Sanskrit only: no published translation is held for this verse.

असौ गच्छति कौरव्य द्रौणिर् अस्त्रभृतां वरः तम् एष प्रद्रुतः संख्ये धृष्टद्युम्नो महारथः

asau gacchati kauravya drauṇir astrabhṛtāṃ varaḥ tam eṣa pradrutaḥ saṃkhye dhṛṣṭadyumno mahārathaḥ

Sanskrit only: no published translation is held for this verse.

सर्वं व्याचष्ट दुर्धर्षो वासुदेवः किरीटिने ततो राजन् प्रादुरासीन् महाघोरो महारणः

sarvaṃ vyācaṣṭa durdharṣo vāsudevaḥ kirīṭine tato rājan prādurāsīn mahāghoro mahāraṇaḥ

Sanskrit only: no published translation is held for this verse.

सिंहनादरवाश् चात्र प्रादुरासन् समागमे उभयोः सेनयो राजन् मृत्युं कृत्वा निवर्तनम्

siṃhanādaravāś cātra prādurāsan samāgame ubhayoḥ senayo rājan mṛtyuṃ kṛtvā nivartanam

Sanskrit only: no published translation is held for this verse.