Library·Mahābhārata (critical edition)·8·8.57
संजय उवाच अर्जुनस् तु महाराज कृत्वा सैन्यं पृथग्विधम् सूतपुत्रं सुसंरब्धं दृष्ट्वा चैव महारणे
saṃjaya uvāca arjunas tu mahārāja kṛtvā sainyaṃ pṛthagvidham sūtaputraṃ susaṃrabdhaṃ dṛṣṭvā caiva mahāraṇe
Sanskrit only: no published translation is held for this verse.
शोणितोदां महीं कृत्वा मांसमज्जास्थिवाहिनीम् वासुदेवम् इदं वाक्यम् अब्रवीत् पुरुषर्षभ
śoṇitodāṃ mahīṃ kṛtvā māṃsamajjāsthivāhinīm vāsudevam idaṃ vākyam abravīt puruṣarṣabha
Sanskrit only: no published translation is held for this verse.
एष केतू रणे कृष्ण सूतपुत्रस्य दृश्यते भीमसेनादयश् चैते योधयन्ति महारथान् एते द्रवन्ति पाञ्चालाः कर्णात् त्रस्ता जनार्दन
eṣa ketū raṇe kṛṣṇa sūtaputrasya dṛśyate bhīmasenādayaś caite yodhayanti mahārathān ete dravanti pāñcālāḥ karṇāt trastā janārdana
Sanskrit only: no published translation is held for this verse.
एष दुर्योधनो राजा श्वेतच्छत्रेण भास्वता कर्णेन भग्नान् पाञ्चालान् द्रावयन् बहु शोभते
eṣa duryodhano rājā śvetacchatreṇa bhāsvatā karṇena bhagnān pāñcālān drāvayan bahu śobhate
Sanskrit only: no published translation is held for this verse.
कृपश् च कृतवर्मा च द्रौणिश् चैव महाबलः एते रक्षन्ति राजानं सूतपुत्रेण रक्षिताः अवध्यमानास् ते ऽस्माभिर् घातयिष्यन्ति सोमकान्
kṛpaś ca kṛtavarmā ca drauṇiś caiva mahābalaḥ ete rakṣanti rājānaṃ sūtaputreṇa rakṣitāḥ avadhyamānās te 'smābhir ghātayiṣyanti somakān
Sanskrit only: no published translation is held for this verse.
एष शल्यो रथोपस्थे रश्मिसंचारकोविदः सूतपुत्ररथं कृष्ण वाहयन् बहु शोभते
eṣa śalyo rathopasthe raśmisaṃcārakovidaḥ sūtaputrarathaṃ kṛṣṇa vāhayan bahu śobhate
Sanskrit only: no published translation is held for this verse.
तत्र मे बुद्धिर् उत्पन्ना वाहयात्र महारथम् नाहत्वा समरे कर्णं निवर्तिष्ये कथं चन
tatra me buddhir utpannā vāhayātra mahāratham nāhatvā samare karṇaṃ nivartiṣye kathaṃ cana
Sanskrit only: no published translation is held for this verse.
राधेयो ऽप्य् अन्यथा पार्थान् सृञ्जयांश् च महारथान् निःशेषान् समरे कुर्यात् पश्यतोर् नौ जनार्दन
rādheyo 'py anyathā pārthān sṛñjayāṃś ca mahārathān niḥśeṣān samare kuryāt paśyator nau janārdana
Sanskrit only: no published translation is held for this verse.
ततः प्रायाद् रथेनाशु केशवस् तव वाहिनीम् कर्णं प्रति महेष्वासं द्वैरथे सव्यसाचिना
tataḥ prāyād rathenāśu keśavas tava vāhinīm karṇaṃ prati maheṣvāsaṃ dvairathe savyasācinā
Sanskrit only: no published translation is held for this verse.
प्रयातश् च महाबाहुः पाण्डवानुज्ञया हरिः आश्वासयन् रथेनैव पाण्डुसैन्यानि सर्वशः
prayātaś ca mahābāhuḥ pāṇḍavānujñayā hariḥ āśvāsayan rathenaiva pāṇḍusainyāni sarvaśaḥ
Sanskrit only: no published translation is held for this verse.
रथघोषः स संग्रामे पाण्डवेयस्य संबभौ वासवाशनितुल्यस्य महौघस्येव मारिष
rathaghoṣaḥ sa saṃgrāme pāṇḍaveyasya saṃbabhau vāsavāśanitulyasya mahaughasyeva māriṣa
Sanskrit only: no published translation is held for this verse.
महता रथघोषेण पाण्डवः सत्यविक्रमः अभ्ययाद् अप्रमेयात्मा विजयस् तव वाहिनीम्
mahatā rathaghoṣeṇa pāṇḍavaḥ satyavikramaḥ abhyayād aprameyātmā vijayas tava vāhinīm
Sanskrit only: no published translation is held for this verse.
तम् आयान्तं समीक्ष्यैव श्वेताश्वं कृष्णसारथिम् मद्रराजो ऽब्रवीत् कर्णं केतुं दृष्ट्वा महात्मनः
tam āyāntaṃ samīkṣyaiva śvetāśvaṃ kṛṣṇasārathim madrarājo 'bravīt karṇaṃ ketuṃ dṛṣṭvā mahātmanaḥ
Sanskrit only: no published translation is held for this verse.
अयं स रथ आयाति श्वेताश्वः कृष्णसारथिः निघ्नन्न् अमित्रान् समरे यं कर्ण परिपृच्छसि
ayaṃ sa ratha āyāti śvetāśvaḥ kṛṣṇasārathiḥ nighnann amitrān samare yaṃ karṇa paripṛcchasi
Sanskrit only: no published translation is held for this verse.
एष तिष्ठति कौन्तेयः संस्पृशन् गाण्डिवं धनुः तं हनिष्यसि चेद् अद्य तन् नः श्रेयो भविष्यति
eṣa tiṣṭhati kaunteyaḥ saṃspṛśan gāṇḍivaṃ dhanuḥ taṃ haniṣyasi ced adya tan naḥ śreyo bhaviṣyati
Sanskrit only: no published translation is held for this verse.
एषा विदीर्यते सेना धार्तराष्ट्री समन्ततः अर्जुनस्य भयात् तूर्णं निघ्नतः शात्रवान् बहून्
eṣā vidīryate senā dhārtarāṣṭrī samantataḥ arjunasya bhayāt tūrṇaṃ nighnataḥ śātravān bahūn
Sanskrit only: no published translation is held for this verse.
वर्जयन् सर्वसैन्यानि त्वरते हि धनंजयः त्वदर्थम् इति मन्ये ऽहं यथास्योदीर्यते वपुः
varjayan sarvasainyāni tvarate hi dhanaṃjayaḥ tvadartham iti manye 'haṃ yathāsyodīryate vapuḥ
Sanskrit only: no published translation is held for this verse.
न ह्य् अवस्थाप्यते पार्थो युयुत्सुः केन चित् सह त्वाम् ऋते क्रोधदीप्तो हि पीड्यमाने वृकोदरे
na hy avasthāpyate pārtho yuyutsuḥ kena cit saha tvām ṛte krodhadīpto hi pīḍyamāne vṛkodare
Sanskrit only: no published translation is held for this verse.
विरथं धर्मराजं च दृष्ट्वा सुदृढविक्षतम् शिखण्डिनं सात्यकिं च धृष्टद्युम्नं च पार्षतम्
virathaṃ dharmarājaṃ ca dṛṣṭvā sudṛḍhavikṣatam śikhaṇḍinaṃ sātyakiṃ ca dhṛṣṭadyumnaṃ ca pārṣatam
Sanskrit only: no published translation is held for this verse.
द्रौपदेयान् युधामन्युम् उत्तमौजसम् एव च नकुलं सहदेवं च भ्रातरौ द्वौ समीक्ष्य च
draupadeyān yudhāmanyum uttamaujasam eva ca nakulaṃ sahadevaṃ ca bhrātarau dvau samīkṣya ca
Sanskrit only: no published translation is held for this verse.
सहसैकरथः पार्थस् त्वाम् अभ्येति परंतप क्रोधरक्तेक्षणः क्रुद्धो जिघांसुः सर्वधन्विनाम्
sahasaikarathaḥ pārthas tvām abhyeti paraṃtapa krodharaktekṣaṇaḥ kruddho jighāṃsuḥ sarvadhanvinām
Sanskrit only: no published translation is held for this verse.
त्वरितो ऽभिपतत्य् अस्मांस् त्यक्त्वा सैन्यान्य् असंशयम् त्वं कर्ण प्रतियाह्य् एनं नास्त्य् अन्यो हि धनुर्धरः
tvarito 'bhipataty asmāṃs tyaktvā sainyāny asaṃśayam tvaṃ karṇa pratiyāhy enaṃ nāsty anyo hi dhanurdharaḥ
Sanskrit only: no published translation is held for this verse.
न तं पश्यामि लोके ऽस्मिंस् त्वत्तो ऽप्य् अन्यं धनुर्धरम् अर्जुनं समरे क्रुद्धं यो वेलाम् इव धारयेत्
na taṃ paśyāmi loke 'smiṃs tvatto 'py anyaṃ dhanurdharam arjunaṃ samare kruddhaṃ yo velām iva dhārayet
Sanskrit only: no published translation is held for this verse.
न चास्य रक्षां पश्यामि पृष्ठतो न च पार्श्वतः एक एवाभियाति त्वां पश्य साफल्यम् आत्मनः
na cāsya rakṣāṃ paśyāmi pṛṣṭhato na ca pārśvataḥ eka evābhiyāti tvāṃ paśya sāphalyam ātmanaḥ
Sanskrit only: no published translation is held for this verse.
त्वं हि कृष्णौ रणे शक्तः संसाधयितुम् आहवे तवैष भारो राधेय प्रत्युद्याहि धनंजयम्
tvaṃ hi kṛṣṇau raṇe śaktaḥ saṃsādhayitum āhave tavaiṣa bhāro rādheya pratyudyāhi dhanaṃjayam
Sanskrit only: no published translation is held for this verse.
त्वं कृतो ह्य् एव भीष्मेण द्रोणद्रौणिकृपैर् अपि सव्यसाचिप्रतिरथस् तं निवर्तय पाण्डवम्
tvaṃ kṛto hy eva bhīṣmeṇa droṇadrauṇikṛpair api savyasācipratirathas taṃ nivartaya pāṇḍavam
Sanskrit only: no published translation is held for this verse.
लेलिहानं यथा सर्पं गर्जन्तम् ऋषभं यथा लयस्थितं यथा व्याघ्रं जहि कर्ण धनंजयम्
lelihānaṃ yathā sarpaṃ garjantam ṛṣabhaṃ yathā layasthitaṃ yathā vyāghraṃ jahi karṇa dhanaṃjayam
Sanskrit only: no published translation is held for this verse.
एते द्रवन्ति समरे धार्तराष्ट्रा महारथाः अर्जुनस्य भयात् तूर्णं निरपेक्षा जनाधिपाः
ete dravanti samare dhārtarāṣṭrā mahārathāḥ arjunasya bhayāt tūrṇaṃ nirapekṣā janādhipāḥ
Sanskrit only: no published translation is held for this verse.
द्रवताम् अथ तेषां तु युधि नान्यो ऽस्ति मानवः भयहा यो भवेद् वीर त्वाम् ऋते सूतनन्दन
dravatām atha teṣāṃ tu yudhi nānyo 'sti mānavaḥ bhayahā yo bhaved vīra tvām ṛte sūtanandana
Sanskrit only: no published translation is held for this verse.
एते त्वां कुरवः सर्वे द्वीपम् आसाद्य संयुगे विष्ठिताः पुरुषव्याघ्र त्वत्तः शरणकाङ्क्षिणः
ete tvāṃ kuravaḥ sarve dvīpam āsādya saṃyuge viṣṭhitāḥ puruṣavyāghra tvattaḥ śaraṇakāṅkṣiṇaḥ
Sanskrit only: no published translation is held for this verse.
वैदेहाम्बष्ठकाम्बोजास् तथा नग्नजितस् त्वया गान्धाराश् च यया धृत्या जिताः संख्ये सुदुर्जयाः
vaidehāmbaṣṭhakāmbojās tathā nagnajitas tvayā gāndhārāś ca yayā dhṛtyā jitāḥ saṃkhye sudurjayāḥ
Sanskrit only: no published translation is held for this verse.
तां धृतिं कुरु राधेय ततः प्रत्येहि पाण्डवम् वासुदेवं च वार्ष्णेयं प्रीयमाणं किरीटिना
tāṃ dhṛtiṃ kuru rādheya tataḥ pratyehi pāṇḍavam vāsudevaṃ ca vārṣṇeyaṃ prīyamāṇaṃ kirīṭinā
Sanskrit only: no published translation is held for this verse.
कर्ण उवाच प्रकृतिस्थो हि मे शल्य इदानीं संमतस् तथा प्रतिभासि महाबाहो विभीश् चैव धनंजयात्
karṇa uvāca prakṛtistho hi me śalya idānīṃ saṃmatas tathā pratibhāsi mahābāho vibhīś caiva dhanaṃjayāt
Sanskrit only: no published translation is held for this verse.
पश्य बाह्वोर् बलं मे ऽद्य शिक्षितस्य च पश्य मे एको ऽद्य निहनिष्यामि पाण्डवानां महाचमूम्
paśya bāhvor balaṃ me 'dya śikṣitasya ca paśya me eko 'dya nihaniṣyāmi pāṇḍavānāṃ mahācamūm
Sanskrit only: no published translation is held for this verse.
कृष्णौ च पुरुषव्याघ्रौ तच् च सत्यं ब्रवीमि ते नाहत्वा युधि तौ वीराव् अपयास्ये कथं चन
kṛṣṇau ca puruṣavyāghrau tac ca satyaṃ bravīmi te nāhatvā yudhi tau vīrāv apayāsye kathaṃ cana
Sanskrit only: no published translation is held for this verse.
स्वप्स्ये वा निहतस् ताभ्याम् असत्यो हि रणे जयः कृतार्थो वा भविष्यामि हत्वा ताव् अथ वा हतः
svapsye vā nihatas tābhyām asatyo hi raṇe jayaḥ kṛtārtho vā bhaviṣyāmi hatvā tāv atha vā hataḥ
Sanskrit only: no published translation is held for this verse.
नैतादृशो जातु बभूव लोके; रथोत्तमो यावद् अनुश्रुतं नः तम् ईदृशं प्रतियोत्स्यामि पार्थं; महाहवे पश्य च पौरुषं मे
naitādṛśo jātu babhūva loke; rathottamo yāvad anuśrutaṃ naḥ tam īdṛśaṃ pratiyotsyāmi pārthaṃ; mahāhave paśya ca pauruṣaṃ me
Sanskrit only: no published translation is held for this verse.
रथे चरत्य् एष रथप्रवीरः; शीघ्रैर् हयैः कौरवराजपुत्रः स वाद्य मां नेष्यति कृच्छ्रम् एतत्; कर्णस्यान्ताद् एतद् अन्ताः स्थ सर्वे
rathe caraty eṣa rathapravīraḥ; śīghrair hayaiḥ kauravarājaputraḥ sa vādya māṃ neṣyati kṛcchram etat; karṇasyāntād etad antāḥ stha sarve
Sanskrit only: no published translation is held for this verse.
अस्वेदिनौ राजपुत्रस्य हस्ताव्; अवेपिनौ जातकिणौ बृहन्तौ दृढायुधः कृतिमान् क्षिप्रहस्तो; न पाण्डवेयेन समो ऽस्ति योधः
asvedinau rājaputrasya hastāv; avepinau jātakiṇau bṛhantau dṛḍhāyudhaḥ kṛtimān kṣiprahasto; na pāṇḍaveyena samo 'sti yodhaḥ
Sanskrit only: no published translation is held for this verse.
गृह्णात्य् अनेकान् अपि कङ्कपत्रान्; एकं यथा तान् क्षितिपान् प्रमथ्य ते क्रोशमात्रं निपतन्त्य् अमोघाः; कस् तेन योधो ऽस्ति समः पृथिव्याम्
gṛhṇāty anekān api kaṅkapatrān; ekaṃ yathā tān kṣitipān pramathya te krośamātraṃ nipatanty amoghāḥ; kas tena yodho 'sti samaḥ pṛthivyām
Sanskrit only: no published translation is held for this verse.
अतोषयत् पाण्डवेयो हुताशं; कृष्णद्वितीयो ऽतिरथस् तरस्वी लेभे चक्रं यत्र कृष्णो महात्मा; धनुर् गाण्डीवं पाण्डवः सव्यसाची
atoṣayat pāṇḍaveyo hutāśaṃ; kṛṣṇadvitīyo 'tirathas tarasvī lebhe cakraṃ yatra kṛṣṇo mahātmā; dhanur gāṇḍīvaṃ pāṇḍavaḥ savyasācī
Sanskrit only: no published translation is held for this verse.
श्वेताश्वयुक्तं च सुघोषम् अग्र्यं; रथं महाबाहुर् अदीनसत्त्वः महेषुधी चाक्षयौ दिव्यरूपौ; शस्त्राणि दिव्यानि च हव्यवाहात्
śvetāśvayuktaṃ ca sughoṣam agryaṃ; rathaṃ mahābāhur adīnasattvaḥ maheṣudhī cākṣayau divyarūpau; śastrāṇi divyāni ca havyavāhāt
Sanskrit only: no published translation is held for this verse.
तथेन्द्रलोके निजघान दैत्यान्; असंख्येयान् कालकेयांश् च सर्वान् लेभे शङ्खं देवदत्तं स्म तत्र; को नाम तेनाभ्यधिकः पृथिव्याम्
tathendraloke nijaghāna daityān; asaṃkhyeyān kālakeyāṃś ca sarvān lebhe śaṅkhaṃ devadattaṃ sma tatra; ko nāma tenābhyadhikaḥ pṛthivyām
Sanskrit only: no published translation is held for this verse.
महादेवं तोषयाम् आस चैव; साक्षात् सुयुद्धेन महानुभावः लेभे ततः पाशुपतं सुघोरं; त्रैलोक्यसंहारकरं महास्त्रम्
mahādevaṃ toṣayām āsa caiva; sākṣāt suyuddhena mahānubhāvaḥ lebhe tataḥ pāśupataṃ sughoraṃ; trailokyasaṃhārakaraṃ mahāstram
Sanskrit only: no published translation is held for this verse.
पृथक् पृथग् लोकपालाः समेता; ददुर् ह्य् अस्त्राण्य् अप्रमेयाणि यस्य यैस् ताञ् जघानाशु रणे नृसिंहान्; स कालखञ्जान् असुरान् समेतान्
pṛthak pṛthag lokapālāḥ sametā; dadur hy astrāṇy aprameyāṇi yasya yais tāñ jaghānāśu raṇe nṛsiṃhān; sa kālakhañjān asurān sametān
Sanskrit only: no published translation is held for this verse.
तथा विराटस्य पुरे समेतान्; सर्वान् अस्मान् एकरथेन जित्वा जहार तद् गोधनम् आजिमध्ये; वस्त्राणि चादत्त महारथेभ्यः
tathā virāṭasya pure sametān; sarvān asmān ekarathena jitvā jahāra tad godhanam ājimadhye; vastrāṇi cādatta mahārathebhyaḥ
Sanskrit only: no published translation is held for this verse.
तम् ईदृशं वीर्यगुणोपपन्नं; कृष्णद्वितीयं वरये रणाय अनन्तवीर्येण च केशवेन; नारायणेनाप्रतिमेन गुप्तम्
tam īdṛśaṃ vīryaguṇopapannaṃ; kṛṣṇadvitīyaṃ varaye raṇāya anantavīryeṇa ca keśavena; nārāyaṇenāpratimena guptam
Sanskrit only: no published translation is held for this verse.
वर्षायुतैर् यस्य गुणा न शक्या; वक्तुं समेतैर् अपि सर्वलोकैः महात्मनः शङ्खचक्रासिपाणेर्; विष्णोर् जिष्णोर् वसुदेवात्मजस्य भयं मे वै जायते साध्वसं च; दृष्ट्वा कृष्णाव् एकरथे समेतौ
varṣāyutair yasya guṇā na śakyā; vaktuṃ sametair api sarvalokaiḥ mahātmanaḥ śaṅkhacakrāsipāṇer; viṣṇor jiṣṇor vasudevātmajasya bhayaṃ me vai jāyate sādhvasaṃ ca; dṛṣṭvā kṛṣṇāv ekarathe sametau
Sanskrit only: no published translation is held for this verse.
उभौ हि शूरौ कृतिनौ दृढास्त्रौ; महारथौ संहननोपपन्नौ एतादृशौ फल्गुनवासुदेवौ; को ऽन्यः प्रतीयान् मद् ऋते नु शल्य
ubhau hi śūrau kṛtinau dṛḍhāstrau; mahārathau saṃhananopapannau etādṛśau phalgunavāsudevau; ko 'nyaḥ pratīyān mad ṛte nu śalya
Sanskrit only: no published translation is held for this verse.
एताव् अहं युधि वा पातयिष्ये; मां वा कृष्णौ निहनिष्यतो ऽद्य इति ब्रुवञ् शल्यम् अमित्रहन्ता; कर्णो रणे मेघ इवोन्ननाद
etāv ahaṃ yudhi vā pātayiṣye; māṃ vā kṛṣṇau nihaniṣyato 'dya iti bruvañ śalyam amitrahantā; karṇo raṇe megha ivonnanāda
Sanskrit only: no published translation is held for this verse.
अभ्येत्य पुत्रेण तवाभिनन्दितः; समेत्य चोवाच कुरुप्रवीरान् कृपं च भोजं च महाभुजाव् उभौ; तथैव गान्धारनृपं सहानुजम् गुरोः सुतं चावरजं तथात्मनः; पदातिनो ऽथ द्विपसादिनो ऽन्यान्
abhyetya putreṇa tavābhinanditaḥ; sametya covāca kurupravīrān kṛpaṃ ca bhojaṃ ca mahābhujāv ubhau; tathaiva gāndhāranṛpaṃ sahānujam guroḥ sutaṃ cāvarajaṃ tathātmanaḥ; padātino 'tha dvipasādino 'nyān
Sanskrit only: no published translation is held for this verse.
निरुन्धताभिद्रवताच्युतार्जुनौ; श्रमेण संयोजयताशु सर्वतः यथा भवद्भिर् भृशविक्षताव् उभौ; सुखेन हन्याम् अहम् अद्य भूमिपाः
nirundhatābhidravatācyutārjunau; śrameṇa saṃyojayatāśu sarvataḥ yathā bhavadbhir bhṛśavikṣatāv ubhau; sukhena hanyām aham adya bhūmipāḥ
Sanskrit only: no published translation is held for this verse.
तथेति चोक्त्वा त्वरिताः स्म ते ऽर्जुनं; जिघांसवो वीरतमाः समभ्ययुः नदीनदान् भूरिजलो महार्णवो; यथा तथा तान् समरे ऽर्जुनो ऽग्रसत्
tatheti coktvā tvaritāḥ sma te 'rjunaṃ; jighāṃsavo vīratamāḥ samabhyayuḥ nadīnadān bhūrijalo mahārṇavo; yathā tathā tān samare 'rjuno 'grasat
Sanskrit only: no published translation is held for this verse.
न संदधानो न तथा शरोत्तमान्; प्रमुञ्चमानो रिपुभिः प्रदृश्यते धनंजयस् तस्य शरैश् च दारिता; हताश् च पेतुर् नरवाजिकुञ्जराः
na saṃdadhāno na tathā śarottamān; pramuñcamāno ripubhiḥ pradṛśyate dhanaṃjayas tasya śaraiś ca dāritā; hatāś ca petur naravājikuñjarāḥ
Sanskrit only: no published translation is held for this verse.
शरार्चिषं गाण्डिवचारुमण्डलं; युगान्तसूर्यप्रतिमानतेजसम् न कौरवाः शेकुर् उदीक्षितुं जयं; यथा रविं व्याधितचक्षुषो जनाः
śarārciṣaṃ gāṇḍivacārumaṇḍalaṃ; yugāntasūryapratimānatejasam na kauravāḥ śekur udīkṣituṃ jayaṃ; yathā raviṃ vyādhitacakṣuṣo janāḥ
Sanskrit only: no published translation is held for this verse.
तम् अभ्यधावद् विसृजञ् शरान् कृपस्; तथैव भोजस् तव चात्मजः स्वयम् जिघांसुभिस् तान् कुशलैः शरोत्तमान्; महाहवे संजवितान् प्रयत्नतः शरैः प्रचिच्छेद च पाण्डवस् त्वरन्; पराभिनद् वक्षसि च त्रिभिस् त्रिभिः
tam abhyadhāvad visṛjañ śarān kṛpas; tathaiva bhojas tava cātmajaḥ svayam jighāṃsubhis tān kuśalaiḥ śarottamān; mahāhave saṃjavitān prayatnataḥ śaraiḥ praciccheda ca pāṇḍavas tvaran; parābhinad vakṣasi ca tribhis tribhiḥ
Sanskrit only: no published translation is held for this verse.
स गाण्डिवाभ्यायतपूर्णमण्डलस्; तपन् रिपून् अर्जुनभास्करो बभौ शरोग्ररश्मिः शुचिशुक्रमध्यगो; यथैव सूर्यः परिवेषगस् तथा
sa gāṇḍivābhyāyatapūrṇamaṇḍalas; tapan ripūn arjunabhāskaro babhau śarograraśmiḥ śuciśukramadhyago; yathaiva sūryaḥ pariveṣagas tathā
Sanskrit only: no published translation is held for this verse.
अथाग्र्यबाणैर् दशभिर् धनंजयं; पराभिनद् द्रोणसुतो ऽच्युतं त्रिभिः चतुर्भिर् अश्वांश् चतुरः कपिं तथा; शरैः स नाराचवरैर् अवाकिरत्
athāgryabāṇair daśabhir dhanaṃjayaṃ; parābhinad droṇasuto 'cyutaṃ tribhiḥ caturbhir aśvāṃś caturaḥ kapiṃ tathā; śaraiḥ sa nārācavarair avākirat
Sanskrit only: no published translation is held for this verse.
तथा तु तत् तत् स्फुरद् आत्तकार्मुकं; त्रिभिः शरैर् यन्तृशिरः क्षुरेण हयांश् चतुर्भिश् चतुरस् त्रिभिर् ध्वजं; धनंजयो द्रौणिरथान् न्यपातयत्
tathā tu tat tat sphurad āttakārmukaṃ; tribhiḥ śarair yantṛśiraḥ kṣureṇa hayāṃś caturbhiś caturas tribhir dhvajaṃ; dhanaṃjayo drauṇirathān nyapātayat
Sanskrit only: no published translation is held for this verse.
स रोषपूर्णो ऽशनिवज्रहाटकैर्; अलंकृतं तक्षकभोगवर्चसम् सुबन्धनं कार्मुकम् अन्यद् आददे; यथा महाहिप्रवरं गिरेस् तथा
sa roṣapūrṇo 'śanivajrahāṭakair; alaṃkṛtaṃ takṣakabhogavarcasam subandhanaṃ kārmukam anyad ādade; yathā mahāhipravaraṃ gires tathā
Sanskrit only: no published translation is held for this verse.
स्वम् आयुधं चोपविकीर्य भूतले; धनुश् च कृत्वा सगुणं गुणाधिकः समानयानाव् अजितौ नरोत्तमौ; शरोत्तमैर् द्रौणिर् अविध्यद् अन्तिकात्
svam āyudhaṃ copavikīrya bhūtale; dhanuś ca kṛtvā saguṇaṃ guṇādhikaḥ samānayānāv ajitau narottamau; śarottamair drauṇir avidhyad antikāt
Sanskrit only: no published translation is held for this verse.
कृपश् च भोजश् च तथात्मजश् च ते; तमोनुदं वारिधरा इवापतन् कृपस्य पार्थः सशरं शरासनं; हयान् ध्वजं सारथिम् एव पत्रिभिः
kṛpaś ca bhojaś ca tathātmajaś ca te; tamonudaṃ vāridharā ivāpatan kṛpasya pārthaḥ saśaraṃ śarāsanaṃ; hayān dhvajaṃ sārathim eva patribhiḥ
Sanskrit only: no published translation is held for this verse.
शरैः प्रचिच्छेद तवात्मजस्य; ध्वजं धनुश् च प्रचकर्त नर्दतः जघान चाश्वान् कृतवर्मणः शुभान्; ध्वजं च चिच्छेद ततः प्रतापवान्
śaraiḥ praciccheda tavātmajasya; dhvajaṃ dhanuś ca pracakarta nardataḥ jaghāna cāśvān kṛtavarmaṇaḥ śubhān; dhvajaṃ ca ciccheda tataḥ pratāpavān
Sanskrit only: no published translation is held for this verse.
सवाजिसूतेष्व् असनान् सकेतनाञ्; जघान नागाश्वरथांस् त्वरंश् च सः ततः प्रकीर्णं सुमहद् बलं तव; प्रदारितं सेतुर् इवाम्भसा यथा ततो ऽर्जुनस्याशु रथेन केशवश्; चकार शत्रून् अपसव्यम् आतुरान्
savājisūteṣv asanān saketanāñ; jaghāna nāgāśvarathāṃs tvaraṃś ca saḥ tataḥ prakīrṇaṃ sumahad balaṃ tava; pradāritaṃ setur ivāmbhasā yathā tato 'rjunasyāśu rathena keśavaś; cakāra śatrūn apasavyam āturān
Sanskrit only: no published translation is held for this verse.
ततः प्रयान्तं त्वरितं धनंजयं; शतक्रतुं वृत्रनिजघ्नुषं यथा समन्वधावन् पुनर् उच्छ्रितैर् ध्वजै; रथैः सुयुक्तैर् अपरे युयुत्सवः
tataḥ prayāntaṃ tvaritaṃ dhanaṃjayaṃ; śatakratuṃ vṛtranijaghnuṣaṃ yathā samanvadhāvan punar ucchritair dhvajai; rathaiḥ suyuktair apare yuyutsavaḥ
Sanskrit only: no published translation is held for this verse.
अथाभिसृत्य प्रतिवार्य तान् अरीन्; धनंजयस्याभि रथं महारथाः शिखण्डिशैनेययमाः शितैः शरैर्; विदारयन्तो व्यनदन् सुभैरवम्
athābhisṛtya prativārya tān arīn; dhanaṃjayasyābhi rathaṃ mahārathāḥ śikhaṇḍiśaineyayamāḥ śitaiḥ śarair; vidārayanto vyanadan subhairavam
Sanskrit only: no published translation is held for this verse.
ततो ऽभिजघ्नुः कुपिताः परस्परं; शरैस् तदाञ्जोगतिभिः सुतेजनैः कुरुप्रवीराः सह सृञ्जयैर् यथा;सुराः पुरा देववरैर् अयोधयन्
tato 'bhijaghnuḥ kupitāḥ parasparaṃ; śarais tadāñjogatibhiḥ sutejanaiḥ kurupravīrāḥ saha sṛñjayair yathā;surāḥ purā devavarair ayodhayan
Sanskrit only: no published translation is held for this verse.
जयेप्सवः स्वर्गमनाय चोत्सुकाः; पतन्ति नागाश्वरथाः परंतप जगर्जुर् उच्चैर् बलवच् च विव्यधुः; शरैः सुमुक्तैर् इतरेतरं पृथक्
jayepsavaḥ svargamanāya cotsukāḥ; patanti nāgāśvarathāḥ paraṃtapa jagarjur uccair balavac ca vivyadhuḥ; śaraiḥ sumuktair itaretaraṃ pṛthak
Sanskrit only: no published translation is held for this verse.
शरान्धकारे तु महात्मभिः कृते; महामृधे योधवरैः परस्परम् बभुर् दशाशा न दिवं च पार्थिव; प्रभा च सूर्यस्य तमोवृताभवत्
śarāndhakāre tu mahātmabhiḥ kṛte; mahāmṛdhe yodhavaraiḥ parasparam babhur daśāśā na divaṃ ca pārthiva; prabhā ca sūryasya tamovṛtābhavat
Sanskrit only: no published translation is held for this verse.