Library·Mahābhārata (critical edition)·8·8.62
संजय उवाच दुःशासने तु निहते पुत्रास् तव महारथाः महाक्रोधविषा वीराः समरेष्व् अपलायिनः दश राजन् महावीर्यो भीमं प्राच्छादयञ् शरैः
saṃjaya uvāca duḥśāsane tu nihate putrās tava mahārathāḥ mahākrodhaviṣā vīrāḥ samareṣv apalāyinaḥ daśa rājan mahāvīryo bhīmaṃ prācchādayañ śaraiḥ
Sanskrit only: no published translation is held for this verse.
कवची निषङ्गी पाशी दण्डधारो धनुर्धरः अलोलुपः शलः संधो वातवेगसुवर्चसौ
kavacī niṣaṅgī pāśī daṇḍadhāro dhanurdharaḥ alolupaḥ śalaḥ saṃdho vātavegasuvarcasau
Sanskrit only: no published translation is held for this verse.
एते समेत्य सहिता भ्रातृव्यसनकर्शिताः भीमसेनं महाबाहुं मार्गणैः समवारयन्
ete sametya sahitā bhrātṛvyasanakarśitāḥ bhīmasenaṃ mahābāhuṃ mārgaṇaiḥ samavārayan
Sanskrit only: no published translation is held for this verse.
स वार्यमाणो विशिखैः समन्तात् तैर् महारथैः भीमः क्रोधाभिरक्ताक्षः क्रुद्धः काल इवाबभौ
sa vāryamāṇo viśikhaiḥ samantāt tair mahārathaiḥ bhīmaḥ krodhābhiraktākṣaḥ kruddhaḥ kāla ivābabhau
Sanskrit only: no published translation is held for this verse.
तांस् तु भल्लैर् महावेगैर् दशभिर् दशभिः शितैः रुक्माङ्गदो रुक्मपुङ्खैः पार्थो निन्ये यमक्षयम्
tāṃs tu bhallair mahāvegair daśabhir daśabhiḥ śitaiḥ rukmāṅgado rukmapuṅkhaiḥ pārtho ninye yamakṣayam
Sanskrit only: no published translation is held for this verse.
हतेषु तेषु वीरेषु प्रदुद्राव बलं तव पश्यतः सूतपुत्रस्य पाण्डवस्य भयार्दितम्
hateṣu teṣu vīreṣu pradudrāva balaṃ tava paśyataḥ sūtaputrasya pāṇḍavasya bhayārditam
Sanskrit only: no published translation is held for this verse.
ततः कर्णो महाराज प्रविवेश महारणम् दृष्ट्वा भीमस्य विक्रान्तम् अन्तकस्य प्रजास्व् इव
tataḥ karṇo mahārāja praviveśa mahāraṇam dṛṣṭvā bhīmasya vikrāntam antakasya prajāsv iva
Sanskrit only: no published translation is held for this verse.
तस्य त्व् आकारभावज्ञः शल्यः समितिशोभनः उवाच वचनं कर्णं प्राप्तकालम् अरिंदम मा व्यथां कुरु राधेय नैतत् त्वय्य् उपपद्यते
tasya tv ākārabhāvajñaḥ śalyaḥ samitiśobhanaḥ uvāca vacanaṃ karṇaṃ prāptakālam ariṃdama mā vyathāṃ kuru rādheya naitat tvayy upapadyate
Sanskrit only: no published translation is held for this verse.
एते द्रवन्ति राजानो भीमसेनभयार्दिताः दुर्योधनश् च संमूढो भ्रातृव्यसनदुःखितः
ete dravanti rājāno bhīmasenabhayārditāḥ duryodhanaś ca saṃmūḍho bhrātṛvyasanaduḥkhitaḥ
Sanskrit only: no published translation is held for this verse.
दुःशासनस्य रुधिरे पीयमाने महात्मना व्यापन्नचेतसश् चैव शोकोपहतमन्यवः
duḥśāsanasya rudhire pīyamāne mahātmanā vyāpannacetasaś caiva śokopahatamanyavaḥ
Sanskrit only: no published translation is held for this verse.
दुर्योधनम् उपासन्ते परिवार्य समन्ततः कृपप्रभृतयः कर्ण हतशेषाश् च सोदराः
duryodhanam upāsante parivārya samantataḥ kṛpaprabhṛtayaḥ karṇa hataśeṣāś ca sodarāḥ
Sanskrit only: no published translation is held for this verse.
पाण्डवा लब्धलक्षाश् च धनंजयपुरोगमाः त्वाम् एवाभिमुखाः शूरा युद्धाय समुपास्थिताः
pāṇḍavā labdhalakṣāś ca dhanaṃjayapurogamāḥ tvām evābhimukhāḥ śūrā yuddhāya samupāsthitāḥ
Sanskrit only: no published translation is held for this verse.
स त्वं पुरुषशार्दूल पौरुषे महति स्थितः क्षत्रधर्मं पुरस्कृत्य प्रत्युद्याहि धनंजयम्
sa tvaṃ puruṣaśārdūla pauruṣe mahati sthitaḥ kṣatradharmaṃ puraskṛtya pratyudyāhi dhanaṃjayam
Sanskrit only: no published translation is held for this verse.
भारो हि धार्तराष्ट्रेण त्वयि सर्वः समर्पितः तम् उद्वह महाबाहो यथाशक्ति यथाबलम् जये स्याद् विपुला कीर्तिर् ध्रुवः स्वर्गः पराजये
bhāro hi dhārtarāṣṭreṇa tvayi sarvaḥ samarpitaḥ tam udvaha mahābāho yathāśakti yathābalam jaye syād vipulā kīrtir dhruvaḥ svargaḥ parājaye
Sanskrit only: no published translation is held for this verse.
वृषसेनश् च राधेय संक्रुद्धस् तनयस् तव त्वयि मोहसमापन्ने पाण्डवान् अभिधावति
vṛṣasenaś ca rādheya saṃkruddhas tanayas tava tvayi mohasamāpanne pāṇḍavān abhidhāvati
Sanskrit only: no published translation is held for this verse.
एतच् छ्रुत्वा तु वचनं शल्यस्यामिततेजसः हृदि मानुष्यकं भावं चक्रे युद्धाय सुस्थिरम्
etac chrutvā tu vacanaṃ śalyasyāmitatejasaḥ hṛdi mānuṣyakaṃ bhāvaṃ cakre yuddhāya susthiram
Sanskrit only: no published translation is held for this verse.
ततः क्रुद्धो वृषसेनो ऽभ्यधावद्; आतस्थिवांसं स्वरथं हतारिम् वृकोदरं कालम् इवात्तदण्डं; गदाहस्तं पोथमानं त्वदीयान्
tataḥ kruddho vṛṣaseno 'bhyadhāvad; ātasthivāṃsaṃ svarathaṃ hatārim vṛkodaraṃ kālam ivāttadaṇḍaṃ; gadāhastaṃ pothamānaṃ tvadīyān
Sanskrit only: no published translation is held for this verse.
तम् अभ्यधावन् नकुलः प्रवीरो; रोषाद् अमित्रं प्रतुदन् पृषत्कैः कर्णस्य पुत्रं समरे प्रहृष्टं; जिष्णुर् जिघांसुर् मघवेव जम्भम्
tam abhyadhāvan nakulaḥ pravīro; roṣād amitraṃ pratudan pṛṣatkaiḥ karṇasya putraṃ samare prahṛṣṭaṃ; jiṣṇur jighāṃsur maghaveva jambham
Sanskrit only: no published translation is held for this verse.
ततो ध्वजं स्फाटिकचित्रकम्बुं; चिच्छेद वीरो नकुलः क्षुरेण कर्णात्मजस्येष्वसनं च चित्रं; भल्लेन जाम्बूनदपट्टनद्धम्
tato dhvajaṃ sphāṭikacitrakambuṃ; ciccheda vīro nakulaḥ kṣureṇa karṇātmajasyeṣvasanaṃ ca citraṃ; bhallena jāmbūnadapaṭṭanaddham
Sanskrit only: no published translation is held for this verse.
अथान्यद् आदाय धनुः सुशीघ्रं; कर्णात्मजः पाण्डवम् अभ्यविध्यत् दिव्यैर् महास्त्रैर् नकुलं महास्त्रो; दुःशासनस्यापचितिं यियासुः
athānyad ādāya dhanuḥ suśīghraṃ; karṇātmajaḥ pāṇḍavam abhyavidhyat divyair mahāstrair nakulaṃ mahāstro; duḥśāsanasyāpacitiṃ yiyāsuḥ
Sanskrit only: no published translation is held for this verse.
ततः क्रुद्धो नकुलस् तं महात्मा; शरैर् महोल्काप्रतिमैर् अविध्यत् दिव्यैर् अस्त्रैर् अभ्यविध्यच् च सो ऽपि; कर्णस्य पुत्रो नकुलं कृतास्त्रः
tataḥ kruddho nakulas taṃ mahātmā; śarair maholkāpratimair avidhyat divyair astrair abhyavidhyac ca so 'pi; karṇasya putro nakulaṃ kṛtāstraḥ
Sanskrit only: no published translation is held for this verse.
कर्णस्य पुत्रो नकुलस्य राजन्; सर्वान् अश्वान् अक्षिणोद् उत्तमास्त्रैः वनायुजान् सुकुमारस्य शुभ्रान्; अलंकृताञ् जातरूपेण शीघ्रान्
karṇasya putro nakulasya rājan; sarvān aśvān akṣiṇod uttamāstraiḥ vanāyujān sukumārasya śubhrān; alaṃkṛtāñ jātarūpeṇa śīghrān
Sanskrit only: no published translation is held for this verse.
ततो हताश्वाद् अवरुह्य यानाद्; आदाय चर्म रुचिरं चाष्टचन्द्रम् आकाशसंकाशम् असिं गृहीत्वा; पोप्लूयमानः खगवच् चचार
tato hatāśvād avaruhya yānād; ādāya carma ruciraṃ cāṣṭacandram ākāśasaṃkāśam asiṃ gṛhītvā; poplūyamānaḥ khagavac cacāra
Sanskrit only: no published translation is held for this verse.
ततो ऽन्तरिक्षे नृवराश्वनागांश्; चिच्छेद मार्गान् विचरन् विचित्रान् ते प्रापतन्न् असिना गां विशस्ता; यथाश्वमेधे पशवः शमित्रा
tato 'ntarikṣe nṛvarāśvanāgāṃś; ciccheda mārgān vicaran vicitrān te prāpatann asinā gāṃ viśastā; yathāśvamedhe paśavaḥ śamitrā
Sanskrit only: no published translation is held for this verse.
द्विसाहस्रा विदिता युद्धशौण्डा; नानादेश्याः सुभृताः सत्यसंधाः एकेन शीघ्रं नकुलेन कृत्ताः; सारेप्सुनेवोत्तमचन्दनास् ते
dvisāhasrā viditā yuddhaśauṇḍā; nānādeśyāḥ subhṛtāḥ satyasaṃdhāḥ ekena śīghraṃ nakulena kṛttāḥ; sārepsunevottamacandanās te
Sanskrit only: no published translation is held for this verse.
तम् आपतन्तं नकुलं सो ऽभिपत्य; समन्ततः सायकैर् अभ्यविध्यत् स तुद्यमानो नकुलः पृषत्कैर्; विव्याध वीरं स चुकोप विद्धः
tam āpatantaṃ nakulaṃ so 'bhipatya; samantataḥ sāyakair abhyavidhyat sa tudyamāno nakulaḥ pṛṣatkair; vivyādha vīraṃ sa cukopa viddhaḥ
Sanskrit only: no published translation is held for this verse.
तं कर्णपुत्रो विधमन्तम् एकं; नराश्वमातङ्गरथप्रवेकान् क्रीडन्तम् अष्टादशभिः पृषत्कैर्; विव्याध वीरं स चुकोप विद्धः
taṃ karṇaputro vidhamantam ekaṃ; narāśvamātaṅgarathapravekān krīḍantam aṣṭādaśabhiḥ pṛṣatkair; vivyādha vīraṃ sa cukopa viddhaḥ
Sanskrit only: no published translation is held for this verse.
ततो ऽभ्यधावत् समरे जिघांसुः; कर्णात्मजं पाण्डुसुतो नृवीरः तस्येषुभिर् व्यधमत् कर्णपुत्रो; महारणे चर्म सहस्रतारम्
tato 'bhyadhāvat samare jighāṃsuḥ; karṇātmajaṃ pāṇḍusuto nṛvīraḥ tasyeṣubhir vyadhamat karṇaputro; mahāraṇe carma sahasratāram
Sanskrit only: no published translation is held for this verse.
तस्यायसं निशितं तीक्ष्णधारम्; असिं विकोशं गुरुभारसाहम् द्विषच्छरीरापहरं सुघोरम्; आधुन्वतः सर्पम् इवोग्ररूपम्
tasyāyasaṃ niśitaṃ tīkṣṇadhāram; asiṃ vikośaṃ gurubhārasāham dviṣaccharīrāpaharaṃ sughoram; ādhunvataḥ sarpam ivograrūpam
Sanskrit only: no published translation is held for this verse.
क्षिप्रं शरैः षड्भिर् अमित्रसाहश्; चकर्त खड्गं निशितैः सुधारैः पुनश् च पीतैर् निशितैः पृषत्कैः; स्तनान्तरे गाढम् अथाभ्यविध्यत्
kṣipraṃ śaraiḥ ṣaḍbhir amitrasāhaś; cakarta khaḍgaṃ niśitaiḥ sudhāraiḥ punaś ca pītair niśitaiḥ pṛṣatkaiḥ; stanāntare gāḍham athābhyavidhyat
Sanskrit only: no published translation is held for this verse.
स भीमसेनस्य रथं हताश्वो; माद्रीसुतः कर्णसुताभितप्तः आपुप्लुवे सिंह इवाचलाग्रं; संप्रेक्षमाणस्य धनंजयस्य
sa bhīmasenasya rathaṃ hatāśvo; mādrīsutaḥ karṇasutābhitaptaḥ āpupluve siṃha ivācalāgraṃ; saṃprekṣamāṇasya dhanaṃjayasya
Sanskrit only: no published translation is held for this verse.
नकुलम् अथ विदित्वा छिन्नबाणासनासिं; विरथम् अरिशरार्तं कर्णपुत्रास्त्रभग्नम् पवनधुतपताका ह्रादिनो वल्गिताश्वा; वरपुरुषनियत्तास् ते रथाः शीघ्रम् ईयुः
nakulam atha viditvā chinnabāṇāsanāsiṃ; viratham ariśarārtaṃ karṇaputrāstrabhagnam pavanadhutapatākā hrādino valgitāśvā; varapuruṣaniyattās te rathāḥ śīghram īyuḥ
Sanskrit only: no published translation is held for this verse.
द्रुपदसुतवरिष्ठाः पञ्च शैनेयषष्ठा; द्रुपददुहितृपुत्राः पञ्च चामित्रसाहाः द्विरदरथनराश्वान् सूदयन्तस् त्वदीयान्; भुजगपतिनिकाशैर् मार्गणैर् आत्तशस्त्राः
drupadasutavariṣṭhāḥ pañca śaineyaṣaṣṭhā; drupadaduhitṛputrāḥ pañca cāmitrasāhāḥ dviradarathanarāśvān sūdayantas tvadīyān; bhujagapatinikāśair mārgaṇair āttaśastrāḥ
Sanskrit only: no published translation is held for this verse.
अथ तव रथमुख्यास् तान् प्रतीयुस् त्वरन्तो; हृदिकसुतकृपौ च द्रौणिदुर्योधनौ च शकुनिशुकवृकाश् च क्राथदेवावृधौ च; द्विरदजलदघोषैः स्यन्दनैः कार्मुकैश् च
atha tava rathamukhyās tān pratīyus tvaranto; hṛdikasutakṛpau ca drauṇiduryodhanau ca śakuniśukavṛkāś ca krāthadevāvṛdhau ca; dviradajaladaghoṣaiḥ syandanaiḥ kārmukaiś ca
Sanskrit only: no published translation is held for this verse.
तव नरवरवर्यास् तान् दशैकं च वीरान्; प्रवरशरवराग्र्यैस् ताडयन्तो ऽभ्यरुन्धन् नवजलदसवर्णैर् हस्तिभिस् तान् उदीयुर्; गिरिशिखरनिकाशैर् भीमवेगैः कुणिन्दाः
tava naravaravaryās tān daśaikaṃ ca vīrān; pravaraśaravarāgryais tāḍayanto 'bhyarundhan navajaladasavarṇair hastibhis tān udīyur; giriśikharanikāśair bhīmavegaiḥ kuṇindāḥ
Sanskrit only: no published translation is held for this verse.
सुकल्पिता हैमवता मदोत्कटा; रणाभिकामैः कृतिभिः समास्थिताः सुवर्णजालावतता बभुर् गजास्; तथा यथा वै जलदाः सविद्युतः
sukalpitā haimavatā madotkaṭā; raṇābhikāmaiḥ kṛtibhiḥ samāsthitāḥ suvarṇajālāvatatā babhur gajās; tathā yathā vai jaladāḥ savidyutaḥ
Sanskrit only: no published translation is held for this verse.
कुणिन्दपुत्रो दशभिर् महायसैः; कृपं ससूताश्वम् अपीडयद् भृशम् ततः शरद्वत्सुतसायकैर् हतः; सहैव नागेन पपात भूतले
kuṇindaputro daśabhir mahāyasaiḥ; kṛpaṃ sasūtāśvam apīḍayad bhṛśam tataḥ śaradvatsutasāyakair hataḥ; sahaiva nāgena papāta bhūtale
Sanskrit only: no published translation is held for this verse.
कुणिन्दपुत्रावरजस् तु तोमरैर्; दिवाकरांशुप्रतिमैर् अयस्मयैः रथं च विक्षोभ्य ननाद नर्दतस्; ततो ऽस्य गान्धारपतिः शिरो ऽहरत्
kuṇindaputrāvarajas tu tomarair; divākarāṃśupratimair ayasmayaiḥ rathaṃ ca vikṣobhya nanāda nardatas; tato 'sya gāndhārapatiḥ śiro 'harat
Sanskrit only: no published translation is held for this verse.
ततः कुणिन्देषु हतेषु तेष्व् अथ; प्रहृष्टरूपास् तव ते महारथाः भृशं प्रदध्मुर् लवणाम्बुसंभवान्; परांश् च बाणासनपाणयो ऽभ्ययुः
tataḥ kuṇindeṣu hateṣu teṣv atha; prahṛṣṭarūpās tava te mahārathāḥ bhṛśaṃ pradadhmur lavaṇāmbusaṃbhavān; parāṃś ca bāṇāsanapāṇayo 'bhyayuḥ
Sanskrit only: no published translation is held for this verse.
अथाभवद् युद्धम् अतीव दारुणं; पुनः कुरूणां सह पाण्डुसृञ्जयैः शरासिशक्त्यृष्टिगदापरश्वधैर्; नराश्वनागासुहरं भृशाकुलम्
athābhavad yuddham atīva dāruṇaṃ; punaḥ kurūṇāṃ saha pāṇḍusṛñjayaiḥ śarāsiśaktyṛṣṭigadāparaśvadhair; narāśvanāgāsuharaṃ bhṛśākulam
Sanskrit only: no published translation is held for this verse.
रथाश्वमातङ्गपदातिभिस् ततः; परस्परं विप्रहतापतन् क्षितौ यथा सविद्युत्स्तनिता बलाहकाः; समास्थिता दिग्भ्य इवोग्रमारुतैः
rathāśvamātaṅgapadātibhis tataḥ; parasparaṃ viprahatāpatan kṣitau yathā savidyutstanitā balāhakāḥ; samāsthitā digbhya ivogramārutaiḥ
Sanskrit only: no published translation is held for this verse.
ततः शतानीकहतान् महागजांस्; तथा रथान् पत्तिगणांश् च तावकान् जघान भोजश् च हयान् अथापतन्; विशस्त्रकृत्ताः कृतवर्मणा द्विपाः
tataḥ śatānīkahatān mahāgajāṃs; tathā rathān pattigaṇāṃś ca tāvakān jaghāna bhojaś ca hayān athāpatan; viśastrakṛttāḥ kṛtavarmaṇā dvipāḥ
Sanskrit only: no published translation is held for this verse.
अथापरे द्रौणिशराहता द्विपास्; त्रयः ससर्वायुधयोधकेतवः निपेतुर् उर्व्यां व्यसवः प्रपातितास्; तथा यथा वज्रहता महाचलाः
athāpare drauṇiśarāhatā dvipās; trayaḥ sasarvāyudhayodhaketavaḥ nipetur urvyāṃ vyasavaḥ prapātitās; tathā yathā vajrahatā mahācalāḥ
Sanskrit only: no published translation is held for this verse.
कुणिन्दराजावरजाद् अनन्तरः; स्तनान्तरे पत्रिवरैर् अताडयत् तवात्मजं तस्य तवात्मजः शरैः; शितैः शरीरं बिभिदे द्विपं च तम्
kuṇindarājāvarajād anantaraḥ; stanāntare patrivarair atāḍayat tavātmajaṃ tasya tavātmajaḥ śaraiḥ; śitaiḥ śarīraṃ bibhide dvipaṃ ca tam
Sanskrit only: no published translation is held for this verse.
स नागराजः सह राजसूनुना; पपात रक्तं बहु सर्वतः क्षरन् शचीशवज्रप्रहतो ऽम्बुदागमे; यथा जलं गैरिकपर्वतस् तथा
sa nāgarājaḥ saha rājasūnunā; papāta raktaṃ bahu sarvataḥ kṣaran śacīśavajraprahato 'mbudāgame; yathā jalaṃ gairikaparvatas tathā
Sanskrit only: no published translation is held for this verse.
कुणिन्दपुत्रप्रहितो ऽपरद्विपः; शुकं ससूताश्वरथं व्यपोथयत् ततो ऽपतत् क्राथशराभिदारितः; सहेश्वरो वज्रहतो यथा गिरिः
kuṇindaputraprahito 'paradvipaḥ; śukaṃ sasūtāśvarathaṃ vyapothayat tato 'patat krāthaśarābhidāritaḥ; saheśvaro vajrahato yathā giriḥ
Sanskrit only: no published translation is held for this verse.
रथी द्विपस्थेन हतो ऽपतच् छरैः; क्राथाधिपः पर्वतजेन दुर्जयः सवाजिसूतेष्वसनस् तथापतद्; यथा महावातहतो महाद्रुमः
rathī dvipasthena hato 'patac charaiḥ; krāthādhipaḥ parvatajena durjayaḥ savājisūteṣvasanas tathāpatad; yathā mahāvātahato mahādrumaḥ
Sanskrit only: no published translation is held for this verse.
वृको द्विपस्थं गिरिराजवासिनं; भृशं शरैर् द्वादशभिः पराभिनत् ततो वृकं साश्वरथं महाजवं; त्वरंश् चतुर्भिश् चरणे व्यपोथयत्
vṛko dvipasthaṃ girirājavāsinaṃ; bhṛśaṃ śarair dvādaśabhiḥ parābhinat tato vṛkaṃ sāśvarathaṃ mahājavaṃ; tvaraṃś caturbhiś caraṇe vyapothayat
Sanskrit only: no published translation is held for this verse.
स नागराजः सनियन्तृको ऽपतत्; पराहतो बभ्रुसुतेषुभिर् भृशम् स चापि देवावृधसूनुर् अर्दितः; पपात नुन्नः सहदेवसूनुना
sa nāgarājaḥ saniyantṛko 'patat; parāhato babhrusuteṣubhir bhṛśam sa cāpi devāvṛdhasūnur arditaḥ; papāta nunnaḥ sahadevasūnunā
Sanskrit only: no published translation is held for this verse.
विषाणपोत्रापरगात्रघातिना; गजेन हन्तुं शकुनेः कुणिन्दजः जगाम वेगेन भृशार्दयंश् च तं; ततो ऽस्य गान्धारपतिः शिरो ऽहरत्
viṣāṇapotrāparagātraghātinā; gajena hantuṃ śakuneḥ kuṇindajaḥ jagāma vegena bhṛśārdayaṃś ca taṃ; tato 'sya gāndhārapatiḥ śiro 'harat
Sanskrit only: no published translation is held for this verse.
ततः शतानीकहता महागजा; हया रथाः पत्तिगणाश् च तावकाः सुपर्णवातप्रहता यथा नगास्; तथा गता गाम् अवशा विचूर्णिताः
tataḥ śatānīkahatā mahāgajā; hayā rathāḥ pattigaṇāś ca tāvakāḥ suparṇavātaprahatā yathā nagās; tathā gatā gām avaśā vicūrṇitāḥ
Sanskrit only: no published translation is held for this verse.
ततो ऽभ्यविध्यद् बहुभिः शितैः शरैः; कुणिन्दपुत्रो नकुलात्मजं स्मयन् ततो ऽस्य कायान् निचकर्त नाकुलिः; शिरः क्षुरेणाम्बुजसंनिभाननम्
tato 'bhyavidhyad bahubhiḥ śitaiḥ śaraiḥ; kuṇindaputro nakulātmajaṃ smayan tato 'sya kāyān nicakarta nākuliḥ; śiraḥ kṣureṇāmbujasaṃnibhānanam
Sanskrit only: no published translation is held for this verse.
ततः शतानीकम् अविध्यद् आशुगैस्; त्रिभिः शितैः कर्णसुतो ऽर्जुनं त्रिभिः त्रिभिश् च भीमं नकुलं च सप्तभिर्; जनार्दनं द्वादशभिश् च सायकैः
tataḥ śatānīkam avidhyad āśugais; tribhiḥ śitaiḥ karṇasuto 'rjunaṃ tribhiḥ tribhiś ca bhīmaṃ nakulaṃ ca saptabhir; janārdanaṃ dvādaśabhiś ca sāyakaiḥ
Sanskrit only: no published translation is held for this verse.
तद् अस्य कर्मातिमनुष्यकर्मणः; समीक्ष्य हृष्टाः कुरवो ऽभ्यपूजयन् पराक्रमज्ञास् तु धनंजयस्य ते; हुतो ऽयम् अग्नाव् इति तं तु मेनिरे
tad asya karmātimanuṣyakarmaṇaḥ; samīkṣya hṛṣṭāḥ kuravo 'bhyapūjayan parākramajñās tu dhanaṃjayasya te; huto 'yam agnāv iti taṃ tu menire
Sanskrit only: no published translation is held for this verse.
ततः किरीटी परवीरघाती; हताश्वम् आलोक्य नरप्रवीरम् तम् अभ्यधावद् वृषसेनम् आहवे; स सूतजस्य प्रमुखे स्थितं तदा
tataḥ kirīṭī paravīraghātī; hatāśvam ālokya narapravīram tam abhyadhāvad vṛṣasenam āhave; sa sūtajasya pramukhe sthitaṃ tadā
Sanskrit only: no published translation is held for this verse.
तम् आपतन्तं नरवीरम् उग्रं; महाहवे बाणसहस्रधारिणम् अभ्यापतत् कर्णसुतो महारथो; यथैव चेन्द्रं नमुचिः पुरातने
tam āpatantaṃ naravīram ugraṃ; mahāhave bāṇasahasradhāriṇam abhyāpatat karṇasuto mahāratho; yathaiva cendraṃ namuciḥ purātane
Sanskrit only: no published translation is held for this verse.
ततो ऽद्भुतेनैकशतेन पार्थं; शरैर् विद्ध्वा सूतपुत्रस्य पुत्रः ननाद नादं सुमहानुभावो; विद्ध्वेव शक्रं नमुचिः पुरा वै
tato 'dbhutenaikaśatena pārthaṃ; śarair viddhvā sūtaputrasya putraḥ nanāda nādaṃ sumahānubhāvo; viddhveva śakraṃ namuciḥ purā vai
Sanskrit only: no published translation is held for this verse.
पुनः स पार्थं वृषसेन उग्रैर्; बाणैर् अविध्यद् भुजमूलमध्ये तथैव कृष्णं नवभिः समार्दयत्; पुनश् च पार्थं दशभिः शिताग्रैः
punaḥ sa pārthaṃ vṛṣasena ugrair; bāṇair avidhyad bhujamūlamadhye tathaiva kṛṣṇaṃ navabhiḥ samārdayat; punaś ca pārthaṃ daśabhiḥ śitāgraiḥ
Sanskrit only: no published translation is held for this verse.
ततः किरीटी रणमूर्ध्नि कोपात्; कृत्वा त्रिशाखां भ्रुकुटिं ललाटे मुमोच बाणान् विशिखान् महात्मा; वधाय राजन् सूतपुत्रस्य संख्ये
tataḥ kirīṭī raṇamūrdhni kopāt; kṛtvā triśākhāṃ bhrukuṭiṃ lalāṭe mumoca bāṇān viśikhān mahātmā; vadhāya rājan sūtaputrasya saṃkhye
Sanskrit only: no published translation is held for this verse.
विव्याध चैनं दशभिः पृषत्कैर्; मर्मस्व् असक्तं प्रसभं किरीटी चिच्छेद चास्येष्वसनं भुजौ च; क्षुरैश् चतुर्भिः शिर एव चोग्रैः
vivyādha cainaṃ daśabhiḥ pṛṣatkair; marmasv asaktaṃ prasabhaṃ kirīṭī ciccheda cāsyeṣvasanaṃ bhujau ca; kṣuraiś caturbhiḥ śira eva cograiḥ
Sanskrit only: no published translation is held for this verse.
स पार्थबाणाभिहतः पपात; रथाद् विबाहुर् विशिरा धरायाम् सुपुष्पितः पर्णधरो ऽतिकायो; वातेरितः शाल इवाद्रिशृङ्गात्
sa pārthabāṇābhihataḥ papāta; rathād vibāhur viśirā dharāyām supuṣpitaḥ parṇadharo 'tikāyo; vāteritaḥ śāla ivādriśṛṅgāt
Sanskrit only: no published translation is held for this verse.
तं प्रेक्ष्य बाणाभिहतं पतन्तं; रथात् सुतं सूतजः क्षिप्रकारी रथं रथेनाशु जगाम वेगात्; किरीटिनः पुत्रवधाभितप्तः
taṃ prekṣya bāṇābhihataṃ patantaṃ; rathāt sutaṃ sūtajaḥ kṣiprakārī rathaṃ rathenāśu jagāma vegāt; kirīṭinaḥ putravadhābhitaptaḥ
Sanskrit only: no published translation is held for this verse.