Library·Mahābhārata (critical edition)·8·8.63
संजय उवाच वृषसेनं हतं दृष्ट्वा शोकामर्षसमन्वितः मुक्त्वा शोकोद्भवं वारि नेत्राभ्यां सहसा वृषः
saṃjaya uvāca vṛṣasenaṃ hataṃ dṛṣṭvā śokāmarṣasamanvitaḥ muktvā śokodbhavaṃ vāri netrābhyāṃ sahasā vṛṣaḥ
Sanskrit only: no published translation is held for this verse.
रथेन कर्णस् तेजस्वी जगामाभिमुखो रिपून् युद्धायामर्षताम्राक्षः समाहूय धनंजयम्
rathena karṇas tejasvī jagāmābhimukho ripūn yuddhāyāmarṣatāmrākṣaḥ samāhūya dhanaṃjayam
Sanskrit only: no published translation is held for this verse.
तौ रथौ सूर्यसंकाशौ वैयाघ्रपरिवारणौ समेतौ ददृशुस् तत्र द्वाव् इवार्कौ समागतौ
tau rathau sūryasaṃkāśau vaiyāghraparivāraṇau sametau dadṛśus tatra dvāv ivārkau samāgatau
Sanskrit only: no published translation is held for this verse.
श्वेताश्वौ पुरुषादित्याव् आस्थिताव् अरिमर्दनौ शुशुभाते महात्मानौ चन्द्रादित्यौ यथा दिवि
śvetāśvau puruṣādityāv āsthitāv arimardanau śuśubhāte mahātmānau candrādityau yathā divi
Sanskrit only: no published translation is held for this verse.
तौ दृष्ट्वा विस्मयं जग्मुः सर्वभूतानि मारिष त्रैलोक्यविजये यत्ताव् इन्द्रवैरोचनाव् इव
tau dṛṣṭvā vismayaṃ jagmuḥ sarvabhūtāni māriṣa trailokyavijaye yattāv indravairocanāv iva
Sanskrit only: no published translation is held for this verse.
रथज्यातलनिर्ह्रादैर् बाणशङ्खरवैर् अपि तौ रथाव् अभिधावन्तौ समालोक्य महीक्षिताम्
rathajyātalanirhrādair bāṇaśaṅkharavair api tau rathāv abhidhāvantau samālokya mahīkṣitām
Sanskrit only: no published translation is held for this verse.
ध्वजौ च दृष्ट्वा संसक्तौ विस्मयः समपद्यत हस्तिकक्ष्यां च कर्णस्य वानरं च किरीटिनः
dhvajau ca dṛṣṭvā saṃsaktau vismayaḥ samapadyata hastikakṣyāṃ ca karṇasya vānaraṃ ca kirīṭinaḥ
Sanskrit only: no published translation is held for this verse.
तौ रथौ संप्रसक्तौ च दृष्ट्वा भारत पार्थिवाः सिंहनादरवांश् चक्रुः साधुवादांश् च पुष्कलान्
tau rathau saṃprasaktau ca dṛṣṭvā bhārata pārthivāḥ siṃhanādaravāṃś cakruḥ sādhuvādāṃś ca puṣkalān
Sanskrit only: no published translation is held for this verse.
श्रुत्वा तु द्वैरथं ताभ्यां तत्र योधाः समन्ततः चक्रुर् बाहुवलं चैव तथा चेलवलं महत्
śrutvā tu dvairathaṃ tābhyāṃ tatra yodhāḥ samantataḥ cakrur bāhuvalaṃ caiva tathā celavalaṃ mahat
Sanskrit only: no published translation is held for this verse.
आजग्मुः कुरवस् तत्र वादित्रानुगतास् तदा कर्णं प्रहर्षयन्तश् च शङ्खान् दध्मुश् च पुष्कलान्
ājagmuḥ kuravas tatra vāditrānugatās tadā karṇaṃ praharṣayantaś ca śaṅkhān dadhmuś ca puṣkalān
Sanskrit only: no published translation is held for this verse.
तथैव पाण्डवाः सर्वे हर्षयन्तो धनंजयम् तूर्यशङ्खनिनादेन दिशः सर्वा व्यनादयन्
tathaiva pāṇḍavāḥ sarve harṣayanto dhanaṃjayam tūryaśaṅkhaninādena diśaḥ sarvā vyanādayan
Sanskrit only: no published translation is held for this verse.
क्ष्वेडितास्फोटितोत्क्रुष्टैस् तुमुलं सर्वतो ऽभवत् बाहुघोषाश् च वीराणां कर्णार्जुनसमागमे
kṣveḍitāsphoṭitotkruṣṭais tumulaṃ sarvato 'bhavat bāhughoṣāś ca vīrāṇāṃ karṇārjunasamāgame
Sanskrit only: no published translation is held for this verse.
तौ दृष्ट्वा पुरुषव्याघ्रौ रथस्थौ रथिनां वरौ प्रगृहीतमहाचापौ शरशक्तिगदायुधौ
tau dṛṣṭvā puruṣavyāghrau rathasthau rathināṃ varau pragṛhītamahācāpau śaraśaktigadāyudhau
Sanskrit only: no published translation is held for this verse.
वर्मिणौ बद्धनिस्त्रिंशौ श्वेताश्वौ शङ्खशोभिनौ तूणीरवरसंपन्नौ द्वाव् अपि स्म सुदर्शनौ
varmiṇau baddhanistriṃśau śvetāśvau śaṅkhaśobhinau tūṇīravarasaṃpannau dvāv api sma sudarśanau
Sanskrit only: no published translation is held for this verse.
रक्तचन्दनदिग्धाङ्गौ समदौ वृषभाव् इव आशीविषसमप्रख्यौ यमकालान्तकोपमौ
raktacandanadigdhāṅgau samadau vṛṣabhāv iva āśīviṣasamaprakhyau yamakālāntakopamau
Sanskrit only: no published translation is held for this verse.
इन्द्रवृत्राव् इव क्रुद्धौ सूर्याचन्द्रमसप्रभौ महाग्रहाव् इव क्रूरौ युगान्ते समुपस्थितौ
indravṛtrāv iva kruddhau sūryācandramasaprabhau mahāgrahāv iva krūrau yugānte samupasthitau
Sanskrit only: no published translation is held for this verse.
देवगर्भौ देवसमौ देवतुल्यौ च रूपतः समेतौ पुरुषव्याघ्रौ प्रेक्ष्य कर्णधनंजयौ
devagarbhau devasamau devatulyau ca rūpataḥ sametau puruṣavyāghrau prekṣya karṇadhanaṃjayau
Sanskrit only: no published translation is held for this verse.
उभौ वरायुधधराव् उभौ रणकृतश्रमौ उभौ च बाहुशब्देन नादयन्तौ नभस्तलम्
ubhau varāyudhadharāv ubhau raṇakṛtaśramau ubhau ca bāhuśabdena nādayantau nabhastalam
Sanskrit only: no published translation is held for this verse.
उभौ विश्रुतकर्माणौ पौरुषेण बलेन च उभौ च सदृशौ युद्धे शम्बरामरराजयोः
ubhau viśrutakarmāṇau pauruṣeṇa balena ca ubhau ca sadṛśau yuddhe śambarāmararājayoḥ
Sanskrit only: no published translation is held for this verse.
कार्तवीर्यसमौ युद्धे तथा दाशरथेः समौ विष्णुवीर्यसमौ वीर्ये तथा भवसमौ युधि
kārtavīryasamau yuddhe tathā dāśaratheḥ samau viṣṇuvīryasamau vīrye tathā bhavasamau yudhi
Sanskrit only: no published translation is held for this verse.
उभौ श्वेतहयौ राजन् रथप्रवरवाहिनौ सारथी प्रवरौ चैव तयोर् आस्तां महाबलौ
ubhau śvetahayau rājan rathapravaravāhinau sārathī pravarau caiva tayor āstāṃ mahābalau
Sanskrit only: no published translation is held for this verse.
तौ तु दृष्ट्वा महाराज राजमानौ महारथौ सिद्धचारणसंघानां विस्मयः समपद्यत
tau tu dṛṣṭvā mahārāja rājamānau mahārathau siddhacāraṇasaṃghānāṃ vismayaḥ samapadyata
Sanskrit only: no published translation is held for this verse.
धार्तराष्ट्रास् ततः कर्णं सबला भरतर्षभ परिवव्रुर् महात्मानं क्षिप्रम् आहवशोभिनम्
dhārtarāṣṭrās tataḥ karṇaṃ sabalā bharatarṣabha parivavrur mahātmānaṃ kṣipram āhavaśobhinam
Sanskrit only: no published translation is held for this verse.
तथैव पाण्डवा हृष्टा धृष्टद्युम्नपुरोगमाः परिवव्रुर् महात्मानं पार्थम् अप्रतिमं युधि
tathaiva pāṇḍavā hṛṣṭā dhṛṣṭadyumnapurogamāḥ parivavrur mahātmānaṃ pārtham apratimaṃ yudhi
Sanskrit only: no published translation is held for this verse.
तावकानां रणे कर्णो ग्लह आसीद् विशां पते तथैव पाण्डवेयानां ग्लहः पार्थो ऽभवद् युधि
tāvakānāṃ raṇe karṇo glaha āsīd viśāṃ pate tathaiva pāṇḍaveyānāṃ glahaḥ pārtho 'bhavad yudhi
Sanskrit only: no published translation is held for this verse.
त एव सभ्यास् तत्रासन् प्रेक्षकाश् चाभवन् स्म ते तत्रैषां ग्लहमानानां ध्रुवौ जयपराजयौ
ta eva sabhyās tatrāsan prekṣakāś cābhavan sma te tatraiṣāṃ glahamānānāṃ dhruvau jayaparājayau
Sanskrit only: no published translation is held for this verse.
ताभ्यां द्यूतं समायत्तं विजयायेतराय वा अस्माकं पण्डवानां च स्थितानां रणमूर्धनि
tābhyāṃ dyūtaṃ samāyattaṃ vijayāyetarāya vā asmākaṃ paṇḍavānāṃ ca sthitānāṃ raṇamūrdhani
Sanskrit only: no published translation is held for this verse.
तौ तु स्थितौ महाराज समरे युद्धशालिनौ अन्योन्यं प्रतिसंरब्धाव् अन्योन्यस्य जयैषिणौ
tau tu sthitau mahārāja samare yuddhaśālinau anyonyaṃ pratisaṃrabdhāv anyonyasya jayaiṣiṇau
Sanskrit only: no published translation is held for this verse.
ताव् उभौ प्रजिहीर्षेताम् इन्द्रवृत्राव् इवाभितः भीमरूपधराव् आस्तां महाधूमाव् इव ग्रहौ
tāv ubhau prajihīrṣetām indravṛtrāv ivābhitaḥ bhīmarūpadharāv āstāṃ mahādhūmāv iva grahau
Sanskrit only: no published translation is held for this verse.
ततो ऽन्तरिक्षे साक्षेपा विवादा भरतर्षभ मिथो भेदाश् च भूतानाम् आसन् कर्णार्जुनान्तरे व्याश्रयन्त दिशो भिन्नाः सर्वलोकाश् च मारिष
tato 'ntarikṣe sākṣepā vivādā bharatarṣabha mitho bhedāś ca bhūtānām āsan karṇārjunāntare vyāśrayanta diśo bhinnāḥ sarvalokāś ca māriṣa
Sanskrit only: no published translation is held for this verse.
देवदानवगन्धर्वाः पिशाचोरगराक्षसाः प्रतिपक्षग्रहं चक्रुः कर्णार्जुनसमागमे
devadānavagandharvāḥ piśācoragarākṣasāḥ pratipakṣagrahaṃ cakruḥ karṇārjunasamāgame
Sanskrit only: no published translation is held for this verse.
द्यौर् आसीत् कर्णतो व्यग्रा सनक्षत्रा विशां पते भूमिर् विशाला पार्थस्य माता पुत्रस्य भारत
dyaur āsīt karṇato vyagrā sanakṣatrā viśāṃ pate bhūmir viśālā pārthasya mātā putrasya bhārata
Sanskrit only: no published translation is held for this verse.
सरितः सागराश् चैव गिरयश् च नरोत्तम वृक्षाश् चौषधयस् तत्र व्याश्रयन्त किरीटिनम्
saritaḥ sāgarāś caiva girayaś ca narottama vṛkṣāś cauṣadhayas tatra vyāśrayanta kirīṭinam
Sanskrit only: no published translation is held for this verse.
असुरा यातुधानाश् च गुह्यकाश् च परंतप कर्णतः समपद्यन्त खेचराणि वयांसि च
asurā yātudhānāś ca guhyakāś ca paraṃtapa karṇataḥ samapadyanta khecarāṇi vayāṃsi ca
Sanskrit only: no published translation is held for this verse.
रत्नानि निधयः सर्वे वेदाश् चाख्यानपञ्चमाः सोपवेदोपनिषदः सरहस्याः ससंग्रहाः
ratnāni nidhayaḥ sarve vedāś cākhyānapañcamāḥ sopavedopaniṣadaḥ sarahasyāḥ sasaṃgrahāḥ
Sanskrit only: no published translation is held for this verse.
वासुकिश् चित्रसेनश् च तक्षकश् चोपतक्षकः पर्वताश् च तथा सर्वे काद्रवेयाश् च सान्वयाः विषवन्तो महारोषा नागाश् चार्जुनतो ऽभवन्
vāsukiś citrasenaś ca takṣakaś copatakṣakaḥ parvatāś ca tathā sarve kādraveyāś ca sānvayāḥ viṣavanto mahāroṣā nāgāś cārjunato 'bhavan
Sanskrit only: no published translation is held for this verse.
ऐरावताः सौरभेया वैशालेयाश् च भोगिनः एते ऽभवन्न् अर्जुनतः क्षुद्रसर्पास् तु कर्णतः
airāvatāḥ saurabheyā vaiśāleyāś ca bhoginaḥ ete 'bhavann arjunataḥ kṣudrasarpās tu karṇataḥ
Sanskrit only: no published translation is held for this verse.
ईहामृगा व्याडमृगा मङ्गल्याश् च मृगद्विजाः पार्थस्य विजयं राजन् सर्व एवाभिसंश्रिताः
īhāmṛgā vyāḍamṛgā maṅgalyāś ca mṛgadvijāḥ pārthasya vijayaṃ rājan sarva evābhisaṃśritāḥ
Sanskrit only: no published translation is held for this verse.
वसवो मरुतः साध्या रुद्रा विश्वे ऽश्विनौ तथा अग्निर् इन्द्रश् च सोमश् च पवनश् च दिशो दश धनंजयम् उपाजग्मुर् आदित्याः कर्णतो ऽभवन्
vasavo marutaḥ sādhyā rudrā viśve 'śvinau tathā agnir indraś ca somaś ca pavanaś ca diśo daśa dhanaṃjayam upājagmur ādityāḥ karṇato 'bhavan
Sanskrit only: no published translation is held for this verse.
देवास् तु पितृभिः सार्धं सगणार्जुनतो ऽभवन् यमो वैश्रवणश् चैव वरुणश् च यतो ऽर्जुनः
devās tu pitṛbhiḥ sārdhaṃ sagaṇārjunato 'bhavan yamo vaiśravaṇaś caiva varuṇaś ca yato 'rjunaḥ
Sanskrit only: no published translation is held for this verse.
देवब्रह्मनृपर्षीणां गणाः पाण्डवतो ऽभवन् तुम्बुरुप्रमुखा राजन् गन्धर्वाश् च यतो ऽर्जुनः
devabrahmanṛparṣīṇāṃ gaṇāḥ pāṇḍavato 'bhavan tumburupramukhā rājan gandharvāś ca yato 'rjunaḥ
Sanskrit only: no published translation is held for this verse.
प्रावेयाः सह मौनेयैर् गन्धर्वाप्सरसां गणाः ईहामृगव्याडमृगैर् द्विपाश् च रथपत्तिभिः
prāveyāḥ saha mauneyair gandharvāpsarasāṃ gaṇāḥ īhāmṛgavyāḍamṛgair dvipāś ca rathapattibhiḥ
Sanskrit only: no published translation is held for this verse.
उह्यमानास् तथा मेघैर् वायुना च मनीषिणः दिदृक्षवः समाजग्मुः कर्णार्जुनसमागमम्
uhyamānās tathā meghair vāyunā ca manīṣiṇaḥ didṛkṣavaḥ samājagmuḥ karṇārjunasamāgamam
Sanskrit only: no published translation is held for this verse.
देवदानवगन्धर्वा नागा यक्षाः पतत्रिणः महर्षयो वेदविदः पितरश् च स्वधाभुजः
devadānavagandharvā nāgā yakṣāḥ patatriṇaḥ maharṣayo vedavidaḥ pitaraś ca svadhābhujaḥ
Sanskrit only: no published translation is held for this verse.
तपो विद्यास् तथौषध्यो नानारूपाम्बरत्विषः अन्तरिक्षे महाराज विनदन्तो ऽवतस्थिरे
tapo vidyās tathauṣadhyo nānārūpāmbaratviṣaḥ antarikṣe mahārāja vinadanto 'vatasthire
Sanskrit only: no published translation is held for this verse.
ब्रह्मा ब्रह्मर्षिभिः सार्धं प्रजापतिभिर् एव च भवेनावस्थितो यानं दिव्यं तं देशम् अभ्ययात्
brahmā brahmarṣibhiḥ sārdhaṃ prajāpatibhir eva ca bhavenāvasthito yānaṃ divyaṃ taṃ deśam abhyayāt
Sanskrit only: no published translation is held for this verse.
दृष्ट्वा प्रजापतिं देवाः स्वयंभुवम् उपागमन् समो ऽस्तु देव विजय एतयोर् नरसिंहयोः
dṛṣṭvā prajāpatiṃ devāḥ svayaṃbhuvam upāgaman samo 'stu deva vijaya etayor narasiṃhayoḥ
Sanskrit only: no published translation is held for this verse.
तद् उपश्रुत्य मघवा प्रणिपत्य पितामहम् कर्णार्जुनविनाशेन मा नश्यत्व् अखिलं जगत्
tad upaśrutya maghavā praṇipatya pitāmaham karṇārjunavināśena mā naśyatv akhilaṃ jagat
Sanskrit only: no published translation is held for this verse.
स्वयंभो ब्रूहि तद् वाक्यं समो ऽस्तु विजयो ऽनयोः तत् तथास्तु नमस् ते ऽस्तु प्रसीद भगवन् मम
svayaṃbho brūhi tad vākyaṃ samo 'stu vijayo 'nayoḥ tat tathāstu namas te 'stu prasīda bhagavan mama
Sanskrit only: no published translation is held for this verse.
ब्रह्मेशानाव् अथो वाक्यम् ऊचतुस् त्रिदशेश्वरम् विजयो ध्रुव एवास्तु विजयस्य महात्मनः
brahmeśānāv atho vākyam ūcatus tridaśeśvaram vijayo dhruva evāstu vijayasya mahātmanaḥ
Sanskrit only: no published translation is held for this verse.
मनस्वी बलवाञ् शूरः कृतास्त्रश् च तपोधनः बिभर्ति च महातेजा धनुर्वेदम् अशेषतः
manasvī balavāñ śūraḥ kṛtāstraś ca tapodhanaḥ bibharti ca mahātejā dhanurvedam aśeṣataḥ
Sanskrit only: no published translation is held for this verse.
अतिक्रमेच् च माहात्म्याद् दिष्टम् एतस्य पर्ययात् अतिक्रान्ते च लोकानाम् अभावो नियतो भवेत्
atikramec ca māhātmyād diṣṭam etasya paryayāt atikrānte ca lokānām abhāvo niyato bhavet
Sanskrit only: no published translation is held for this verse.
न विद्यते व्यवस्थानं कृष्णयोः क्रुद्धयोः क्व चित् स्रष्टारौ ह्य् असतश् चोभौ सतश् च पुरुषर्षभौ
na vidyate vyavasthānaṃ kṛṣṇayoḥ kruddhayoḥ kva cit sraṣṭārau hy asataś cobhau sataś ca puruṣarṣabhau
Sanskrit only: no published translation is held for this verse.
नरनारायणाव् एतौ पुराणाव् ऋषिसत्तमौ अनियत्तौ नियन्ताराव् अभीतौ स्म परंतपौ
naranārāyaṇāv etau purāṇāv ṛṣisattamau aniyattau niyantārāv abhītau sma paraṃtapau
Sanskrit only: no published translation is held for this verse.
कर्णो लोकान् अयं मुख्यान् प्राप्नोतु पुरुषर्षभः वीरो वैकर्तनः शूरो विजयस् त्व् अस्तु कृष्णयोः
karṇo lokān ayaṃ mukhyān prāpnotu puruṣarṣabhaḥ vīro vaikartanaḥ śūro vijayas tv astu kṛṣṇayoḥ
Sanskrit only: no published translation is held for this verse.
वसूनां च सलोकत्वं मरुतां वा समाप्नुयात् सहितो द्रोणभीष्माभ्यां नाकलोके महीयताम्
vasūnāṃ ca salokatvaṃ marutāṃ vā samāpnuyāt sahito droṇabhīṣmābhyāṃ nākaloke mahīyatām
Sanskrit only: no published translation is held for this verse.
इत्य् उक्तो देवदेवाभ्यां सहस्राक्षो ऽब्रवीद् वचः आमन्त्र्य सर्वभूतानि ब्रह्मेशानानुशासनात्
ity ukto devadevābhyāṃ sahasrākṣo 'bravīd vacaḥ āmantrya sarvabhūtāni brahmeśānānuśāsanāt
Sanskrit only: no published translation is held for this verse.
श्रुतं भवद्भिर् यत् प्रोक्तं भगवद्भ्यां जगद्धितम् तत् तथा नान्यथा तद् धि तिष्ठध्वं गतमन्यवः
śrutaṃ bhavadbhir yat proktaṃ bhagavadbhyāṃ jagaddhitam tat tathā nānyathā tad dhi tiṣṭhadhvaṃ gatamanyavaḥ
Sanskrit only: no published translation is held for this verse.
इति श्रुत्वेन्द्रवचनं सर्वभूतानि मारिष विस्मितान्य् अभवन् राजन् पूजयां चक्रिरे च तत्
iti śrutvendravacanaṃ sarvabhūtāni māriṣa vismitāny abhavan rājan pūjayāṃ cakrire ca tat
Sanskrit only: no published translation is held for this verse.
व्यसृजंश् च सुगन्धीनि नानारूपाणि खात् तथा पुष्पवर्षाणि विबुधा देवतूर्याण्य् अवादयन्
vyasṛjaṃś ca sugandhīni nānārūpāṇi khāt tathā puṣpavarṣāṇi vibudhā devatūryāṇy avādayan
Sanskrit only: no published translation is held for this verse.
दिदृक्षवश् चाप्रतिमं द्वैरथं नरसिंहयोः देवदानवगन्धर्वाः सर्व एवावतस्थिरे रथौ च तौ श्वेतहयौ युक्तकेतू महास्वनौ
didṛkṣavaś cāpratimaṃ dvairathaṃ narasiṃhayoḥ devadānavagandharvāḥ sarva evāvatasthire rathau ca tau śvetahayau yuktaketū mahāsvanau
Sanskrit only: no published translation is held for this verse.
समागता लोकवीराः शङ्खान् दध्मुः पृथक् पृथक् वासुदेवार्जुनौ वीरौ कर्णशल्यौ च भारत
samāgatā lokavīrāḥ śaṅkhān dadhmuḥ pṛthak pṛthak vāsudevārjunau vīrau karṇaśalyau ca bhārata
Sanskrit only: no published translation is held for this verse.
तद् भीरुसंत्रासकरं युद्धं समभवत् तदा अन्योन्यस्पर्धिनोर् वीर्ये शक्रशम्बरयोर् इव
tad bhīrusaṃtrāsakaraṃ yuddhaṃ samabhavat tadā anyonyaspardhinor vīrye śakraśambarayor iva
Sanskrit only: no published translation is held for this verse.
तयोर् ध्वजौ वीतमालौ शुशुभाते रथस्थितौ पृथग्रूपौ समार्छन्तौ क्रोधं युद्धे परस्परम्
tayor dhvajau vītamālau śuśubhāte rathasthitau pṛthagrūpau samārchantau krodhaṃ yuddhe parasparam
Sanskrit only: no published translation is held for this verse.
कर्णस्याशीविषनिभा रत्नसारवती दृढा पुरंदरधनुःप्रख्या हस्तिकक्ष्या व्यराजत
karṇasyāśīviṣanibhā ratnasāravatī dṛḍhā puraṃdaradhanuḥprakhyā hastikakṣyā vyarājata
Sanskrit only: no published translation is held for this verse.
कपिश्रेष्ठस् तु पार्थस्य व्यादितास्यो भयंकरः भीषयन्न् एव दंष्ट्राभिर् दुर्निरीक्ष्यो रविर् यथा
kapiśreṣṭhas tu pārthasya vyāditāsyo bhayaṃkaraḥ bhīṣayann eva daṃṣṭrābhir durnirīkṣyo ravir yathā
Sanskrit only: no published translation is held for this verse.
युद्धाभिलाषुको भूत्वा ध्वजो गाण्डीवधन्वनः कर्णध्वजम् उपातिष्ठत् सो ऽवदीद् अभिनर्दयन्
yuddhābhilāṣuko bhūtvā dhvajo gāṇḍīvadhanvanaḥ karṇadhvajam upātiṣṭhat so 'vadīd abhinardayan
Sanskrit only: no published translation is held for this verse.
उत्पत्य च महावेगः कक्ष्याम् अभ्यहनत् कपिः नखैश् च दशनैश् चैव गरुडः पन्नगं यथा
utpatya ca mahāvegaḥ kakṣyām abhyahanat kapiḥ nakhaiś ca daśanaiś caiva garuḍaḥ pannagaṃ yathā
Sanskrit only: no published translation is held for this verse.
सुकिङ्किणीकाभरणा कालपाशोपमायसी अभ्यद्रवत् सुसंक्रुद्धा नागकक्ष्या महाकपिम्
sukiṅkiṇīkābharaṇā kālapāśopamāyasī abhyadravat susaṃkruddhā nāgakakṣyā mahākapim
Sanskrit only: no published translation is held for this verse.
उभयोर् उत्तमे युद्धे द्वैरथे द्यूत आहृते प्रकुर्वाते ध्वजौ युद्धं प्रत्यहेषन् हयान् हयाः
ubhayor uttame yuddhe dvairathe dyūta āhṛte prakurvāte dhvajau yuddhaṃ pratyaheṣan hayān hayāḥ
Sanskrit only: no published translation is held for this verse.
अविध्यत् पुण्डरीकाक्षः शल्यं नयनसायकैः स चापि पुण्डरीकाक्षं तथैवाभिसमैक्षत
avidhyat puṇḍarīkākṣaḥ śalyaṃ nayanasāyakaiḥ sa cāpi puṇḍarīkākṣaṃ tathaivābhisamaikṣata
Sanskrit only: no published translation is held for this verse.
तत्राजयद् वासुदेवः शल्यं नयनसायकैः कर्णं चाप्य् अजयद् दृष्ट्या कुन्तीपुत्रो धनंजयः
tatrājayad vāsudevaḥ śalyaṃ nayanasāyakaiḥ karṇaṃ cāpy ajayad dṛṣṭyā kuntīputro dhanaṃjayaḥ
Sanskrit only: no published translation is held for this verse.
अथाब्रवीत् सूतपुत्रः शल्यम् आभाष्य सस्मितम् यदि पार्थो रणे हन्याद् अद्य माम् इह कर्हि चित् किम् उत्तरं तदा ते स्यात् सखे सत्यं ब्रवीहि मे
athābravīt sūtaputraḥ śalyam ābhāṣya sasmitam yadi pārtho raṇe hanyād adya mām iha karhi cit kim uttaraṃ tadā te syāt sakhe satyaṃ bravīhi me
Sanskrit only: no published translation is held for this verse.
शल्य उवाच यदि कर्ण रणे हन्याद् अद्य त्वां श्वेतवाहनः उभाव् एकरथेनाहं हन्यां माधवपाण्डवौ
śalya uvāca yadi karṇa raṇe hanyād adya tvāṃ śvetavāhanaḥ ubhāv ekarathenāhaṃ hanyāṃ mādhavapāṇḍavau
Sanskrit only: no published translation is held for this verse.
संजय उवाच एवम् एव तु गोविंदम् अर्जुनः प्रत्यभाषत तं प्रहस्याब्रवीत् कृष्णः पार्थं परम् इदं वचः
saṃjaya uvāca evam eva tu goviṃdam arjunaḥ pratyabhāṣata taṃ prahasyābravīt kṛṣṇaḥ pārthaṃ param idaṃ vacaḥ
Sanskrit only: no published translation is held for this verse.
पतेद् दिवाकरः स्थानाच् छीर्येतानेकधा क्षितिः शैत्यम् अग्निर् इयान् न त्वा कर्णो हन्याद् धनंजयम्
pated divākaraḥ sthānāc chīryetānekadhā kṣitiḥ śaityam agnir iyān na tvā karṇo hanyād dhanaṃjayam
Sanskrit only: no published translation is held for this verse.
यदि त्व् एवं कथं चित् स्याल् लोकपर्यसनं यथा हन्यां कर्णं तथा शल्यं बाहुभ्याम् एव संयुगे
yadi tv evaṃ kathaṃ cit syāl lokaparyasanaṃ yathā hanyāṃ karṇaṃ tathā śalyaṃ bāhubhyām eva saṃyuge
Sanskrit only: no published translation is held for this verse.
इति कृष्णवचः श्रुत्वा प्रहसन् कपिकेतनः अर्जुनः प्रत्युवाचेदं कृष्णम् अक्लिष्टकारिणम् ममाप्य् एताव् अपर्याप्तौ कर्णशल्यौ जनार्दन
iti kṛṣṇavacaḥ śrutvā prahasan kapiketanaḥ arjunaḥ pratyuvācedaṃ kṛṣṇam akliṣṭakāriṇam mamāpy etāv aparyāptau karṇaśalyau janārdana
Sanskrit only: no published translation is held for this verse.
सपताकाध्वजं कर्णं सशल्यरथवाजिनम् सच्छत्रकवचं चैव सशक्तिशरकार्मुकम्
sapatākādhvajaṃ karṇaṃ saśalyarathavājinam sacchatrakavacaṃ caiva saśaktiśarakārmukam
Sanskrit only: no published translation is held for this verse.
द्रष्टास्य् अद्य शरैः कर्णं रणे कृत्तम् अनेकधा अद्यैनं सरथं साश्वं सशक्तिकवचायुधम् न हि मे शाम्यते वैरं कृष्णां यत् प्राहसत् पुरा
draṣṭāsy adya śaraiḥ karṇaṃ raṇe kṛttam anekadhā adyainaṃ sarathaṃ sāśvaṃ saśaktikavacāyudham na hi me śāmyate vairaṃ kṛṣṇāṃ yat prāhasat purā
Sanskrit only: no published translation is held for this verse.
अद्य द्रष्टासि गोविन्द कर्णम् उन्मथितं मया वारणेनेव मत्तेन पुष्पितं जगतीरुहम्
adya draṣṭāsi govinda karṇam unmathitaṃ mayā vāraṇeneva mattena puṣpitaṃ jagatīruham
Sanskrit only: no published translation is held for this verse.
अद्य ता मधुरा वाचः श्रोतासि मधुसूदन अद्याभिमन्युजननीम् अनृणः सान्त्वयिष्यसि कुन्तीं पितृष्वसारं च संप्रहृष्टो जनार्दन
adya tā madhurā vācaḥ śrotāsi madhusūdana adyābhimanyujananīm anṛṇaḥ sāntvayiṣyasi kuntīṃ pitṛṣvasāraṃ ca saṃprahṛṣṭo janārdana
Sanskrit only: no published translation is held for this verse.
अद्य बाष्पमुखीं कृष्णां सान्त्वयिष्यसि माधव वाग्भिश् चामृतकल्पाभिर् धर्मराजं युधिष्ठिरम्
adya bāṣpamukhīṃ kṛṣṇāṃ sāntvayiṣyasi mādhava vāgbhiś cāmṛtakalpābhir dharmarājaṃ yudhiṣṭhiram
Sanskrit only: no published translation is held for this verse.