Library·Mahābhārata (critical edition)·8·8.66
संजय उवाच ततो ऽपयाताः शरपातमात्रम्; अवस्थिताः कुरवो भिन्नसेनाः विद्युत्प्रकाशं ददृशुः समन्ताद्; धनंजयास्त्रं समुदीर्यमाणम्
saṃjaya uvāca tato 'payātāḥ śarapātamātram; avasthitāḥ kuravo bhinnasenāḥ vidyutprakāśaṃ dadṛśuḥ samantād; dhanaṃjayāstraṃ samudīryamāṇam
Sanskrit only: no published translation is held for this verse.
तद् अर्जुनास्त्रं ग्रसते स्म वीरान्; वियत् तथाकाशम् अनन्तघोषम् क्रुद्धेन पार्थेन तदाशु सृष्टं; वधाय कर्णस्य महाविमर्दे
tad arjunāstraṃ grasate sma vīrān; viyat tathākāśam anantaghoṣam kruddhena pārthena tadāśu sṛṣṭaṃ; vadhāya karṇasya mahāvimarde
Sanskrit only: no published translation is held for this verse.
रामाद् उपात्तेन महामहिम्ना; आथर्वणेनारिविनाशनेन तद् अर्जुनास्त्रं व्यधमद् दहन्तं; पार्थं च बाणैर् निशितैर् निजघ्ने
rāmād upāttena mahāmahimnā; ātharvaṇenārivināśanena tad arjunāstraṃ vyadhamad dahantaṃ; pārthaṃ ca bāṇair niśitair nijaghne
Sanskrit only: no published translation is held for this verse.
ततो विमर्दः सुमहान् बभूव; तस्यार्जुनस्याधिरथेश् च राजन् अन्योन्यम् आसादयतोः पृषत्कैर्; विषाणघातैर् द्विपयोर् इवोग्रैः
tato vimardaḥ sumahān babhūva; tasyārjunasyādhiratheś ca rājan anyonyam āsādayatoḥ pṛṣatkair; viṣāṇaghātair dvipayor ivograiḥ
Sanskrit only: no published translation is held for this verse.
ततो रिपुघ्नं समधत्त कर्णः; सुसंशितं सर्पमुखं ज्वलन्तम् रौद्रं शरं संयति सुप्रधौतं; पार्थार्थम् अत्यर्थचिराय गुप्तम्
tato ripughnaṃ samadhatta karṇaḥ; susaṃśitaṃ sarpamukhaṃ jvalantam raudraṃ śaraṃ saṃyati supradhautaṃ; pārthārtham atyarthacirāya guptam
Sanskrit only: no published translation is held for this verse.
सदार्चितं चन्दनचूर्णशायिनं; सुवर्णनालीशयनं महाविषम् प्रदीप्तम् ऐरावतवंशसंभवं; शिरो जिहीर्षुर् युधि फल्गुनस्य
sadārcitaṃ candanacūrṇaśāyinaṃ; suvarṇanālīśayanaṃ mahāviṣam pradīptam airāvatavaṃśasaṃbhavaṃ; śiro jihīrṣur yudhi phalgunasya
Sanskrit only: no published translation is held for this verse.
तम् अब्रवीन् मद्रराजो महात्मा; वैकर्तनं प्रेक्ष्य हि संहितेषुम् न कर्ण ग्रीवाम् इषुर् एष प्राप्स्यते; संलक्ष्य संधत्स्व शरं शिरोघ्नम्
tam abravīn madrarājo mahātmā; vaikartanaṃ prekṣya hi saṃhiteṣum na karṇa grīvām iṣur eṣa prāpsyate; saṃlakṣya saṃdhatsva śaraṃ śiroghnam
Sanskrit only: no published translation is held for this verse.
अथाब्रवीत् क्रोधसंरक्तनेत्रः; कर्णः शल्यं संधितेषुः प्रसह्य न संधत्ते द्विः शरं शल्य कर्णो; न मादृशाः शाठ्ययुक्ता भवन्ति
athābravīt krodhasaṃraktanetraḥ; karṇaḥ śalyaṃ saṃdhiteṣuḥ prasahya na saṃdhatte dviḥ śaraṃ śalya karṇo; na mādṛśāḥ śāṭhyayuktā bhavanti
Sanskrit only: no published translation is held for this verse.
तथैवम् उक्त्वा विससर्ज तं शरं; बलाहकं वर्षघनाभिपूजितम् हतो ऽसि वै फल्गुन इत्य् अवोचत्; ततस् त्वरन्न् ऊर्जितम् उत्ससर्ज
tathaivam uktvā visasarja taṃ śaraṃ; balāhakaṃ varṣaghanābhipūjitam hato 'si vai phalguna ity avocat; tatas tvarann ūrjitam utsasarja
Sanskrit only: no published translation is held for this verse.
संधीयमानं भुजगं दृष्ट्वा कर्णेन माधवः आक्रम्य स्यन्दनं पद्भ्यां बलेन बलिनां वरः
saṃdhīyamānaṃ bhujagaṃ dṛṣṭvā karṇena mādhavaḥ ākramya syandanaṃ padbhyāṃ balena balināṃ varaḥ
Sanskrit only: no published translation is held for this verse.
अवगाढे रथे भूमौ जानुभ्याम् अगमन् हयाः ततः शरः सो ऽभ्यहनत् किरीटं तस्य धीमतः
avagāḍhe rathe bhūmau jānubhyām agaman hayāḥ tataḥ śaraḥ so 'bhyahanat kirīṭaṃ tasya dhīmataḥ
Sanskrit only: no published translation is held for this verse.
अथार्जुनस्योत्तमगात्रभूषणं; धरावियद्द्योसलिलेषु विश्रुतम् बलास्त्रसर्गोत्तमयत्नमन्युभिः; शरेण मूर्ध्नः स जहार सूतजः
athārjunasyottamagātrabhūṣaṇaṃ; dharāviyaddyosalileṣu viśrutam balāstrasargottamayatnamanyubhiḥ; śareṇa mūrdhnaḥ sa jahāra sūtajaḥ
Sanskrit only: no published translation is held for this verse.
दिवाकरेन्दुज्वलनग्रहत्विषं; सुवर्णमुक्तामणिजालभूषितम् पुरंदरार्थं तपसा प्रयत्नतः; स्वयं कृतं यद् भुवनस्य सूनुना
divākarendujvalanagrahatviṣaṃ; suvarṇamuktāmaṇijālabhūṣitam puraṃdarārthaṃ tapasā prayatnataḥ; svayaṃ kṛtaṃ yad bhuvanasya sūnunā
Sanskrit only: no published translation is held for this verse.
महार्हरूपं द्विषतां भयंकरं; विभाति चात्यर्थसुखं सुगन्धि तत् निजघ्नुषे देवरिपून् सुरेश्वरः; स्वयं ददौ यत् सुमनाः किरीटिने
mahārharūpaṃ dviṣatāṃ bhayaṃkaraṃ; vibhāti cātyarthasukhaṃ sugandhi tat nijaghnuṣe devaripūn sureśvaraḥ; svayaṃ dadau yat sumanāḥ kirīṭine
Sanskrit only: no published translation is held for this verse.
हराम्बुपाखण्डलवित्तगोप्तृभिः; पिनाकपाशाशनिसायकोत्तमैः सुरोत्तमैर् अप्य् अविषह्यम् अर्दितुं; प्रसह्य नागेन जहार यद् वृषः
harāmbupākhaṇḍalavittagoptṛbhiḥ; pinākapāśāśanisāyakottamaiḥ surottamair apy aviṣahyam ardituṃ; prasahya nāgena jahāra yad vṛṣaḥ
Sanskrit only: no published translation is held for this verse.
तद् उत्तमेषून् मथितं विषाग्निना; प्रदीप्तम् अर्चिष्मद् अभिक्षिति प्रियम् पपात पार्थस्य किरीटम् उत्तमं; दिवाकरो ऽस्ताद् इव पर्वताज् ज्वलन्
tad uttameṣūn mathitaṃ viṣāgninā; pradīptam arciṣmad abhikṣiti priyam papāta pārthasya kirīṭam uttamaṃ; divākaro 'stād iva parvatāj jvalan
Sanskrit only: no published translation is held for this verse.
ततः किरीटं बहुरत्नमण्डितं; जहार नागो ऽर्जुनमूर्धतो बलात् गिरेः सुजाताङ्कुरपुष्पितद्रुमं; महेन्द्रवज्रः शिखरं यथोत्तमम्
tataḥ kirīṭaṃ bahuratnamaṇḍitaṃ; jahāra nāgo 'rjunamūrdhato balāt gireḥ sujātāṅkurapuṣpitadrumaṃ; mahendravajraḥ śikharaṃ yathottamam
Sanskrit only: no published translation is held for this verse.
मही वियद् द्यौः सलिलानि वायुना; यथा विभिन्नानि विभान्ति भारत तथैव शब्दो भुवनेष्व् अभूत् तदा; जना व्यवस्यन् व्यथिताश् च चस्खलुः
mahī viyad dyauḥ salilāni vāyunā; yathā vibhinnāni vibhānti bhārata tathaiva śabdo bhuvaneṣv abhūt tadā; janā vyavasyan vyathitāś ca caskhaluḥ
Sanskrit only: no published translation is held for this verse.
ततः समुद्ग्रथ्य सितेन वाससा; स्वमूर्धजानव्यथितः स्थितो ऽर्जुनः विभाति संपूर्णमरीचिभास्वता; शिरोगतेनोदयपर्वतो यथा
tataḥ samudgrathya sitena vāsasā; svamūrdhajānavyathitaḥ sthito 'rjunaḥ vibhāti saṃpūrṇamarīcibhāsvatā; śirogatenodayaparvato yathā
Sanskrit only: no published translation is held for this verse.
बलाहकः कर्णभुजेरितस् ततो; हुताशनार्कप्रतिमद्युतिर् महान् महोरगः कृतवैरो ऽर्जुनेन; किरीटम् आसाद्य समुत्पपात
balāhakaḥ karṇabhujeritas tato; hutāśanārkapratimadyutir mahān mahoragaḥ kṛtavairo 'rjunena; kirīṭam āsādya samutpapāta
Sanskrit only: no published translation is held for this verse.
तम् अब्रवीद् विद्धि कृतागसं मे; कृष्णाद्य मातुर् वधजातवैरम् ततः कृष्णः पार्थम् उवाच संख्ये; महोरगं कृतवैरं जहि त्वम्
tam abravīd viddhi kṛtāgasaṃ me; kṛṣṇādya mātur vadhajātavairam tataḥ kṛṣṇaḥ pārtham uvāca saṃkhye; mahoragaṃ kṛtavairaṃ jahi tvam
Sanskrit only: no published translation is held for this verse.
स एवम् उक्तो मधुसूदनेन; गाण्डीवधन्वा रिपुषूग्रधन्वा उवाच को न्व् एष ममाद्य नागः; स्वयं य आगाद् गरुडस्य वक्त्रम्
sa evam ukto madhusūdanena; gāṇḍīvadhanvā ripuṣūgradhanvā uvāca ko nv eṣa mamādya nāgaḥ; svayaṃ ya āgād garuḍasya vaktram
Sanskrit only: no published translation is held for this verse.
कृष्ण उवाच यो ऽसौ त्वया खाण्डवे चित्रभानुं; संतर्पयानेन धनुर्धरेण वियद्गतो बाणनिकृत्तदेहो; ह्य् अनेकरूपो निहतास्य माता
kṛṣṇa uvāca yo 'sau tvayā khāṇḍave citrabhānuṃ; saṃtarpayānena dhanurdhareṇa viyadgato bāṇanikṛttadeho; hy anekarūpo nihatāsya mātā
Sanskrit only: no published translation is held for this verse.
ततस् तु जिष्णुः परिहृत्य शेषांश्; चिच्छेद षड्भिर् निशितैः सुधारैः नागं वियत् तिर्यग् इवोत्पतन्तं; स छिन्नगात्रो निपपात भूमौ
tatas tu jiṣṇuḥ parihṛtya śeṣāṃś; ciccheda ṣaḍbhir niśitaiḥ sudhāraiḥ nāgaṃ viyat tiryag ivotpatantaṃ; sa chinnagātro nipapāta bhūmau
Sanskrit only: no published translation is held for this verse.
तस्मिन् मुहूर्ते दशभिः पृषत्कैः; शिलाशितैर् बर्हिणवाजितैश् च विव्याध कर्णः पुरुषप्रवीरं; धनंजयं तिर्यग् अवेक्षमाणम्
tasmin muhūrte daśabhiḥ pṛṣatkaiḥ; śilāśitair barhiṇavājitaiś ca vivyādha karṇaḥ puruṣapravīraṃ; dhanaṃjayaṃ tiryag avekṣamāṇam
Sanskrit only: no published translation is held for this verse.
ततो ऽर्जुनो द्वादशभिर् विमुक्तैर्; आकर्णमुक्तैर् निशितैः समर्प्य नाराचम् आशीविषतुल्यवेगम्; आकर्णपूर्णायतम् उत्ससर्ज
tato 'rjuno dvādaśabhir vimuktair; ākarṇamuktair niśitaiḥ samarpya nārācam āśīviṣatulyavegam; ākarṇapūrṇāyatam utsasarja
Sanskrit only: no published translation is held for this verse.
स चित्रवर्मेषुवरो विदार्य; प्राणान् निरस्यन्न् इव साधु मुक्तः कर्णस्य पीत्वा रुधिरं विवेश; वसुंधरां शोणितवाजदिग्धः
sa citravarmeṣuvaro vidārya; prāṇān nirasyann iva sādhu muktaḥ karṇasya pītvā rudhiraṃ viveśa; vasuṃdharāṃ śoṇitavājadigdhaḥ
Sanskrit only: no published translation is held for this verse.
ततो वृषो बाणनिपातकोपितो; महोरगो दण्डविघट्टितो यथा तथाशुकारी व्यसृजच् छरोत्तमान्; महाविषः सर्प इवोत्तमं विषम्
tato vṛṣo bāṇanipātakopito; mahorago daṇḍavighaṭṭito yathā tathāśukārī vyasṛjac charottamān; mahāviṣaḥ sarpa ivottamaṃ viṣam
Sanskrit only: no published translation is held for this verse.
जनार्दनं द्वादशभिः पराभिनन्; नवैर् नवत्या च शरैस् तथार्जुनम् शरेण घोरेण पुनश् च पाण्डवं; विभिद्य कर्णो ऽभ्यनदज् जहास च
janārdanaṃ dvādaśabhiḥ parābhinan; navair navatyā ca śarais tathārjunam śareṇa ghoreṇa punaś ca pāṇḍavaṃ; vibhidya karṇo 'bhyanadaj jahāsa ca
Sanskrit only: no published translation is held for this verse.
तम् अस्य हर्षं ममृषे न पाण्डवो; बिभेद मर्माणि ततो ऽस्य मर्मवित् परं शरैः पत्रिभिर् इन्द्रविक्रमस्; तथा यथेन्द्रो बलम् ओजसाहनत्
tam asya harṣaṃ mamṛṣe na pāṇḍavo; bibheda marmāṇi tato 'sya marmavit paraṃ śaraiḥ patribhir indravikramas; tathā yathendro balam ojasāhanat
Sanskrit only: no published translation is held for this verse.
ततः शराणां नवतीर् नवार्जुनः; ससर्ज कर्णे ऽन्तकदण्डसंनिभाः शरैर् भृशायस्ततनुः प्रविव्यथे; तथा यथा वज्रविदारितो ऽचलः
tataḥ śarāṇāṃ navatīr navārjunaḥ; sasarja karṇe 'ntakadaṇḍasaṃnibhāḥ śarair bhṛśāyastatanuḥ pravivyathe; tathā yathā vajravidārito 'calaḥ
Sanskrit only: no published translation is held for this verse.
मणिप्रवेकोत्तमवज्रहाटकैर्; अलंकृतं चास्य वराङ्गभूषणम् प्रविद्धम् उर्व्यां निपपात पत्रिभिर्; धनंजयेनोत्तमकुण्डले ऽपि च
maṇipravekottamavajrahāṭakair; alaṃkṛtaṃ cāsya varāṅgabhūṣaṇam praviddham urvyāṃ nipapāta patribhir; dhanaṃjayenottamakuṇḍale 'pi ca
Sanskrit only: no published translation is held for this verse.
महाधनं शिल्पिवरैः प्रयत्नतः; कृतं यद् अस्योत्तमवर्म भास्वरम् सुदीर्घकालेन तद् अस्य पाण्डवः; क्षणेन बाणैर् बहुधा व्यशातयत्
mahādhanaṃ śilpivaraiḥ prayatnataḥ; kṛtaṃ yad asyottamavarma bhāsvaram sudīrghakālena tad asya pāṇḍavaḥ; kṣaṇena bāṇair bahudhā vyaśātayat
Sanskrit only: no published translation is held for this verse.
स तं विवर्माणम् अथोत्तमेषुभिः; शरैश् चतुर्भिः कुपितः पराभिनत् स विव्यथे ऽत्यर्थम् अरिप्रहारितो; यथातुरः पित्तकफानिलव्रणैः
sa taṃ vivarmāṇam athottameṣubhiḥ; śaraiś caturbhiḥ kupitaḥ parābhinat sa vivyathe 'tyartham ariprahārito; yathāturaḥ pittakaphānilavraṇaiḥ
Sanskrit only: no published translation is held for this verse.
महाधनुर्मण्डलनिःसृतैः शितैः; क्रियाप्रयत्नप्रहितैर् बलेन च ततक्ष कर्णं बहुभिः शरोत्तमैर्; बिभेद मर्मस्व् अपि चार्जुनस् त्वरन्
mahādhanurmaṇḍalaniḥsṛtaiḥ śitaiḥ; kriyāprayatnaprahitair balena ca tatakṣa karṇaṃ bahubhiḥ śarottamair; bibheda marmasv api cārjunas tvaran
Sanskrit only: no published translation is held for this verse.
दृढाहतः पत्रिभिर् उग्रवेगैः; पार्थेन कर्णो विविधैः शिताग्रैः बभौ गिरिर् गैरिकधातुरक्तः; क्षरन् प्रपातैर् इव रक्तम् अम्भः
dṛḍhāhataḥ patribhir ugravegaiḥ; pārthena karṇo vividhaiḥ śitāgraiḥ babhau girir gairikadhāturaktaḥ; kṣaran prapātair iva raktam ambhaḥ
Sanskrit only: no published translation is held for this verse.
साश्वं तु कर्णं सरथं किरीटी; समाचिनोद् भारत वत्सदन्तैः प्रच्छादयाम् आस दिशश् च बाणैः; सर्वप्रयत्नात् तपनीयपुङ्खैः
sāśvaṃ tu karṇaṃ sarathaṃ kirīṭī; samācinod bhārata vatsadantaiḥ pracchādayām āsa diśaś ca bāṇaiḥ; sarvaprayatnāt tapanīyapuṅkhaiḥ
Sanskrit only: no published translation is held for this verse.
स वत्सदन्तैः पृथुपीनवक्षाः; समाचितः स्माधिरथिर् विभाति सुपुष्पिताशोकपलाशशाल्मलिर्; यथाचलः स्पन्दनचन्दनायुतः
sa vatsadantaiḥ pṛthupīnavakṣāḥ; samācitaḥ smādhirathir vibhāti supuṣpitāśokapalāśaśālmalir; yathācalaḥ spandanacandanāyutaḥ
Sanskrit only: no published translation is held for this verse.
शरैः शरीरे बहुधा समर्पितैर्; विभाति कर्णः समरे विशां पते महीरुहैर् आचितसानुकन्दरो; यथा महेन्द्रः शुभकर्णिकारवान्
śaraiḥ śarīre bahudhā samarpitair; vibhāti karṇaḥ samare viśāṃ pate mahīruhair ācitasānukandaro; yathā mahendraḥ śubhakarṇikāravān
Sanskrit only: no published translation is held for this verse.
स बाणसंघान् धनुषा व्यवासृजन्; विभाति कर्णः शरजालरश्मिवान् सलोहितो रक्तगभस्तिमण्डलो; दिवाकरो ऽस्ताभिमुखो यथा तथा
sa bāṇasaṃghān dhanuṣā vyavāsṛjan; vibhāti karṇaḥ śarajālaraśmivān salohito raktagabhastimaṇḍalo; divākaro 'stābhimukho yathā tathā
Sanskrit only: no published translation is held for this verse.
बाह्वन्तराद् आधिरथेर् विमुक्तान्; बाणान् महाहीन् इव दीप्यमानान् व्यध्वंसयन्न् अर्जुनबाहुमुक्ताः; शराः समासाद्य दिशः शिताग्राः
bāhvantarād ādhirather vimuktān; bāṇān mahāhīn iva dīpyamānān vyadhvaṃsayann arjunabāhumuktāḥ; śarāḥ samāsādya diśaḥ śitāgrāḥ
Sanskrit only: no published translation is held for this verse.
ततश् चक्रमपतत् तस्य भूमौ; स विह्वलः समरे सूतपुत्रः घूर्णे रथे ब्राह्मणस्याभिशापाद्; रामाद् उपात्ते ऽप्रतिभाति चास्त्रे
tataś cakramapatat tasya bhūmau; sa vihvalaḥ samare sūtaputraḥ ghūrṇe rathe brāhmaṇasyābhiśāpād; rāmād upātte 'pratibhāti cāstre
Sanskrit only: no published translation is held for this verse.
अमृष्यमाणो व्यसनानि तानि; हस्तौ विधुन्वन् स विगर्हमाणः धर्मप्रधानान् अभिपाति धर्म; इत्य् अब्रुवन् धर्मविदः सदैव ममापि निम्नो ऽद्य न पाति भक्तान्; मन्ये न नित्यं परिपाति धर्मः
amṛṣyamāṇo vyasanāni tāni; hastau vidhunvan sa vigarhamāṇaḥ dharmapradhānān abhipāti dharma; ity abruvan dharmavidaḥ sadaiva mamāpi nimno 'dya na pāti bhaktān; manye na nityaṃ paripāti dharmaḥ
Sanskrit only: no published translation is held for this verse.
एवं ब्रुवन् प्रस्खलिताश्वसूतो; विचाल्यमानो ऽर्जुनशस्त्रपातैः मर्माभिघाताच् चलितः क्रियासु; पुनः पुनर् धर्मम् अगर्हद् आजौ
evaṃ bruvan praskhalitāśvasūto; vicālyamāno 'rjunaśastrapātaiḥ marmābhighātāc calitaḥ kriyāsu; punaḥ punar dharmam agarhad ājau
Sanskrit only: no published translation is held for this verse.
ततः शरैर् भीमतरैर् अविध्यत् त्रिभिर् आहवे हस्ते कर्णस् तदा पार्थम् अभ्यविध्यच् च सप्तभिः
tataḥ śarair bhīmatarair avidhyat tribhir āhave haste karṇas tadā pārtham abhyavidhyac ca saptabhiḥ
Sanskrit only: no published translation is held for this verse.
ततो ऽर्जुनः सप्तदश तिग्मतेजान् अजिह्मगान् इन्द्राशनिसमान् घोरान् असृजत् पावकोपमान्
tato 'rjunaḥ saptadaśa tigmatejān ajihmagān indrāśanisamān ghorān asṛjat pāvakopamān
Sanskrit only: no published translation is held for this verse.
निर्भिद्य ते भीमवेगा न्यपतन् पृथिवीतले कम्पितात्मा तथा कर्णः शक्त्या चेष्टाम् अदर्शयत्
nirbhidya te bhīmavegā nyapatan pṛthivītale kampitātmā tathā karṇaḥ śaktyā ceṣṭām adarśayat
Sanskrit only: no published translation is held for this verse.
बलेनाथ स संस्तभ्य ब्रह्मास्त्रं समुदैरयत् ऐन्द्रास्त्रम् अर्जुनश् चापि तद् दृष्ट्वाभिन्यमन्त्रयत्
balenātha sa saṃstabhya brahmāstraṃ samudairayat aindrāstram arjunaś cāpi tad dṛṣṭvābhinyamantrayat
Sanskrit only: no published translation is held for this verse.
गाण्डीवं ज्यां च बाणांश् च अनुमन्त्र्य धनंजयः असृजच् छरवर्षाणि वर्षाणीव पुरंदरः
gāṇḍīvaṃ jyāṃ ca bāṇāṃś ca anumantrya dhanaṃjayaḥ asṛjac charavarṣāṇi varṣāṇīva puraṃdaraḥ
Sanskrit only: no published translation is held for this verse.
ततस् तेजोमया बाणा रथात् पार्थस्य निःसृताः प्रादुरासन् महावीर्याः कर्णस्य रथम् अन्तिकात्
tatas tejomayā bāṇā rathāt pārthasya niḥsṛtāḥ prādurāsan mahāvīryāḥ karṇasya ratham antikāt
Sanskrit only: no published translation is held for this verse.
तान् कर्णस् त्व् अग्रतो ऽभ्यस्तान् मोघांश् चक्रे महारथः ततो ऽब्रवीद् वृष्णिवीरस् तस्मिन्न् अस्त्रे विनाशिते
tān karṇas tv agrato 'bhyastān moghāṃś cakre mahārathaḥ tato 'bravīd vṛṣṇivīras tasminn astre vināśite
Sanskrit only: no published translation is held for this verse.
विसृजास्त्रं परं पार्थ राधेयो ग्रसते शरान् ब्रह्मास्त्रम् अर्जुनश् चापि संमन्त्र्याथ प्रयोजयत्
visṛjāstraṃ paraṃ pārtha rādheyo grasate śarān brahmāstram arjunaś cāpi saṃmantryātha prayojayat
Sanskrit only: no published translation is held for this verse.
छादयित्वा ततो बाणैः कर्णं प्रभ्राम्य चार्जुनः तस्य कर्णः शरैः क्रुद्धश् चिच्छेद ज्यां सुतेजनैः
chādayitvā tato bāṇaiḥ karṇaṃ prabhrāmya cārjunaḥ tasya karṇaḥ śaraiḥ kruddhaś ciccheda jyāṃ sutejanaiḥ
Sanskrit only: no published translation is held for this verse.
ततो ज्याम् अवधायान्याम् अनुमृज्य च पाण्डवः शरैर् अवाकिरत् कर्णं दीप्यमानैः सहस्रशः
tato jyām avadhāyānyām anumṛjya ca pāṇḍavaḥ śarair avākirat karṇaṃ dīpyamānaiḥ sahasraśaḥ
Sanskrit only: no published translation is held for this verse.
तस्य ज्याच्छेदनं कर्णो ज्यावधानं च संयुगे नान्वबुध्यत शीघ्रत्वात् तद् अद्भुतम् इवाभवत्
tasya jyācchedanaṃ karṇo jyāvadhānaṃ ca saṃyuge nānvabudhyata śīghratvāt tad adbhutam ivābhavat
Sanskrit only: no published translation is held for this verse.
अस्त्रैर् अस्त्राणि राधेयः प्रत्यहन् सव्यसाचिनः चक्रे चाभ्यधिकं पार्थात् स्ववीर्यं प्रतिदर्शयन्
astrair astrāṇi rādheyaḥ pratyahan savyasācinaḥ cakre cābhyadhikaṃ pārthāt svavīryaṃ pratidarśayan
Sanskrit only: no published translation is held for this verse.
ततः कृष्णो ऽर्जुनं दृष्ट्वा कर्णास्त्रेणाभिपीडितम् अभ्यस्येत्य् अब्रवीत् पार्थम् आतिष्ठास्त्रम् अनुत्तमम्
tataḥ kṛṣṇo 'rjunaṃ dṛṣṭvā karṇāstreṇābhipīḍitam abhyasyety abravīt pārtham ātiṣṭhāstram anuttamam
Sanskrit only: no published translation is held for this verse.
ततो ऽन्यम् अग्निसदृशं शरं सर्पविषोपमम् अश्मसारमयं दिव्यम् अनुमन्त्र्य धनंजयः
tato 'nyam agnisadṛśaṃ śaraṃ sarpaviṣopamam aśmasāramayaṃ divyam anumantrya dhanaṃjayaḥ
Sanskrit only: no published translation is held for this verse.
रौद्रम् अस्त्रं समादाय क्षेप्तुकामः किरीटवान् ततो ऽग्रसन् मही चक्रं राधेयस्य महामृधे
raudram astraṃ samādāya kṣeptukāmaḥ kirīṭavān tato 'grasan mahī cakraṃ rādheyasya mahāmṛdhe
Sanskrit only: no published translation is held for this verse.
ग्रस्तचक्रस् तु राधेयः कोपाद् अश्रूण्य् अवर्तयत् सो ऽब्रवीद् अर्जुनं चापि मुहूर्तं क्षम पाण्डव
grastacakras tu rādheyaḥ kopād aśrūṇy avartayat so 'bravīd arjunaṃ cāpi muhūrtaṃ kṣama pāṇḍava
Sanskrit only: no published translation is held for this verse.
मध्ये चक्रम् अवग्रस्तं दृष्ट्वा दैवाद् इदं मम पार्थ कापुरुषाचीर्णम् अभिसंधिं विवर्जय
madhye cakram avagrastaṃ dṛṣṭvā daivād idaṃ mama pārtha kāpuruṣācīrṇam abhisaṃdhiṃ vivarjaya
Sanskrit only: no published translation is held for this verse.
प्रकीर्णकेशे विमुखे ब्राह्मणे च कृताञ्जलौ शरणागते न्यस्तशस्त्रे तथा व्यसनगे ऽर्जुन
prakīrṇakeśe vimukhe brāhmaṇe ca kṛtāñjalau śaraṇāgate nyastaśastre tathā vyasanage 'rjuna
Sanskrit only: no published translation is held for this verse.
अबाणे भ्रष्टकवचे भ्रष्टभग्नायुधे तथा न शूराः प्रहरन्त्य् आजौ न राज्ञे पार्थिवास् तथा त्वं च शूरो ऽसि कौन्तेय तस्मात् क्षम मुहूर्तकम्
abāṇe bhraṣṭakavace bhraṣṭabhagnāyudhe tathā na śūrāḥ praharanty ājau na rājñe pārthivās tathā tvaṃ ca śūro 'si kaunteya tasmāt kṣama muhūrtakam
Sanskrit only: no published translation is held for this verse.
यावच् चक्रम् इदं भूमेर् उद्धरामि धनंजय न मां रथस्थो भूमिष्ठम् असज्जं हन्तुम् अर्हसि न वासुदेवात् त्वत्तो वा पाण्डवेय बिभेम्य् अहम्
yāvac cakram idaṃ bhūmer uddharāmi dhanaṃjaya na māṃ rathastho bhūmiṣṭham asajjaṃ hantum arhasi na vāsudevāt tvatto vā pāṇḍaveya bibhemy aham
Sanskrit only: no published translation is held for this verse.
त्वं हि क्षत्रियदायादो महाकुलविवर्धनः स्मृत्वा धर्मोपदेशं त्वं मुहूर्तं क्षम पाण्डव
tvaṃ hi kṣatriyadāyādo mahākulavivardhanaḥ smṛtvā dharmopadeśaṃ tvaṃ muhūrtaṃ kṣama pāṇḍava
Sanskrit only: no published translation is held for this verse.