Mahābhārata (critical edition) 9.33

संजय उवाच तस्मिन् युद्धे महाराज संप्रवृत्ते सुदारुणे उपविष्टेषु सर्वेषु पाण्डवेषु महात्मसु

saṃjaya uvāca tasmin yuddhe mahārāja saṃpravṛtte sudāruṇe upaviṣṭeṣu sarveṣu pāṇḍaveṣu mahātmasu

Sanskrit only: no published translation is held for this verse.

ततस् तालध्वजो रामस् तयोर् युद्ध उपस्थिते श्रुत्वा तच् छिष्ययो राजन्न् आजगाम हलायुधः

tatas tāladhvajo rāmas tayor yuddha upasthite śrutvā tac chiṣyayo rājann ājagāma halāyudhaḥ

Sanskrit only: no published translation is held for this verse.

तं दृष्ट्वा परमप्रीताः पूजयित्वा नराधिपाः शिष्ययोः कौशलं युद्धे पश्य रामेति चाब्रुवन्

taṃ dṛṣṭvā paramaprītāḥ pūjayitvā narādhipāḥ śiṣyayoḥ kauśalaṃ yuddhe paśya rāmeti cābruvan

Sanskrit only: no published translation is held for this verse.

अब्रवीच् च तदा रामो दृष्ट्वा कृष्णं च पाण्डवम् दुर्योधनं च कौरव्यं गदापाणिम् अवस्थितम्

abravīc ca tadā rāmo dṛṣṭvā kṛṣṇaṃ ca pāṇḍavam duryodhanaṃ ca kauravyaṃ gadāpāṇim avasthitam

Sanskrit only: no published translation is held for this verse.

चत्वारिंशद् अहान्य् अद्य द्वे च मे निःसृतस्य वै पुष्येण संप्रयातो ऽस्मि श्रवणे पुनरागतः शिष्ययोर् वै गदायुद्धं द्रष्टुकामो ऽस्मि माधव

catvāriṃśad ahāny adya dve ca me niḥsṛtasya vai puṣyeṇa saṃprayāto 'smi śravaṇe punarāgataḥ śiṣyayor vai gadāyuddhaṃ draṣṭukāmo 'smi mādhava

Sanskrit only: no published translation is held for this verse.

ततो युधिष्ठिरो राजा परिष्वज्य हलायुधम् स्वागतं कुशलं चास्मै पर्यपृच्छद् यथातथम्

tato yudhiṣṭhiro rājā pariṣvajya halāyudham svāgataṃ kuśalaṃ cāsmai paryapṛcchad yathātatham

Sanskrit only: no published translation is held for this verse.

कृष्णौ चापि महेष्वासाव् अभिवाद्य हलायुधम् सस्वजाते परिप्रीतौ प्रियमाणौ यशस्विनौ

kṛṣṇau cāpi maheṣvāsāv abhivādya halāyudham sasvajāte pariprītau priyamāṇau yaśasvinau

Sanskrit only: no published translation is held for this verse.

माद्रीपुत्रौ तथा शूरौ द्रौपद्याः पञ्च चात्मजाः अभिवाद्य स्थिता राजन् रौहिणेयं महाबलम्

mādrīputrau tathā śūrau draupadyāḥ pañca cātmajāḥ abhivādya sthitā rājan rauhiṇeyaṃ mahābalam

Sanskrit only: no published translation is held for this verse.

भीमसेनो ऽथ बलवान् पुत्रस् तव जनाधिप तथैव चोद्यतगदौ पूजयाम् आसतुर् बलम्

bhīmaseno 'tha balavān putras tava janādhipa tathaiva codyatagadau pūjayām āsatur balam

Sanskrit only: no published translation is held for this verse.

स्वागतेन च ते तत्र प्रतिपूज्य पुनः पुनः पश्य युद्धं महाबाहो इति ते रामम् अब्रुवन् एवम् ऊचुर् महात्मानं रौहिणेयं नराधिपाः

svāgatena ca te tatra pratipūjya punaḥ punaḥ paśya yuddhaṃ mahābāho iti te rāmam abruvan evam ūcur mahātmānaṃ rauhiṇeyaṃ narādhipāḥ

Sanskrit only: no published translation is held for this verse.

परिष्वज्य तदा रामः पाण्डवान् सृञ्जयान् अपि अपृच्छत् कुशलं सर्वान् पाण्डवांश् चामितौजसः तथैव ते समासाद्य पप्रच्छुस् तम् अनामयम्

pariṣvajya tadā rāmaḥ pāṇḍavān sṛñjayān api apṛcchat kuśalaṃ sarvān pāṇḍavāṃś cāmitaujasaḥ tathaiva te samāsādya papracchus tam anāmayam

Sanskrit only: no published translation is held for this verse.

प्रत्यभ्यर्च्य हली सर्वान् क्षत्रियांश् च महामनाः कृत्वा कुशलसंयुक्तां संविदं च यथावयः

pratyabhyarcya halī sarvān kṣatriyāṃś ca mahāmanāḥ kṛtvā kuśalasaṃyuktāṃ saṃvidaṃ ca yathāvayaḥ

Sanskrit only: no published translation is held for this verse.

जनार्दनं सात्यकिं च प्रेम्णा स परिषस्वजे मूर्ध्नि चैताव् उपाघ्राय कुशलं पर्यपृच्छत

janārdanaṃ sātyakiṃ ca premṇā sa pariṣasvaje mūrdhni caitāv upāghrāya kuśalaṃ paryapṛcchata

Sanskrit only: no published translation is held for this verse.

तौ चैनं विधिवद् राजन् पूजयाम् आसतुर् गुरुम् ब्रह्माणम् इव देवेशम् इन्द्रोपेन्द्रौ मुदा युतौ

tau cainaṃ vidhivad rājan pūjayām āsatur gurum brahmāṇam iva deveśam indropendrau mudā yutau

Sanskrit only: no published translation is held for this verse.

ततो ऽब्रवीद् धर्मसुतो रौहिणेयम् अरिंदमम् इदं भ्रात्रोर् महायुद्धं पश्य रामेति भारत

tato 'bravīd dharmasuto rauhiṇeyam ariṃdamam idaṃ bhrātror mahāyuddhaṃ paśya rāmeti bhārata

Sanskrit only: no published translation is held for this verse.

तेषां मध्ये महाबाहुः श्रीमान् केशवपूर्वजः न्यविशत् परमप्रीतः पूज्यमानो महारथैः

teṣāṃ madhye mahābāhuḥ śrīmān keśavapūrvajaḥ nyaviśat paramaprītaḥ pūjyamāno mahārathaiḥ

Sanskrit only: no published translation is held for this verse.

स बभौ राजमध्यस्थो नीलवासाः सितप्रभः दिवीव नक्षत्रगणैः परिकीर्णो निशाकरः

sa babhau rājamadhyastho nīlavāsāḥ sitaprabhaḥ divīva nakṣatragaṇaiḥ parikīrṇo niśākaraḥ

Sanskrit only: no published translation is held for this verse.

ततस् तयोः संनिपातस् तुमुलो रोमहर्षणः आसीद् अन्तकरो राजन् वैरस्य तव पुत्रयोः

tatas tayoḥ saṃnipātas tumulo romaharṣaṇaḥ āsīd antakaro rājan vairasya tava putrayoḥ

Sanskrit only: no published translation is held for this verse.