श्रीशंकर उवाच । अथातः सम्प्रवक्ष्यामि पूजाधारं सुदुर्लभम्
śrīśaṃkara uvāca / athātaḥ sampravakṣyāmi pūjādhāraṃ sudurlabham
Sanskrit only: no published translation is held for this verse.
Matrkabhedatantra 12
शालग्रामे मणौ यन्त्रे प्रतिमायां घटे जले
śālagrāme maṇau yantre pratimāyāṃ ghaṭe jale
Sanskrit only: no published translation is held for this verse.
पुस्तिकायां च गङ्गायां शिवलिङ्गे प्रसूनके । शालग्रामे शतगुणं मणौ तद्वत् फलं लभेत्
pustikāyāṃ ca gaṅgāyāṃ śivaliṅge prasūnake / śālagrāme śataguṇaṃ maṇau tadvat phalaṃ labhet
Sanskrit only: no published translation is held for this verse.
यन्त्रे लक्षगुणं पुण्यं मूर्तौ लक्षं सुलोचने । घटे चैकगुणं पुण्यं जले चैकगुणं प्रिये
yantre lakṣaguṇaṃ puṇyaṃ mūrtau lakṣaṃ sulocane / ghaṭe caikaguṇaṃ puṇyaṃ jale caikaguṇaṃ priye
Sanskrit only: no published translation is held for this verse.
पुस्तिकायां सहस्रं तु गङ्गायां तत्समं फलम् । शिवलिङ्गे ह्य् अनन्तं हि विना पार्थिवलिङ्गके
pustikāyāṃ sahasraṃ tu gaṅgāyāṃ tatsamaṃ phalam / śivaliṅge hy anantaṃ hi vinā pārthivaliṅgake
Sanskrit only: no published translation is held for this verse.
पुष्पयन्त्रे महेशानि पूजनात् सर्वसिद्धिभाक् । शालग्रामे च पूजायां न लिखेद् यन्त्रम् उत्तमम्
puṣpayantre maheśāni pūjanāt sarvasiddhibhāk / śālagrāme ca pūjāyāṃ na likhed yantram uttamam
Sanskrit only: no published translation is held for this verse.
मणौ स्थिते महेशानि न लिखेद् यन्त्रम् उत्तमम् । प्रतिमायां च पूजायां न लिखेद् यन्त्रम् उत्तमम्
maṇau sthite maheśāni na likhed yantram uttamam / pratimāyāṃ ca pūjāyāṃ na likhed yantram uttamam
Sanskrit only: no published translation is held for this verse.
प्रतिमायाश् च पुरतो घटं संस्थाप्य यत्नतः । परिवारान् यजेत् तत्र घटे तु परमेश्वरि
pratimāyāś ca purato ghaṭaṃ saṃsthāpya yatnataḥ / parivārān yajet tatra ghaṭe tu parameśvari
Sanskrit only: no published translation is held for this verse.
यन्त्राधिष्ठातृदेवांश् च घटे यन्त्रे प्रपूजयेत् । समस्तदेवतारूपं घटं तु परिचिन्तयेत् । सुरद्रुमस्वरूपो ऽयं घटो हि परमेश्वरि
yantrādhiṣṭhātṛdevāṃś ca ghaṭe yantre prapūjayet / samastadevatārūpaṃ ghaṭaṃ tu paricintayet / suradrumasvarūpo 'yaṃ ghaṭo hi parameśvari
Sanskrit only: no published translation is held for this verse.
जन्मस्थानं महायन्त्रं यदि कुर्यात् तु साधकः । तत्र मूर्तिं न कुर्यात् तु कदाचिद् अपि मोहतः
janmasthānaṃ mahāyantraṃ yadi kuryāt tu sādhakaḥ / tatra mūrtiṃ na kuryāt tu kadācid api mohataḥ
Sanskrit only: no published translation is held for this verse.
यदि मूर्तिं प्रकुर्यात् तु तत्र यन्त्रं न कारयेत् । यदि कुर्यात् तु मोहेन यजेद् वारद्वयं प्रिये
yadi mūrtiṃ prakuryāt tu tatra yantraṃ na kārayet / yadi kuryāt tu mohena yajed vāradvayaṃ priye
Sanskrit only: no published translation is held for this verse.
द्विगुणं पूजनं तत्र द्विगुणं बलिदानकम् । द्विगुणं प्रजपेन् मन्त्रं द्विगुणं होमयेत् सुधीः
dviguṇaṃ pūjanaṃ tatra dviguṇaṃ balidānakam / dviguṇaṃ prajapen mantraṃ dviguṇaṃ homayet sudhīḥ
Sanskrit only: no published translation is held for this verse.
अन्यथा विफला पूजा विफलं बलिदानकम् । सर्वं हि विफलं यस्मात् तस्माद् यन्त्रं न कारयेत्
anyathā viphalā pūjā viphalaṃ balidānakam / sarvaṃ hi viphalaṃ yasmāt tasmād yantraṃ na kārayet
Sanskrit only: no published translation is held for this verse.
इति ते कथितं कान्ते पूजाधारं सुदुर्लभम्
iti te kathitaṃ kānte pūjādhāraṃ sudurlabham
Sanskrit only: no published translation is held for this verse.
अथातः सम्प्रवक्ष्यामि शिवलिङ्गस्य लक्षणम् । पार्थिवे शिवपूजायां सर्वसिद्धियुतो भवेत्
athātaḥ sampravakṣyāmi śivaliṅgasya lakṣaṇam / pārthive śivapūjāyāṃ sarvasiddhiyuto bhavet
Sanskrit only: no published translation is held for this verse.
पाषाणे शिवपूजायां द्विगुणं फलम् ईरितम् । स्वर्णलिङ्गे च पूजायां शत्रूणां नाशनं मतम्
pāṣāṇe śivapūjāyāṃ dviguṇaṃ phalam īritam / svarṇaliṅge ca pūjāyāṃ śatrūṇāṃ nāśanaṃ matam
Sanskrit only: no published translation is held for this verse.
सर्वसिद्धीश्वरो रौप्ये फलं तस्माच् चतुर्गुणम् । ताम्रे पुष्टिं विजानीयात् कांस्ये च धनसंचयम्
sarvasiddhīśvaro raupye phalaṃ tasmāc caturguṇam / tāmre puṣṭiṃ vijānīyāt kāṃsye ca dhanasaṃcayam
Sanskrit only: no published translation is held for this verse.
पारदस्य च माहात्म्यं पुरैव कथितं मया । गङ्गायां च लक्षगुणं लाक्षायां रोगवान् भवेत्
pāradasya ca māhātmyaṃ puraiva kathitaṃ mayā / gaṅgāyāṃ ca lakṣaguṇaṃ lākṣāyāṃ rogavān bhavet
Sanskrit only: no published translation is held for this verse.
स्फाटिके सर्वसिद्धिः स्यात् तथा मारकते प्रिये । लौहलिङ्गे रिपोर् नाशं कामदं भस्मलिङ्गके
sphāṭike sarvasiddhiḥ syāt tathā mārakate priye / lauhaliṅge ripor nāśaṃ kāmadaṃ bhasmaliṅgake
Sanskrit only: no published translation is held for this verse.
वालुकायां काम्यसिद्धिर् गोमये ऋतुहिंसनम् । सर्वलिङ्गस्य माहात्म्यं धर्मार्थकाममोक्षदम्
vālukāyāṃ kāmyasiddhir gomaye ṛtuhiṃsanam / sarvaliṅgasya māhātmyaṃ dharmārthakāmamokṣadam
Sanskrit only: no published translation is held for this verse.
आधारभेदे यत् पुण्यं चाधिकं कथितं तु ते । अतिरिक्तफलान्य् एतद्धारस्य सुलोचने
ādhārabhede yat puṇyaṃ cādhikaṃ kathitaṃ tu te / atiriktaphalāny etaddhārasya sulocane
Sanskrit only: no published translation is held for this verse.
शिवस्य पूजनाद् देवि चतुर्वर्गाधिपो भवेत् । अष्टैश्वर्ययुतो मर्त्यः शम्भुनाथस्य पूजनात्
śivasya pūjanād devi caturvargādhipo bhavet / aṣṭaiśvaryayuto martyaḥ śambhunāthasya pūjanāt
Sanskrit only: no published translation is held for this verse.
स्वयं नारायणः प्रोक्तो यदि शम्भुं प्रपूजयेत् । स्वर्गे मर्त्ये च पाताले ये देवाः संस्थिताः सदा । तेषां पूजा भवेद् देवि शम्भुनाथस्य पूजनात्
svayaṃ nārāyaṇaḥ prokto yadi śambhuṃ prapūjayet / svarge martye ca pātāle ye devāḥ saṃsthitāḥ sadā / teṣāṃ pūjā bhaved devi śambhunāthasya pūjanāt
Sanskrit only: no published translation is held for this verse.
स्वर्णपुष्पसहस्रेण यत् फलं लभते नरः । तस्माल् लक्षगुणं पुण्यं भग्नैकबिल्वपत्त्रके
svarṇapuṣpasahasreṇa yat phalaṃ labhate naraḥ / tasmāl lakṣaguṇaṃ puṇyaṃ bhagnaikabilvapattrake
Sanskrit only: no published translation is held for this verse.
भग्नैकबिल्वपत्त्रस्य सहस्रकेन भागतः । मेरुतुल्यसुवर्णेन तत्फलं न हि लभ्यते
bhagnaikabilvapattrasya sahasrakena bhāgataḥ / merutulyasuvarṇena tatphalaṃ na hi labhyate
Sanskrit only: no published translation is held for this verse.
शुद्धाशुद्धविचारो ऽपि नास्ति तच् छिवपूजने । येन तेन प्रकारेण बिल्वपत्त्रैः प्रपूजनात् । सर्वसिद्धियुतो भूत्वा स नरः सिद्धो हि
śuddhāśuddhavicāro 'pi nāsti tac chivapūjane / yena tena prakāreṇa bilvapattraiḥ prapūjanāt / sarvasiddhiyuto bhūtvā sa naraḥ siddho hi
Sanskrit only: no published translation is held for this verse.
ब्रह्माण्डमध्ये ये देवास् तद्बाह्ये याश् च देवताः । ते सर्वे तृप्तिम् आयान्ति केवलं शिवपूजनात्
brahmāṇḍamadhye ye devās tadbāhye yāś ca devatāḥ / te sarve tṛptim āyānti kevalaṃ śivapūjanāt
Sanskrit only: no published translation is held for this verse.
पुष्पं गन्धं जलं द्रव्यं लिङ्गोपरि नियोजयेत् । लिङ्गमध्ये महावह्निः सैव रुद्रः प्रकीर्तितः
puṣpaṃ gandhaṃ jalaṃ dravyaṃ liṅgopari niyojayet / liṅgamadhye mahāvahniḥ saiva rudraḥ prakīrtitaḥ
Sanskrit only: no published translation is held for this verse.
रुद्रोपरि क्षिपेद् यत् तु तद् एव भस्मतां गतः
rudropari kṣiped yat tu tad eva bhasmatāṃ gataḥ
Sanskrit only: no published translation is held for this verse.
साक्षाद् धोमो महेशानि शिवस्य पूजनाद् भवेत् । महायज्ञेश्वरो मर्त्यः शिवस्य पूजनाद् भवेत्
sākṣād dhomo maheśāni śivasya pūjanād bhavet / mahāyajñeśvaro martyaḥ śivasya pūjanād bhavet
Sanskrit only: no published translation is held for this verse.
कुशाग्रमानं यत् तोयं तत् तोयेन यजेद् यदि । सत्यं सत्यं हि गिरिजे तज् जलं सागरोपमम्
kuśāgramānaṃ yat toyaṃ tat toyena yajed yadi / satyaṃ satyaṃ hi girije taj jalaṃ sāgaropamam
Sanskrit only: no published translation is held for this verse.
पुष्पं च मेरुसदृशं लिङ्गोपरि नियोजनात् । लिङ्गस्य मस्तके देवि यद् अन्नं परितिष्ठति
puṣpaṃ ca merusadṛśaṃ liṅgopari niyojanāt / liṅgasya mastake devi yad annaṃ paritiṣṭhati
Sanskrit only: no published translation is held for this verse.
तदन्नस्य च दानेन क्षितिदानफलं लभेत्
tadannasya ca dānena kṣitidānaphalaṃ labhet
Sanskrit only: no published translation is held for this verse.
एकेन तण्डुलेनैव यदि लिङ्गं प्रपूजयेत् । ब्रह्माण्डपात्रसम्पूर्णम् अन्नदानफलं लभेत्
ekena taṇḍulenaiva yadi liṅgaṃ prapūjayet / brahmāṇḍapātrasampūrṇam annadānaphalaṃ labhet
Sanskrit only: no published translation is held for this verse.
एकया दूर्वया वापि यो ऽर्चयेच् छिवलिङ्गकम् । सर्वदेवस्य शीर्षे तु चार्धदानफलं लभेत्
ekayā dūrvayā vāpi yo 'rcayec chivaliṅgakam / sarvadevasya śīrṣe tu cārdhadānaphalaṃ labhet
Sanskrit only: no published translation is held for this verse.
सामान्यतोयम् आनीय यदि स्नायान् महेश्वरम् । सार्धत्रिकोटितीर्थस्य स्नानस्य फलभाग् भवेत्
sāmānyatoyam ānīya yadi snāyān maheśvaram / sārdhatrikoṭitīrthasya snānasya phalabhāg bhavet
Sanskrit only: no published translation is held for this verse.
श्रीचण्डिकोवाच । तारिणी ब्रह्मणः शक्तिस् त्रिपुरा वैष्णवी परा । कथं शाकम्भरी तारा त्रिपुरा शाम्भवी कथम्
śrīcaṇḍikovāca / tāriṇī brahmaṇaḥ śaktis tripurā vaiṣṇavī parā / kathaṃ śākambharī tārā tripurā śāmbhavī katham
Sanskrit only: no published translation is held for this verse.
श्रीशंकर उवाच । काली देहाद् यदा जाता सावित्री वेदमातृका । त्रिवर्गदात्री सा देवी ब्रह्मणः शक्तिर् एव च
śrīśaṃkara uvāca / kālī dehād yadā jātā sāvitrī vedamātṛkā / trivargadātrī sā devī brahmaṇaḥ śaktir eva ca
Sanskrit only: no published translation is held for this verse.
गुप्तरूपा महाविद्या शैवी सैकजटा परा । तस्माल् लक्ष्मीर् वैष्णवी या त्रिवर्गदायिनी शिवा
guptarūpā mahāvidyā śaivī saikajaṭā parā / tasmāl lakṣmīr vaiṣṇavī yā trivargadāyinī śivā
Sanskrit only: no published translation is held for this verse.
गुप्तरूपा महाविद्या श्रीमत्त्रिपुरसुन्दरी । शाम्भवी परमा माया त्रिपुरा मोक्षदायिनी
guptarūpā mahāvidyā śrīmattripurasundarī / śāmbhavī paramā māyā tripurā mokṣadāyinī
Sanskrit only: no published translation is held for this verse.
एकैव हि महाविद्या नाममात्रं पृथक् पृथक् । तथैव पुरुषश् चैको नाममात्रविभेदकः
ekaiva hi mahāvidyā nāmamātraṃ pṛthak pṛthak / tathaiva puruṣaś caiko nāmamātravibhedakaḥ
Sanskrit only: no published translation is held for this verse.
श्रीचण्डिकोवाच । मन्त्रधारणमात्रेण तदात्मा तन्मयो भवेत् । कथं वा वातुलः सो ऽपि कथं वा रोगवान् भवेत्
śrīcaṇḍikovāca / mantradhāraṇamātreṇa tadātmā tanmayo bhavet / kathaṃ vā vātulaḥ so 'pi kathaṃ vā rogavān bhavet
Sanskrit only: no published translation is held for this verse.
श्रीशंकर उवाच । मन्त्रच्छन्नाद् वातुलत्वं रोगो देहे न जायते । मन्त्रच्छन्नं प्रवक्ष्यामि शृणु देवि समाहिता
śrīśaṃkara uvāca / mantracchannād vātulatvaṃ rogo dehe na jāyate / mantracchannaṃ pravakṣyāmi śṛṇu devi samāhitā
Sanskrit only: no published translation is held for this verse.
अभक्तिश् चाक्षरे भ्रान्तिर् लुप्तिश् छन्नस् तथैव च । ह्रस्वो दीर्घश् च कथनं स्वप्ने तु चाष्टधा स्मृतः
abhaktiś cākṣare bhrāntir luptiś channas tathaiva ca / hrasvo dīrghaś ca kathanaṃ svapne tu cāṣṭadhā smṛtaḥ
Sanskrit only: no published translation is held for this verse.
अभक्त्या नैव सिद्धिः स्यात् कल्पकोटिशतैर् अपि । एवं मन्त्रश् चान्यथा वा चेति भ्रान्त्या च वातुलः
abhaktyā naiva siddhiḥ syāt kalpakoṭiśatair api / evaṃ mantraś cānyathā vā ceti bhrāntyā ca vātulaḥ
Sanskrit only: no published translation is held for this verse.
लुप्तवर्णे बुद्धिनाशश् छिन्ने नाशो भवेत् किल । ह्रस्वोच्चारे व्याधियुक्तो दीर्घजापे वसुक्षयः
luptavarṇe buddhināśaś chinne nāśo bhavet kila / hrasvoccāre vyādhiyukto dīrghajāpe vasukṣayaḥ
Sanskrit only: no published translation is held for this verse.
कथने मृत्युम् आप्नोति स्वप्ने ऽपि शृणु शैलजे । कालिकायाश् च ताराया मन्त्रो ऽपि ज्वलदग्निवत्
kathane mṛtyum āpnoti svapne 'pi śṛṇu śailaje / kālikāyāś ca tārāyā mantro 'pi jvaladagnivat
Sanskrit only: no published translation is held for this verse.
विप्ररूपेण देवेन प्रेमभावेन चेतसा । यदि मन्त्रं हरेद् देवि शृणु साधकलक्षणम्
viprarūpeṇa devena premabhāvena cetasā / yadi mantraṃ hared devi śṛṇu sādhakalakṣaṇam
Sanskrit only: no published translation is held for this verse.
सर्वाङ्गे वै भवेज् ज्वाला देहमध्ये विशेषतः । तोये शैत्यं न जायेत तथैवौषधसेवने
sarvāṅge vai bhavej jvālā dehamadhye viśeṣataḥ / toye śaityaṃ na jāyeta tathaivauṣadhasevane
Sanskrit only: no published translation is held for this verse.
सदा वातुलवत् सर्वं प्रत्यक्षे स्वप्नवद् भवेत् । वर्षमध्ये त्रिवर्षे वा मृत्युस् तस्य न संशयः
sadā vātulavat sarvaṃ pratyakṣe svapnavad bhavet / varṣamadhye trivarṣe vā mṛtyus tasya na saṃśayaḥ
Sanskrit only: no published translation is held for this verse.
श्रीचण्डिकोवाच । मन्त्रच्छन्नं चाष्टविधं तव वक्त्राच् छ्रुतं मया । यदि दैवाद् भवेद् देव तस्योपायं वदस्व मे
śrīcaṇḍikovāca / mantracchannaṃ cāṣṭavidhaṃ tava vaktrāc chrutaṃ mayā / yadi daivād bhaved deva tasyopāyaṃ vadasva me
Sanskrit only: no published translation is held for this verse.
श्रीशंकर उवाच । बहुजापात् तथा होमात् कायक्लेशादिविस्तरात् । यदि भक्तिर् भवेद् देवि तस्य सिद्धिर् अदूरतः
śrīśaṃkara uvāca / bahujāpāt tathā homāt kāyakleśādivistarāt / yadi bhaktir bhaved devi tasya siddhir adūrataḥ
Sanskrit only: no published translation is held for this verse.
गुरुणा तत्सुतेनैव साधकेन वरानने । अक्षरे दूषणं हित्वा पुनर् मन्त्रं प्रकाशयेत्
guruṇā tatsutenaiva sādhakena varānane / akṣare dūṣaṇaṃ hitvā punar mantraṃ prakāśayet
Sanskrit only: no published translation is held for this verse.
गुरुणा तत्सुतेनैव साधकेन समाहितः । लुप्तवर्णं समुत्थाप्य पुनर् मन्त्रं प्रकाशयेत्
guruṇā tatsutenaiva sādhakena samāhitaḥ / luptavarṇaṃ samutthāpya punar mantraṃ prakāśayet
Sanskrit only: no published translation is held for this verse.
चक्रभेदेन षट्कोणं तथैव योनिमुद्रया । एकोच्चारे जपेन् मन्त्रं लक्षम् एकं वरानने । गुर्वादिना महेशानि छिन्नदोषनिकृन्तनम्
cakrabhedena ṣaṭkoṇaṃ tathaiva yonimudrayā / ekoccāre japen mantraṃ lakṣam ekaṃ varānane / gurvādinā maheśāni chinnadoṣanikṛntanam
Sanskrit only: no published translation is held for this verse.
गुरुणा लक्षजापेन तन् मन्त्रं श्रावयेत् त्रिधा । दूषणं ह्रस्वदीर्घस्य शान्तिश् चात्र न संशयः
guruṇā lakṣajāpena tan mantraṃ śrāvayet tridhā / dūṣaṇaṃ hrasvadīrghasya śāntiś cātra na saṃśayaḥ
Sanskrit only: no published translation is held for this verse.
गुरुणा तत्सुतेनैव साधकेनैव शैलजे । उक्तमार्गेण देवेशि जपेल् लक्षचतुष्टयम्
guruṇā tatsutenaiva sādhakenaiva śailaje / uktamārgeṇa deveśi japel lakṣacatuṣṭayam
Sanskrit only: no published translation is held for this verse.
तद्दशांशं हुनेत् पश्चात् तर्पणादि समाचरेत्
taddaśāṃśaṃ hunet paścāt tarpaṇādi samācaret
Sanskrit only: no published translation is held for this verse.
ततो ऽपि यदि नैवाभूत् साधकः स्थिरमानसः । चतुर्गुणं हि कर्तव्यं शिष्यस्य मुक्तिहेतवे
tato 'pi yadi naivābhūt sādhakaḥ sthiramānasaḥ / caturguṇaṃ hi kartavyaṃ śiṣyasya muktihetave
Sanskrit only: no published translation is held for this verse.
यदि मृत्युर् भवेत् तस्य तथापि मुक्तिभाग् भवेत् । कथनस्य दोषशान्तिर् भवत्य् एव न संशयः
yadi mṛtyur bhavet tasya tathāpi muktibhāg bhavet / kathanasya doṣaśāntir bhavaty eva na saṃśayaḥ
Sanskrit only: no published translation is held for this verse.
स्वप्ने ऽपि मन्त्रकथने श्मशाने चैव शैलजे । उक्तमार्गेण देवेशि जपेल् लक्षं चतुष्टयम्
svapne 'pi mantrakathane śmaśāne caiva śailaje / uktamārgeṇa deveśi japel lakṣaṃ catuṣṭayam
Sanskrit only: no published translation is held for this verse.
तद्दशांशं हुनेत् पश्चात् तर्पणादि समाचरेत् । ततो ऽपि यदि नैवाभूत् साधकः स्थिरमानसः
taddaśāṃśaṃ hunet paścāt tarpaṇādi samācaret / tato 'pi yadi naivābhūt sādhakaḥ sthiramānasaḥ
Sanskrit only: no published translation is held for this verse.
चतुर्गुणं हि कर्तव्यं पूर्वोक्तं पूजनं चरेत् । कुजे वा शनिवारे वा प्रथमे गमनं चरेत् । सप्ताहं वा यजेद् देवीं तुरीयं वादिनं यजेत्
caturguṇaṃ hi kartavyaṃ pūrvoktaṃ pūjanaṃ caret / kuje vā śanivāre vā prathame gamanaṃ caret / saptāhaṃ vā yajed devīṃ turīyaṃ vādinaṃ yajet
Sanskrit only: no published translation is held for this verse.
श्मशानसाधनं वक्ष्ये शृणु चैकाग्रचेतसा । स्वर्णं रौप्यं तथा वस्त्रं दत्त्वा वरणम् आचरेत्
śmaśānasādhanaṃ vakṣye śṛṇu caikāgracetasā / svarṇaṃ raupyaṃ tathā vastraṃ dattvā varaṇam ācaret
Sanskrit only: no published translation is held for this verse.
स्वर्णपीठं प्रदातव्यं चतुरङ्गुलिविस्तृतम् । भोगयोग्यं प्रदातव्यं मधुपर्कं यथोदितम्
svarṇapīṭhaṃ pradātavyaṃ caturaṅgulivistṛtam / bhogayogyaṃ pradātavyaṃ madhuparkaṃ yathoditam
Sanskrit only: no published translation is held for this verse.
राजपत्नी येन तुष्टा तोषयेत् तेन वाससा । अलंकारं यथायोग्यं तत्र तत्र नियोजयेत्
rājapatnī yena tuṣṭā toṣayet tena vāsasā / alaṃkāraṃ yathāyogyaṃ tatra tatra niyojayet
Sanskrit only: no published translation is held for this verse.
नैवेद्यं विविधं रम्यं नानाद्रव्यसमन्वितम् । सामिषान्नं गुडं छागं सुरापिष्टकपायसम्
naivedyaṃ vividhaṃ ramyaṃ nānādravyasamanvitam / sāmiṣānnaṃ guḍaṃ chāgaṃ surāpiṣṭakapāyasam
Sanskrit only: no published translation is held for this verse.
भोग्यद्रव्यं जले दद्याद् यदि भोक्ता न तिष्ठति । एवं पूजां समाप्यादौ शिवपूजां समाचरेत्
bhogyadravyaṃ jale dadyād yadi bhoktā na tiṣṭhati / evaṃ pūjāṃ samāpyādau śivapūjāṃ samācaret
Sanskrit only: no published translation is held for this verse.
षोडशैर् उपचारैश् च लिङ्गानां चैकविंशतिम् । अष्टोत्तरशतेनैव बिल्वपत्त्रैः सचन्दनैः
ṣoḍaśair upacāraiś ca liṅgānāṃ caikaviṃśatim / aṣṭottaraśatenaiva bilvapattraiḥ sacandanaiḥ
Sanskrit only: no published translation is held for this verse.
प्रत्येकं पूजयेन् मन्त्रं गजान्तकसहस्रकम् । सहस्रं होमयेत् पश्चाद् बिल्वपत्त्रैर् वरानने
pratyekaṃ pūjayen mantraṃ gajāntakasahasrakam / sahasraṃ homayet paścād bilvapattrair varānane
Sanskrit only: no published translation is held for this verse.
एवं कृते लभेच् छान्तिं दीर्घायुर् नात्र संशयः
evaṃ kṛte labhec chāntiṃ dīrghāyur nātra saṃśayaḥ
Sanskrit only: no published translation is held for this verse.