श्रीचण्डिकोवाच । कारणेन महामोक्षं निर्माल्येन शिवस्य च । श्रुतं वेदे पुराणे च तव वक्त्रे सुरेश्वर
śrīcaṇḍikovāca / kāraṇena mahāmokṣaṃ nirmālyena śivasya ca / śrutaṃ vede purāṇe ca tava vaktre sureśvara
Sanskrit only: no published translation is held for this verse.
अग्राह्यं तव निर्माल्यम् अग्राह्यं कारणं विभो । मृषा वाक्यं महादेव कथं वदसि योगभृत्
agrāhyaṃ tava nirmālyam agrāhyaṃ kāraṇaṃ vibho / mṛṣā vākyaṃ mahādeva kathaṃ vadasi yogabhṛt
Sanskrit only: no published translation is held for this verse.
कारणेन विना देवि मोक्षज्ञानादिकं न हि । महाशङ्खं विना देवि न मन्त्रः सिद्धिदायकः
kāraṇena vinā devi mokṣajñānādikaṃ na hi / mahāśaṅkhaṃ vinā devi na mantraḥ siddhidāyakaḥ
Sanskrit only: no published translation is held for this verse.
साक्षाद् ब्रह्ममयी माला महाशङ्खाख्यया पुनः । शिलायन्त्रे च वृन्दायां गङ्गायां सुरपूजिते । नैव स्पृशेन् महाशङ्खं स्पर्शनात् काष्ठवद् भवेत्
sākṣād brahmamayī mālā mahāśaṅkhākhyayā punaḥ / śilāyantre ca vṛndāyāṃ gaṅgāyāṃ surapūjite / naiva spṛśen mahāśaṅkhaṃ sparśanāt kāṣṭhavad bhavet
Sanskrit only: no published translation is held for this verse.
श्रीचण्डिकोवाच । गङ्गा तु कारणं वारि मद्यं परमकारणम् । कारणस्पर्शमात्रेण मालाः शुद्धा भवन्ति हि
śrīcaṇḍikovāca / gaṅgā tu kāraṇaṃ vāri madyaṃ paramakāraṇam / kāraṇasparśamātreṇa mālāḥ śuddhā bhavanti hi
Sanskrit only: no published translation is held for this verse.
गङ्गास्पर्शेन देवेश काष्ठवन् मालिका कथम् । वद मे परमेशान इति मे संशयो हृदि
gaṅgāsparśena deveśa kāṣṭhavan mālikā katham / vada me parameśāna iti me saṃśayo hṛdi
Sanskrit only: no published translation is held for this verse.
श्रीशंकर उवाच । कारणं देवदेवेशि मोक्षदं सर्वजातिषु । तथा स्वर्गादिजनकं गङ्गातोयं न संशयः
śrīśaṃkara uvāca / kāraṇaṃ devadeveśi mokṣadaṃ sarvajātiṣu / tathā svargādijanakaṃ gaṅgātoyaṃ na saṃśayaḥ
Sanskrit only: no published translation is held for this verse.
कारणे निवसेद् देवि महाकाली परा कला । महाविद्या वसेन् नित्यं सुरायां परमेश्वरि
kāraṇe nivased devi mahākālī parā kalā / mahāvidyā vasen nityaṃ surāyāṃ parameśvari
Sanskrit only: no published translation is held for this verse.
महाशङ्खे वसेन् नित्यं पञ्चाशद्वर्णरूपिणी । महाविद्या वसेन् नित्यं महाशङ्खे च सर्वदा
mahāśaṅkhe vasen nityaṃ pañcāśadvarṇarūpiṇī / mahāvidyā vasen nityaṃ mahāśaṅkhe ca sarvadā
Sanskrit only: no published translation is held for this verse.
गङ्गास्पर्शनमात्रेण गङ्गायां लीयते प्रिये । काष्ठस्पर्शनमात्रेण काष्ठे वह्निस् तृणे यथा
gaṅgāsparśanamātreṇa gaṅgāyāṃ līyate priye / kāṣṭhasparśanamātreṇa kāṣṭhe vahnis tṛṇe yathā
Sanskrit only: no published translation is held for this verse.
गङ्गास्पर्शे तथा देवि गङ्गायां लीयते प्रिये । तत्क्षणे च महाशङ्खः काष्ठवन् नात्र संशयः
gaṅgāsparśe tathā devi gaṅgāyāṃ līyate priye / tatkṣaṇe ca mahāśaṅkhaḥ kāṣṭhavan nātra saṃśayaḥ
Sanskrit only: no published translation is held for this verse.
शिलायन्त्रे तुलस्यादौ तथैव परमेश्वरि
śilāyantre tulasyādau tathaiva parameśvari
Sanskrit only: no published translation is held for this verse.
महाशङ्खाख्यमालायां यो जपेत् साधकोत्तमः । अष्टसिद्धिः करे तस्य स एव शम्भुर् अव्ययः । मौलौ गङ्गा स्थिता यस्य गङ्गास्नानेन तस्य किम्
mahāśaṅkhākhyamālāyāṃ yo japet sādhakottamaḥ / aṣṭasiddhiḥ kare tasya sa eva śambhur avyayaḥ / maulau gaṅgā sthitā yasya gaṅgāsnānena tasya kim
Sanskrit only: no published translation is held for this verse.
वाराणसी कामरूपं हरिद्वारं प्रयागकम् । गण्डकी बदरिका देवि गङ्गासागरसंगमम्
vārāṇasī kāmarūpaṃ haridvāraṃ prayāgakam / gaṇḍakī badarikā devi gaṅgāsāgarasaṃgamam
Sanskrit only: no published translation is held for this verse.
यस्य भक्तिर् महाशङ्खे तस्य दर्शनमात्रतः । तीर्थस्नानफलं सर्वं लभते नात्र संशयः
yasya bhaktir mahāśaṅkhe tasya darśanamātrataḥ / tīrthasnānaphalaṃ sarvaṃ labhate nātra saṃśayaḥ
Sanskrit only: no published translation is held for this verse.
इति ते कथितं कान्ते सर्वं परमदुर्लभम् । न वक्तव्यं पशोर् अग्रे प्राणान्ते परमेश्वरि
iti te kathitaṃ kānte sarvaṃ paramadurlabham / na vaktavyaṃ paśor agre prāṇānte parameśvari
Sanskrit only: no published translation is held for this verse.