श्रीशिव उवाच । अथातः सम्प्रवक्ष्यामि त्रिपुरामन्त्रम् उत्तमम् । यस्य विज्ञानमात्रेण पुनर्जन्म न विद्यते
śrīśiva uvāca / athātaḥ sampravakṣyāmi tripurāmantram uttamam / yasya vijñānamātreṇa punarjanma na vidyate
Sanskrit only: no published translation is held for this verse.
त्रिपुरा त्रिविधा देवि बाला प्रोक्ता पुरा शिवे । तथैव भैरवी देवी नित्यातन्त्रे मयोदिता । इदानीं सुन्दरीं देवी शृणु पार्वति सादरम्
tripurā trividhā devi bālā proktā purā śive / tathaiva bhairavī devī nityātantre mayoditā / idānīṃ sundarīṃ devī śṛṇu pārvati sādaram
Sanskrit only: no published translation is held for this verse.
श्रीदेव्य् उवाच । महामन्त्रं श्रुतं नाथ वामकेश्वरयामले । प्रातःकृत्यादि देवेश आराधनक्रमं वद
śrīdevy uvāca / mahāmantraṃ śrutaṃ nātha vāmakeśvarayāmale / prātaḥkṛtyādi deveśa ārādhanakramaṃ vada
Sanskrit only: no published translation is held for this verse.
श्रीशिव उवाच । प्रातर् उत्थाय मन्त्रज्ञः सहस्रारे निजं गुरुम् । पूर्वोक्तध्यानम् उच्चार्य पूजयेद् बहुयत्नतः
śrīśiva uvāca / prātar utthāya mantrajñaḥ sahasrāre nijaṃ gurum / pūrvoktadhyānam uccārya pūjayed bahuyatnataḥ
Sanskrit only: no published translation is held for this verse.
तथा च श्रीगुरोर् ध्यानं गुप्तसाधनतन्त्रके । कथितं च मया पूर्वं मन्त्रं शृणु वरानने
tathā ca śrīguror dhyānaṃ guptasādhanatantrake / kathitaṃ ca mayā pūrvaṃ mantraṃ śṛṇu varānane
Sanskrit only: no published translation is held for this verse.
वाग्बीजं च महामायां विष्णुशक्तिं समुच्चरेत् । हसखफ्रें तथानन्दभैरवस्य मनुं ततः
vāgbījaṃ ca mahāmāyāṃ viṣṇuśaktiṃ samuccaret / hasakhaphreṃ tathānandabhairavasya manuṃ tataḥ
Sanskrit only: no published translation is held for this verse.
तस्य शक्तेर् मनुं पश्चात् ततश् चैवं हसौः स्मृतः । श्रीगुरोश् च तथा शक्तेर् मन्त्रम् एतत् सुरेश्वरि
tasya śakter manuṃ paścāt tataś caivaṃ hasauḥ smṛtaḥ / śrīguroś ca tathā śakter mantram etat sureśvari
Sanskrit only: no published translation is held for this verse.
श्रीगुरोर् आनन्दनाथान्ते अथातः शक्तिर् ईरिता । वाग्बीजादीन् समुच्चार्य अमुकानन्दनाथ च
śrīguror ānandanāthānte athātaḥ śaktir īritā / vāgbījādīn samuccārya amukānandanātha ca
Sanskrit only: no published translation is held for this verse.
श्रीपादुकां समुच्चार्य पूजयामि नमस् ततः । वाग्बीजं च शम्भुपत्नीं तदुत्तरे हरिप्रियाम्
śrīpādukāṃ samuccārya pūjayāmi namas tataḥ / vāgbījaṃ ca śambhupatnīṃ taduttare haripriyām
Sanskrit only: no published translation is held for this verse.
भूतबीजं समुच्चार्य प्रवदेच् च तदात्मकम् । समर्पयामि देवेशि पूजाविधिर् इति प्रिये
bhūtabījaṃ samuccārya pravadec ca tadātmakam / samarpayāmi deveśi pūjāvidhir iti priye
Sanskrit only: no published translation is held for this verse.
ततश् चाष्टाक्षरं मन्त्रम् अष्टोत्तरशतं जपेत् । जपं समर्पयित्वा तु नमेद् अञ्जलिना प्रिये
tataś cāṣṭākṣaraṃ mantram aṣṭottaraśataṃ japet / japaṃ samarpayitvā tu named añjalinā priye
Sanskrit only: no published translation is held for this verse.
श्रीदेव्य् उवाच । स्तुतिं च कवचं नाथ श्रोतुम् इच्छामि साम्प्रतम् । श्रीगुरोः कवचं स्तोत्रं त्वया प्रोक्तं पुरा प्रभो
śrīdevy uvāca / stutiṃ ca kavacaṃ nātha śrotum icchāmi sāmpratam / śrīguroḥ kavacaṃ stotraṃ tvayā proktaṃ purā prabho
Sanskrit only: no published translation is held for this verse.
इदानीं स्त्रीगुरोः स्तोत्रं कवचं मयि कथ्यताम् । यस्य विज्ञानमात्रेण पुनर्जन्म न विद्यते
idānīṃ strīguroḥ stotraṃ kavacaṃ mayi kathyatām / yasya vijñānamātreṇa punarjanma na vidyate
Sanskrit only: no published translation is held for this verse.
श्रीशिव उवाच । शृणु देवि प्रवक्ष्यामि स्तोत्रं परमगोपनम् । यस्य श्रवणमात्रेण संसारान् मुच्यते नरः
śrīśiva uvāca / śṛṇu devi pravakṣyāmi stotraṃ paramagopanam / yasya śravaṇamātreṇa saṃsārān mucyate naraḥ
Sanskrit only: no published translation is held for this verse.
नमस् ते देवदेवेशि नमस् ते हरपूजिते । ब्रह्मविद्यास्वरूपायै तस्यै नित्यं नमो नमः
namas te devadeveśi namas te harapūjite / brahmavidyāsvarūpāyai tasyai nityaṃ namo namaḥ
Sanskrit only: no published translation is held for this verse.
अज्ञानतिमिरान्धस्य ज्ञानाञ्जनशलाकया । यया चक्षुर् उन्मीलितं तस्यै नित्यं नमो नमः
ajñānatimirāndhasya jñānāñjanaśalākayā / yayā cakṣur unmīlitaṃ tasyai nityaṃ namo namaḥ
Sanskrit only: no published translation is held for this verse.
भवबन्धनपारस्य तारिणी जननी परा । ज्ञानदा मोक्षदा नित्या तस्यै नित्यं नमो नमः
bhavabandhanapārasya tāriṇī jananī parā / jñānadā mokṣadā nityā tasyai nityaṃ namo namaḥ
Sanskrit only: no published translation is held for this verse.
श्रीनाथवामभागस्था सदा या सुरपूजिता । सदा विज्ञानदात्री च तस्यै नित्यं नमो नमः
śrīnāthavāmabhāgasthā sadā yā surapūjitā / sadā vijñānadātrī ca tasyai nityaṃ namo namaḥ
Sanskrit only: no published translation is held for this verse.
सहस्रारे महापद्मे सदानन्दस्वरूपिणी । महामोक्षप्रदा देवी तस्यै नित्यं नमो नमः
sahasrāre mahāpadme sadānandasvarūpiṇī / mahāmokṣapradā devī tasyai nityaṃ namo namaḥ
Sanskrit only: no published translation is held for this verse.
ब्रह्मविष्णुस्वरूपा च महारुद्रस्वरूपिणी । त्रिगुणात्मस्वरूपा च तस्यै नित्यं नमो नमः
brahmaviṣṇusvarūpā ca mahārudrasvarūpiṇī / triguṇātmasvarūpā ca tasyai nityaṃ namo namaḥ
Sanskrit only: no published translation is held for this verse.
चन्द्रसूर्याग्निरूपा च सदाघूर्णितलोचना । स्वनाथं च समालिङ्ग्य तस्यै नित्यं नमो नमः
candrasūryāgnirūpā ca sadāghūrṇitalocanā / svanāthaṃ ca samāliṅgya tasyai nityaṃ namo namaḥ
Sanskrit only: no published translation is held for this verse.
ब्रह्मविष्णुशिवत्वादिजीवन्मुक्तिप्रदायिनी । ज्ञानविज्ञानदात्री च तस्यै नित्यं नमो नमः
brahmaviṣṇuśivatvādijīvanmuktipradāyinī / jñānavijñānadātrī ca tasyai nityaṃ namo namaḥ
Sanskrit only: no published translation is held for this verse.
इदं स्तोत्रं महेशानि यः पठेद् भक्तिसंयुतः । स सिद्धिं लभते नित्यं सत्यं सत्यं न संशयः
idaṃ stotraṃ maheśāni yaḥ paṭhed bhaktisaṃyutaḥ / sa siddhiṃ labhate nityaṃ satyaṃ satyaṃ na saṃśayaḥ
Sanskrit only: no published translation is held for this verse.
प्रातःकाले पठेद् यस् तु गुरुपूजापुरःसरम् । स एव धन्यो लोके ऽस्मिन् देवीपुत्र इव क्षितौ
prātaḥkāle paṭhed yas tu gurupūjāpuraḥsaram / sa eva dhanyo loke 'smin devīputra iva kṣitau
Sanskrit only: no published translation is held for this verse.
श्रीशङ्कर उवाच । स्तोत्रं समाप्तं देवेशि कवचं शृणु सादरम् । यस्य श्रवणमात्रेण वागीशसमतां व्रजेत्
śrīśaṅkara uvāca / stotraṃ samāptaṃ deveśi kavacaṃ śṛṇu sādaram / yasya śravaṇamātreṇa vāgīśasamatāṃ vrajet
Sanskrit only: no published translation is held for this verse.
स्त्रीगुरोः कवचस्यास्य सदाशिव ऋषिः स्मृतः । तदाख्या देवता प्रोक्ता चतुर्वर्गफलप्रदा
strīguroḥ kavacasyāsya sadāśiva ṛṣiḥ smṛtaḥ / tadākhyā devatā proktā caturvargaphalapradā
Sanskrit only: no published translation is held for this verse.
क्लीं बीजं मे शिरः पातु तद् आख्यातं ललाटकम् । क्लीं बीजं चक्षुषोः पातु सर्वाङ्गं मे सदावतु
klīṃ bījaṃ me śiraḥ pātu tad ākhyātaṃ lalāṭakam / klīṃ bījaṃ cakṣuṣoḥ pātu sarvāṅgaṃ me sadāvatu
Sanskrit only: no published translation is held for this verse.
ऐं बीजं मे मुखं पातु ह्रीं जङ्घां परिरक्षतु । श्रीं बीजं स्कन्धदेशं मे वाग्भवं मे भुजद्वयम्
aiṃ bījaṃ me mukhaṃ pātu hrīṃ jaṅghāṃ parirakṣatu / śrīṃ bījaṃ skandhadeśaṃ me vāgbhavaṃ me bhujadvayam
Sanskrit only: no published translation is held for this verse.
हकारं मे दक्षभुजं क्षकारं वामहस्तकम् । क्षमणौ तदधः पातु लकारं हृदयं मम
hakāraṃ me dakṣabhujaṃ kṣakāraṃ vāmahastakam / kṣamaṇau tadadhaḥ pātu lakāraṃ hṛdayaṃ mama
Sanskrit only: no published translation is held for this verse.
रकारं पृष्ठदेशं च रकारं दक्षपार्श्वकम् । जूङ्कारं वामपार्श्वे तु सकारं मेरुम् एव तु
rakāraṃ pṛṣṭhadeśaṃ ca rakāraṃ dakṣapārśvakam / jūṅkāraṃ vāmapārśve tu sakāraṃ merum eva tu
Sanskrit only: no published translation is held for this verse.
मकारं चाङ्गुलीः पातु लकारं मे नखोपरि । वकारं मे नितम्बं च रकारं जानुयुग्मकम्
makāraṃ cāṅgulīḥ pātu lakāraṃ me nakhopari / vakāraṃ me nitambaṃ ca rakāraṃ jānuyugmakam
Sanskrit only: no published translation is held for this verse.
यीःकारं पादयुगलं हसौः सर्वाङ्गम् एव तु । हसौर् लिङ्गं च लोमं च केशं च परिरक्षतु
yīḥkāraṃ pādayugalaṃ hasauḥ sarvāṅgam eva tu / hasaur liṅgaṃ ca lomaṃ ca keśaṃ ca parirakṣatu
Sanskrit only: no published translation is held for this verse.
ऐं बीजं पातु पूर्वे तु ह्रीं बीजं दक्षिणे ऽवतु । श्रीं बीजं पश्चिमे पातु उत्तरे भूतसम्भवम्
aiṃ bījaṃ pātu pūrve tu hrīṃ bījaṃ dakṣiṇe 'vatu / śrīṃ bījaṃ paścime pātu uttare bhūtasambhavam
Sanskrit only: no published translation is held for this verse.
श्रीं पातु चाग्निकोणे च तदाख्यां नैरृते ऽवतु । देव्य् अम्बा पातु वायव्यां शम्भोः श्रीपादुकां तथा
śrīṃ pātu cāgnikoṇe ca tadākhyāṃ nairṛte 'vatu / devy ambā pātu vāyavyāṃ śambhoḥ śrīpādukāṃ tathā
Sanskrit only: no published translation is held for this verse.
पूजयामि तथा चोर्ध्वं नमश् चाधः सदावतु । इति ते कथितं कान्ते कवचं परमाद्भुतम्
pūjayāmi tathā cordhvaṃ namaś cādhaḥ sadāvatu / iti te kathitaṃ kānte kavacaṃ paramādbhutam
Sanskrit only: no published translation is held for this verse.
गुरुमन्त्रं जपित्वा तु कवचं प्रपठेद् यदि । स सिद्धः सगणः सो ऽपि शिवः साक्षान् न संशयः
gurumantraṃ japitvā tu kavacaṃ prapaṭhed yadi / sa siddhaḥ sagaṇaḥ so 'pi śivaḥ sākṣān na saṃśayaḥ
Sanskrit only: no published translation is held for this verse.
पूजाकाले पठेद् यस् तु कवचं मन्त्रविग्रहम् । पूजाफलं भवेत् तस्य सत्यं सत्यं सुरेश्वरि
pūjākāle paṭhed yas tu kavacaṃ mantravigraham / pūjāphalaṃ bhavet tasya satyaṃ satyaṃ sureśvari
Sanskrit only: no published translation is held for this verse.
त्रिसंध्यं यः पठेद् देवि स सिद्धो नात्र संशयः
trisaṃdhyaṃ yaḥ paṭhed devi sa siddho nātra saṃśayaḥ
Sanskrit only: no published translation is held for this verse.
भूर्जे विलिख्य गुटिकां स्वर्णस्था धारयेद् यदि । तस्य दर्शनमात्रेण वादिनो निष्प्रभां गताः
bhūrje vilikhya guṭikāṃ svarṇasthā dhārayed yadi / tasya darśanamātreṇa vādino niṣprabhāṃ gatāḥ
Sanskrit only: no published translation is held for this verse.
विवादे जयम् आप्नोति रणे च निरृतिर् इव । सभायां जयम् आप्नोति मम तुल्यो न संशयः
vivāde jayam āpnoti raṇe ca nirṛtir iva / sabhāyāṃ jayam āpnoti mama tulyo na saṃśayaḥ
Sanskrit only: no published translation is held for this verse.
सहस्रारे भावयं स्तां त्रिसन्ध्यं प्रपठेद् यदि । स एव सिद्धो लोकेशो निर्वाणपदम् ईहते
sahasrāre bhāvayaṃ stāṃ trisandhyaṃ prapaṭhed yadi / sa eva siddho lokeśo nirvāṇapadam īhate
Sanskrit only: no published translation is held for this verse.
समस्तमङ्गलं नाम कवचं परमाद्भुतम् । यस्मै कस्मै न दातव्यं न प्रकाश्यं कदाचन
samastamaṅgalaṃ nāma kavacaṃ paramādbhutam / yasmai kasmai na dātavyaṃ na prakāśyaṃ kadācana
Sanskrit only: no published translation is held for this verse.
देयं शिष्याय शान्ताय चान्यथा पतनं भवेत् । अभक्तेभ्यो ऽपि देवेशि पुत्रेभ्यो ऽपि न दर्शयेत्
deyaṃ śiṣyāya śāntāya cānyathā patanaṃ bhavet / abhaktebhyo 'pi deveśi putrebhyo 'pi na darśayet
Sanskrit only: no published translation is held for this verse.
इदं कवचम् अज्ञात्वा दशविद्यां च यो जपेत् । स नाप्नोति फलं तस्य परे च नरकं व्रजेत्
idaṃ kavacam ajñātvā daśavidyāṃ ca yo japet / sa nāpnoti phalaṃ tasya pare ca narakaṃ vrajet
Sanskrit only: no published translation is held for this verse.
समाप्तं कवचं देवि किम् अन्यच् छ्रोतुम् इच्छसि । तव स्नेहानुबन्धेन किं मया न प्रकाशितम्
samāptaṃ kavacaṃ devi kim anyac chrotum icchasi / tava snehānubandhena kiṃ mayā na prakāśitam
Sanskrit only: no published translation is held for this verse.
कूर्चबीजं समुच्चार्य प्राणमन्त्रं ततः प्रिये । अनेन वायुयोगेन कुण्डलीचक्रं संचरेत्
kūrcabījaṃ samuccārya prāṇamantraṃ tataḥ priye / anena vāyuyogena kuṇḍalīcakraṃ saṃcaret
Sanskrit only: no published translation is held for this verse.
अष्टोत्तरशतं मूलमन्त्रं जप्त्वा नमेत् सुधीः । स्नानकर्म ततः कृत्वा संध्यां कुर्यात् पुरोदिताम्
aṣṭottaraśataṃ mūlamantraṃ japtvā namet sudhīḥ / snānakarma tataḥ kṛtvā saṃdhyāṃ kuryāt puroditām
Sanskrit only: no published translation is held for this verse.
श्रीदेव्य् उवाच । संध्यायाः कीदृशं ध्यानं वद मे परमेश्वर । श्रीविद्याविषये नाथ विशेषो मयि कथ्यताम्
śrīdevy uvāca / saṃdhyāyāḥ kīdṛśaṃ dhyānaṃ vada me parameśvara / śrīvidyāviṣaye nātha viśeṣo mayi kathyatām
Sanskrit only: no published translation is held for this verse.
श्रीशिव उवाच । ध्यायेच् च सुन्दरीं देवीं त्रिविधां बीजरूपिणीम् । प्रभाते वाग्भवां देवी मध्याह्ने मदनात्मिकाम्
śrīśiva uvāca / dhyāyec ca sundarīṃ devīṃ trividhāṃ bījarūpiṇīm / prabhāte vāgbhavāṃ devī madhyāhne madanātmikām
Sanskrit only: no published translation is held for this verse.
सायाह्ने शक्तिरूपां च त्रिविधां बिन्दुरूपिणीम् । पूजाकाले महादेवीं ध्यानानुरूपिणीं शिवाम्
sāyāhne śaktirūpāṃ ca trividhāṃ bindurūpiṇīm / pūjākāle mahādevīṃ dhyānānurūpiṇīṃ śivām
Sanskrit only: no published translation is held for this verse.
वाग्भवेनेन्दुसदृशां शुक्लवर्णां विचिन्तयेत् । शक्तिबीजं स्वर्णवर्णं रक्तवर्णां विभावयेत्
vāgbhavenendusadṛśāṃ śuklavarṇāṃ vicintayet / śaktibījaṃ svarṇavarṇaṃ raktavarṇāṃ vibhāvayet
Sanskrit only: no published translation is held for this verse.
प्रभाते शुक्लवर्णाभां मध्याह्ने नीलसंनिभाम् । सायाह्ने रक्तवर्णाभां भावयेत् साधकोत्तमः
prabhāte śuklavarṇābhāṃ madhyāhne nīlasaṃnibhām / sāyāhne raktavarṇābhāṃ bhāvayet sādhakottamaḥ
Sanskrit only: no published translation is held for this verse.
एवं ध्यात्वा महेशानि संध्यां कुर्याद् विचक्षणः । शिवपूजां ततः कृत्वा पूजयेत् परदेवताम्
evaṃ dhyātvā maheśāni saṃdhyāṃ kuryād vicakṣaṇaḥ / śivapūjāṃ tataḥ kṛtvā pūjayet paradevatām
Sanskrit only: no published translation is held for this verse.
ततस् तु पूजयेद् देवीं त्रिपुरां मोक्षदायिनीम् । त्रिपुरा परमा विद्या महाविद्या पतिव्रता
tatas tu pūjayed devīṃ tripurāṃ mokṣadāyinīm / tripurā paramā vidyā mahāvidyā pativratā
Sanskrit only: no published translation is held for this verse.
पतिपूजां विना पूजां न गृह्णाति कदाचन । अत एव महेशानि आदौ लिङ्गं प्रपूजयेत्
patipūjāṃ vinā pūjāṃ na gṛhṇāti kadācana / ata eva maheśāni ādau liṅgaṃ prapūjayet
Sanskrit only: no published translation is held for this verse.
पञ्चाक्षरं पञ्चवक्त्रं पूजयेद् बहुयत्नतः । ततस् तु पूजयेद् देवीं त्रिपुरां मोक्षदायिनीम्
pañcākṣaraṃ pañcavaktraṃ pūjayed bahuyatnataḥ / tatas tu pūjayed devīṃ tripurāṃ mokṣadāyinīm
Sanskrit only: no published translation is held for this verse.
श्रीदेव्य् उवाच । किमाधारे यजेच् छम्भुं कृपया वद शंकर । आधारभेदे देवेश साधकः फलभाग् भवेत्
śrīdevy uvāca / kimādhāre yajec chambhuṃ kṛpayā vada śaṃkara / ādhārabhede deveśa sādhakaḥ phalabhāg bhavet
Sanskrit only: no published translation is held for this verse.
श्रीशंकर उवाच । पूजयेत् पार्थिवे लिङ्गे पाषाणे लिङ्गके तथा । स्वर्णलिङ्गे ऽथवा देवि रौप्ये ताम्रे च कांस्यके
śrīśaṃkara uvāca / pūjayet pārthive liṅge pāṣāṇe liṅgake tathā / svarṇaliṅge 'thavā devi raupye tāmre ca kāṃsyake
Sanskrit only: no published translation is held for this verse.
पारदे वाथ गङ्गायां स्फाटिके मारकते ऽपि वा । कार्यभेदे लौहलिङ्गे भस्मनिर्माणलिङ्गके
pārade vātha gaṅgāyāṃ sphāṭike mārakate 'pi vā / kāryabhede lauhaliṅge bhasmanirmāṇaliṅgake
Sanskrit only: no published translation is held for this verse.
वालुकानिर्मिते लिङ्गे गोमये वाथ पूजयेत् । पार्थिवे पूजनं देवि तोडलाख्ये मयोदितम्
vālukānirmite liṅge gomaye vātha pūjayet / pārthive pūjanaṃ devi toḍalākhye mayoditam
Sanskrit only: no published translation is held for this verse.
संस्कारेण विना देवि पाषाणादौ न पूजयेत् । संस्कारं च प्रवक्ष्यामि विशेष इह यद् भवेत्
saṃskāreṇa vinā devi pāṣāṇādau na pūjayet / saṃskāraṃ ca pravakṣyāmi viśeṣa iha yad bhavet
Sanskrit only: no published translation is held for this verse.
रौप्यं च स्वर्णलिङ्गं च स्वर्णपात्रे निधाय च । तस्माद् उत्तोल्य तं लिङ्गं दुग्धमध्ये दिनत्रयम्
raupyaṃ ca svarṇaliṅgaṃ ca svarṇapātre nidhāya ca / tasmād uttolya taṃ liṅgaṃ dugdhamadhye dinatrayam
Sanskrit only: no published translation is held for this verse.
त्र्यम्बकेण स्थापयित्वा कालरुद्रं प्रपूजयेत् । षोडशेनोपचारेण वेद्यान् तु पार्वतीं यजेत्
tryambakeṇa sthāpayitvā kālarudraṃ prapūjayet / ṣoḍaśenopacāreṇa vedyān tu pārvatīṃ yajet
Sanskrit only: no published translation is held for this verse.
तस्माद् उत्तोल्य तं लिङ्गं गङ्गातोये दिनत्रयम् । ततो वेदोक्तविधिना संस्कारम् आचरेत् सुधीः
tasmād uttolya taṃ liṅgaṃ gaṅgātoye dinatrayam / tato vedoktavidhinā saṃskāram ācaret sudhīḥ
Sanskrit only: no published translation is held for this verse.
श्रीचण्डिकोवाच । लिङ्गप्रमाणं देवेश कथयस्व मयि प्रभो । पार्थिवे च शिलादौ च विशेषो यदि वा भवेत्
śrīcaṇḍikovāca / liṅgapramāṇaṃ deveśa kathayasva mayi prabho / pārthive ca śilādau ca viśeṣo yadi vā bhavet
Sanskrit only: no published translation is held for this verse.
श्रीशिव उवाच । मृत्तिकातोलकं ग्राह्यम् अथवा तोलकद्वयम् । एतदन्यं न कर्तव्यं कदाचिद् अपि पार्वति
śrīśiva uvāca / mṛttikātolakaṃ grāhyam athavā tolakadvayam / etadanyaṃ na kartavyaṃ kadācid api pārvati
Sanskrit only: no published translation is held for this verse.
शिलादौ परमेशानि स्थूलं च फलदायकम् । अङ्गुष्ठमानं देवेशि यद् वा हेमाद्रिमानकम्
śilādau parameśāni sthūlaṃ ca phaladāyakam / aṅguṣṭhamānaṃ deveśi yad vā hemādrimānakam
Sanskrit only: no published translation is held for this verse.
एवं क्रमेण देवेशि फलं बहुविधं लभेत् । स्थूलात् स्थूलतरं लिङ्गं रुद्राक्षं परमेश्वरि
evaṃ krameṇa deveśi phalaṃ bahuvidhaṃ labhet / sthūlāt sthūlataraṃ liṅgaṃ rudrākṣaṃ parameśvari
Sanskrit only: no published translation is held for this verse.
पूजनाद् धारणाद् देवि फलं बहुविधं स्मृतम्
pūjanād dhāraṇād devi phalaṃ bahuvidhaṃ smṛtam
Sanskrit only: no published translation is held for this verse.