श्रीशिव उवाच । भस्मप्रकारं देवेशि शृणु मत्प्राणवल्लभे । कर्तारं वरयेद् आदौ यथोक्तविभवावधि
śrīśiva uvāca / bhasmaprakāraṃ deveśi śṛṇu matprāṇavallabhe / kartāraṃ varayed ādau yathoktavibhavāvadhi
Sanskrit only: no published translation is held for this verse.
सुवर्णं मौक्तिकयुतं कर्णयुग्मे निवेदयेत् । हस्तयुग्मे च वलयम् अङ्गुरीयं तथैव च
suvarṇaṃ mauktikayutaṃ karṇayugme nivedayet / hastayugme ca valayam aṅgurīyaṃ tathaiva ca
Sanskrit only: no published translation is held for this verse.
तोढद्वयं बाहुयुग्मे शुद्धकाञ्चननिर्मितम् । ग्रीवायां दापयेत् स्वर्णं चतुष्कोणं मनोरमम्
toḍhadvayaṃ bāhuyugme śuddhakāñcananirmitam / grīvāyāṃ dāpayet svarṇaṃ catuṣkoṇaṃ manoramam
Sanskrit only: no published translation is held for this verse.
वस्त्रयुग्मं पट्टसूत्रनिर्मितं च सुशोभनम् । उष्णीषं शुक्लवर्णं च उष्णीषं पीतवाससम्
vastrayugmaṃ paṭṭasūtranirmitaṃ ca suśobhanam / uṣṇīṣaṃ śuklavarṇaṃ ca uṣṇīṣaṃ pītavāsasam
Sanskrit only: no published translation is held for this verse.
एवं हि वरयेद् देवि कर्मयोग्यं विचिन्तयेत् । चिन्तयेच् छिवरूपं च चिन्तयेत् त्रिगुणात्मकम्
evaṃ hi varayed devi karmayogyaṃ vicintayet / cintayec chivarūpaṃ ca cintayet triguṇātmakam
Sanskrit only: no published translation is held for this verse.
ततः परस्मिन् दिवसे शान्तिस्वस्त्ययनं चरेत् । निर्मितं शुद्धस्वर्णेन बिल्वपत्त्रेण सुन्दरि
tataḥ parasmin divase śāntisvastyayanaṃ caret / nirmitaṃ śuddhasvarṇena bilvapattreṇa sundari
Sanskrit only: no published translation is held for this verse.
सहस्रसङ्ख्यया देवि पार्थिवं द्वादशं यजेत् । षोडशेनोपचारेण पट्टवस्त्रयुगेन च
sahasrasaṅkhyayā devi pārthivaṃ dvādaśaṃ yajet / ṣoḍaśenopacāreṇa paṭṭavastrayugena ca
Sanskrit only: no published translation is held for this verse.
अलंकारविचित्रैश् च पूजयेत् परमेश्वरम् । भोगयोग्यं प्रदातव्यं मधुपर्कं निवेदयेत्
alaṃkāravicitraiś ca pūjayet parameśvaram / bhogayogyaṃ pradātavyaṃ madhuparkaṃ nivedayet
Sanskrit only: no published translation is held for this verse.
स्वर्णासनेन संस्थाप्य प्रत्येकं पूजनं चरेत् । पूजान्ते प्रजपेन् मन्त्रम् अष्टोत्तरशतं सुधीः
svarṇāsanena saṃsthāpya pratyekaṃ pūjanaṃ caret / pūjānte prajapen mantram aṣṭottaraśataṃ sudhīḥ
Sanskrit only: no published translation is held for this verse.
षडक्षरं महामन्त्रं प्रासादाख्यं मनुं ततः । दिक्सहस्रं जपेन् मन्त्रं तद्दशांशं हुनेत् प्रिये
ṣaḍakṣaraṃ mahāmantraṃ prāsādākhyaṃ manuṃ tataḥ / diksahasraṃ japen mantraṃ taddaśāṃśaṃ hunet priye
Sanskrit only: no published translation is held for this verse.
होमस्य द्रव्यं देवेशि शृणु मत्प्राणवल्लभे । वालुकानिर्मिते वापि कुण्डे वा परमेश्वरि
homasya dravyaṃ deveśi śṛṇu matprāṇavallabhe / vālukānirmite vāpi kuṇḍe vā parameśvari
Sanskrit only: no published translation is held for this verse.
द्वात्रिंशदङ्गुलिमानं विस्तृतं तत्समं प्रिये । षोडशाङ्गुलिमानं हि कुण्डं कुर्यात् सुलक्षणम्
dvātriṃśadaṅgulimānaṃ vistṛtaṃ tatsamaṃ priye / ṣoḍaśāṅgulimānaṃ hi kuṇḍaṃ kuryāt sulakṣaṇam
Sanskrit only: no published translation is held for this verse.
तदूर्ध्वे परमेशानि वेदनेत्राङ्गुलिं शिवे । एव हि स्वर्णकुम्भं च ताम्रकुम्भासमर्थिना
tadūrdhve parameśāni vedanetrāṅguliṃ śive / eva hi svarṇakumbhaṃ ca tāmrakumbhāsamarthinā
Sanskrit only: no published translation is held for this verse.
एतद् अन्यतरं कुम्भं स्थापयेद् वेदिकोपरि । पट्टवस्त्रेण युग्मेन संवेष्ट्य बहुयत्नतः
etad anyataraṃ kumbhaṃ sthāpayed vedikopari / paṭṭavastreṇa yugmena saṃveṣṭya bahuyatnataḥ
Sanskrit only: no published translation is held for this verse.
होमयेद् बिल्वपत्त्रेण यथोक्तेन सुरेश्वरि । त्रिमध्वक्तेन विधिना ततः सिद्धो भवेद् ध्रुवम्
homayed bilvapattreṇa yathoktena sureśvari / trimadhvaktena vidhinā tataḥ siddho bhaved dhruvam
Sanskrit only: no published translation is held for this verse.
ततस् तु दक्षिणा कार्या यथोक्तविभवावधि । सर्वद्रव्यमयं मूल्यं द्विगुणं वा प्रदापयेत्
tatas tu dakṣiṇā kāryā yathoktavibhavāvadhi / sarvadravyamayaṃ mūlyaṃ dviguṇaṃ vā pradāpayet
Sanskrit only: no published translation is held for this verse.
दक्षिणाविहीना यज्ञाः सिद्धिदा न च मोक्षदाः । अत एव महेशानि दक्षिणा विभवावधि
dakṣiṇāvihīnā yajñāḥ siddhidā na ca mokṣadāḥ / ata eva maheśāni dakṣiṇā vibhavāvadhi
Sanskrit only: no published translation is held for this verse.
वराहवत् समानीय जन्ममात्रे ऽपि सुन्दरि । पारदं तोलकं मानं भक्षयेद् बहुयत्नतः
varāhavat samānīya janmamātre 'pi sundari / pāradaṃ tolakaṃ mānaṃ bhakṣayed bahuyatnataḥ
Sanskrit only: no published translation is held for this verse.
पुनस् तोलकमानं हि मातृदुग्धं ततः परम् । पुनश् च भक्षयेद् धीमांस् ततो दुग्धं तु भक्षयेत्
punas tolakamānaṃ hi mātṛdugdhaṃ tataḥ param / punaś ca bhakṣayed dhīmāṃs tato dugdhaṃ tu bhakṣayet
Sanskrit only: no published translation is held for this verse.
ततश् च वत्सम् आनीय नवद्वारं प्रयत्नतः । सूत्रयोगेण देवेशि बद्धं कुर्यात् प्रयत्नतः
tataś ca vatsam ānīya navadvāraṃ prayatnataḥ / sūtrayogeṇa deveśi baddhaṃ kuryāt prayatnataḥ
Sanskrit only: no published translation is held for this verse.
ततश् च हेलकीमन्त्रम् अष्टोत्तरशतं जपेत् । गजप्रमाणं देवेशि दीर्घप्रस्थं तु खातकम्
tataś ca helakīmantram aṣṭottaraśataṃ japet / gajapramāṇaṃ deveśi dīrghaprasthaṃ tu khātakam
Sanskrit only: no published translation is held for this verse.
करीषकेण देवेशि पूर्णं कुर्याद् विचक्षणः । तन्मध्ये स्थापयेद् वत्सं संदहेद् बहुयत्नतः
karīṣakeṇa deveśi pūrṇaṃ kuryād vicakṣaṇaḥ / tanmadhye sthāpayed vatsaṃ saṃdahed bahuyatnataḥ
Sanskrit only: no published translation is held for this verse.
वह्निस्थिते महेशानि न स्पृशेत् कुण्डम् उत्तमम् । कुण्डे सुशीतले जात उत्थाप्य बहुयत्नतः
vahnisthite maheśāni na spṛśet kuṇḍam uttamam / kuṇḍe suśītale jāta utthāpya bahuyatnataḥ
Sanskrit only: no published translation is held for this verse.
सर्वप्रकाशकं मन्त्रम् अष्टोत्तरशतं जपेत् । विश्वेश्वरं प्रवक्ष्यामि शृणु पार्वति सादरम्
sarvaprakāśakaṃ mantram aṣṭottaraśataṃ japet / viśveśvaraṃ pravakṣyāmi śṛṇu pārvati sādaram
Sanskrit only: no published translation is held for this verse.
पारदं तोलकं मानं ताम्रपात्रे तु लेपयेत् । चूर्णं कुर्यान् महेशानि गन्धकं सार्धं तोलकम्
pāradaṃ tolakaṃ mānaṃ tāmrapātre tu lepayet / cūrṇaṃ kuryān maheśāni gandhakaṃ sārdhaṃ tolakam
Sanskrit only: no published translation is held for this verse.
समाच्छाद्य प्रयत्नेन चूर्णेन परमेश्वरि । संदहेद् बहुयत्नेन मन्दमन्देन वह्निना
samācchādya prayatnena cūrṇena parameśvari / saṃdahed bahuyatnena mandamandena vahninā
Sanskrit only: no published translation is held for this verse.
कृष्णवर्णं रेणुयुतं दृष्ट्वा उत्थाप्य सुन्दरि । रत्तिप्रमाणं तद् द्रव्यं भक्षयेद् यदि सुन्दरि
kṛṣṇavarṇaṃ reṇuyutaṃ dṛṣṭvā utthāpya sundari / rattipramāṇaṃ tad dravyaṃ bhakṣayed yadi sundari
Sanskrit only: no published translation is held for this verse.
सत्यं सत्यं सर्वकुष्ठं भक्षणान् नाशम् आप्नुयात् । अनुपानम् उष्णतोयं मत्स्यादीन् परिवर्जयेत्
satyaṃ satyaṃ sarvakuṣṭhaṃ bhakṣaṇān nāśam āpnuyāt / anupānam uṣṇatoyaṃ matsyādīn parivarjayet
Sanskrit only: no published translation is held for this verse.
एवं प्रयोगं देवेशि न कुर्यात् पुत्रवान् गृही । प्रथमे दिवसे पुत्रान् द्वितीये दिवसे धनम्
evaṃ prayogaṃ deveśi na kuryāt putravān gṛhī / prathame divase putrān dvitīye divase dhanam
Sanskrit only: no published translation is held for this verse.
तृतीये दिवसे शक्तिं चतुर्थे दिवसे गृहम् । पञ्चमे दिवसे रोगं नाशं तु जायते ध्रुवम्
tṛtīye divase śaktiṃ caturthe divase gṛham / pañcame divase rogaṃ nāśaṃ tu jāyate dhruvam
Sanskrit only: no published translation is held for this verse.
अत एव महेशानि आत्मस्वस्त्ययनं चरेत् । पूर्वोक्तविधिना मन्त्री चतुर्गुणं समाचरेत्
ata eva maheśāni ātmasvastyayanaṃ caret / pūrvoktavidhinā mantrī caturguṇaṃ samācaret
Sanskrit only: no published translation is held for this verse.