Nagarjuna: Mulam 11

पूर्वा प्रज्ञायते कोटिर् नेत्य् उवाच महामुनिः । संसारो ऽनवराग्रो हि नास्यादिर् नापि पश्चिमम्

pūrvā prajñāyate koṭir nety uvāca mahāmuniḥ / saṃsāro 'navarāgro hi nāsyādir nāpi paścimam

Sanskrit only: no published translation is held for this verse.

नैवाग्रं नावरं यस्य तस्य मध्यं कुतो भवेत् । तस्मान् नात्रोपपद्यन्ते पूर्वापरसहक्रमाः

naivāgraṃ nāvaraṃ yasya tasya madhyaṃ kuto bhavet / tasmān nātropapadyante pūrvāparasahakramāḥ

Sanskrit only: no published translation is held for this verse.

पूर्वं जातिर् यदि भवेज् जरामरणम् उत्तरम् । निर्जरा मरणा जातिर् भवेज् जायेत चामृतः

pūrvaṃ jātir yadi bhavej jarāmaraṇam uttaram / nirjarā maraṇā jātir bhavej jāyeta cāmṛtaḥ

Sanskrit only: no published translation is held for this verse.

पश्चाज् जातिर् यदि भवेज् जरामरणम् आदितः । अहेतुकम् अजातस्य स्याज् जरामरणं कथम्

paścāj jātir yadi bhavej jarāmaraṇam āditaḥ / ahetukam ajātasya syāj jarāmaraṇaṃ katham

Sanskrit only: no published translation is held for this verse.

न जरामरणं चैव जातिश् च सह युज्यते । म्रियेत जायमानश् च स्याच् चाहेतुकतोभयोः

na jarāmaraṇaṃ caiva jātiś ca saha yujyate / mriyeta jāyamānaś ca syāc cāhetukatobhayoḥ

Sanskrit only: no published translation is held for this verse.

यत्र न प्रभवन्त्य् एते पूर्वापरसहक्रमाः । प्रपञ्चयन्ति तां जातिं तज् जरामरणं च किम्

yatra na prabhavanty ete pūrvāparasahakramāḥ / prapañcayanti tāṃ jātiṃ taj jarāmaraṇaṃ ca kim

Sanskrit only: no published translation is held for this verse.

कार्यं च कारणं चैव लक्ष्यं लक्षणम् एव च । वेदना वेदकश् चैव सन्त्य् अर्था ये च के चन

kāryaṃ ca kāraṇaṃ caiva lakṣyaṃ lakṣaṇam eva ca / vedanā vedakaś caiva santy arthā ye ca ke cana

Sanskrit only: no published translation is held for this verse.

पूर्वा न विद्यते कोटिः संसारस्य न केवलम् । सर्वेषाम् अपि भावानां पूर्वा कोटी न विद्यते

pūrvā na vidyate koṭiḥ saṃsārasya na kevalam / sarveṣām api bhāvānāṃ pūrvā koṭī na vidyate

Sanskrit only: no published translation is held for this verse.