तन् मृषा मोषधर्म यद् भगवान् इत्य् अभाषत । सर्वे च मोषधर्माणः संस्कारास् तेन ते मृषा
tan mṛṣā moṣadharma yad bhagavān ity abhāṣata / sarve ca moṣadharmāṇaḥ saṃskārās tena te mṛṣā
Sanskrit only: no published translation is held for this verse.
Nagarjuna: Mulam 13
तन् मृषा मोषधर्म यद् यदि किं तत्र मुष्यते । एतत् तूक्तं भगवता शून्यतापरिदीपकम्
tan mṛṣā moṣadharma yad yadi kiṃ tatra muṣyate / etat tūktaṃ bhagavatā śūnyatāparidīpakam
Sanskrit only: no published translation is held for this verse.
भावानां निःस्वभावत्वम् अन्यथाभावदर्शनात् । नास्वभावश् च भावो ऽस्ति भावानां शून्यता यतः
bhāvānāṃ niḥsvabhāvatvam anyathābhāvadarśanāt / nāsvabhāvaś ca bhāvo 'sti bhāvānāṃ śūnyatā yataḥ
Sanskrit only: no published translation is held for this verse.
कस्य स्याद् अन्यथाभावः स्वभावश् चेन् न विद्यते । कस्य स्याद् अन्यथाभावः स्वभावो यदि विद्यते
kasya syād anyathābhāvaḥ svabhāvaś cen na vidyate / kasya syād anyathābhāvaḥ svabhāvo yadi vidyate
Sanskrit only: no published translation is held for this verse.
तस्यैव नान्यथाभावो नाप्य् अन्यस्यैव युज्यते । युवा न जीर्यते यस्माद् यस्माज् जीर्णो न जीर्यते
tasyaiva nānyathābhāvo nāpy anyasyaiva yujyate / yuvā na jīryate yasmād yasmāj jīrṇo na jīryate
Sanskrit only: no published translation is held for this verse.
तस्य चेद् अन्यथाभावः क्षीरम् एव भवेद् दधि । क्षीराद् अन्यस्य कस्यचिद् दधिभावो भविष्यति
tasya ced anyathābhāvaḥ kṣīram eva bhaved dadhi / kṣīrād anyasya kasyacid dadhibhāvo bhaviṣyati
Sanskrit only: no published translation is held for this verse.
यद्य् अशून्यं भवेत् किंचित् स्याच् छून्यम् इति किं चन । न किंचिद् अस्त्य् अशून्यं च कुतः शून्यं भविष्यति
yady aśūnyaṃ bhavet kiṃcit syāc chūnyam iti kiṃ cana / na kiṃcid asty aśūnyaṃ ca kutaḥ śūnyaṃ bhaviṣyati
Sanskrit only: no published translation is held for this verse.
शून्यता सर्वदृष्टीनां प्रोक्ता निःसरणं जिनैः । येषां तु शून्यतादृष्टिस् तान् असाध्यान् बभाषिरे
śūnyatā sarvadṛṣṭīnāṃ proktā niḥsaraṇaṃ jinaiḥ / yeṣāṃ tu śūnyatādṛṣṭis tān asādhyān babhāṣire
Sanskrit only: no published translation is held for this verse.