न संभवः स्वभावस्य युक्तः प्रत्ययहेतुभिः । हेतुप्रत्ययसंभूतः स्वभावः कृतको भवेत्
na saṃbhavaḥ svabhāvasya yuktaḥ pratyayahetubhiḥ / hetupratyayasaṃbhūtaḥ svabhāvaḥ kṛtako bhavet
Sanskrit only: no published translation is held for this verse.
Nagarjuna: Mulam 15
स्वभावः कृतको नाम भविष्यति पुनः कथम् । अकृत्रिमः स्वभावो हि निरपेक्षः परत्र च
svabhāvaḥ kṛtako nāma bhaviṣyati punaḥ katham / akṛtrimaḥ svabhāvo hi nirapekṣaḥ paratra ca
Sanskrit only: no published translation is held for this verse.
कुतः स्वभावस्याभावे परभावो भविष्यति । स्वभावः परभावस्य परभावो हि कथ्यते
kutaḥ svabhāvasyābhāve parabhāvo bhaviṣyati / svabhāvaḥ parabhāvasya parabhāvo hi kathyate
Sanskrit only: no published translation is held for this verse.
स्वभावपरभावाभ्याम् ऋते भावः कुतः पुनः । स्वभावे परभावे च सति भावो हि सिध्यति
svabhāvaparabhāvābhyām ṛte bhāvaḥ kutaḥ punaḥ / svabhāve parabhāve ca sati bhāvo hi sidhyati
Sanskrit only: no published translation is held for this verse.
भावस्य चेद् अप्रसिद्धिर् अभावो नैव सिध्यति । भावस्य ह्य् अन्यथाभावम् अभावं ब्रुवते जनाः
bhāvasya ced aprasiddhir abhāvo naiva sidhyati / bhāvasya hy anyathābhāvam abhāvaṃ bruvate janāḥ
Sanskrit only: no published translation is held for this verse.
स्वभावं परभावं च भावं चाभावम् एव च । ये पश्यन्ति न पश्यन्ति ते तत्त्वं बुद्धशासने
svabhāvaṃ parabhāvaṃ ca bhāvaṃ cābhāvam eva ca / ye paśyanti na paśyanti te tattvaṃ buddhaśāsane
Sanskrit only: no published translation is held for this verse.
कात्यायनाववादे चास्तीति नास्तीति चोभयम् । प्रतिषिद्धं भगवता भावाभावविभाविना
kātyāyanāvavāde cāstīti nāstīti cobhayam / pratiṣiddhaṃ bhagavatā bhāvābhāvavibhāvinā
Sanskrit only: no published translation is held for this verse.
यद्य् अस्तित्वं प्रकृत्या स्यान् न भवेद् अस्य नास्तिता । प्रकृतेर् अन्यथाभावो न हि जातूपपद्यते
yady astitvaṃ prakṛtyā syān na bhaved asya nāstitā / prakṛter anyathābhāvo na hi jātūpapadyate
Sanskrit only: no published translation is held for this verse.
प्रकृतौ कस्य वासत्याम् अन्यथात्वं भविष्यति । प्रकृतौ कस्य वा सत्याम् अन्यथात्वं भविष्यति
prakṛtau kasya vāsatyām anyathātvaṃ bhaviṣyati / prakṛtau kasya vā satyām anyathātvaṃ bhaviṣyati
Sanskrit only: no published translation is held for this verse.
अस्तीति शाश्वतग्राहो नास्तीत्य् उच्छेददर्शनम् । तस्माद् अस्तित्वनास्तित्वे नाश्रीयेत विचक्षणः
astīti śāśvatagrāho nāstīty ucchedadarśanam / tasmād astitvanāstitve nāśrīyeta vicakṣaṇaḥ
Sanskrit only: no published translation is held for this verse.
अस्ति यद् धि स्वभावेन न तन् नास्तीति शाश्वतम् । नास्तीदानीम् अभूत् पूर्वम् इत्य् उच्छेदः प्रसज्यते
asti yad dhi svabhāvena na tan nāstīti śāśvatam / nāstīdānīm abhūt pūrvam ity ucchedaḥ prasajyate
Sanskrit only: no published translation is held for this verse.