संस्काराः संसरन्ति चेन् न नित्याः संसरन्ति ते । संसरन्ति च नानित्याः सत्त्वे ऽप्य् एष समः क्रमः
saṃskārāḥ saṃsaranti cen na nityāḥ saṃsaranti te / saṃsaranti ca nānityāḥ sattve 'py eṣa samaḥ kramaḥ
Sanskrit only: no published translation is held for this verse.
पुद्गलः संसरति चेत् स्कन्धायतनधातुषु । पञ्चधा मृग्यमाणो ऽसौ नास्ति कः संसरिष्यति
pudgalaḥ saṃsarati cet skandhāyatanadhātuṣu / pañcadhā mṛgyamāṇo 'sau nāsti kaḥ saṃsariṣyati
Sanskrit only: no published translation is held for this verse.
उपादानाद् उपादानं संसरन् विभवो भवेत् । विभवश् चानुपादानः कः स किं संसरिष्यति
upādānād upādānaṃ saṃsaran vibhavo bhavet / vibhavaś cānupādānaḥ kaḥ sa kiṃ saṃsariṣyati
Sanskrit only: no published translation is held for this verse.
संस्काराणां न निर्वाणं कथं चिद् उपपद्यते । सत्त्वस्यापि न निर्वाणं कथं चिद् उपपद्यते
saṃskārāṇāṃ na nirvāṇaṃ kathaṃ cid upapadyate / sattvasyāpi na nirvāṇaṃ kathaṃ cid upapadyate
Sanskrit only: no published translation is held for this verse.
न बध्यन्ते न मुच्यन्त उदयव्ययधर्मिणः । संस्काराः पूर्ववत् सत्त्वो बध्यते न न मुच्यते
na badhyante na mucyanta udayavyayadharmiṇaḥ / saṃskārāḥ pūrvavat sattvo badhyate na na mucyate
Sanskrit only: no published translation is held for this verse.
बन्धनं चेद् उपादानं सोपादानो न बध्यते । बध्यते नानुपादानः किमवस्थो ऽथ बध्यते
bandhanaṃ ced upādānaṃ sopādāno na badhyate / badhyate nānupādānaḥ kimavastho 'tha badhyate
Sanskrit only: no published translation is held for this verse.
बध्नीयाद् बन्धनं कामं बन्ध्यात् पूर्वं भवेद् यदि । न चास्ति तच् छेषम् उक्तं गम्यमानगतागतैः
badhnīyād bandhanaṃ kāmaṃ bandhyāt pūrvaṃ bhaved yadi / na cāsti tac cheṣam uktaṃ gamyamānagatāgataiḥ
Sanskrit only: no published translation is held for this verse.
बद्धो न मुच्यते तावद् अबद्धो नैव मुच्यते । स्यातां बद्धे मुच्यमाने युगपद् बन्धमोक्षणे
baddho na mucyate tāvad abaddho naiva mucyate / syātāṃ baddhe mucyamāne yugapad bandhamokṣaṇe
Sanskrit only: no published translation is held for this verse.
निर्वास्याम्य् अनुपादानो निर्वाणं मे भविष्यति । इति येषां ग्रहस् तेषाम् उपादानमहाग्रहः
nirvāsyāmy anupādāno nirvāṇaṃ me bhaviṣyati / iti yeṣāṃ grahas teṣām upādānamahāgrahaḥ
Sanskrit only: no published translation is held for this verse.
न निर्वाणसमारोपो न संसारापकर्षणम् । यत्र कस् तत्र संसारो निर्वाणं किं विकल्प्यते
na nirvāṇasamāropo na saṃsārāpakarṣaṇam / yatra kas tatra saṃsāro nirvāṇaṃ kiṃ vikalpyate
Sanskrit only: no published translation is held for this verse.