स्कन्धा न नान्यः स्कन्धेभ्यो नास्मिन् स्कन्धा न तेषु सः । तथागतः स्कन्धवान् न कतमो ऽत्र तथागतः
skandhā na nānyaḥ skandhebhyo nāsmin skandhā na teṣu saḥ / tathāgataḥ skandhavān na katamo 'tra tathāgataḥ
Sanskrit only: no published translation is held for this verse.
बुद्धः स्कन्धान् उपादाय यदि नास्ति स्वभावतः । स्वभावतश् च यो नास्ति कुतः स परभावतः
buddhaḥ skandhān upādāya yadi nāsti svabhāvataḥ / svabhāvataś ca yo nāsti kutaḥ sa parabhāvataḥ
Sanskrit only: no published translation is held for this verse.
प्रतीत्य परभावं यः सो ऽनात्मेत्य् उपपद्यते । यश् चानात्मा स च कथं भविष्यति तथागतः
pratītya parabhāvaṃ yaḥ so 'nātmety upapadyate / yaś cānātmā sa ca kathaṃ bhaviṣyati tathāgataḥ
Sanskrit only: no published translation is held for this verse.
यदि नास्ति स्वभावश् च परभावः कथं भवेत् । स्वभावपरभावाभ्याम् ऋते कः स तथागतः
yadi nāsti svabhāvaś ca parabhāvaḥ kathaṃ bhavet / svabhāvaparabhāvābhyām ṛte kaḥ sa tathāgataḥ
Sanskrit only: no published translation is held for this verse.
स्कन्धान् यद्य् अनुपादाय भवेत् कश्चित् तथागतः । स इदानीम् उपादद्याद् उपादाय ततो भवेत्
skandhān yady anupādāya bhavet kaścit tathāgataḥ / sa idānīm upādadyād upādāya tato bhavet
Sanskrit only: no published translation is held for this verse.
स्कन्धांश् चाप्य् अनुपादाय नास्ति कश्चित् तथागतः । यश् च नास्त्य् अनुपादाय स उपादास्यते कथम्
skandhāṃś cāpy anupādāya nāsti kaścit tathāgataḥ / yaś ca nāsty anupādāya sa upādāsyate katham
Sanskrit only: no published translation is held for this verse.
न भवत्य् अनुपादत्तम् उपादानं च किं चन । न चास्ति निरुपादानः कथं चन तथागतः
na bhavaty anupādattam upādānaṃ ca kiṃ cana / na cāsti nirupādānaḥ kathaṃ cana tathāgataḥ
Sanskrit only: no published translation is held for this verse.
तत्त्वान्यत्वेन यो नास्ति मृग्यमाणश् च पञ्चधा । उपादानेन स कथं प्रज्ञप्यते तथागतः
tattvānyatvena yo nāsti mṛgyamāṇaś ca pañcadhā / upādānena sa kathaṃ prajñapyate tathāgataḥ
Sanskrit only: no published translation is held for this verse.
यद् अपीदम् उपादानं तत् स्वभावान् न विद्यते । स्वभावतश् च यन् नास्ति कुतस् तत् परभावतः
yad apīdam upādānaṃ tat svabhāvān na vidyate / svabhāvataś ca yan nāsti kutas tat parabhāvataḥ
Sanskrit only: no published translation is held for this verse.
एवं शून्यम् उपादानम् उपादाता च सर्वशः । प्रज्ञप्यते च शून्येन कथं शून्यस् तथागतः
evaṃ śūnyam upādānam upādātā ca sarvaśaḥ / prajñapyate ca śūnyena kathaṃ śūnyas tathāgataḥ
Sanskrit only: no published translation is held for this verse.
शून्यम् इति न वक्तव्यम् अशून्यम् इति वा भवेत् । उभयं नोभयं चेति प्रज्ञप्त्यर्थं तु कथ्यते
śūnyam iti na vaktavyam aśūnyam iti vā bhavet / ubhayaṃ nobhayaṃ ceti prajñaptyarthaṃ tu kathyate
Sanskrit only: no published translation is held for this verse.
शाश्वताशाश्वताद्य् अत्र कुतः शान्ते चतुष्टयम् । अन्तानन्तादि चाप्य् अत्र कुतः शान्ते चतुष्टयम्
śāśvatāśāśvatādy atra kutaḥ śānte catuṣṭayam / antānantādi cāpy atra kutaḥ śānte catuṣṭayam
Sanskrit only: no published translation is held for this verse.
घनग्राहो गृहीतस् तु येनास्तीति तथागतः । नास्तीति स विकल्पयन् निर्वृतस्यापि कल्पयेत्
ghanagrāho gṛhītas tu yenāstīti tathāgataḥ / nāstīti sa vikalpayan nirvṛtasyāpi kalpayet
Sanskrit only: no published translation is held for this verse.
स्वभावतश् च शून्ये ऽस्मिंश् चिन्ता नैवोपपद्यते । परं निरोधाद् भवति बुद्धो न भवतीति वा
svabhāvataś ca śūnye 'smiṃś cintā naivopapadyate / paraṃ nirodhād bhavati buddho na bhavatīti vā
Sanskrit only: no published translation is held for this verse.
प्रपञ्चयन्ति ये बुद्धं प्रपञ्चातीतम् अव्ययम् । ते प्रपञ्चहताः सर्वे न पश्यन्ति तथागतम्
prapañcayanti ye buddhaṃ prapañcātītam avyayam / te prapañcahatāḥ sarve na paśyanti tathāgatam
Sanskrit only: no published translation is held for this verse.
तथागतो यत्स्वभावस् तत्स्वभावम् इदं जगत् । तथागतो निःस्वभावो निःस्वभावम् इदं जगत्
tathāgato yatsvabhāvas tatsvabhāvam idaṃ jagat / tathāgato niḥsvabhāvo niḥsvabhāvam idaṃ jagat
Sanskrit only: no published translation is held for this verse.