Nagarjuna: Mulam 26

पुनर्भवाय संस्कारान् अविद्यानिवृतस् त्रिधा । अभिसंस्कुरुते यांस् तैर् गतिं गच्छति कर्मभिः

punarbhavāya saṃskārān avidyānivṛtas tridhā / abhisaṃskurute yāṃs tair gatiṃ gacchati karmabhiḥ

Sanskrit only: no published translation is held for this verse.

विज्ञानं संनिविशते संस्कारप्रत्ययं गतौ । संनिविष्टे ऽथ विज्ञाने नामरूपं निषिच्यते

vijñānaṃ saṃniviśate saṃskārapratyayaṃ gatau / saṃniviṣṭe 'tha vijñāne nāmarūpaṃ niṣicyate

Sanskrit only: no published translation is held for this verse.

निषिक्ते नामरूपे तु षडायतनसंभवः । षडायतनम् आगम्य संस्पर्शः संप्रवर्तते

niṣikte nāmarūpe tu ṣaḍāyatanasaṃbhavaḥ / ṣaḍāyatanam āgamya saṃsparśaḥ saṃpravartate

Sanskrit only: no published translation is held for this verse.

चक्षुः प्रतीत्य रूपं च समन्वाहारम् एव च । नामरूपं प्रतीत्यैवं विज्ञानं संप्रवर्तते

cakṣuḥ pratītya rūpaṃ ca samanvāhāram eva ca / nāmarūpaṃ pratītyaivaṃ vijñānaṃ saṃpravartate

Sanskrit only: no published translation is held for this verse.

संनिपातस् त्रयाणां यो रूपविज्ञानचक्षुषाम् । स्पर्शः स तस्मात् स्पर्शाच् च वेदना संप्रवर्तते

saṃnipātas trayāṇāṃ yo rūpavijñānacakṣuṣām / sparśaḥ sa tasmāt sparśāc ca vedanā saṃpravartate

Sanskrit only: no published translation is held for this verse.

वेदनाप्रत्यया तृष्णा वेदनार्थं हि तृष्यते । तृष्यमाण उपादानम् उपादत्ते चतुर्विधम्

vedanāpratyayā tṛṣṇā vedanārthaṃ hi tṛṣyate / tṛṣyamāṇa upādānam upādatte caturvidham

Sanskrit only: no published translation is held for this verse.

उपादाने सति भव उपादातुः प्रवर्तते । स्याद् धि यद्य् अनुपादानो मुच्येत न भवेद् भवः

upādāne sati bhava upādātuḥ pravartate / syād dhi yady anupādāno mucyeta na bhaved bhavaḥ

Sanskrit only: no published translation is held for this verse.

पञ्च स्कन्धाः स च भवो भवाज् जातिः प्रवर्तते । जरामरणदुःखादि शोकाः सपरिदेवनाः

pañca skandhāḥ sa ca bhavo bhavāj jātiḥ pravartate / jarāmaraṇaduḥkhādi śokāḥ saparidevanāḥ

Sanskrit only: no published translation is held for this verse.

दौर्मनस्यम् उपायासा जातेर् एतत् प्रवर्तते । केवलस्यैवम् एतस्य दुःखस्कन्धस्य संभवः

daurmanasyam upāyāsā jāter etat pravartate / kevalasyaivam etasya duḥkhaskandhasya saṃbhavaḥ

Sanskrit only: no published translation is held for this verse.

संसारमूलं संस्कारान् अविद्वान् संस्करोत्य् अतः । अविद्वान् कारकस् तस्मान् न विद्वांस् तत्त्वदर्शनात्

saṃsāramūlaṃ saṃskārān avidvān saṃskaroty ataḥ / avidvān kārakas tasmān na vidvāṃs tattvadarśanāt

Sanskrit only: no published translation is held for this verse.

अविद्यायां निरुद्धायां संस्काराणाम् असंभवः । अविद्याया निरोधस् तु ज्ञानस्यास्यैव भावनात्

avidyāyāṃ niruddhāyāṃ saṃskārāṇām asaṃbhavaḥ / avidyāyā nirodhas tu jñānasyāsyaiva bhāvanāt

Sanskrit only: no published translation is held for this verse.

तस्य तस्य निरोधेन तत् तन् नाभिप्रवर्तते । दुःखस्कन्धः केवलो ऽयम् एवं सम्यग् निरुध्यते

tasya tasya nirodhena tat tan nābhipravartate / duḥkhaskandhaḥ kevalo 'yam evaṃ samyag nirudhyate

Sanskrit only: no published translation is held for this verse.