Nagarjuna: Mulam 3

दर्शनं श्रवणं घ्राणं रसनं स्पर्शनं मनः । इन्द्रियाणि षड् एतेषां द्रष्टव्यादीनि गोचरः

darśanaṃ śravaṇaṃ ghrāṇaṃ rasanaṃ sparśanaṃ manaḥ / indriyāṇi ṣaḍ eteṣāṃ draṣṭavyādīni gocaraḥ

Sanskrit only: no published translation is held for this verse.

स्वम् आत्मानं दर्शनं हि तत् तम् एव न पश्यति । न पश्यति यद् आत्मानं कथं द्रक्ष्यति तत् परान्

svam ātmānaṃ darśanaṃ hi tat tam eva na paśyati / na paśyati yad ātmānaṃ kathaṃ drakṣyati tat parān

Sanskrit only: no published translation is held for this verse.

न पर्याप्तो ऽग्निदृष्टान्तो दर्शनस्य प्रसिद्धये । सदर्शनः स प्रत्युक्तो गम्यमानगतागतैः

na paryāpto 'gnidṛṣṭānto darśanasya prasiddhaye / sadarśanaḥ sa pratyukto gamyamānagatāgataiḥ

Sanskrit only: no published translation is held for this verse.

नापश्यमानं भवति यदा किं चन दर्शनम् । दर्शनं पश्यतीत्य् एवं कथम् एतत् तु युज्यते

nāpaśyamānaṃ bhavati yadā kiṃ cana darśanam / darśanaṃ paśyatīty evaṃ katham etat tu yujyate

Sanskrit only: no published translation is held for this verse.

पश्यति दर्शनं नैव नैव पश्यत्य् अदर्शनम् । व्याख्यातो दर्शनेनैव द्रष्टा चाप्य् अवगम्यताम्

paśyati darśanaṃ naiva naiva paśyaty adarśanam / vyākhyāto darśanenaiva draṣṭā cāpy avagamyatām

Sanskrit only: no published translation is held for this verse.

द्रष्टा नास्त्य् अतिरस्कृत्य तिरस्कृत्य च दर्शनम् । द्रष्टव्यं दर्शनं चैव द्रष्टर्य् असति ते कुतः

draṣṭā nāsty atiraskṛtya tiraskṛtya ca darśanam / draṣṭavyaṃ darśanaṃ caiva draṣṭary asati te kutaḥ

Sanskrit only: no published translation is held for this verse.

प्रतीत्य मातापितरौ यथोक्तः पुत्रसंभवः । चक्षूरूपे प्रतीत्यैवमुक्तो विज्ञानसंभवः

pratītya mātāpitarau yathoktaḥ putrasaṃbhavaḥ / cakṣūrūpe pratītyaivamukto vijñānasaṃbhavaḥ

Sanskrit only: no published translation is held for this verse.

द्रष्टव्यदर्शनाभावाद् विज्ञानादिचतुष्टयम् । नास्तीत्य् उपादानादीनि भविष्यन्ति पुनः कथम्

draṣṭavyadarśanābhāvād vijñānādicatuṣṭayam / nāstīty upādānādīni bhaviṣyanti punaḥ katham

Sanskrit only: no published translation is held for this verse.

व्याख्यातं श्रवणं घ्राणं रसनं स्पर्शनं मनः । दर्शनेनैव जानीयाच् छ्रोतृश्रोतव्यकादि च

vyākhyātaṃ śravaṇaṃ ghrāṇaṃ rasanaṃ sparśanaṃ manaḥ / darśanenaiva jānīyāc chrotṛśrotavyakādi ca

Sanskrit only: no published translation is held for this verse.