रूपकारणनिर्मुक्तं न रूपम् उपलभ्यते । रूपेणापि न निर्मुक्तं दृश्यते रूपकारणम्
rūpakāraṇanirmuktaṃ na rūpam upalabhyate / rūpeṇāpi na nirmuktaṃ dṛśyate rūpakāraṇam
Sanskrit only: no published translation is held for this verse.
Nagarjuna: Mulam 4
रूपकारणनिर्मुक्ते रूपे रूपं प्रसज्यते । आहेतुकं न चास्त्य् अर्थः कश्चिद् आहेतुकः क्व चित्
rūpakāraṇanirmukte rūpe rūpaṃ prasajyate / āhetukaṃ na cāsty arthaḥ kaścid āhetukaḥ kva cit
Sanskrit only: no published translation is held for this verse.
रूपेण तु विनिर्मुक्तं यदि स्याद् रूपकारणम् । अकार्यकं कारणं स्याद् नास्त्य् अकार्यं च कारणम्
rūpeṇa tu vinirmuktaṃ yadi syād rūpakāraṇam / akāryakaṃ kāraṇaṃ syād nāsty akāryaṃ ca kāraṇam
Sanskrit only: no published translation is held for this verse.
रूपे सत्य् एव रूपस्य कारणं नोपपद्यते । रूपे ऽसत्य् एव रूपस्य कारणं नोपपद्यते
rūpe saty eva rūpasya kāraṇaṃ nopapadyate / rūpe 'saty eva rūpasya kāraṇaṃ nopapadyate
Sanskrit only: no published translation is held for this verse.
निष्कारणं पुना रूपं नैव नैवोपपद्यते । तस्माद् रूपगतान् कांश्चिन् न विकल्पान् विकल्पयेत्
niṣkāraṇaṃ punā rūpaṃ naiva naivopapadyate / tasmād rūpagatān kāṃścin na vikalpān vikalpayet
Sanskrit only: no published translation is held for this verse.
न कारणस्य सदृशं कार्यम् इत्य् उपपद्यते । न कारणस्यासदृशं कार्यम् इत्य् उपपद्यते
na kāraṇasya sadṛśaṃ kāryam ity upapadyate / na kāraṇasyāsadṛśaṃ kāryam ity upapadyate
Sanskrit only: no published translation is held for this verse.
वेदनाचित्तसंज्ञानां संस्काराणां च सर्वशः । सर्वेषाम् एव भावानां रूपेणैव समः क्रमः
vedanācittasaṃjñānāṃ saṃskārāṇāṃ ca sarvaśaḥ / sarveṣām eva bhāvānāṃ rūpeṇaiva samaḥ kramaḥ
Sanskrit only: no published translation is held for this verse.
विग्रहे यः परीहारं कृते शून्यतया वदेत् । सर्वं तस्यापरिहृतं समं साध्येन जायते
vigrahe yaḥ parīhāraṃ kṛte śūnyatayā vadet / sarvaṃ tasyāparihṛtaṃ samaṃ sādhyena jāyate
Sanskrit only: no published translation is held for this verse.
व्याख्याने य उपालम्भं कृते शून्यतया वदेत् । सर्वं तस्यानुपालब्धं समं साध्येन जायते
vyākhyāne ya upālambhaṃ kṛte śūnyatayā vadet / sarvaṃ tasyānupālabdhaṃ samaṃ sādhyena jāyate
Sanskrit only: no published translation is held for this verse.