Nagarjuna: Mulam 5

नाकाशं विद्यते किंचित् पूर्वम् आकाशलक्षणात् । अलक्षणं प्रसज्येत स्यात् पूर्वं यदि लक्षणात्

nākāśaṃ vidyate kiṃcit pūrvam ākāśalakṣaṇāt / alakṣaṇaṃ prasajyeta syāt pūrvaṃ yadi lakṣaṇāt

Sanskrit only: no published translation is held for this verse.

अलक्षणो न कश्चिच् च भावः संविद्यते क्व चित् । असत्य् अलक्षणे भावे क्रमतां कुह लक्षणम्

alakṣaṇo na kaścic ca bhāvaḥ saṃvidyate kva cit / asaty alakṣaṇe bhāve kramatāṃ kuha lakṣaṇam

Sanskrit only: no published translation is held for this verse.

नालक्षणे लक्षणस्य प्रवृत्तिर् न सलक्षणे । सलक्षणालक्षणाभ्यां नाप्य् अन्यत्र प्रवर्तते

nālakṣaṇe lakṣaṇasya pravṛttir na salakṣaṇe / salakṣaṇālakṣaṇābhyāṃ nāpy anyatra pravartate

Sanskrit only: no published translation is held for this verse.

लक्षणासंप्रवृत्तौ च न लक्ष्यम् उपपद्यते । लक्ष्यस्यानुपपत्तौ च लक्षणस्याप्य् असंभवः

lakṣaṇāsaṃpravṛttau ca na lakṣyam upapadyate / lakṣyasyānupapattau ca lakṣaṇasyāpy asaṃbhavaḥ

Sanskrit only: no published translation is held for this verse.

तस्मान् न विद्यते लक्ष्यं लक्षणं नैव विद्यते । लक्ष्यलक्षणनिर्मुक्तो नैव भावो ऽपि विद्यते

tasmān na vidyate lakṣyaṃ lakṣaṇaṃ naiva vidyate / lakṣyalakṣaṇanirmukto naiva bhāvo 'pi vidyate

Sanskrit only: no published translation is held for this verse.

अविद्यमाने भावे च कस्याभावो भविष्यति । भावाभावविधर्मा च भावाभावाव् अवैति कः

avidyamāne bhāve ca kasyābhāvo bhaviṣyati / bhāvābhāvavidharmā ca bhāvābhāvāv avaiti kaḥ

Sanskrit only: no published translation is held for this verse.

तस्मान्न भावो नाभावो न लक्ष्यं नापि लक्षणम् । आकाशम् आकाशसमा धातवः पञ्च ये ऽपरे

tasmānna bhāvo nābhāvo na lakṣyaṃ nāpi lakṣaṇam / ākāśam ākāśasamā dhātavaḥ pañca ye 'pare

Sanskrit only: no published translation is held for this verse.

अस्तित्वं ये तु पश्यन्ति नास्तित्वं चाल्पबुद्धयः । भावानां ते न पश्यन्ति द्रष्टव्योपशमं शिवम्

astitvaṃ ye tu paśyanti nāstitvaṃ cālpabuddhayaḥ / bhāvānāṃ te na paśyanti draṣṭavyopaśamaṃ śivam

Sanskrit only: no published translation is held for this verse.