रागाद् यदि भवेत् पूर्वं रक्तो रागतिरस्कृतः । तं प्रतीत्य भवेद् रागो रक्ते रागो भवेत् सति
rāgād yadi bhavet pūrvaṃ rakto rāgatiraskṛtaḥ / taṃ pratītya bhaved rāgo rakte rāgo bhavet sati
Sanskrit only: no published translation is held for this verse.
Nagarjuna: Mulam 6
रक्ते ऽसति पुना रागः कुत एव भविष्यति । सति वासति वा रागे रक्ते ऽप्य् एष समः क्रमः
rakte 'sati punā rāgaḥ kuta eva bhaviṣyati / sati vāsati vā rāge rakte 'py eṣa samaḥ kramaḥ
Sanskrit only: no published translation is held for this verse.
सहैव पुनर् उद्भूतिर् न युक्ता रागरक्तयोः । भवेतां रागरक्तौ हि निरपेक्षौ परस्परम्
sahaiva punar udbhūtir na yuktā rāgaraktayoḥ / bhavetāṃ rāgaraktau hi nirapekṣau parasparam
Sanskrit only: no published translation is held for this verse.
नैकत्वे सहभावो ऽस्ति न तेनैव हि तत् सह । पृथक्त्वे सहभावो ऽथ कुत एव भविष्यति
naikatve sahabhāvo 'sti na tenaiva hi tat saha / pṛthaktve sahabhāvo 'tha kuta eva bhaviṣyati
Sanskrit only: no published translation is held for this verse.
एकत्वे सहभावश् चेत् स्यात् सहायं विनापि सः । पृथक्त्वे सहभावश् चेत् स्यात् सहायं विनापि सः
ekatve sahabhāvaś cet syāt sahāyaṃ vināpi saḥ / pṛthaktve sahabhāvaś cet syāt sahāyaṃ vināpi saḥ
Sanskrit only: no published translation is held for this verse.
पृथक्त्वे सहभावश् च यदि किं रागरक्तयोः । सिद्धः पृथक्पृथग्भावः सहभावो यतस् तयोः
pṛthaktve sahabhāvaś ca yadi kiṃ rāgaraktayoḥ / siddhaḥ pṛthakpṛthagbhāvaḥ sahabhāvo yatas tayoḥ
Sanskrit only: no published translation is held for this verse.
सिद्धः पृथक्पृथग्भावो यदि वा रागरक्तयोः । सहभावं किमर्थम् तु परिकल्पयसे तयोः
siddhaḥ pṛthakpṛthagbhāvo yadi vā rāgaraktayoḥ / sahabhāvaṃ kimartham tu parikalpayase tayoḥ
Sanskrit only: no published translation is held for this verse.
पृथग् न सिध्यतीत्य् एवं सहभावं विकाङ्क्षसि । सहभावप्रसिद्ध्यर्थं पृथक्त्वं भूय इच्छसि
pṛthag na sidhyatīty evaṃ sahabhāvaṃ vikāṅkṣasi / sahabhāvaprasiddhyarthaṃ pṛthaktvaṃ bhūya icchasi
Sanskrit only: no published translation is held for this verse.
पृथग्भावाप्रसिद्धेश् च सहभावो न सिध्यति । कतमस्मिन् पृथग्भावे सहभावं सतीच्छसि
pṛthagbhāvāprasiddheś ca sahabhāvo na sidhyati / katamasmin pṛthagbhāve sahabhāvaṃ satīcchasi
Sanskrit only: no published translation is held for this verse.
एवं रक्तेन रागस्य सिद्धिर् न सह नासह । रागवत् सर्वधर्माणां सिद्धिर् न सह नासह
evaṃ raktena rāgasya siddhir na saha nāsaha / rāgavat sarvadharmāṇāṃ siddhir na saha nāsaha
Sanskrit only: no published translation is held for this verse.