आ वा एष प्रजापतये वृश्चते यः शिर उपदधाति नेतराण्य् अङ्गान्य् अस्थिचिद् अस्य श्मशानचिद् भवति यद् एतां पुरुषचितिम् उपदधाति न प्रजापतया आवृश्चते ऽनस्थिचिद् अस्याश्मशानचिद् भवति षट्त्रिंशतम् एता उपदधाति षट्त्रिंशदक्षरा बृहती बार्हताः पशवो बार्हतः पुरुषः पुरुषस्य प्रतिमोपधीयते स ह्य् एष धीयत एष ह त्व् एव यजमानो ऽमुं लोकं नाति प्रमीयते यस्यैता उपधीयन्ते
ā vā eṣa prajāpataye vṛścate yaḥ śira upadadhāti netarāṇy aṅgāny asthicid asya śmaśānacid bhavati yad etāṃ puruṣacitim upadadhāti na prajāpatayā āvṛścate 'nasthicid asyāśmaśānacid bhavati ṣaṭtriṃśatam etā upadadhāti ṣaṭtriṃśadakṣarā bṛhatī bārhatāḥ paśavo bārhataḥ puruṣaḥ puruṣasya pratimopadhīyate sa hy eṣa dhīyata eṣa ha tv eva yajamāno 'muṃ lokaṃ nāti pramīyate yasyaitā upadhīyante
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.