Mahayanasutralamkara 10

महायानसूत्रालंकारे बोध्यधिकारो नवमः दशमोधिकारः उद्दानम् आदिः सिद्धिः शरणं गोत्रं चित्ते तथैव चोत्पादः । स्वपरार्थस्तत्वार्थः प्रभावपरिपाकबोधिश्च

mahāyānasūtrālaṃkāre bodhyadhikāro navamaḥ daśamodhikāraḥ uddānam ādiḥ siddhiḥ śaraṇaṃ gotraṃ citte tathaiva cotpādaḥ / svaparārthastatvārthaḥ prabhāvaparipākabodhiśca

Sanskrit only: no published translation is held for this verse.

जाता जाता ग्राहिका ग्राह्यभूता मित्रादात्ता स्वात्मतो भ्रान्तिका च । अभ्रान्तान्या आमुखा नैव चान्या घोषाचारा चैषिका चेक्षिका च

jātā jātā grāhikā grāhyabhūtā mitrādāttā svātmato bhrāntikā ca / abhrāntānyā āmukhā naiva cānyā ghoṣācārā caiṣikā cekṣikā ca

Sanskrit only: no published translation is held for this verse.

हार्या कीर्णाऽव्यावकीर्णा विपक्षैर्हीनोदारा आवृताऽनावृता च । युक्ताऽयुक्ता संभृताऽसंभृता च गाढं विष्टा दूरगा चाधिमुक्तिः

hāryā kīrṇā'vyāvakīrṇā vipakṣairhīnodārā āvṛtā'nāvṛtā ca / yuktā'yuktā saṃbhṛtā'saṃbhṛtā ca gāḍhaṃ viṣṭā dūragā cādhimuktiḥ

Sanskrit only: no published translation is held for this verse.

अमनस्कारबाहुल्यं कौशीद्यं योगविभ्रमः । कुमित्रं शुभदौर्बाल्यमयोनिशोमनस्क्रिया

amanaskārabāhulyaṃ kauśīdyaṃ yogavibhramaḥ / kumitraṃ śubhadaurbālyamayoniśomanaskriyā

Sanskrit only: no published translation is held for this verse.

प्रमादो ऽल्पश्रुतत्वं च श्रुतचिन्ताल्पतुष्टता । शममात्राभिमानश्च तथा ऽपरिजयो मतः

pramādo 'lpaśrutatvaṃ ca śrutacintālpatuṣṭatā / śamamātrābhimānaśca tathā 'parijayo mataḥ

Sanskrit only: no published translation is held for this verse.

अनुद्वेगस्तथोद्वेग आवृतिश्चाप्ययुक्तता । असंभृतिश्च विज्ञेयाऽधिमुक्तिपरिपन्थता

anudvegastathodvega āvṛtiścāpyayuktatā / asaṃbhṛtiśca vijñeyā'dhimuktiparipanthatā

Sanskrit only: no published translation is held for this verse.

पुण्यं महदकौकृत्यं सौमनस्यं सुखं महत् । अविप्रणाशः स्थैर्यं च विशेषगमनं तथा

puṇyaṃ mahadakaukṛtyaṃ saumanasyaṃ sukhaṃ mahat / avipraṇāśaḥ sthairyaṃ ca viśeṣagamanaṃ tathā

Sanskrit only: no published translation is held for this verse.

धर्माभिसमयश्चाथ स्वपरार्थाप्तिरूत्तमा । क्षिप्राभिज्ञत्वमेते हि अनुशंसाधिमुक्तितः

dharmābhisamayaścātha svaparārthāptirūttamā / kṣiprābhijñatvamete hi anuśaṃsādhimuktitaḥ

Sanskrit only: no published translation is held for this verse.

कामिनां सा श्वसदृशी कूर्मप्रख्या समाधिनाम् । भृत्योपमा स्वार्थिनां सा राजप्रख्या परार्थिनाम्

kāmināṃ sā śvasadṛśī kūrmaprakhyā samādhinām / bhṛtyopamā svārthināṃ sā rājaprakhyā parārthinām

Sanskrit only: no published translation is held for this verse.

तथा कामिस्थातृस्वपरजनकृत्यार्थमुदिते विशेषो विज्ञेयः सततमधिमुक्तया विविधया । महायाने तस्य विधिवदिह मत्वा परमतां भृशं तस्मिन् धीरः सततमिह ताभेव वृणुयात्

tathā kāmisthātṛsvaparajanakṛtyārthamudite viśeṣo vijñeyaḥ satatamadhimuktayā vividhayā / mahāyāne tasya vidhivadiha matvā paramatāṃ bhṛśaṃ tasmin dhīraḥ satatamiha tābheva vṛṇuyāt

Sanskrit only: no published translation is held for this verse.

मनुष[ष्य] भूताः संबोधिं प्राप्नुवन्ति प्रतिक्षणम् । अप्रमेया यतः सत्त्वा लयं नातो ऽधिवासयेत्

manuṣa[ṣya] bhūtāḥ saṃbodhiṃ prāpnuvanti pratikṣaṇam / aprameyā yataḥ sattvā layaṃ nāto 'dhivāsayet

Sanskrit only: no published translation is held for this verse.

यथा पुण्यं प्रसवते परेषां भोजनं ददत् । न तु स्वयं स भुञ्जानस्तथा पुण्यमहोदयः

yathā puṇyaṃ prasavate pareṣāṃ bhojanaṃ dadat / na tu svayaṃ sa bhuñjānastathā puṇyamahodayaḥ

Sanskrit only: no published translation is held for this verse.

सूत्रोक्तो लभ्यते धर्मात्परार्थाश्रयदेशितात् । न तु स्वार्थाश्रयाद्धर्माद्देशितादुपलभ्यते

sūtrokto labhyate dharmātparārthāśrayadeśitāt / na tu svārthāśrayāddharmāddeśitādupalabhyate

Sanskrit only: no published translation is held for this verse.

इति विपुलगतौ महोघ[महार्य]धर्मे जनिय[परिजनयन्?] सदा मतिंमान्महाधिमुक्तिम् । विपुलसततपुण्यतद्विवृद्धिं व्रजति गुणैरसमैर्महात्मतां च

iti vipulagatau mahogha[mahārya]dharme janiya[parijanayan?] sadā matiṃmānmahādhimuktim / vipulasatatapuṇyatadvivṛddhiṃ vrajati guṇairasamairmahātmatāṃ ca

Sanskrit only: no published translation is held for this verse.