Mahayanasutralamkara 3

महायानसूत्रालंकारे शरणगमनाधिकारो द्वितीयः तृतीयो ऽधिकारः गोत्रप्रभेदसंग्रहश्लोकः सत्त्वाग्रत्वं स्वभावश्च लिङ्गं गोत्रप्रभेदता । आदीनवो ऽनुशंसश्च द्विधौपम्यं चतुर्विधा

mahāyānasūtrālaṃkāre śaraṇagamanādhikāro dvitīyaḥ tṛtīyo 'dhikāraḥ gotraprabhedasaṃgrahaślokaḥ sattvāgratvaṃ svabhāvaśca liṅgaṃ gotraprabhedatā / ādīnavo 'nuśaṃsaśca dvidhaupamyaṃ caturvidhā

Sanskrit only: no published translation is held for this verse.

धातूनामधिमुक्तेश्च प्रतिपत्तेश्च भेदतः । फलभेदोपलब्धेश्च गोत्रास्तित्वं निरूप्यते

dhātūnāmadhimukteśca pratipatteśca bhedataḥ / phalabhedopalabdheśca gotrāstitvaṃ nirūpyate

Sanskrit only: no published translation is held for this verse.

उदग्रत्वे ऽथ सर्वत्वे महार्थत्वे ऽक्षयाय च । शुभस्य तत्रिमित्तत्वात् गोत्राग्रत्वं विधीयते

udagratve 'tha sarvatve mahārthatve 'kṣayāya ca / śubhasya tatrimittatvāt gotrāgratvaṃ vidhīyate

Sanskrit only: no published translation is held for this verse.

प्रकृत्या परिपुष्टं च आश्रयश्चाश्रितं च तत् । सदसच्चैव विज्ञेयं गुणोत्तारणतार्थतः

prakṛtyā paripuṣṭaṃ ca āśrayaścāśritaṃ ca tat / sadasaccaiva vijñeyaṃ guṇottāraṇatārthataḥ

Sanskrit only: no published translation is held for this verse.

कारुण्यमधिमुक्तिश्च क्षान्तिश्चादिप्रयोगतः । समाचारः सुभस्यापि गोत्रेलिङ्गं निरुप्यते

kāruṇyamadhimuktiśca kṣāntiścādiprayogataḥ / samācāraḥ subhasyāpi gotreliṅgaṃ nirupyate

Sanskrit only: no published translation is held for this verse.

नियतानियतं गोत्रमहार्यं हार्यमेव च । प्रत्यैर्गोत्रभेदो ऽयं समासेन चतुर्विधः

niyatāniyataṃ gotramahāryaṃ hāryameva ca / pratyairgotrabhedo 'yaṃ samāsena caturvidhaḥ

Sanskrit only: no published translation is held for this verse.

क्लेशाभ्यासः कुमित्रत्वं विधातः परतन्त्रता । गोत्रस्यादीनवो ज्ञेयः समासेन चतुर्विधः

kleśābhyāsaḥ kumitratvaṃ vidhātaḥ paratantratā / gotrasyādīnavo jñeyaḥ samāsena caturvidhaḥ

Sanskrit only: no published translation is held for this verse.

चिरादपायगमनमाशुमोक्षश्च तत्र च । तनुदुःखोपसंवित्तिः सोद्वेगा सत्त्वपाचना

cirādapāyagamanamāśumokṣaśca tatra ca / tanuduḥkhopasaṃvittiḥ sodvegā sattvapācanā

Sanskrit only: no published translation is held for this verse.

सुवर्णगोत्रवत् ज्ञेयममेयशुभताश्रयः । ज्ञाननिर्मलतायोगप्रभावाणां च निश्रयः

suvarṇagotravat jñeyamameyaśubhatāśrayaḥ / jñānanirmalatāyogaprabhāvāṇāṃ ca niśrayaḥ

Sanskrit only: no published translation is held for this verse.

सुरत्नगोत्रवत्ज्ञेयं महाबोधिनिमित्ततः । महाज्ञानसमाध्यार्यमहासत्त्वार्थनिश्रयात्

suratnagotravatjñeyaṃ mahābodhinimittataḥ / mahājñānasamādhyāryamahāsattvārthaniśrayāt

Sanskrit only: no published translation is held for this verse.

ऐकान्तिको दुश्चरिते ऽस्ति कश्चित् कश्चित् समुद्घातितशुक्लधर्मा । अमोक्षभागीयशुभो ऽस्ति कश्चिन् निहीनशुक्लो ऽस्त्यपि हेतुहीनः

aikāntiko duścarite 'sti kaścit kaścit samudghātitaśukladharmā / amokṣabhāgīyaśubho 'sti kaścin nihīnaśuklo 'styapi hetuhīnaḥ

Sanskrit only: no published translation is held for this verse.

गाम्भीर्यौदार्यवादे परहितकरणायोदिते दीर्घधर्मे अज्ञात्वैवाधिमुक्तिर्भवति सुविपुला संप्रपत्तिक्षमा च । संपत्तिश्चावसाने द्वयगतपरमा यद्भवत्येव तेषां तज्ज्ञेयं बोधिसत्त्वप्रकृतिगुणवतस्तत्प्रपुष्टाच्च गोत्रात्

gāmbhīryaudāryavāde parahitakaraṇāyodite dīrghadharme ajñātvaivādhimuktirbhavati suvipulā saṃprapattikṣamā ca / saṃpattiścāvasāne dvayagataparamā yadbhavatyeva teṣāṃ tajjñeyaṃ bodhisattvaprakṛtiguṇavatastatprapuṣṭācca gotrāt

Sanskrit only: no published translation is held for this verse.

सुविपुलगुणबोधिवृक्षवृद्ध्यै धनसुखदुःखशमोपलब्धये च । स्वपरहितसुखक्रिया फलत्वाद् भवति समुदग्र[समूलमुदग्र]गोत्रमेतत्

suvipulaguṇabodhivṛkṣavṛddhyai dhanasukhaduḥkhaśamopalabdhaye ca / svaparahitasukhakriyā phalatvād bhavati samudagra[samūlamudagra]gotrametat

Sanskrit only: no published translation is held for this verse.