Mahayanasutralamkara 5

महायानसूत्रालंकारे चित्तोत्पादाधिकारश्चतुर्थः पञ्चमो ऽधिकारः प्रतिपत्तिलक्षणे श्लोकः । महाश्रयारम्भफलोदयात्मिका जिनात्मजानां प्रतिपत्तिरिष्यते । सदा महादानमहाधिवासना महार्थसंपादनकृत्यकारिका

mahāyānasūtrālaṃkāre cittotpādādhikāraścaturthaḥ pañcamo 'dhikāraḥ pratipattilakṣaṇe ślokaḥ / mahāśrayārambhaphalodayātmikā jinātmajānāṃ pratipattiriṣyate / sadā mahādānamahādhivāsanā mahārthasaṃpādanakṛtyakārikā

Sanskrit only: no published translation is held for this verse.

परत्रलब्ध्वात्मसमानचित्ततां स्वतो ऽधि वा श्रेष्ठतरेष्टतां परे । तथात्मनो ऽन्यार्थविशिष्टसंज्ञिनः स्वकार्थता का कतमा परार्थता

paratralabdhvātmasamānacittatāṃ svato 'dhi vā śreṣṭhatareṣṭatāṃ pare / tathātmano 'nyārthaviśiṣṭasaṃjñinaḥ svakārthatā kā katamā parārthatā

Sanskrit only: no published translation is held for this verse.

परत्र लोको न तथातिनिर्दयः प्रवर्तते तापनकर्मणारिपौ । यथा परार्थं भृशदुःखतापने कृपात्मकः स्वात्मनि संप्रवर्तते

paratra loko na tathātinirdayaḥ pravartate tāpanakarmaṇāripau / yathā parārthaṃ bhṛśaduḥkhatāpane kṛpātmakaḥ svātmani saṃpravartate

Sanskrit only: no published translation is held for this verse.

निकृष्टमध्योत्तमधर्मतास्थिते सुदेशनावर्जनताऽवतारणा । विनीतिरर्थे परिपाचना शुभे तथाववादस्थितिबुद्धिमुक्तयः

nikṛṣṭamadhyottamadharmatāsthite sudeśanāvarjanatā'vatāraṇā / vinītirarthe paripācanā śubhe tathāvavādasthitibuddhimuktayaḥ

Sanskrit only: no published translation is held for this verse.

गुणैर्विशिष्टैः समुदागमस्तथा कुलोदयो व्याकरणाभिषिक्तता । तथागतज्ञानमनुत्तरं पदं परार्थ एष त्र्यधिको दशात्मकः

guṇairviśiṣṭaiḥ samudāgamastathā kulodayo vyākaraṇābhiṣiktatā / tathāgatajñānamanuttaraṃ padaṃ parārtha eṣa tryadhiko daśātmakaḥ

Sanskrit only: no published translation is held for this verse.

जनानुरूपा ऽविपरीतदेशना निरुन्नता चाप्यममा विचक्षणा । क्षमा च दान्ता च सुदूरगाऽक्षया जिनात्मजानां प्रतिपत्तिरुत्तमा

janānurūpā 'viparītadeśanā nirunnatā cāpyamamā vicakṣaṇā / kṣamā ca dāntā ca sudūragā'kṣayā jinātmajānāṃ pratipattiruttamā

Sanskrit only: no published translation is held for this verse.

महाभये कामिजनः प्रवर्तते चले विपर्याससुखे भवप्रियः । प्रतिस्वमाधिप्रशमे शमप्रियः सदा तु सर्वाधिग[श]मे कृपात्मकः

mahābhaye kāmijanaḥ pravartate cale viparyāsasukhe bhavapriyaḥ / pratisvamādhipraśame śamapriyaḥ sadā tu sarvādhiga[śa]me kṛpātmakaḥ

Sanskrit only: no published translation is held for this verse.

जनो विमूढः स्वसुखार्थमुद्यतः सदा तदप्राप्य परैति दुःखताम् । सदा तु धीरो हि परार्थमुद्यतो द्वयार्थमाधाय परैति निर्वृतिम्

jano vimūḍhaḥ svasukhārthamudyataḥ sadā tadaprāpya paraiti duḥkhatām / sadā tu dhīro hi parārthamudyato dvayārthamādhāya paraiti nirvṛtim

Sanskrit only: no published translation is held for this verse.

यथा यथा ह्यक्षविचित्रगोचरे प्रवर्तते चारगतो जिनात्मजः । तथा तथा युक्तसमानतापदैर्हिताय सत्त्वेष्वभिसंस्करोति तत्

yathā yathā hyakṣavicitragocare pravartate cāragato jinātmajaḥ / tathā tathā yuktasamānatāpadairhitāya sattveṣvabhisaṃskaroti tat

Sanskrit only: no published translation is held for this verse.

सदा ऽस्वतन्त्रीकृतदोषचेतने जने न संदोषमुपैति बुद्धिमान् । अकामकारेण हि विप्रपत्तयो जने भवन्तीति कृपाविवृद्धितः

sadā 'svatantrīkṛtadoṣacetane jane na saṃdoṣamupaiti buddhimān / akāmakāreṇa hi viprapattayo jane bhavantīti kṛpāvivṛddhitaḥ

Sanskrit only: no published translation is held for this verse.

भवगतिसकलाभिभूयगन्त्री परमशमानुगता प्रपत्तिरेव । विविधगुणगणैर्विवर्धमाना जगदुपगु[गृ?]ह्य सदा कृपाशयेन

bhavagatisakalābhibhūyagantrī paramaśamānugatā prapattireva / vividhaguṇagaṇairvivardhamānā jagadupagu[gṛ?]hya sadā kṛpāśayena

Sanskrit only: no published translation is held for this verse.