Mahayanasutralamkara 6

महायानसूत्रालंकारे प्रतिपत्त्यधिकारः पञ्चमः षष्ठो ऽधिकारः परमार्थलक्षणविभागे श्लोकः । न सन्न चासन्न तथा न चान्यथा न जायते व्येति न चावहीयते । न वर्धते नापि विशुध्यते पुनर्विशुध्यते तत्परमार्थलक्षणम्

mahāyānasūtrālaṃkāre pratipattyadhikāraḥ pañcamaḥ ṣaṣṭho 'dhikāraḥ paramārthalakṣaṇavibhāge ślokaḥ / na sanna cāsanna tathā na cānyathā na jāyate vyeti na cāvahīyate / na vardhate nāpi viśudhyate punarviśudhyate tatparamārthalakṣaṇam

Sanskrit only: no published translation is held for this verse.

न चात्मदृष्टिः स्वयमात्मलक्षणा न चापि दुःसंस्थितता विलक्षणा । द्वयान्न चान्यद् भ्रम एषत[तू]दितस्ततश्च मोक्षो भ्रममात्रसंक्षयः

na cātmadṛṣṭiḥ svayamātmalakṣaṇā na cāpi duḥsaṃsthitatā vilakṣaṇā / dvayānna cānyad bhrama eṣata[tū]ditastataśca mokṣo bhramamātrasaṃkṣayaḥ

Sanskrit only: no published translation is held for this verse.

कथं जनो विभ्रममात्रमाश्रितः परैति दुःखप्रकृतिं न संतताम् । अवेदको वेदक एव दुःखितो न दुःखितो धर्ममयो न तन्मयः

kathaṃ jano vibhramamātramāśritaḥ paraiti duḥkhaprakṛtiṃ na saṃtatām / avedako vedaka eva duḥkhito na duḥkhito dharmamayo na tanmayaḥ

Sanskrit only: no published translation is held for this verse.

प्रतीत्यभावप्रभवे कथं जनः समक्षवृत्तिः श्रयते ऽन्यकारितम् । तमः प्रकारः कतमो ऽयमीदृशो यतो ऽविपश्यन्सदसन्निरीक्षते

pratītyabhāvaprabhave kathaṃ janaḥ samakṣavṛttiḥ śrayate 'nyakāritam / tamaḥ prakāraḥ katamo 'yamīdṛśo yato 'vipaśyansadasannirīkṣate

Sanskrit only: no published translation is held for this verse.

त चान्तरं किंचन विद्यते ऽनयोः सदर्थवृत्त्या शमजन्मनोरिह । तथापि जन्मक्षयतो विधीयते शमस्य लाभः शुभकर्मकारिणाम्

ta cāntaraṃ kiṃcana vidyate 'nayoḥ sadarthavṛttyā śamajanmanoriha / tathāpi janmakṣayato vidhīyate śamasya lābhaḥ śubhakarmakāriṇām

Sanskrit only: no published translation is held for this verse.

संभृत्य संभारमनन्तपारं ज्ञानस्य पुण्यस्य च बोधिसत्त्वः । धर्मेषु चिन्तासुविनिश्रि[श्चि]तत्वाज्जल्पान्वयामर्थगतिं परैति

saṃbhṛtya saṃbhāramanantapāraṃ jñānasya puṇyasya ca bodhisattvaḥ / dharmeṣu cintāsuviniśri[ści]tatvājjalpānvayāmarthagatiṃ paraiti

Sanskrit only: no published translation is held for this verse.

अर्थान्स विज्ञाय च जल्पमात्रान् संतिष्ठते तन्निभचित्तमात्रे । प्रत्यक्षतामेति च धर्मधातुस्तस्माद्वियुक्तोद्वयलक्षणेन

arthānsa vijñāya ca jalpamātrān saṃtiṣṭhate tannibhacittamātre / pratyakṣatāmeti ca dharmadhātustasmādviyuktodvayalakṣaṇena

Sanskrit only: no published translation is held for this verse.

नास्तीति चित्तात्परमेत्य बुद्ध्या चित्तस्य नास्तित्वमुपैति तस्मात् । द्वयस्य नास्तित्वमुपेत्य धीमान् संतिष्ठते ऽतद्गतिधर्मघातौ

nāstīti cittātparametya buddhyā cittasya nāstitvamupaiti tasmāt / dvayasya nāstitvamupetya dhīmān saṃtiṣṭhate 'tadgatidharmaghātau

Sanskrit only: no published translation is held for this verse.

अकल्पनाज्ञानबलेन धीमतः समानुयातेन समन्ततः सदा । तदाश्रयो गह्वरदोषसंचयो महगदेनेव विषं निरस्यते

akalpanājñānabalena dhīmataḥ samānuyātena samantataḥ sadā / tadāśrayo gahvaradoṣasaṃcayo mahagadeneva viṣaṃ nirasyate

Sanskrit only: no published translation is held for this verse.

मुनिविहितसुधर्मसुव्यवस्थो मतिमुपधाय समूलधर्मधातौ । स्मृतिम[ग]तिमवगम्य कल्पमात्रां व्रजति गुणार्णवपारमाशुधीरः

munivihitasudharmasuvyavastho matimupadhāya samūladharmadhātau / smṛtima[ga]timavagamya kalpamātrāṃ vrajati guṇārṇavapāramāśudhīraḥ

Sanskrit only: no published translation is held for this verse.