Magha: Sisupalavadha 1

श्रियः पति श्रीमति शासितुं जगज्जगन्निवासो वसुदेवसद्मनि । वसन् ददर्शावतरन्तमम्बराद्धिरण्यगर्भाङ्गभुवं मुनिं हरिः

śriyaḥ pati śrīmati śāsituṃ jagajjagannivāso vasudevasadmani / vasan dadarśāvatarantamambarāddhiraṇyagarbhāṅgabhuvaṃ muniṃ hariḥ

Sanskrit only: no published translation is held for this verse.

गतं तिरश्चीनमनूरुसारधेः प्रसिद्धमूर्ध्वज्वलनं हविर्भुजः । पतत्यधो धाम विसारि सर्वतः किमेदतित्याकुलमीक्षितं जनैः

gataṃ tiraścīnamanūrusāradheḥ prasiddhamūrdhvajvalanaṃ havirbhujaḥ / patatyadho dhāma visāri sarvataḥ kimedatityākulamīkṣitaṃ janaiḥ

Sanskrit only: no published translation is held for this verse.

चयस्तविषामित्यवधारितं पुरा ततः शरीरीति विभाविताकृतिम् । विभुर्विभक्तावयवं पुमानिति क्रमादमुं नारद इत्यबोधि सः

cayastaviṣāmityavadhāritaṃ purā tataḥ śarīrīti vibhāvitākṛtim / vibhurvibhaktāvayavaṃ pumāniti kramādamuṃ nārada ityabodhi saḥ

Sanskrit only: no published translation is held for this verse.

नवानधो ऽधो बृहतः पयोधरान् समूढकर्पूरपरागपाण्डुरम् । क्षणं क्षणोत्क्षिप्तगजेन्द्रकृत्तिना स्फुटोपमं भूतिसितेन शम्घुना

navānadho 'dho bṛhataḥ payodharān samūḍhakarpūraparāgapāṇḍuram / kṣaṇaṃ kṣaṇotkṣiptagajendrakṛttinā sphuṭopamaṃ bhūtisitena śamghunā

Sanskrit only: no published translation is held for this verse.

दधानमम्भोरुहकेसरद्युतीर्जटाः शरच्चन्द्र मरीचिरोचिषम् । विपाकस्तुङ्गास्तुहिनस्थलीरुहो धरादरेन्द्रं व्रततीततीरिव

dadhānamambhoruhakesaradyutīrjaṭāḥ śaraccandra marīcirociṣam / vipākastuṅgāstuhinasthalīruho dharādarendraṃ vratatītatīriva

Sanskrit only: no published translation is held for this verse.

पिशङ्गमौञ्जीयुजमर्जुनच्छविं वसानमेणाजिनमञ्नद्युति । सुवर्मसूत्राकलिताधराम्बरां विडम्बयन्तं शितिवाससस्तनुम्

piśaṅgamauñjīyujamarjunacchaviṃ vasānameṇājinamañnadyuti / suvarmasūtrākalitādharāmbarāṃ viḍambayantaṃ śitivāsasastanum

Sanskrit only: no published translation is held for this verse.

विहङ्गराजाङ्गरुहैरिवायतैर्हिरण्मयोर्वीरुहवल्लितत्नुभिः । कृतोपवीतं हिमशुभ्रमुच्चकैर्घनं घनान्ते तटितां गणैरिव

vihaṅgarājāṅgaruhairivāyatairhiraṇmayorvīruhavallitatnubhiḥ / kṛtopavītaṃ himaśubhramuccakairghanaṃ ghanānte taṭitāṃ gaṇairiva

Sanskrit only: no published translation is held for this verse.

निसर्गचित्रोज्वलसूक्ष्मपक्ष्मणा लसद्बिसच्छेदसिताङ्गसङ्गिना । चकासतं चारुचमूरुचर्मणा कुथेन नागेन्द्रमिवेन्द्रवाहनम्

nisargacitrojvalasūkṣmapakṣmaṇā lasadbisacchedasitāṅgasaṅginā / cakāsataṃ cārucamūrucarmaṇā kuthena nāgendramivendravāhanam

Sanskrit only: no published translation is held for this verse.

अजस्रमास्फालितवल्लकीगुणक्षतोज्वलाङ्गुष्ठनखांशुभिन्नया । पुरः प्रवालैरिव पूरितार्धया विभान्तमच्छस्फटिकाक्षमालया

ajasramāsphālitavallakīguṇakṣatojvalāṅguṣṭhanakhāṃśubhinnayā / puraḥ pravālairiva pūritārdhayā vibhāntamacchasphaṭikākṣamālayā

Sanskrit only: no published translation is held for this verse.

रणद्भिराघट्टनया नभस्वतः पृथग्विभिन्नश्रुतिमण्डलैः स्वरैः । स्फुटीभवद्ग्रामविशेषमूर्च्छनामवेक्षमाणं महतीं मुहुर्मुहुः

raṇadbhirāghaṭṭanayā nabhasvataḥ pṛthagvibhinnaśrutimaṇḍalaiḥ svaraiḥ / sphuṭībhavadgrāmaviśeṣamūrcchanāmavekṣamāṇaṃ mahatīṃ muhurmuhuḥ

Sanskrit only: no published translation is held for this verse.

निवर्त्य सो ऽनुव्रजतः कृतानतीनतीन्द्रयज्ञाननिधिर्नभः सदः । समासदत्सादितदैत्यसंपदः पदं महेन्द्रलायचारु चक्रिणः

nivartya so 'nuvrajataḥ kṛtānatīnatīndrayajñānanidhirnabhaḥ sadaḥ / samāsadatsāditadaityasaṃpadaḥ padaṃ mahendralāyacāru cakriṇaḥ

Sanskrit only: no published translation is held for this verse.

पतत्पतङ्गप्रतिमस्तपोनिधिः पुरो ऽस्य यावन्न भुवि व्लीयत । गिरेस्तडित्वानिव तावदुच्चकैर्जवेन पीठादुतिष्ठदच्युतः

patatpataṅgapratimastaponidhiḥ puro 'sya yāvanna bhuvi vlīyata / girestaḍitvāniva tāvaduccakairjavena pīṭhādutiṣṭhadacyutaḥ

Sanskrit only: no published translation is held for this verse.

अथ प्रयत्नोन्नमितानत्फणैर्धृते कथञ्चित्फणिनां गणैरधः । न्यधायिषातामभि देवकीसुतं सुतेन धातुश्चरणौ भुवस्तले

atha prayatnonnamitānatphaṇairdhṛte kathañcitphaṇināṃ gaṇairadhaḥ / nyadhāyiṣātāmabhi devakīsutaṃ sutena dhātuścaraṇau bhuvastale

Sanskrit only: no published translation is held for this verse.

तमर्घ्यमर्घ्यादिकयादिपुरुषः सपर्यया साधु स पर्यपूजयत् । गृहानुपैतुं प्रणयादभीप्सवो भवन्ति नापुण्यकृतां मनीषिणः

tamarghyamarghyādikayādipuruṣaḥ saparyayā sādhu sa paryapūjayat / gṛhānupaituṃ praṇayādabhīpsavo bhavanti nāpuṇyakṛtāṃ manīṣiṇaḥ

Sanskrit only: no published translation is held for this verse.

न यावदेतावुदपश्यदुत्थितौ जनस्तुषाराञ्जनपर्वताविव । स्वहस्तदत्ते मुनिमासने मुनिश्चिरंस्तावदभिन्यवीविशत्

na yāvadetāvudapaśyadutthitau janastuṣārāñjanaparvatāviva / svahastadatte munimāsane muniściraṃstāvadabhinyavīviśat

Sanskrit only: no published translation is held for this verse.

महामहानीलशिलारुचः पुरो निषेदिवान् कंसकृषः स विष्टरे । श्रितोदयाद्रेरभिसायमुच्चकैरचूचुरच्चन्द्रमसो ऽभिरामताम्

mahāmahānīlaśilārucaḥ puro niṣedivān kaṃsakṛṣaḥ sa viṣṭare / śritodayādrerabhisāyamuccakairacūcuraccandramaso 'bhirāmatām

Sanskrit only: no published translation is held for this verse.

विधाय तस्यापचितिं प्रसेदुषः प्रकाममप्रीयत यज्वनां प्रियः । ग्रहीतुमार्यान्परिचर्यया मुहुर्महानुभावा हि नितान्तमर्थिनः

vidhāya tasyāpacitiṃ praseduṣaḥ prakāmamaprīyata yajvanāṃ priyaḥ / grahītumāryānparicaryayā muhurmahānubhāvā hi nitāntamarthinaḥ

Sanskrit only: no published translation is held for this verse.

अशेषतीर्थोपहृताः कमण्डलोर्निधाय पाणावृषीणाभ्युदीरिताः । अघौघविध्वंसविधौ पटीयसीर्नतेन मूर्द्ना हरिरग्रहीदापः

aśeṣatīrthopahṛtāḥ kamaṇḍalornidhāya pāṇāvṛṣīṇābhyudīritāḥ / aghaughavidhvaṃsavidhau paṭīyasīrnatena mūrdnā hariragrahīdāpaḥ

Sanskrit only: no published translation is held for this verse.

स काञ्चने यत्र मुनेरनुज्ञया नवाम्बुदशयामवपुर्न्यविक्षत । जिगाय जम्बूजनितश्रियः श्रियं सुमेरुशृङ्गस्य तदा तदासनम्

sa kāñcane yatra muneranujñayā navāmbudaśayāmavapurnyavikṣata / jigāya jambūjanitaśriyaḥ śriyaṃ sumeruśṛṅgasya tadā tadāsanam

Sanskrit only: no published translation is held for this verse.

स तप्ताकार्तस्वरभास्वराम्बरः कठोरधाराधिपलाञ्छनच्छविः । विदिद्युते बाडवजातवेदसः शिखाभिराश्लिष्ट इवाम्भसां निधिः

sa taptākārtasvarabhāsvarāmbaraḥ kaṭhoradhārādhipalāñchanacchaviḥ / vididyute bāḍavajātavedasaḥ śikhābhirāśliṣṭa ivāmbhasāṃ nidhiḥ

Sanskrit only: no published translation is held for this verse.

रथाङ्गपाणेः पटलेन रोचिषामृषित्विषः संवलिता विरेजिरे । चलत्पलाशान्तरगोचरस्तरोतुषारमूर्तेरिव नक्तमंशवः

rathāṅgapāṇeḥ paṭalena rociṣāmṛṣitviṣaḥ saṃvalitā virejire / calatpalāśāntaragocarastarotuṣāramūrteriva naktamaṃśavaḥ

Sanskrit only: no published translation is held for this verse.

प्रफुल्लतापिच्छनिभैरभीषुभिः शुभैश्च सप्तच्छदपांसुपाण्डुभिः । परम्परेण च्छुरितामलच्छवी तदेकवर्णाविव तौ बभूवतुः

praphullatāpicchanibhairabhīṣubhiḥ śubhaiśca saptacchadapāṃsupāṇḍubhiḥ / parampareṇa cchuritāmalacchavī tadekavarṇāviva tau babhūvatuḥ

Sanskrit only: no published translation is held for this verse.

युगान्तकालमतिसंहृतात्मनो जगन्ति यस्यां सविकासमासत । तनौ ममुस्तत्र न कैटभद्विषस्तपोधनभ्यागमसंभवा मुदः

yugāntakālamatisaṃhṛtātmano jaganti yasyāṃ savikāsamāsata / tanau mamustatra na kaiṭabhadviṣastapodhanabhyāgamasaṃbhavā mudaḥ

Sanskrit only: no published translation is held for this verse.

निदाधधामानमिवाधिदीधितिं मुदाविकासं मुनिमभ्युपेयुषी । विलोचने बिभ्रदधिश्रितश्रिणी स पुण्डराकाक्ष इति स्फुटाभवत्

nidādhadhāmānamivādhidīdhitiṃ mudāvikāsaṃ munimabhyupeyuṣī / vilocane bibhradadhiśritaśriṇī sa puṇḍarākākṣa iti sphuṭābhavat

Sanskrit only: no published translation is held for this verse.

सितंसितिम्ना सुतरां मुनेर्वपुः विसारिभिः सौधमिवाथ लम्भयन् । द्विजावलिव्याजनिशाकरांशुभिः शुचिस्मितां वाचमवोचदच्युतः

sitaṃsitimnā sutarāṃ munervapuḥ visāribhiḥ saudhamivātha lambhayan / dvijāvalivyājaniśākarāṃśubhiḥ śucismitāṃ vācamavocadacyutaḥ

Sanskrit only: no published translation is held for this verse.

हरत्यघं संप्रति हेतुरेष्यतः शुभस्य पूर्वाचरितै कृतर्ं शुभै । शरीरभाजां भवदीयदर्शनं व्यनक्ति कालत्रितये ऽपि योग्यताम्

haratyaghaṃ saṃprati hetureṣyataḥ śubhasya pūrvācaritai kṛtarṃ śubhai / śarīrabhājāṃ bhavadīyadarśanaṃ vyanakti kālatritaye 'pi yogyatām

Sanskrit only: no published translation is held for this verse.

जगत्पर्याप्तसहस्रभानुना न यन्नियन्तुं समभावि भानुना । प्रसह्य तेजोभिरसंख्यतां गतैर् अदस्त्वया नुन्नमनुत्तमं तमः

jagatparyāptasahasrabhānunā na yanniyantuṃ samabhāvi bhānunā / prasahya tejobhirasaṃkhyatāṃ gatair adastvayā nunnamanuttamaṃ tamaḥ

Sanskrit only: no published translation is held for this verse.

कृतः प्रजाक्षेमकृता प्रजासृजा सुपात्रनिक्षेनिराकुलात्मना । सदोपयोगे ऽपि गुरुस्त्वमक्षयो निधिः श्रुतीनां धनसंपदामिव

kṛtaḥ prajākṣemakṛtā prajāsṛjā supātranikṣenirākulātmanā / sadopayoge 'pi gurustvamakṣayo nidhiḥ śrutīnāṃ dhanasaṃpadāmiva

Sanskrit only: no published translation is held for this verse.

विलोकनेनैव तवामुना मुने कृतः कृतार्थोस्मि निबर्हितांहसा । तथापिशुश्रूषुरहं गरीयसीर्गिरो ऽथवा श्रेयसि केन वा तृप्यते

vilokanenaiva tavāmunā mune kṛtaḥ kṛtārthosmi nibarhitāṃhasā / tathāpiśuśrūṣurahaṃ garīyasīrgiro 'thavā śreyasi kena vā tṛpyate

Sanskrit only: no published translation is held for this verse.

गतस्पृहो ऽप्यागमनप्रयोजनं वदेति वक्तुं व्यवसीयते यया । तनोति नस्तामुदित्मगौरवो गुरुस्तवैवागम एव धृष्यताम्

gataspṛho 'pyāgamanaprayojanaṃ vadeti vaktuṃ vyavasīyate yayā / tanoti nastāmuditmagauravo gurustavaivāgama eva dhṛṣyatām

Sanskrit only: no published translation is held for this verse.

इतिब्रुवन्तं उवाच स व्रती न वाच्यमित्थं पुरुषोत्तम त्वया । त्वमेव साक्षात्करणीय इत्यतः किमस्ति कार्यं गुरु योगिनामपि

itibruvantaṃ uvāca sa vratī na vācyamitthaṃ puruṣottama tvayā / tvameva sākṣātkaraṇīya ityataḥ kimasti kāryaṃ guru yogināmapi

Sanskrit only: no published translation is held for this verse.

उदीर्णरागप्रतिरोधकं जनैरभीक्ष्णमक्षुण्णतयातिदुर्गमम् । उपेयुषोमोक्षपथं मनस्विनस्त्वमग्रमूर्तिर्निरपायसंश्रया

udīrṇarāgapratirodhakaṃ janairabhīkṣṇamakṣuṇṇatayātidurgamam / upeyuṣomokṣapathaṃ manasvinastvamagramūrtirnirapāyasaṃśrayā

Sanskrit only: no published translation is held for this verse.

उदासितारं निग्रहीतमानसैर्गृहीतमध्यात्मदृशा कथञ्चन । बहिर्विकरं प्रकृतेः पृथग्विदुः पुरातनं त्वां पुरुषं पुराविदः

udāsitāraṃ nigrahītamānasairgṛhītamadhyātmadṛśā kathañcana / bahirvikaraṃ prakṛteḥ pṛthagviduḥ purātanaṃ tvāṃ puruṣaṃ purāvidaḥ

Sanskrit only: no published translation is held for this verse.

निवेशयामासिथ हेलयोद्धृतं फणाभृतां छादनमेकमोकसः । जगतैकस्थपतिस्त्वमुच्चकैरहीश्वरस्तम्भशिरःसुभूतलम्

niveśayāmāsitha helayoddhṛtaṃ phaṇābhṛtāṃ chādanamekamokasaḥ / jagataikasthapatistvamuccakairahīśvarastambhaśiraḥsubhūtalam

Sanskrit only: no published translation is held for this verse.

अनन्यगुर्वास्तव केन केवलः पुराणमूर्तेमहिमावगम्यते । मनुष्यजन्मापि सुरासुरान्गुणैर्भवान्भवच्छेदकरै करोत्यधः

ananyagurvāstava kena kevalaḥ purāṇamūrtemahimāvagamyate / manuṣyajanmāpi surāsurānguṇairbhavānbhavacchedakarai karotyadhaḥ

Sanskrit only: no published translation is held for this verse.

लघूकरिष्यन्नतिभारभङ्गुराममूं किल त्वं त्रिदिवादवातरः । उदूढलोकत्रितयेन सांप्रतं गुरुर्धरित्री क्रियतेतरां त्वया

laghūkariṣyannatibhārabhaṅgurāmamūṃ kila tvaṃ tridivādavātaraḥ / udūḍhalokatritayena sāṃprataṃ gururdharitrī kriyatetarāṃ tvayā

Sanskrit only: no published translation is held for this verse.

निजोजसोज्जासयितुं जगद्रहामुपजिहीथा न महीतले यदि । समाहितैरप्यनिरूपितस्ततः पदं दृशः स्याः कथम् ईश मादृशाम्

nijojasojjāsayituṃ jagadrahāmupajihīthā na mahītale yadi / samāhitairapyanirūpitastataḥ padaṃ dṛśaḥ syāḥ katham īśa mādṛśām

Sanskrit only: no published translation is held for this verse.

उपप्लुतं पातुमदो मदोद्धतैस्त्वमेव विश्वंभर विश्वमीशिषे । ऋते रवेः क्षालयितुं क्षमेत कः क्षपातमस्काण्डमलीमसं तमः

upaplutaṃ pātumado madoddhataistvameva viśvaṃbhara viśvamīśiṣe / ṛte raveḥ kṣālayituṃ kṣameta kaḥ kṣapātamaskāṇḍamalīmasaṃ tamaḥ

Sanskrit only: no published translation is held for this verse.

करोति कंसादिमहीभृतां वधाज्जनो मृगाणामिव यत्तव स्तवम् । हरे हिरण्याक्षपुरःसरासुरद्विपद्विषः प्रत्युत सा तिरस्क्रिया

karoti kaṃsādimahībhṛtāṃ vadhājjano mṛgāṇāmiva yattava stavam / hare hiraṇyākṣapuraḥsarāsuradvipadviṣaḥ pratyuta sā tiraskriyā

Sanskrit only: no published translation is held for this verse.

प्रवृत्त एव स्वयमुज्झिश्रमः क्रमेण पेष्टुं भुवनद्वषामसि । तथापि वाचालतया युनक्ति मां मिथस्त्वदाभाषणलोलुपं मनः

pravṛtta eva svayamujjhiśramaḥ krameṇa peṣṭuṃ bhuvanadvaṣāmasi / tathāpi vācālatayā yunakti māṃ mithastvadābhāṣaṇalolupaṃ manaḥ

Sanskrit only: no published translation is held for this verse.

तदिन्द्रसंदिष्टमुपेन्द्र यद्वचः क्षणं मया विश्वजनीनमुच्यते । समस्तकार्येषु गतेन धुर्यतामहिद्विषस्तद्भवता निशम्यताम्

tadindrasaṃdiṣṭamupendra yadvacaḥ kṣaṇaṃ mayā viśvajanīnamucyate / samastakāryeṣu gatena dhuryatāmahidviṣastadbhavatā niśamyatām

Sanskrit only: no published translation is held for this verse.

अभूदभूमि प्रतिपक्षजन्मनां भियां तनूजस्पनद्युतिर्दितेः । यमिन्द्रशब्दार्थनिषूदनं हरेर्हरण्यपूर्वं कशिपुं प्रचक्षते

abhūdabhūmi pratipakṣajanmanāṃ bhiyāṃ tanūjaspanadyutirditeḥ / yamindraśabdārthaniṣūdanaṃ harerharaṇyapūrvaṃ kaśipuṃ pracakṣate

Sanskrit only: no published translation is held for this verse.

समत्सरेणासुर इत्युपेयुषा चिराय नाम्नः प्रथमाभिधेयतां । भयस्यपूर्वावतरस्तरस्विना मनस्तु येन द्युसदां न्यधीयत

samatsareṇāsura ityupeyuṣā cirāya nāmnaḥ prathamābhidheyatāṃ / bhayasyapūrvāvatarastarasvinā manastu yena dyusadāṃ nyadhīyata

Sanskrit only: no published translation is held for this verse.

दिशामधीशांश्चतुरो यतः सुरानपास्य तं रागाहृताः सिषेविरे । अवापुरारभ्य ततश्चला इति प्रवादमुच्चैरयशस्करं श्रियः

diśāmadhīśāṃścaturo yataḥ surānapāsya taṃ rāgāhṛtāḥ siṣevire / avāpurārabhya tataścalā iti pravādamuccairayaśaskaraṃ śriyaḥ

Sanskrit only: no published translation is held for this verse.

पुराणि दुर्गाणि निशातमायुधं बलानि शूराणि घनाश्चकञ्चुकाः । स्वरूपशोभैकफलानि नाकिनां गणैर्यमाशङ्क्य तदादि चक्रिरे

purāṇi durgāṇi niśātamāyudhaṃ balāni śūrāṇi ghanāścakañcukāḥ / svarūpaśobhaikaphalāni nākināṃ gaṇairyamāśaṅkya tadādi cakrire

Sanskrit only: no published translation is held for this verse.

स संचरिष्णु भुवनान्तरेषु यां यदृच्छयाशिश्रियादाश्रयः श्रियः । अकारि तस्यै मुकुटोपलस्खलत्करैस्त्रिसन्ध्यं त्रिदशैर्दिशे नमः

sa saṃcariṣṇu bhuvanāntareṣu yāṃ yadṛcchayāśiśriyādāśrayaḥ śriyaḥ / akāri tasyai mukuṭopalaskhalatkaraistrisandhyaṃ tridaśairdiśe namaḥ

Sanskrit only: no published translation is held for this verse.

सटाच्छटभिन्नघनेन बिभ्रता नृसिंह सैंहीमतनुं तनुं त्वया । स मुग्धकान्तास्तनसङ्गभङ्गुरैरुरोविदारं प्रतिचस्किरे नखैः

saṭācchaṭabhinnaghanena bibhratā nṛsiṃha saiṃhīmatanuṃ tanuṃ tvayā / sa mugdhakāntāstanasaṅgabhaṅgurairurovidāraṃ praticaskire nakhaiḥ

Sanskrit only: no published translation is held for this verse.

विनोदमिच्छन्नथ दर्पजन्मनो रणेन कण्ड्वास्त्रिदशै समं पुनः । स रावणो नाम निकामभीषणं बभूव रक्षः क्षतरक्षणं दिवः

vinodamicchannatha darpajanmano raṇena kaṇḍvāstridaśai samaṃ punaḥ / sa rāvaṇo nāma nikāmabhīṣaṇaṃ babhūva rakṣaḥ kṣatarakṣaṇaṃ divaḥ

Sanskrit only: no published translation is held for this verse.

प्रभुर्बुभूषुर्भुवनत्रयस्य यः शिरो ऽतिरागाद्दशमं चिकर्तिषुः । अतर्कयद्विघ्नमिवेष्टसाधसः प्रसादमिच्छासद्दृशं पिनाकिनः

prabhurbubhūṣurbhuvanatrayasya yaḥ śiro 'tirāgāddaśamaṃ cikartiṣuḥ / atarkayadvighnamiveṣṭasādhasaḥ prasādamicchāsaddṛśaṃ pinākinaḥ

Sanskrit only: no published translation is held for this verse.

समुत्क्षिपन्यः पृथिवीभृतां वरं वरप्रदानस्य चकार शूलिनः । त्रसत्तुषाराद्रिसुताससंभ्रमस्वयङ्ग्रहाश्लेषसुखेन निष्क्रयम्

samutkṣipanyaḥ pṛthivībhṛtāṃ varaṃ varapradānasya cakāra śūlinaḥ / trasattuṣārādrisutāsasaṃbhramasvayaṅgrahāśleṣasukhena niṣkrayam

Sanskrit only: no published translation is held for this verse.

पुरीमवस्कन्द लुनीहि नन्दनं मुषाण रत्नानि हरामराङ्गनाः । विगृह्य चक्रे नमुचिद्विषा बली य इत्थमस्वास्थ्यमहर्दिवं दिवः

purīmavaskanda lunīhi nandanaṃ muṣāṇa ratnāni harāmarāṅganāḥ / vigṛhya cakre namucidviṣā balī ya itthamasvāsthyamahardivaṃ divaḥ

Sanskrit only: no published translation is held for this verse.

सलीलयातानि न भर्तुरभ्रमोर्न चित्रमुच्चैश्रवसः पदक्रमम् । अनुद्रुतः संयति येन केवलं बलस्य शत्रुः प्रशशंस शीघ्रताम्

salīlayātāni na bharturabhramorna citramuccaiśravasaḥ padakramam / anudrutaḥ saṃyati yena kevalaṃ balasya śatruḥ praśaśaṃsa śīghratām

Sanskrit only: no published translation is held for this verse.

अशुक्नुवन् सोढुमधीरलोचनः सहस्ररश्मेरिव यस्य दर्शनम् । प्रविश्य हेमाद्रिगुहागृहान्तरं निनाय बिभ्यद्दिवसानि कौशिकः

aśuknuvan soḍhumadhīralocanaḥ sahasraraśmeriva yasya darśanam / praviśya hemādriguhāgṛhāntaraṃ nināya bibhyaddivasāni kauśikaḥ

Sanskrit only: no published translation is held for this verse.

बृहच्छलानिष्ठुरकण्ठघट्टनाविकीर्णलोलाग्निकणं सुरद्विषः । जगत्प्रभोरप्रसिहिष्णु वैष्णवं न चक्रमस्याक्रमताधिकन्धरं

bṛhacchalāniṣṭhurakaṇṭhaghaṭṭanāvikīrṇalolāgnikaṇaṃ suradviṣaḥ / jagatprabhoraprasihiṣṇu vaiṣṇavaṃ na cakramasyākramatādhikandharaṃ

Sanskrit only: no published translation is held for this verse.

बिभिन्नशङ्खः कलुषीभवन्मुहुर्मदेन दन्तीव मनुष्यधर्मणः । निरस्तघांभीर्यमपास्तपुष्पकं प्रकम्पयामास न मानसं न सः

bibhinnaśaṅkhaḥ kaluṣībhavanmuhurmadena dantīva manuṣyadharmaṇaḥ / nirastaghāṃbhīryamapāstapuṣpakaṃ prakampayāmāsa na mānasaṃ na saḥ

Sanskrit only: no published translation is held for this verse.

रणेषु तस्य प्रहिताः प्रचेतसा सरोषहुङ्कारपराङ्मुखीकृताः । प्रहर्तुरेवोरगराजरज्जवो जवेन कण्ठं सभयाः प्रपेदिरे

raṇeṣu tasya prahitāḥ pracetasā saroṣahuṅkāraparāṅmukhīkṛtāḥ / praharturevoragarājarajjavo javena kaṇṭhaṃ sabhayāḥ prapedire

Sanskrit only: no published translation is held for this verse.

परेभर्तुर्महिषो ऽमुना धनुर्विधातुमुत्खातविषाणमण्डलः । हृते ऽपिभारे महतस्त्रपाभरादुवाह दुःखेन भृशानृतं शिरः

parebharturmahiṣo 'munā dhanurvidhātumutkhātaviṣāṇamaṇḍalaḥ / hṛte 'pibhāre mahatastrapābharāduvāha duḥkhena bhṛśānṛtaṃ śiraḥ

Sanskrit only: no published translation is held for this verse.

सृपशन्सशङ्कः समये शुचावपि स्थितः कराग्रैरसमग्रपातिभिः । अघघर्मोदकबिन्दुमौक्तिकैरलञ्चकारास्य वधूरहस्करः

sṛpaśansaśaṅkaḥ samaye śucāvapi sthitaḥ karāgrairasamagrapātibhiḥ / aghagharmodakabindumauktikairalañcakārāsya vadhūrahaskaraḥ

Sanskrit only: no published translation is held for this verse.

कलासमग्रेणगृहानमुञ्चता मनस्विनीरुत्कयितुं पटीयसा । विसासिनस्तस्य वितन्वतारतिं न नर्मसाचिव्यमकारिनेन्दुना

kalāsamagreṇagṛhānamuñcatā manasvinīrutkayituṃ paṭīyasā / visāsinastasya vitanvatāratiṃ na narmasācivyamakārinendunā

Sanskrit only: no published translation is held for this verse.

विदग्धलीलोचितदन्तपत्रिकाविधित्सया नूनमनेन मानिना । न जातु वैनायकमेकमुद्धृतं विषाणमद्यापि पुनः प्ररोहति

vidagdhalīlocitadantapatrikāvidhitsayā nūnamanena māninā / na jātu vaināyakamekamuddhṛtaṃ viṣāṇamadyāpi punaḥ prarohati

Sanskrit only: no published translation is held for this verse.

निशान्तनारीपरिधानधूननस्फुटागसाप्यूरुषु लोलचक्षुषः । प्रियेण तस्यानपराधबाधिताः प्रकम्पनेनानुचकम्पिरे सुराः

niśāntanārīparidhānadhūnanasphuṭāgasāpyūruṣu lolacakṣuṣaḥ / priyeṇa tasyānaparādhabādhitāḥ prakampanenānucakampire surāḥ

Sanskrit only: no published translation is held for this verse.

तिरस्कृतस्तस्य जनाभिभाविना मुहुर्महिम्ना महसां महीयसां । बभार बाष्पैर्द्वगुणीकृतं तनुतनूनपाद्धूममवितानमाधिजैः

tiraskṛtastasya janābhibhāvinā muhurmahimnā mahasāṃ mahīyasāṃ / babhāra bāṣpairdvaguṇīkṛtaṃ tanutanūnapāddhūmamavitānamādhijaiḥ

Sanskrit only: no published translation is held for this verse.

परस्यमर्मविधमुज्झतां निजं द्विजिह्वतादोषमजिह्मगामिभिः । तमिद्धमाराधयितुं सकर्णकैः कुलैर्न भेजे फणिनां भुजङ्गता

parasyamarmavidhamujjhatāṃ nijaṃ dvijihvatādoṣamajihmagāmibhiḥ / tamiddhamārādhayituṃ sakarṇakaiḥ kulairna bheje phaṇināṃ bhujaṅgatā

Sanskrit only: no published translation is held for this verse.

तदीयमातङ्गघटाविघट्टितैः कटस्थलप्रोषितदानवारिभिः । गृहीतदिक्कैरपुनर्निवर्तिभिश्चिराय याथार्थ्यमलम्बि दिग्गजैः

tadīyamātaṅgaghaṭāvighaṭṭitaiḥ kaṭasthalaproṣitadānavāribhiḥ / gṛhītadikkairapunarnivartibhiścirāya yāthārthyamalambi diggajaiḥ

Sanskrit only: no published translation is held for this verse.

अभीक्ष्णमुष्णैरपि तस्य सोष्मणः सुरेन्द्रवन्दीश्वसितानिलैर्यथा । सचन्दनाम्भःकणकोमलैस्तथा वपुर्जलार्द्रापवनैर्न निर्वबौ

abhīkṣṇamuṣṇairapi tasya soṣmaṇaḥ surendravandīśvasitānilairyathā / sacandanāmbhaḥkaṇakomalaistathā vapurjalārdrāpavanairna nirvabau

Sanskrit only: no published translation is held for this verse.

तपेन वर्षाः शरदा हिमागमो वसन्तलक्ष्म्या शिशिरः समेत्य च । प्रसूनकॢप्तिं दधतः सदर्तवः पुरोस्य वास्तव्यकुटुम्बितां ययौ

tapena varṣāḥ śaradā himāgamo vasantalakṣmyā śiśiraḥ sametya ca / prasūnakḷptiṃ dadhataḥ sadartavaḥ purosya vāstavyakuṭumbitāṃ yayau

Sanskrit only: no published translation is held for this verse.

अमानवं जातमजं कुले मनोः प्रभाविनं भाविन्नमन्तमात्मनः । मुमोच जानन्नपि जानकीं न यः सदभिमानैकधना हि मानिनः

amānavaṃ jātamajaṃ kule manoḥ prabhāvinaṃ bhāvinnamantamātmanaḥ / mumoca jānannapi jānakīṃ na yaḥ sadabhimānaikadhanā hi māninaḥ

Sanskrit only: no published translation is held for this verse.

स्मरत्यदो दाशरथिर्भवानमुं वनान्ताद्वनितापहारिणम् । पयोधिमाबद्धचलज्जलाबिलं विलङ्घ्यलङ्गां निकषा हनिष्यति

smaratyado dāśarathirbhavānamuṃ vanāntādvanitāpahāriṇam / payodhimābaddhacalajjalābilaṃ vilaṅghyalaṅgāṃ nikaṣā haniṣyati

Sanskrit only: no published translation is held for this verse.

अतोपपत्तिं छलनापरो ऽपरामवाप्य शैलूष इवैष भूमिकां । तिरोहितात्मा शिशुपालसंज्ञया प्रतीयते संप्रति साप्यसः परैः

atopapattiṃ chalanāparo 'parāmavāpya śailūṣa ivaiṣa bhūmikāṃ / tirohitātmā śiśupālasaṃjñayā pratīyate saṃprati sāpyasaḥ paraiḥ

Sanskrit only: no published translation is held for this verse.

स बाल आसीद्वपुषा चतुर्भुजो मुखेन पूर्णेन्दुनिभस्त्रिलोचनः । युवाकराक्रान्तमहीभृदुच्चकैरसंशयं संप्रति तेजसा रविः

sa bāla āsīdvapuṣā caturbhujo mukhena pūrṇendunibhastrilocanaḥ / yuvākarākrāntamahībhṛduccakairasaṃśayaṃ saṃprati tejasā raviḥ

Sanskrit only: no published translation is held for this verse.

स्वयं विधाता सुरदैत्यरक्षसामनुग्रहावग्रहयोर्यदृच्छया । दशाननादीनभिराद्धदैवतावितीर्णवीर्यातिशयान् हसत्यसौ

svayaṃ vidhātā suradaityarakṣasāmanugrahāvagrahayoryadṛcchayā / daśānanādīnabhirāddhadaivatāvitīrṇavīryātiśayān hasatyasau

Sanskrit only: no published translation is held for this verse.

बलावलेपादधुनापिपूर्ववप्रबाद्ध्यते तेन जगज्जिगीषुणा । सतीव योषित्प्रकृतिः सुनिश्चला पुमांसंमब्येति भवान्तरेष्वपि

balāvalepādadhunāpipūrvavaprabāddhyate tena jagajjigīṣuṇā / satīva yoṣitprakṛtiḥ suniścalā pumāṃsaṃmabyeti bhavāntareṣvapi

Sanskrit only: no published translation is held for this verse.

तदेनमुल्लङ्घितशासनं विधेर्विधेहि कीनाशनिकेतनातिथिम् । शुभेतराचारविपक्त्रिमापदो विपादनीया हि सतामसाधवः

tadenamullaṅghitaśāsanaṃ vidhervidhehi kīnāśaniketanātithim / śubhetarācāravipaktrimāpado vipādanīyā hi satāmasādhavaḥ

Sanskrit only: no published translation is held for this verse.

हृदयमविरोधोदयददूढद्रढिम दधातु पुनः पुरन्दरस्य । घनपुलकपुलोमजाकुचाग्रद्रुतपरिरम्भनिपीडनक्षमत्वम्

hṛdayamavirodhodayadadūḍhadraḍhima dadhātu punaḥ purandarasya / ghanapulakapulomajākucāgradrutaparirambhanipīḍanakṣamatvam

Sanskrit only: no published translation is held for this verse.

ओमित्युक्तवतो ऽथ शाङ्गिणा इति व्याहृत्य वाचं नभस्तस्मिन्नुत्पतिते पुरः सुरमुनाविन्दोः श्रियं बिभ्रति । शत्रुणामनिश विनाशपिशुनः क्रुद्धस्य चैद्यं प्रति व्योम्नि भ्रकुटिच्छलेन वदने केतुशचकारास्पदम्

omityuktavato 'tha śāṅgiṇā iti vyāhṛtya vācaṃ nabhastasminnutpatite puraḥ suramunāvindoḥ śriyaṃ bibhrati / śatruṇāmaniśa vināśapiśunaḥ kruddhasya caidyaṃ prati vyomni bhrakuṭicchalena vadane ketuśacakārāspadam

Sanskrit only: no published translation is held for this verse.