Magha: Sisupalavadha 13

यमुनामतीतमथ शुश्रुवानमुमुं तपसस्तनूज इति नाधुनोच्यते । स यदाचलन्निजपुरादहर्निशं नृपतेस्तदादि समचारि वार्तया

yamunāmatītamatha śuśruvānamumuṃ tapasastanūja iti nādhunocyate / sa yadācalannijapurādaharniśaṃ nṛpatestadādi samacāri vārtayā

Sanskrit only: no published translation is held for this verse.

यदुभर्तुरागमनलब्धजन्मनः प्रमदादमानिव पुरे महीयसि । सहसा ततः स सहितो ऽनुजन्मभिर्वसुधाधिपो ऽभिमुखमस्यनिर्ययौ

yadubharturāgamanalabdhajanmanaḥ pramadādamāniva pure mahīyasi / sahasā tataḥ sa sahito 'nujanmabhirvasudhādhipo 'bhimukhamasyaniryayau

Sanskrit only: no published translation is held for this verse.

रभसप्रवृत्तकुरुचक्रदुन्दुभिध्वनिभिर्जनस्य बधिरीकृतश्रुतेः । समवादि वक्तृभिरभीष्टसङ्कथाप्रकृतार्थशेषमथ हस्तसंज्ञया

rabhasapravṛttakurucakradundubhidhvanibhirjanasya badhirīkṛtaśruteḥ / samavādi vaktṛbhirabhīṣṭasaṅkathāprakṛtārthaśeṣamatha hastasaṃjñayā

Sanskrit only: no published translation is held for this verse.

अपदान्तरं च परितः क्षितिक्षितामपतन्द्रुतभ्रमितहेमनेमयः । जविमारुताञ्चितपरस्परोपमक्षितिरेणुकेतुवसनाः पताकिनः

apadāntaraṃ ca paritaḥ kṣitikṣitāmapatandrutabhramitahemanemayaḥ / javimārutāñcitaparasparopamakṣitireṇuketuvasanāḥ patākinaḥ

Sanskrit only: no published translation is held for this verse.

द्रुतमध्वनन्नुपरि पाणिवृत्तयः पणवा इवाश्वचरणक्षता भुवः । ननृतुश्च वारिधरधीरवारणध्वनिहृष्टकूजितकलाः कलापिनः

drutamadhvanannupari pāṇivṛttayaḥ paṇavā ivāśvacaraṇakṣatā bhuvaḥ / nanṛtuśca vāridharadhīravāraṇadhvanihṛṣṭakūjitakalāḥ kalāpinaḥ

Sanskrit only: no published translation is held for this verse.

व्रजतोरपि प्रणयपूर्वमेकतामसुरारिपाण्डुसुतसैन्ययोस्तदा । ररुषे विषाणिभिरनुक्षणंमिथो मदमूढबुद्धिषु विवेकिता कुतः?

vrajatorapi praṇayapūrvamekatāmasurāripāṇḍusutasainyayostadā / raruṣe viṣāṇibhiranukṣaṇaṃmitho madamūḍhabuddhiṣu vivekitā kutaḥ?

Sanskrit only: no published translation is held for this verse.

अवलोक एव नृपतेः स्म दूरतो रभसाद्रथादवतरीतुमिच्छतः । अवतीर्णवान्प्रथममात्मना हरिर्विनयं विशेषयति सम्भ्रमेण सः

avaloka eva nṛpateḥ sma dūrato rabhasādrathādavatarītumicchataḥ / avatīrṇavānprathamamātmanā harirvinayaṃ viśeṣayati sambhrameṇa saḥ

Sanskrit only: no published translation is held for this verse.

वपुषा पुराणपुरुषः पुरः क्षितौ परिपुञ्ज्यमानपृथुहारयष्टिना । भुवनैर्नतो ऽपि विहितात्त्मगौरवः प्रणनाम नाम तनयं पितृष्वसुः

vapuṣā purāṇapuruṣaḥ puraḥ kṣitau paripuñjyamānapṛthuhārayaṣṭinā / bhuvanairnato 'pi vihitāttmagauravaḥ praṇanāma nāma tanayaṃ pitṛṣvasuḥ

Sanskrit only: no published translation is held for this verse.

मुकुटांशुरञ्जितपरागमग्रतः स न यावदाप शिरसा महीतलम् । क्षितिपेन तावदनपेक्षितक्रमं भुजपञ्जरेण रभसादगृह्यत

mukuṭāṃśurañjitaparāgamagrataḥ sa na yāvadāpa śirasā mahītalam / kṣitipena tāvadanapekṣitakramaṃ bhujapañjareṇa rabhasādagṛhyata

Sanskrit only: no published translation is held for this verse.

न ममौ कपाटतटविस्तृतं तनौ मुरवैरिमवक्ष उरसि क्षमाभुजः । भुजयोस्तथापि युगलेन दीर्घयोर्विकटीकृतेन परितो ऽभिषस्वजे

na mamau kapāṭataṭavistṛtaṃ tanau muravairimavakṣa urasi kṣamābhujaḥ / bhujayostathāpi yugalena dīrghayorvikaṭīkṛtena parito 'bhiṣasvaje

Sanskrit only: no published translation is held for this verse.

गतया निरन्तरनिवासमध्युरः परिनाभि नूनमवमुच्य वारिजम् । कुरराजनिर्दय निपीडनाभयान्मुखमध्यरोहि मुरविद्विषः श्रिया

gatayā nirantaranivāsamadhyuraḥ parinābhi nūnamavamucya vārijam / kurarājanirdaya nipīḍanābhayānmukhamadhyarohi muravidviṣaḥ śriyā

Sanskrit only: no published translation is held for this verse.

शिरसि स्म जिघ्रति सुरारिबन्धने छलवामनं विनयवामनं तदा । यशसेव वीर्यविजितामरद्रुमप्रसवेन वासितशिरोरुहे नृपः

śirasi sma jighrati surāribandhane chalavāmanaṃ vinayavāmanaṃ tadā / yaśaseva vīryavijitāmaradrumaprasavena vāsitaśiroruhe nṛpaḥ

Sanskrit only: no published translation is held for this verse.

सुखवेदनाहृषितरोमकूपया शिथिलीकृते ऽपि वसुदेवजन्मनि । कुरुभर्तुरङ्गलतया न तत्यजे विकसत्कदम्बनिकुरम्बचारुता

sukhavedanāhṛṣitaromakūpayā śithilīkṛte 'pi vasudevajanmani / kurubharturaṅgalatayā na tatyaje vikasatkadambanikurambacārutā

Sanskrit only: no published translation is held for this verse.

इतरानपि क्षितिभुजो ऽनुजन्मनः प्रमनाः प्रमोदपरिफुल्लचक्षुषः । स यथोचितं जनसभाजनोचितः प्रसभोद्धृतासुरसभो ऽसभाजयत्

itarānapi kṣitibhujo 'nujanmanaḥ pramanāḥ pramodapariphullacakṣuṣaḥ / sa yathocitaṃ janasabhājanocitaḥ prasabhoddhṛtāsurasabho 'sabhājayat

Sanskrit only: no published translation is held for this verse.

समपेत्य तुल्यमहसः शिलाघनान्घनपक्षदीर्घतरबाहुशालिनः । परिशिश्लिषुः क्षितिपतीन्क्षितीश्वराः कुलिशात्परेण गिरयो गिरीनिव

samapetya tulyamahasaḥ śilāghanānghanapakṣadīrghatarabāhuśālinaḥ / pariśiśliṣuḥ kṣitipatīnkṣitīśvarāḥ kuliśātpareṇa girayo girīniva

Sanskrit only: no published translation is held for this verse.

इभकुम्भतुंङ्गकठिनेतरेतरस्तनभारदूरविनिवारितोदराः । परिफुल्लगण्डफलकाः परस्परं परिरेभिरे कुकुरकौरवस्त्रियः

ibhakumbhatuṃṅgakaṭhinetaretarastanabhāradūravinivāritodarāḥ / pariphullagaṇḍaphalakāḥ parasparaṃ parirebhire kukurakauravastriyaḥ

Sanskrit only: no published translation is held for this verse.

रथवाजिपत्तिकरिणीसमाकुलं तदनीकयोः समगत द्वयं मिथः । दधिरे पृथक्करिण एव दूरतो महतां हि सर्वमथवा जनातिगम्

rathavājipattikariṇīsamākulaṃ tadanīkayoḥ samagata dvayaṃ mithaḥ / dadhire pṛthakkariṇa eva dūrato mahatāṃ hi sarvamathavā janātigam

Sanskrit only: no published translation is held for this verse.

अधिरुह्यतामिति महीभृतोदितः कपिकेतुनार्पितकरो रथं हरिः । अवलम्बितैलविलपाणिपल्लवः श्रयति स्म मेघमिव मेघवाहनः

adhiruhyatāmiti mahībhṛtoditaḥ kapiketunārpitakaro rathaṃ hariḥ / avalambitailavilapāṇipallavaḥ śrayati sma meghamiva meghavāhanaḥ

Sanskrit only: no published translation is held for this verse.

रथमास्थितस्य च पुराभिवर्तिनस्तिसृणां पुरामिव रिपोर्मुरद्विषः । अथ धर्ममूर्तिरनुरागभावितः स्वयमादित प्रवयणं प्रजापतिः

rathamāsthitasya ca purābhivartinastisṛṇāṃ purāmiva ripormuradviṣaḥ / atha dharmamūrtiranurāgabhāvitaḥ svayamādita pravayaṇaṃ prajāpatiḥ

Sanskrit only: no published translation is held for this verse.

शनकैरथास्य तनुजालकान्तरस्फुरितक्षपाकरकरोत्कराकृति । पृथुफेनकूटमिव निम्नगापतेर्मरुतश्च सूनुरघुवत्प्रकीर्णकम्

śanakairathāsya tanujālakāntarasphuritakṣapākarakarotkarākṛti / pṛthuphenakūṭamiva nimnagāpatermarutaśca sūnuraghuvatprakīrṇakam

Sanskrit only: no published translation is held for this verse.

विकसत्कलायकुसुमासितद्युतेरलघूडुपाण्डु जगतामधीशितुः । यमुनाह्रदोपरिगहंसमण्डलद्युतिजिष्णु जिष्णुरभृतोष्णवारणम्

vikasatkalāyakusumāsitadyuteralaghūḍupāṇḍu jagatāmadhīśituḥ / yamunāhradoparigahaṃsamaṇḍaladyutijiṣṇu jiṣṇurabhṛtoṣṇavāraṇam

Sanskrit only: no published translation is held for this verse.

पवनात्मजेन्द्रसुतमध्यवर्तिना नितरामरोचि रुचिरेण चक्रिणा । दधतेव योगमुभयग्रहान्तरस्थितिकारितं दुरुधराख्यमिन्दुना

pavanātmajendrasutamadhyavartinā nitarāmaroci rucireṇa cakriṇā / dadhateva yogamubhayagrahāntarasthitikāritaṃ durudharākhyamindunā

Sanskrit only: no published translation is held for this verse.

वशिनं क्षितेरयनयाविवेश्वरं नियमो यमश्च नियतं यतिं यथा । विजयश्रिया वृतमिवार्कमारुतावनुसस्रतुस्तमथ दस्रयोः सुतौ

vaśinaṃ kṣiterayanayāviveśvaraṃ niyamo yamaśca niyataṃ yatiṃ yathā / vijayaśriyā vṛtamivārkamārutāvanusasratustamatha dasrayoḥ sutau

Sanskrit only: no published translation is held for this verse.

मुदितैस्तदेति दितिजन्मनांरिपावविनीयसम्भ्रमविकासिभक्तिभिः । उपसेदिवद्भिरुपदेष्टरीव तैर्ववृते विनीतमविनीतशासिभिः

muditaistadeti ditijanmanāṃripāvavinīyasambhramavikāsibhaktibhiḥ / upasedivadbhirupadeṣṭarīva tairvavṛte vinītamavinītaśāsibhiḥ

Sanskrit only: no published translation is held for this verse.

गतयोरभेदमिति सैन्ययोस्तयोरथ भानुतजह्नुतनयाम्भसोरिव । प्रतिनादितामरविमानमानकैर्नितरां मुदा परमयेव दध्वने

gatayorabhedamiti sainyayostayoratha bhānutajahnutanayāmbhasoriva / pratināditāmaravimānamānakairnitarāṃ mudā paramayeva dadhvane

Sanskrit only: no published translation is held for this verse.

मखमाक्षितुं क्षितिपतेरुपेयुषां परितः प्रकल्पितनिकेतनं बहिः । उपरुध्यमानमिव भूभृतां बलैः पुटभेदनं दनुसुतारिरैक्षत

makhamākṣituṃ kṣitipaterupeyuṣāṃ paritaḥ prakalpitaniketanaṃ bahiḥ / uparudhyamānamiva bhūbhṛtāṃ balaiḥ puṭabhedanaṃ danusutāriraikṣata

Sanskrit only: no published translation is held for this verse.

प्रतिनादपूरितदिगन्तरः पतन्पुरगोपुरं प्रति स सैन्यसागरः । रुरुचे हिमाचलगुहामुखोन्मुखः पयसां प्रवाह इव सौरसैन्धवः

pratinādapūritadigantaraḥ patanpuragopuraṃ prati sa sainyasāgaraḥ / ruruce himācalaguhāmukhonmukhaḥ payasāṃ pravāha iva saurasaindhavaḥ

Sanskrit only: no published translation is held for this verse.

असकृद्गृहीतबहुदेहसम्भवस्तदसौ विभक्तनवगोपुरान्तरम् । पुरुषः पुरं प्रविशति स्म पञ्चभिः सममिन्द्रियैरिव नरेन्द्रसूनुभिः

asakṛdgṛhītabahudehasambhavastadasau vibhaktanavagopurāntaram / puruṣaḥ puraṃ praviśati sma pañcabhiḥ samamindriyairiva narendrasūnubhiḥ

Sanskrit only: no published translation is held for this verse.

तनुभिस्त्रिनेत्रनयनानवेक्षितस्मरविग्रहद्युतिभिरद्युतन्नराः । प्रमदाश्च यत्र खलु राजयक्ष्मणः परतो निशाकरमनोरमैर्मुखैः

tanubhistrinetranayanānavekṣitasmaravigrahadyutibhiradyutannarāḥ / pramadāśca yatra khalu rājayakṣmaṇaḥ parato niśākaramanoramairmukhaiḥ

Sanskrit only: no published translation is held for this verse.

अवलोकनाय सुरविद्विषां द्विषः पटहप्रणादविहितोपहूतयः । अवधीरितान्यकरणीयसत्वराः प्रतिरथ्यमीयुरथ पौरयोषितः

avalokanāya suravidviṣāṃ dviṣaḥ paṭahapraṇādavihitopahūtayaḥ / avadhīritānyakaraṇīyasatvarāḥ pratirathyamīyuratha paurayoṣitaḥ

Sanskrit only: no published translation is held for this verse.

अभिवीक्ष्य सामिकृतमण्डनं यतीः कररुद्धनीविगलदंशुकाः स्त्रियः । दधिरे ऽधिभित्ति पटहप्रतिस्वनैः स्फुटमट्टहासमिव सौधपङ्क्त्यः

abhivīkṣya sāmikṛtamaṇḍanaṃ yatīḥ kararuddhanīvigaladaṃśukāḥ striyaḥ / dadhire 'dhibhitti paṭahapratisvanaiḥ sphuṭamaṭṭahāsamiva saudhapaṅktyaḥ

Sanskrit only: no published translation is held for this verse.

रभसेन हारपददन्तकाञ्चयः प्रतिमूर्धजं निहितकर्णपूरकाः । परिवर्तिताम्बरयुगाः समापतन्वलयीकृतश्रवणपूरकाः स्त्रियः

rabhasena hārapadadantakāñcayaḥ pratimūrdhajaṃ nihitakarṇapūrakāḥ / parivartitāmbarayugāḥ samāpatanvalayīkṛtaśravaṇapūrakāḥ striyaḥ

Sanskrit only: no published translation is held for this verse.

व्यतनोदपास्य चरणं प्रसाधिकाकरपल्लवाद्रसवशेन काचन । द्रुतयावकैकपदचित्रितावनिं पदवीं गतेव गिरिजा हरार्धताम्

vyatanodapāsya caraṇaṃ prasādhikākarapallavādrasavaśena kācana / drutayāvakaikapadacitritāvaniṃ padavīṃ gateva girijā harārdhatām

Sanskrit only: no published translation is held for this verse.

व्यचलन्विशङ्कटकटीरकस्थलीशिखरस्खलन्मुखरमेखलाकुलाः । भवनानि तुङ्गतपनीयसंक्रमक्रमणक्वणत्कनकनूपुराः स्त्रियः

vyacalanviśaṅkaṭakaṭīrakasthalīśikharaskhalanmukharamekhalākulāḥ / bhavanāni tuṅgatapanīyasaṃkramakramaṇakvaṇatkanakanūpurāḥ striyaḥ

Sanskrit only: no published translation is held for this verse.

अधिरुक्ममन्दिरगवाक्षमुल्लसत्सदृशो रराज मुरजिद्दिदृक्षया । वदनारविन्दमुदयाद्रिकन्दराविवरोदरस्थतमिवेन्दुमण्डलम्

adhirukmamandiragavākṣamullasatsadṛśo rarāja murajiddidṛkṣayā / vadanāravindamudayādrikandarāvivarodarasthatamivendumaṇḍalam

Sanskrit only: no published translation is held for this verse.

अधिरूढया निजनिकेतमुच्चकैः पवनावधूतवसनान्तयैकया । विहितोपशोभमुपयाति माधवे नगरं व्यरोचत पताकयेव तत्

adhirūḍhayā nijaniketamuccakaiḥ pavanāvadhūtavasanāntayaikayā / vihitopaśobhamupayāti mādhave nagaraṃ vyarocata patākayeva tat

Sanskrit only: no published translation is held for this verse.

करयुग्मपद्ममुकुलापवर्जितैः प्रतिवेश्म लाजकुसमैरवाकिरन् । अवदीर्णशुक्तिपुटमुक्तमौक्तिकप्रकरैरिव प्रियरथाङ्गमङ्गनाः

karayugmapadmamukulāpavarjitaiḥ prativeśma lājakusamairavākiran / avadīrṇaśuktipuṭamuktamauktikaprakarairiva priyarathāṅgamaṅganāḥ

Sanskrit only: no published translation is held for this verse.

हिममुक्तचन्द्ररुचिरः सपद्मको मदयन्द्विजाञ्जनितमीनकेतनः । अभवत्प्रसादितसुरो महोत्सवः प्रमदाजनस्य स चिराय माधवः

himamuktacandraruciraḥ sapadmako madayandvijāñjanitamīnaketanaḥ / abhavatprasāditasuro mahotsavaḥ pramadājanasya sa cirāya mādhavaḥ

Sanskrit only: no published translation is held for this verse.

धरणीधरेन्द्रहितुर्भयादसौविषमेक्षणः स्फुटममूर्न पश्यति । मदनेनवीतभयमित्यधिष्ठिताः क्षणमीक्षते स्म स पुरोविलासिनीः

dharaṇīdharendrahiturbhayādasauviṣamekṣaṇaḥ sphuṭamamūrna paśyati / madanenavītabhayamityadhiṣṭhitāḥ kṣaṇamīkṣate sma sa purovilāsinīḥ

Sanskrit only: no published translation is held for this verse.

विपुलेन सागरशयस्यकुक्षिणा भुवनानि यस्य पपिरे युगक्षये । मदविभ्रमासकलया पपे पुनः स पुरस्त्रियैकतमयैकया दृशा

vipulena sāgaraśayasyakukṣiṇā bhuvanāni yasya papire yugakṣaye / madavibhramāsakalayā pape punaḥ sa purastriyaikatamayaikayā dṛśā

Sanskrit only: no published translation is held for this verse.

अधिकोन्नमद्घनपयोधरं मुहुः प्रचलत्कलापिकलशङ्खकस्वना । अभिकृष्णमङ्गुलिमुखेन काचन द्रुतमेककर्णविवरं व्यघट्टयत्

adhikonnamadghanapayodharaṃ muhuḥ pracalatkalāpikalaśaṅkhakasvanā / abhikṛṣṇamaṅgulimukhena kācana drutamekakarṇavivaraṃ vyaghaṭṭayat

Sanskrit only: no published translation is held for this verse.

परिपाटलाब्जदलचारुणासकृच्चलिताङ्गुलीकिसलयेन पाणिना । सशिरःप्रकम्पमपरा रिपुं मधोरनुदीर्णवर्णनिभृतार्थमाह्वयत्

paripāṭalābjadalacāruṇāsakṛccalitāṅgulīkisalayena pāṇinā / saśiraḥprakampamaparā ripuṃ madhoranudīrṇavarṇanibhṛtārthamāhvayat

Sanskrit only: no published translation is held for this verse.

नलिनान्तिकोपहितपल्लवश्रिया व्यवधाय चारु मुखमेकपाणिना । स्फुरिताङ्गुलीविवरनिःसृतोल्लसद्दशनप्रभाङ्गुरमजृम्भतापरा

nalināntikopahitapallavaśriyā vyavadhāya cāru mukhamekapāṇinā / sphuritāṅgulīvivaraniḥsṛtollasaddaśanaprabhāṅguramajṛmbhatāparā

Sanskrit only: no published translation is held for this verse.

वलयार्पितासितमहोपलप्रभाबहुलीकृतप्रतनुरोमराजिना । हरिवीक्षणाक्षणिकचक्षुषान्यया करपल्लवेन गलदम्बरं दधे

valayārpitāsitamahopalaprabhābahulīkṛtapratanuromarājinā / harivīkṣaṇākṣaṇikacakṣuṣānyayā karapallavena galadambaraṃ dadhe

Sanskrit only: no published translation is held for this verse.

निजसौरभभ्रमितभृङ्गपक्षतिव्यजनानिलक्षयितघर्मवारिणः । अभिशौरि काचिदनिमेषदृष्टिना पुरदेवतेव वपुषा व्यभाव्यत

nijasaurabhabhramitabhṛṅgapakṣativyajanānilakṣayitagharmavāriṇaḥ / abhiśauri kācidanimeṣadṛṣṭinā puradevateva vapuṣā vyabhāvyata

Sanskrit only: no published translation is held for this verse.

अभियाति नः सतृष एव चक्षुषो हरिरित्यखिद्यत नितम्बिनीजनः । न विवेद यः सततमेनमीक्षते न वितृष्णतां व्रजति खल्वसावपि

abhiyāti naḥ satṛṣa eva cakṣuṣo harirityakhidyata nitambinījanaḥ / na viveda yaḥ satatamenamīkṣate na vitṛṣṇatāṃ vrajati khalvasāvapi

Sanskrit only: no published translation is held for this verse.

अकृतस्वसद्मगमनादरः क्षणं लिपिकर्मनिर्मित इव व्यतिष्ठत । गतमच्युतेन सह शून्यतां गतः प्रतिपालयन्मन इवाङ्गनाजनः

akṛtasvasadmagamanādaraḥ kṣaṇaṃ lipikarmanirmita iva vyatiṣṭhata / gatamacyutena saha śūnyatāṃ gataḥ pratipālayanmana ivāṅganājanaḥ

Sanskrit only: no published translation is held for this verse.

अलसैर्मदेन सुदृशः शरीरकैः स्वगृहान्प्रति प्रतिययुः शनैः शनैः । अलघुप्रसारित विलोचनाञ्जलिद्रुतपीतमाधवरसौघनिर्भरैः

alasairmadena sudṛśaḥ śarīrakaiḥ svagṛhānprati pratiyayuḥ śanaiḥ śanaiḥ / alaghuprasārita vilocanāñjalidrutapītamādhavarasaughanirbharaiḥ

Sanskrit only: no published translation is held for this verse.

नवगन्धवारिविरजीकृताः पुरो घनधूपधूम कृतरेणुविभ्रमाः । प्रचुरोद्धतध्वजविलम्बिवाससः पुरवीथयो ऽथ हरिणातिपेतिरे

navagandhavārivirajīkṛtāḥ puro ghanadhūpadhūma kṛtareṇuvibhramāḥ / pracuroddhatadhvajavilambivāsasaḥ puravīthayo 'tha hariṇātipetire

Sanskrit only: no published translation is held for this verse.

उपनीय बिन्दुसरसो मयेन या मणिदारु चारु किल वार्षपर्वणम् । विदधे ऽवधूतसुरसद्मसम्पदं समुपासदत्सपदि संसदं स ताम्

upanīya bindusaraso mayena yā maṇidāru cāru kila vārṣaparvaṇam / vidadhe 'vadhūtasurasadmasampadaṃ samupāsadatsapadi saṃsadaṃ sa tām

Sanskrit only: no published translation is held for this verse.

अधिरात्रि यत्र निपतन्नभोलिहां कलधौतधौतशिलावेश्मनां रुचौ । पुनरप्यवापदिव दुग्धवारिधिक्षणगर्भवासमनिदाघदीधितिः

adhirātri yatra nipatannabholihāṃ kaladhautadhautaśilāveśmanāṃ rucau / punarapyavāpadiva dugdhavāridhikṣaṇagarbhavāsamanidāghadīdhitiḥ

Sanskrit only: no published translation is held for this verse.

लयनेषु लोहितकनिर्मिता भुवः शितिरत्नरश्मिहरितीकृतान्तराः । जमदग्निसूनुपितृतर्पणीरपोवहति स्म या विरलशैवला इव

layaneṣu lohitakanirmitā bhuvaḥ śitiratnaraśmiharitīkṛtāntarāḥ / jamadagnisūnupitṛtarpaṇīrapovahati sma yā viralaśaivalā iva

Sanskrit only: no published translation is held for this verse.

विशदाश्मकूटघटिताः क्षपाकृतः क्षणदासु यत्र च रुचेकतां गताः । गृहपङ्क्तयश्चिरमतीयिरे जनैस्तमसीव हस्तपरिमर्शसूचिताः

viśadāśmakūṭaghaṭitāḥ kṣapākṛtaḥ kṣaṇadāsu yatra ca rucekatāṃ gatāḥ / gṛhapaṅktayaściramatīyire janaistamasīva hastaparimarśasūcitāḥ

Sanskrit only: no published translation is held for this verse.

निलयेषुनक्तमसिताश्मनां चयैर्बिसिनीवधूपरिभवस्पुटागसः । मुहरत्रसद्भिरपि यत्र गौरवाच्छशलाञ्छनांशव उपांशु जध्निरे

nilayeṣunaktamasitāśmanāṃ cayairbisinīvadhūparibhavaspuṭāgasaḥ / muharatrasadbhirapi yatra gauravācchaśalāñchanāṃśava upāṃśu jadhnire

Sanskrit only: no published translation is held for this verse.

सुखिनः पुरो ऽभिमुखतामुपागतैः प्रतिमासु यत्र गृहरत्नभित्तिषु । नवसङ्गमैरबिभरुः प्रियाजनैः प्रमदं त्रपाभरपराङ्मुखैरपि

sukhinaḥ puro 'bhimukhatāmupāgataiḥ pratimāsu yatra gṛharatnabhittiṣu / navasaṅgamairabibharuḥ priyājanaiḥ pramadaṃ trapābharaparāṅmukhairapi

Sanskrit only: no published translation is held for this verse.

तृणवाञ्छया मुहुरवाञ्चिताननान्निचयेषु यत्र हरिताश्मवेश्मनाम् । रसनाग्रलग्नकिरणाङ्कुराञ्जनो हरिणान्गृहीतकवलानिवैक्षत

tṛṇavāñchayā muhuravāñcitānanānnicayeṣu yatra haritāśmaveśmanām / rasanāgralagnakiraṇāṅkurāñjano hariṇāngṛhītakavalānivaikṣata

Sanskrit only: no published translation is held for this verse.

विपुलालवालभृतवारिदर्पणप्रतिमागतैरभिविरेजुरात्मभिः । यदुपान्तिकेषु दधतो महीरुहः सपलाशराशिमिव मूलसंहतिम्

vipulālavālabhṛtavāridarpaṇapratimāgatairabhivirejurātmabhiḥ / yadupāntikeṣu dadhato mahīruhaḥ sapalāśarāśimiva mūlasaṃhatim

Sanskrit only: no published translation is held for this verse.

उरगेन्द्रमूर्धरुहरत्नसन्निधेर्मुहुरुन्नतस्य रसितैः पयोमुचः । अभवन्यदङ्गणभुवः समुच्छ्वसन्नववालवायजमणिस्थलाङ्कुराः

uragendramūrdharuharatnasannidhermuhurunnatasya rasitaiḥ payomucaḥ / abhavanyadaṅgaṇabhuvaḥ samucchvasannavavālavāyajamaṇisthalāṅkurāḥ

Sanskrit only: no published translation is held for this verse.

नलिनी निगूढसलिला च यत्र सा स्थलमित्यधः पतति या सुयोधने । अनिलात्मजप्रहसनाकुलाखिलक्षितिपक्षयागमनिमित्ततां ययौ

nalinī nigūḍhasalilā ca yatra sā sthalamityadhaḥ patati yā suyodhane / anilātmajaprahasanākulākhilakṣitipakṣayāgamanimittatāṃ yayau

Sanskrit only: no published translation is held for this verse.

हसितुं परेण परितः परिस्फुरत्करवालकोमलरुचावुपेक्षितैः । उदकर्षि यत्र जलशङ्कया जनैर्मुहुरिन्द्रनीलभुवि दूरमम्बरम्

hasituṃ pareṇa paritaḥ parisphuratkaravālakomalarucāvupekṣitaiḥ / udakarṣi yatra jalaśaṅkayā janairmuhurindranīlabhuvi dūramambaram

Sanskrit only: no published translation is held for this verse.

अभितः सदो ऽथ हरिपाण्डवौ रथादमलांशुमण्डलसमुल्लसत्तनू । अवतेरतुर्नयननन्दनौ नभः शशिभार्गवावुदयपर्वतादिव

abhitaḥ sado 'tha haripāṇḍavau rathādamalāṃśumaṇḍalasamullasattanū / avateraturnayananandanau nabhaḥ śaśibhārgavāvudayaparvatādiva

Sanskrit only: no published translation is held for this verse.

तदलक्ष्यरत्नमयकुड्यमादरादभिधातरीत इत इत्यथो नृपे । धवलाश्मरश्मिपटलाविभावितप्रतिहारमाविशदसौ सदः शनैः

tadalakṣyaratnamayakuḍyamādarādabhidhātarīta ita ityatho nṛpe / dhavalāśmaraśmipaṭalāvibhāvitapratihāramāviśadasau sadaḥ śanaiḥ

Sanskrit only: no published translation is held for this verse.

नवहाटकेष्टकचितं ददर्श स क्षितिपस्य पस्त्यमथ तत्र संसदि । गगनस्पृशां मणिरुचां चयेन यत्सदनान्युदयस्मयत नाकिनामपि

navahāṭakeṣṭakacitaṃ dadarśa sa kṣitipasya pastyamatha tatra saṃsadi / gaganaspṛśāṃ maṇirucāṃ cayena yatsadanānyudayasmayata nākināmapi

Sanskrit only: no published translation is held for this verse.

उदयाद्रिमूर्ध्नि युगपच्चकासतोर्दिननाथपूर्णशशिनोरसम्भवाम् । रुचिमासने रुचिरधाम्नि बिभ्रतावलघुन्यथ न्यषदतां नृपाच्युतौ

udayādrimūrdhni yugapaccakāsatordinanāthapūrṇaśaśinorasambhavām / rucimāsane ruciradhāmni bibhratāvalaghunyatha nyaṣadatāṃ nṛpācyutau

Sanskrit only: no published translation is held for this verse.

सुतरां सुखेन सकलक्लमच्छिदा सनिदाधमङ्गमिव मातरिश्वना । यदुनन्दनेन तदुदन्वतः पयः शसिनेव राजकुलमाप नन्दथुम्

sutarāṃ sukhena sakalaklamacchidā sanidādhamaṅgamiva mātariśvanā / yadunandanena tadudanvataḥ payaḥ śasineva rājakulamāpa nandathum

Sanskrit only: no published translation is held for this verse.

अनवद्यवाद्यलयगामि कोमलं नवगीतमप्यनवगीततां दधत् । स्फुटसात्विकाङ्गिकमनृत्यदुज्ज्वलं सविलासलासिकविलासनीजनः

anavadyavādyalayagāmi komalaṃ navagītamapyanavagītatāṃ dadhat / sphuṭasātvikāṅgikamanṛtyadujjvalaṃ savilāsalāsikavilāsanījanaḥ

Sanskrit only: no published translation is held for this verse.

सकले च तत्र गृहमागते हरौ नगरे ऽप्यकालमहमादिदेश सः । सततोत्सवं तदिति नूनन्मुन्मुदो रभसेन विस्मृतमभून्महीभृतः

sakale ca tatra gṛhamāgate harau nagare 'pyakālamahamādideśa saḥ / satatotsavaṃ taditi nūnanmunmudo rabhasena vismṛtamabhūnmahībhṛtaḥ

Sanskrit only: no published translation is held for this verse.

हरिराकुमारमखिलाभिधानवित्स्वजनस्य वार्तमयमयमन्वयुङ्क्त च । महतीमपि श्रियमवाप्य विस्मयः सुजनो न विस्मरति जातु किञ्चन

harirākumāramakhilābhidhānavitsvajanasya vārtamayamayamanvayuṅkta ca / mahatīmapi śriyamavāpya vismayaḥ sujano na vismarati jātu kiñcana

Sanskrit only: no published translation is held for this verse.

मर्त्यलोकदुरवापमवाप्तरसोदयं नूतनत्वमतिरिक्ततयानुपदं दधत् । श्रीपतिः पतिरसाववनेश्च परस्परं सङ्कथामृतमनेकमसिस्वदताममुभौ

martyalokaduravāpamavāptarasodayaṃ nūtanatvamatiriktatayānupadaṃ dadhat / śrīpatiḥ patirasāvavaneśca parasparaṃ saṅkathāmṛtamanekamasisvadatāmamubhau

Sanskrit only: no published translation is held for this verse.