Magha: Sisupalavadha 20

मुखमुल्लसितत्रिरेखमुच्चैर्भिदुरभ्रूयुगभीषणं दधानः । समिताविति विक्रमानमृष्यन्गतभीराह्वतचेदिराण्मुरारिम्

mukhamullasitatrirekhamuccairbhidurabhrūyugabhīṣaṇaṃ dadhānaḥ / samitāviti vikramānamṛṣyangatabhīrāhvatacedirāṇmurārim

Sanskrit only: no published translation is held for this verse.

शितचक्रनिपातसंप्रतीक्ष्यं वहतः स्कन्धगतं च तस्य मृत्युम् । अभिशौरि रथो ऽथनोदिताश्वः प्रययौ सारथिरूपया नियत्या

śitacakranipātasaṃpratīkṣyaṃ vahataḥ skandhagataṃ ca tasya mṛtyum / abhiśauri ratho 'thanoditāśvaḥ prayayau sārathirūpayā niyatyā

Sanskrit only: no published translation is held for this verse.

अभिचैद्यमगाद्रथो ऽपि शौरेरवनिं जागुडकुङ्कुमाभिताम्रैः । गुरनेमिनिपीडनावदीर्णव्यसुदेहस्रुतशोणितैर्विलिम्पन्

abhicaidyamagādratho 'pi śaureravaniṃ jāguḍakuṅkumābhitāmraiḥ / guraneminipīḍanāvadīrṇavyasudehasrutaśoṇitairvilimpan

Sanskrit only: no published translation is held for this verse.

स निरायतकेतनांशुकान्तः कलनिक्वाणकरालकिङ्किणीकः । विरराज रिपुक्षयप्रतिज्ञामुखरो मुक्तशिखः स्वयं नु मृत्युः

sa nirāyataketanāṃśukāntaḥ kalanikvāṇakarālakiṅkiṇīkaḥ / virarāja ripukṣayapratijñāmukharo muktaśikhaḥ svayaṃ nu mṛtyuḥ

Sanskrit only: no published translation is held for this verse.

सजलाम्बुधरारवानुकारी ध्वनिरापूरितदिङ्मुखो रथस्य । प्रगुणीकृतकेकमूर्ध्वकण्ठैः शितिकण्ठैरुपकर्णयाम्बभूवे

sajalāmbudharāravānukārī dhvanirāpūritadiṅmukho rathasya / praguṇīkṛtakekamūrdhvakaṇṭhaiḥ śitikaṇṭhairupakarṇayāmbabhūve

Sanskrit only: no published translation is held for this verse.

अभिवीक्ष्य विदर्भराजपुत्रीकुचकाश्मीरजचिह्नमच्युतोरः । चिरसेवितयापि चेदिराजः सहसावाप रुषा तदैव योगम्

abhivīkṣya vidarbharājaputrīkucakāśmīrajacihnamacyutoraḥ / cirasevitayāpi cedirājaḥ sahasāvāpa ruṣā tadaiva yogam

Sanskrit only: no published translation is held for this verse.

जनिताशनिशब्दशङ्कमुच्चैर्धनुरास्फालितमध्वनन्नृपेण । चपलानिलचोद्यमानकल्पक्षयकालाग्निशिखानिभस्फुरज्ज्यम्

janitāśaniśabdaśaṅkamuccairdhanurāsphālitamadhvanannṛpeṇa / capalānilacodyamānakalpakṣayakālāgniśikhānibhasphurajjyam

Sanskrit only: no published translation is held for this verse.

समकालमिवाभिलक्षणीयग्रहसंधानविकर्षणापवर्गैः । अथ साभिसारं शरैस्तरस्वी स तिरस्कर्तुमुपेन्द्रमध्यवर्षत्

samakālamivābhilakṣaṇīyagrahasaṃdhānavikarṣaṇāpavargaiḥ / atha sābhisāraṃ śaraistarasvī sa tiraskartumupendramadhyavarṣat

Sanskrit only: no published translation is held for this verse.

ऋजुताफलयोगशुद्धिभाजां गुरुपक्षाश्रयिणां शिलीमुखानाम् । गुणिना नतिमागतेन सन्धिः सह चापेन समञ्जसो बभूव

ṛjutāphalayogaśuddhibhājāṃ gurupakṣāśrayiṇāṃ śilīmukhānām / guṇinā natimāgatena sandhiḥ saha cāpena samañjaso babhūva

Sanskrit only: no published translation is held for this verse.

अविषह्यतमे कृताधिकारं वशिना कर्मणि चेदिपार्थिवेन । अरसद्धनुरुच्चकैदृढार्तिप्रसभाकर्षणवेपमानजीवम्

aviṣahyatame kṛtādhikāraṃ vaśinā karmaṇi cedipārthivena / arasaddhanuruccakaidṛḍhārtiprasabhākarṣaṇavepamānajīvam

Sanskrit only: no published translation is held for this verse.

अनुसन्ततिपातिनः पटुत्वं दधतः शुद्धिभृतो गृहीतपक्षाः । वदनादिव वादिनो ऽथ शब्दाः क्षितिभर्तुर्धनुषः शराः प्रसस्रुः

anusantatipātinaḥ paṭutvaṃ dadhataḥ śuddhibhṛto gṛhītapakṣāḥ / vadanādiva vādino 'tha śabdāḥ kṣitibharturdhanuṣaḥ śarāḥ prasasruḥ

Sanskrit only: no published translation is held for this verse.

गवलासितकान्ति तस्य मध्यस्थितघोरायतबाहुदण्डनासम् । ददृशे कुपितान्तकोन्न्मद्भ्रूयुगभीमाकृति कार्मुकं जनेन

gavalāsitakānti tasya madhyasthitaghorāyatabāhudaṇḍanāsam / dadṛśe kupitāntakonnmadbhrūyugabhīmākṛti kārmukaṃ janena

Sanskrit only: no published translation is held for this verse.

तडिदुज्ज्वलजातरूपपुङ्खैः खमयःश्याममुखैरभिध्वनद्भिः । जलदैरिव रंहसा पतद्भिः पिदधे संहतिशालिभिः शरौघैः

taḍidujjvalajātarūpapuṅkhaiḥ khamayaḥśyāmamukhairabhidhvanadbhiḥ / jaladairiva raṃhasā patadbhiḥ pidadhe saṃhatiśālibhiḥ śaraughaiḥ

Sanskrit only: no published translation is held for this verse.

शितशल्यमुखावदीर्णमेघक्षरदम्भः स्फुटतीव्रवेदनानाम् । स्रवदस्रुततीव चक्रवालं ककुभामौर्णविषुः सुवर्णपुङ्खाः

śitaśalyamukhāvadīrṇameghakṣaradambhaḥ sphuṭatīvravedanānām / sravadasrutatīva cakravālaṃ kakubhāmaurṇaviṣuḥ suvarṇapuṅkhāḥ

Sanskrit only: no published translation is held for this verse.

अमनोरमतां यती जनस्य क्षणमालोकपथान्नभः सदां वा । रुरुधे पिहिताहिमद्युतिर्धीर्विशिखैरन्तरिता च्युता धरित्रत्री

amanoramatāṃ yatī janasya kṣaṇamālokapathānnabhaḥ sadāṃ vā / rurudhe pihitāhimadyutirdhīrviśikhairantaritā cyutā dharitratrī

Sanskrit only: no published translation is held for this verse.

विनिवारितभानुतापमेकं सकलस्यापि मुरद्विषो बलस्य । शरजालमयं समं समन्तादुरु सद्मेव नराधिपेन तेने

vinivāritabhānutāpamekaṃ sakalasyāpi muradviṣo balasya / śarajālamayaṃ samaṃ samantāduru sadmeva narādhipena tene

Sanskrit only: no published translation is held for this verse.

इति चेदिमहीभृता तदानीं तदनीकं दनुसूनुसूदनस्य । वयसमिव चक्रमक्रियाकं परितो ऽरोधि विपाटपञ्चरेण

iti cedimahībhṛtā tadānīṃ tadanīkaṃ danusūnusūdanasya / vayasamiva cakramakriyākaṃ parito 'rodhi vipāṭapañcareṇa

Sanskrit only: no published translation is held for this verse.

इषुवर्षमनेकमेकवीरस्तदरिप्रच्युतमच्युतः पृषत्कैः । अथ वादिकृतं प्रमाणमन्यैः प्रतिवादीव निराकरोत्प्रमाणैः

iṣuvarṣamanekamekavīrastadaripracyutamacyutaḥ pṛṣatkaiḥ / atha vādikṛtaṃ pramāṇamanyaiḥ prativādīva nirākarotpramāṇaiḥ

Sanskrit only: no published translation is held for this verse.

प्रतिकुञ्चितकूर्परेण तेन श्रवणोपान्तिकनीयमानगव्यम् । ध्वनति स्म धनुर्घनान्तमत्तप्रचुरक्रौञ्चरवानुकारमुच्चैः

pratikuñcitakūrpareṇa tena śravaṇopāntikanīyamānagavyam / dhvanati sma dhanurghanāntamattapracurakrauñcaravānukāramuccaiḥ

Sanskrit only: no published translation is held for this verse.

उरसा विततेन पातितांसः स मयूराञ्चितमस्तकस्तदानीम् । क्षणमालिखितो नु सौष्ठवेन स्थिरपूर्वापरमुष्टिराबभौ वा

urasā vitatena pātitāṃsaḥ sa mayūrāñcitamastakastadānīm / kṣaṇamālikhito nu sauṣṭhavena sthirapūrvāparamuṣṭirābabhau vā

Sanskrit only: no published translation is held for this verse.

ध्वनतो नितरां रयेण गुर्व्यस्तडिदाकारचलद्गुणादसंख्याः । इषवो धनुषः सशब्दमाशु न्यपतन्नम्बुधरादिवाम्बुधराः

dhvanato nitarāṃ rayeṇa gurvyastaḍidākāracaladguṇādasaṃkhyāḥ / iṣavo dhanuṣaḥ saśabdamāśu nyapatannambudharādivāmbudharāḥ

Sanskrit only: no published translation is held for this verse.

शिखरोन्नतनिष्ठुरांसपीठः स्थगयन्नेकदिगन्तमायतान्तः । निरवर्णि सकृत्प्रसारितो ऽस्य क्षितिभर्तेव चमूभिरेकबाहुः

śikharonnataniṣṭhurāṃsapīṭhaḥ sthagayannekadigantamāyatāntaḥ / niravarṇi sakṛtprasārito 'sya kṣitibharteva camūbhirekabāhuḥ

Sanskrit only: no published translation is held for this verse.

तमकुण्ठमुखाः सुपर्णकेतोरिषवः क्षिप्तमिषुव्रजं परेण । विभिदामनयन्त कृत्यपक्षं नृपतेर्नेतुरिवायथार्थवर्णाः

tamakuṇṭhamukhāḥ suparṇaketoriṣavaḥ kṣiptamiṣuvrajaṃ pareṇa / vibhidāmanayanta kṛtyapakṣaṃ nṛpaterneturivāyathārthavarṇāḥ

Sanskrit only: no published translation is held for this verse.

दयितैरिव खण्डिता मुरारेर्विशिखैः संमुखमुज्ज्वलाङ्गलेखैः । लघिमानमुपेयुषी पृथिव्यां विफला शत्रुशरावलिः पपात

dayitairiva khaṇḍitā murārerviśikhaiḥ saṃmukhamujjvalāṅgalekhaiḥ / laghimānamupeyuṣī pṛthivyāṃ viphalā śatruśarāvaliḥ papāta

Sanskrit only: no published translation is held for this verse.

प्रमुखे ऽभिहताश्च पत्रवाहाः प्रसभं माधवमुक्तवत्सदन्तैः । परिपूर्णतरं भुवो गतायाः परतः कातरवत्प्रतीपमीयुः

pramukhe 'bhihatāśca patravāhāḥ prasabhaṃ mādhavamuktavatsadantaiḥ / paripūrṇataraṃ bhuvo gatāyāḥ parataḥ kātaravatpratīpamīyuḥ

Sanskrit only: no published translation is held for this verse.

इतरेतरत्सन्निकर्षजन्मा गलसंघट्टविकीर्णविस्फुलिङ्गः । पटलानि लिहन्वलाहकानामपरेषु क्षणमज्ज्वलत्कृशानुः

itaretaratsannikarṣajanmā galasaṃghaṭṭavikīrṇavisphuliṅgaḥ / paṭalāni lihanvalāhakānāmapareṣu kṣaṇamajjvalatkṛśānuḥ

Sanskrit only: no published translation is held for this verse.

शरदीव शरश्रिया विभिन्ने विभुना शत्रुशिलीमुखाभ्रजाले । विकसन्मुखवारिजाः प्रकामं बभुराशा इव यादवध्वजिन्यः

śaradīva śaraśriyā vibhinne vibhunā śatruśilīmukhābhrajāle / vikasanmukhavārijāḥ prakāmaṃ babhurāśā iva yādavadhvajinyaḥ

Sanskrit only: no published translation is held for this verse.

स दिवं समचिच्छदच्छरौघैः कृततिग्मद्युतिमण्डलापलापैः । ददृशे ऽथ च तस्य चापयष्ट्यामिषुरेकैव जनै सकृद्विसृष्टा

sa divaṃ samacicchadaccharaughaiḥ kṛtatigmadyutimaṇḍalāpalāpaiḥ / dadṛśe 'tha ca tasya cāpayaṣṭyāmiṣurekaiva janai sakṛdvisṛṣṭā

Sanskrit only: no published translation is held for this verse.

भवति स्फुटमागतो विपक्षान्न सपक्षो ऽपि हि निर्वृतेर्विधाता । शिशुपालबलानि कृष्णमुक्तः सुतरां तेन तताप तोमरौघः

bhavati sphuṭamāgato vipakṣānna sapakṣo 'pi hi nirvṛtervidhātā / śiśupālabalāni kṛṣṇamuktaḥ sutarāṃ tena tatāpa tomaraughaḥ

Sanskrit only: no published translation is held for this verse.

गुरुवेगविराविभिः पतत्रैरिषवः काञ्चनपिङ्गलभासः । विनतासुतवत्तलं भुवः स्म व्यथितभ्रान्तभुजङ्गमं विशन्ति

guruvegavirāvibhiḥ patatrairiṣavaḥ kāñcanapiṅgalabhāsaḥ / vinatāsutavattalaṃ bhuvaḥ sma vyathitabhrāntabhujaṅgamaṃ viśanti

Sanskrit only: no published translation is held for this verse.

शतशः परुषाः पुरो विशङ्कं शिशुपालेन शिलीमुखाः प्रयुक्ताः । परमर्मभिदो ऽपि दानवारेरपराधा इव न व्यथां वितेनुः

śataśaḥ paruṣāḥ puro viśaṅkaṃ śiśupālena śilīmukhāḥ prayuktāḥ / paramarmabhido 'pi dānavāreraparādhā iva na vyathāṃ vitenuḥ

Sanskrit only: no published translation is held for this verse.

विहिताद्भुतलोकसृष्टिमाये जममिच्छन्किल मायया मुरारौ । भुवनक्षयकालयोगनिद्रे नृपतिः स्वापनमस्त्रमाजहार

vihitādbhutalokasṛṣṭimāye jamamicchankila māyayā murārau / bhuvanakṣayakālayoganidre nṛpatiḥ svāpanamastramājahāra

Sanskrit only: no published translation is held for this verse.

सलिलार्द्रवराहदेहनीलो विदधद्भास्करमर्थशून्यसंज्ञम् । प्रचलायतलोचनारविन्दं विदधे तद्बलमन्धकारः

salilārdravarāhadehanīlo vidadhadbhāskaramarthaśūnyasaṃjñam / pracalāyatalocanāravindaṃ vidadhe tadbalamandhakāraḥ

Sanskrit only: no published translation is held for this verse.

गुरवो ऽपि निषद्य यन्निदद्रुर्धनुषि क्ष्मापतयो न वाच्यमेतत् । क्षयितापदि जाग्रतो ऽपि नित्यं ननु तत्रैव हि ते ऽभवन्निषण्णाः

guravo 'pi niṣadya yannidadrurdhanuṣi kṣmāpatayo na vācyametat / kṣayitāpadi jāgrato 'pi nityaṃ nanu tatraiva hi te 'bhavanniṣaṇṇāḥ

Sanskrit only: no published translation is held for this verse.

श्लथतां व्रजतस्तथा परेषामगद्धारणाशक्तिमुज्झतः स्वाम् । सुगृहीतमपि प्रमदभाजां मनसः शास्त्रमिवामस्त्रमग्रपाणेः

ślathatāṃ vrajatastathā pareṣāmagaddhāraṇāśaktimujjhataḥ svām / sugṛhītamapi pramadabhājāṃ manasaḥ śāstramivāmastramagrapāṇeḥ

Sanskrit only: no published translation is held for this verse.

उचितस्वपनो ऽपि नीरराशौ स्वबलाम्भोनिधिमध्यगस्तदीनीम् । भुवनत्रयकार्यजागरूकः स परं तत्र परः पुमानजागः

ucitasvapano 'pi nīrarāśau svabalāmbhonidhimadhyagastadīnīm / bhuvanatrayakāryajāgarūkaḥ sa paraṃ tatra paraḥ pumānajāgaḥ

Sanskrit only: no published translation is held for this verse.

अथसूर्यरुचीव तस्य दृष्टावुद्भूत्कौस्तुभदर्पणं गतायाम् । पटुः धाम ततो न चाद्भुतं तद्विभुरिन्द्वर्कविलोचनः किलासौ

athasūryarucīva tasya dṛṣṭāvudbhūtkaustubhadarpaṇaṃ gatāyām / paṭuḥ dhāma tato na cādbhutaṃ tadvibhurindvarkavilocanaḥ kilāsau

Sanskrit only: no published translation is held for this verse.

महतः प्रणतेष्विव प्रसादः स मणेरंशुचयः ककुंमुखेषु । व्यकसद्विकसद्विलोचनेभ्यो दददालोकमनाविलं बलेभ्यः

mahataḥ praṇateṣviva prasādaḥ sa maṇeraṃśucayaḥ kakuṃmukheṣu / vyakasadvikasadvilocanebhyo dadadālokamanāvilaṃ balebhyaḥ

Sanskrit only: no published translation is held for this verse.

प्रकृतिं प्रतिपादुकैश्च पादैश्चकॢषे भानुमतः पुनः प्रसर्तुम् । तमसो ऽभिभवादपास्य मूर्च्छामुपजीवत्सहसैव जीवलोकः

prakṛtiṃ pratipādukaiśca pādaiścakḷṣe bhānumataḥ punaḥ prasartum / tamaso 'bhibhavādapāsya mūrcchāmupajīvatsahasaiva jīvalokaḥ

Sanskrit only: no published translation is held for this verse.

घनसंतमसैर्जवेन भूयो यदुयोधैर्युधि रेधिरे द्विषन्तः । ननु वारिधरोपरोधमुक्तः सुतरामुत्तपते पतिः प्रभाणाम्

ghanasaṃtamasairjavena bhūyo yaduyodhairyudhi redhire dviṣantaḥ / nanu vāridharoparodhamuktaḥ sutarāmuttapate patiḥ prabhāṇām

Sanskrit only: no published translation is held for this verse.

व्यवहार इवानृताभियोगं तिमिरं निर्जितवत्यथप्रकाशे । रिपुरुल्बणभीमभोगभाजां भुजगानां जननीं जजाप विद्याम्

vyavahāra ivānṛtābhiyogaṃ timiraṃ nirjitavatyathaprakāśe / ripurulbaṇabhīmabhogabhājāṃ bhujagānāṃ jananīṃ jajāpa vidyām

Sanskrit only: no published translation is held for this verse.

पृथुदर्विभृतस्ततः फणीन्द्रा विषमाशीभिरनारतं वमन्तः । अभवन्युगपद्विलोलजिह्वायुगलीढोभयसृक्कभागमाविः

pṛthudarvibhṛtastataḥ phaṇīndrā viṣamāśībhiranārataṃ vamantaḥ / abhavanyugapadvilolajihvāyugalīḍhobhayasṛkkabhāgamāviḥ

Sanskrit only: no published translation is held for this verse.

कृतकेशविडम्बनैर्विहायो विजयं तत्क्षणमिच्छुभिश्छलेन । अमृताग्रभुवः पुरेव पुच्छं बडवाभर्तुरवारि काद्रवेयैः

kṛtakeśaviḍambanairvihāyo vijayaṃ tatkṣaṇamicchubhiśchalena / amṛtāgrabhuvaḥ pureva pucchaṃ baḍavābharturavāri kādraveyaiḥ

Sanskrit only: no published translation is held for this verse.

दधतस्तनिमानमानपूर्व्या बभुरक्षिश्रवसो मुखे विशालाः । भरतज्ञकविप्रणीतकाव्यग्रथिताङ्का इव नाटकप्रपञ्चाः

dadhatastanimānamānapūrvyā babhurakṣiśravaso mukhe viśālāḥ / bharatajñakavipraṇītakāvyagrathitāṅkā iva nāṭakaprapañcāḥ

Sanskrit only: no published translation is held for this verse.

सविषश्वसनोद्धतोरुधूमव्यवधिम्लानमरीचि पन्नगानाम् । उपरागवतेव तिग्मभासा वपुरौदुम्बरमण्डलाभमूहे

saviṣaśvasanoddhatorudhūmavyavadhimlānamarīci pannagānām / uparāgavateva tigmabhāsā vapuraudumbaramaṇḍalābhamūhe

Sanskrit only: no published translation is held for this verse.

शिखिपिच्छकृतध्वजावचूडक्षणसाशङ्कविवर्तमानभोगाः । यमपाशवदाशुबन्धनाय न्यपतन्वृष्णिगणेषु लेलिहानाः

śikhipicchakṛtadhvajāvacūḍakṣaṇasāśaṅkavivartamānabhogāḥ / yamapāśavadāśubandhanāya nyapatanvṛṣṇigaṇeṣu lelihānāḥ

Sanskrit only: no published translation is held for this verse.

पृथुवारिधिवीचिमण्डलान्तर्विलसत्फेनवितानपाण्डुराणि । दधति स्म भुजङ्गमाङ्गमध्ये नवनिर्मोकरुचिं ध्वजांशुकानि

pṛthuvāridhivīcimaṇḍalāntarvilasatphenavitānapāṇḍurāṇi / dadhati sma bhujaṅgamāṅgamadhye navanirmokaruciṃ dhvajāṃśukāni

Sanskrit only: no published translation is held for this verse.

कृतमण्डलबन्धमुल्लसद्भिः शिरसि प्रत्युरसं विलम्बमानैः । व्यरुचज्जनता भुजङ्गभोगैर्दलितेन्दीवरमालभारिणीव

kṛtamaṇḍalabandhamullasadbhiḥ śirasi pratyurasaṃ vilambamānaiḥ / vyarucajjanatā bhujaṅgabhogairdalitendīvaramālabhāriṇīva

Sanskrit only: no published translation is held for this verse.

परिवेष्टितमूर्तयश्च मूलादुरगैराशिरसः सरत्नपुष्पैः । दधुरायतवल्लिवेष्टितानामुपमानं मनुजा महीरुहाणाम्

pariveṣṭitamūrtayaśca mūlāduragairāśirasaḥ saratnapuṣpaiḥ / dadhurāyatavalliveṣṭitānāmupamānaṃ manujā mahīruhāṇām

Sanskrit only: no published translation is held for this verse.

बहुलाञ्जनपङ्कपट्टनीलद्युतयो देहमितस्ततः श्रमन्तः । दधिरे फणिनस्तुरङ्गमेषु स्फुटपल्याणनिबद्धवर्ध्रलीलाम्

bahulāñjanapaṅkapaṭṭanīladyutayo dehamitastataḥ śramantaḥ / dadhire phaṇinasturaṅgameṣu sphuṭapalyāṇanibaddhavardhralīlām

Sanskrit only: no published translation is held for this verse.

प्रसृतं रभसादयोभिनीला प्रतिपदं परितो ऽभिवेष्टयन्ती । तनुरायतिशालिनी महाहेर्गजमन्दुरिव निश्चलं चकार

prasṛtaṃ rabhasādayobhinīlā pratipadaṃ parito 'bhiveṣṭayantī / tanurāyatiśālinī mahāhergajamanduriva niścalaṃ cakāra

Sanskrit only: no published translation is held for this verse.

अथ सस्मितवीक्षितादवज्ञाचलितैकोन्नमितभ्रु माधवेन । निजकेतुशिरःश्रितः सुपर्णादुदपप्तन्नयुतानि पक्षिराजाम्

atha sasmitavīkṣitādavajñācalitaikonnamitabhru mādhavena / nijaketuśiraḥśritaḥ suparṇādudapaptannayutāni pakṣirājām

Sanskrit only: no published translation is held for this verse.

द्रुतहेमरुचः खगाः खगेन्द्रादलघूदीरितनादमुत्पतन्तः । क्षणमैक्षिषतोच्चकैश्चमूभिर्ज्वलतः सप्तरुचेरिव स्फुलिङ्गाः

drutahemarucaḥ khagāḥ khagendrādalaghūdīritanādamutpatantaḥ / kṣaṇamaikṣiṣatoccakaiścamūbhirjvalataḥ saptaruceriva sphuliṅgāḥ

Sanskrit only: no published translation is held for this verse.

उपमानमलाभि लोलपक्षक्षणविक्षिप्तमहाम्बुवाहमत्स्यैः । गगनार्णवमन्तरासुमेरोः कुलजानां गरुडैरिलाधराणाम्

upamānamalābhi lolapakṣakṣaṇavikṣiptamahāmbuvāhamatsyaiḥ / gaganārṇavamantarāsumeroḥ kulajānāṃ garuḍairilādharāṇām

Sanskrit only: no published translation is held for this verse.

पततां परितः परिस्फुरद्भिः परिपिङ्गीकृतदिङ्मुखैर्मयूखैः । सुतरामभवदद्दुरीक्ष्यबिम्बस्तपनस्तत्किरणैरिवात्मदर्शः

patatāṃ paritaḥ parisphuradbhiḥ paripiṅgīkṛtadiṅmukhairmayūkhaiḥ / sutarāmabhavadaddurīkṣyabimbastapanastatkiraṇairivātmadarśaḥ

Sanskrit only: no published translation is held for this verse.

दधुरम्बुधिमन्थनाद्रिमन्थभ्रमणायस्तफणीन्द्रपित्तजानाम् । रुचमुल्लसमानवैनतेयद्युतिभिन्नाः फणभारिणो मणीनाम्

dadhurambudhimanthanādrimanthabhramaṇāyastaphaṇīndrapittajānām / rucamullasamānavainateyadyutibhinnāḥ phaṇabhāriṇo maṇīnām

Sanskrit only: no published translation is held for this verse.

अभितः क्षुभिताम्बुराशिधीरध्वनिराकृष्टसमूलपादपौघः । जनयन्नभवद्युगान्तशङ्कामनिलो नागविपक्षपक्षजन्मा

abhitaḥ kṣubhitāmburāśidhīradhvanirākṛṣṭasamūlapādapaughaḥ / janayannabhavadyugāntaśaṅkāmanilo nāgavipakṣapakṣajanmā

Sanskrit only: no published translation is held for this verse.

प्रचलत्पतगेन्द्रपत्रवातप्रसभोन्मूलितशैलदत्तमार्गैः । भयविह्वलमाशु दन्दशूकैर्विवशैराविविशे स्वमेव धाम

pracalatpatagendrapatravātaprasabhonmūlitaśailadattamārgaiḥ / bhayavihvalamāśu dandaśūkairvivaśairāviviśe svameva dhāma

Sanskrit only: no published translation is held for this verse.

खचरैः क्षयमक्षये ऽहिसैन्ये सुकृतैर्दुष्कृतवत्तदोपनीते । अयुगाचिरिव ज्वलन्रुषाथो रिपुरौदर्चिषमाजुहाव मन्त्रम्

khacaraiḥ kṣayamakṣaye 'hisainye sukṛtairduṣkṛtavattadopanīte / ayugāciriva jvalanruṣātho ripuraudarciṣamājuhāva mantram

Sanskrit only: no published translation is held for this verse.

सहसा दधदुद्धताट्टहासश्रियमुत्त्रासितजन्तुना स्वनेन । वियतायतहेतिबाहुरुच्चैरथ वेताल इवोत्पपात वह्निः

sahasā dadhaduddhatāṭṭahāsaśriyamuttrāsitajantunā svanena / viyatāyatahetibāhuruccairatha vetāla ivotpapāta vahniḥ

Sanskrit only: no published translation is held for this verse.

चलितोद्धतधूमकेतनो ऽसौ रभसादम्बररोहिरोहिताश्वः । द्रुतमारुतसारथिः शिखावान्कनकस्यन्दनसुन्दरश्चचाल

calitoddhatadhūmaketano 'sau rabhasādambararohirohitāśvaḥ / drutamārutasārathiḥ śikhāvānkanakasyandanasundaraścacāla

Sanskrit only: no published translation is held for this verse.

ज्वलदम्बरकोटरान्तरालं बहुलार्द्राम्बुदपत्रबद्धधूमम् । परिदीपितदीर्घकाष्ठमुच्चैस्तरुवद्विश्वमुवोष जातवेदाः

jvaladambarakoṭarāntarālaṃ bahulārdrāmbudapatrabaddhadhūmam / paridīpitadīrghakāṣṭhamuccaistaruvadviśvamuvoṣa jātavedāḥ

Sanskrit only: no published translation is held for this verse.

गुरुतापविशुष्यदम्बुशुभ्राः क्षणमालग्नकृशानुताम्रभासः । स्वमसारतया मषीभवन्तः पुनराकारमवापुराम्बुवाहाः

gurutāpaviśuṣyadambuśubhrāḥ kṣaṇamālagnakṛśānutāmrabhāsaḥ / svamasāratayā maṣībhavantaḥ punarākāramavāpurāmbuvāhāḥ

Sanskrit only: no published translation is held for this verse.

ज्वलितानललोलपल्लवान्ताः स्फुरदष्टापदपत्रपीतभासः । क्षणमात्रभवामभावकाले सुतरामापुरिवायतिं पताकाः

jvalitānalalolapallavāntāḥ sphuradaṣṭāpadapatrapītabhāsaḥ / kṣaṇamātrabhavāmabhāvakāle sutarāmāpurivāyatiṃ patākāḥ

Sanskrit only: no published translation is held for this verse.

निखिलामिति कुर्वतश्चिरायद्रुतचामीकरचारुतामिव द्याम् । प्रतिघातसमर्थमस्त्रमग्नेरथ मेघङ्करमस्मरन्मुरारिः

nikhilāmiti kurvataścirāyadrutacāmīkaracārutāmiva dyām / pratighātasamarthamastramagneratha meghaṅkaramasmaranmurāriḥ

Sanskrit only: no published translation is held for this verse.

चतुरम्बुधिगर्भधीरकुक्षेर्वपुषः सन्धिषु लीनसर्वसिन्धोः । उदगुः सलिलात्मनस्त्रिधाम्नो जलवाहावलयः शिरोरुहेभ्यः

caturambudhigarbhadhīrakukṣervapuṣaḥ sandhiṣu līnasarvasindhoḥ / udaguḥ salilātmanastridhāmno jalavāhāvalayaḥ śiroruhebhyaḥ

Sanskrit only: no published translation is held for this verse.

ककुभः कृतनादमास्तृणन्तस्तिरयन्तः पटलानि भानुभासम् । उदनंसिषुरभ्रमभ्रसङ्घाः सपदि श्यामलिमानमानयन्तः

kakubhaḥ kṛtanādamāstṛṇantastirayantaḥ paṭalāni bhānubhāsam / udanaṃsiṣurabhramabhrasaṅghāḥ sapadi śyāmalimānamānayantaḥ

Sanskrit only: no published translation is held for this verse.

तपनीयनिकर्षराजिगौरस्फुरदुत्तालतडिच्छटाट्टहासम् । अनुबद्धसमुद्धताम्बुवाहध्वनिताडम्बरमम्बरं बभूव

tapanīyanikarṣarājigaurasphuraduttālataḍicchaṭāṭṭahāsam / anubaddhasamuddhatāmbuvāhadhvanitāḍambaramambaraṃ babhūva

Sanskrit only: no published translation is held for this verse.

सवितुः परिभावुकैर्मरीचीनचिराभ्यक्तमतङ्गजाङ्गभाभिः । जलदैरभितः स्फुरद्भिरुच्चैर्विदधे केतनतेव धूमकेतोः

savituḥ paribhāvukairmarīcīnacirābhyaktamataṅgajāṅgabhābhiḥ / jaladairabhitaḥ sphuradbhiruccairvidadhe ketanateva dhūmaketoḥ

Sanskrit only: no published translation is held for this verse.

ज्वलतः शमनाय चित्रभानोः प्रलयाप्लावमिवाभिदर्शयन्तः । ववृषुर्वृषनादिनो नदीनां प्रतटारोपितवारि वारिवाहाः

jvalataḥ śamanāya citrabhānoḥ pralayāplāvamivābhidarśayantaḥ / vavṛṣurvṛṣanādino nadīnāṃ prataṭāropitavāri vārivāhāḥ

Sanskrit only: no published translation is held for this verse.

मधुरैरपि भूयसा स मेध्यैः प्रथमं प्रत्युत वारिभिर्दिदीपे । पवमानसखस्ततः क्रमेण प्रणयक्रोध इवाशमद्विवादैः

madhurairapi bhūyasā sa medhyaiḥ prathamaṃ pratyuta vāribhirdidīpe / pavamānasakhastataḥ krameṇa praṇayakrodha ivāśamadvivādaiḥ

Sanskrit only: no published translation is held for this verse.

परितः प्रसभेन नीयमानः शरवर्षैरवसायमाश्रयाशः । प्रबलेषु कृती चकार विद्युद्व्यपदेशेन घनेष्वनुप्रवेशम्

paritaḥ prasabhena nīyamānaḥ śaravarṣairavasāyamāśrayāśaḥ / prabaleṣu kṛtī cakāra vidyudvyapadeśena ghaneṣvanupraveśam

Sanskrit only: no published translation is held for this verse.

प्रयतः प्रशमं हुताशनस्य क्वचिदालक्ष्यत मुक्तमूलमर्चिः । बलभित्प्रहितायुधाभिघातात्त्रुटितं पत्रिपतेरिवैकपत्रम्

prayataḥ praśamaṃ hutāśanasya kvacidālakṣyata muktamūlamarciḥ / balabhitprahitāyudhābhighātāttruṭitaṃ patripaterivaikapatram

Sanskrit only: no published translation is held for this verse.

व्यगमन्सहसा दिशां मुखेभ्यः शमयित्वा शिखिनाङ्घनाघनौघाः । उपकृत्यनिसर्गतः परेषामुपरोधं न हि कुर्वते महान्तः

vyagamansahasā diśāṃ mukhebhyaḥ śamayitvā śikhināṅghanāghanaughāḥ / upakṛtyanisargataḥ pareṣāmuparodhaṃ na hi kurvate mahāntaḥ

Sanskrit only: no published translation is held for this verse.

कृतदाहमुदर्चिषः शिखाभिः परिषिक्तं मुहुरम्भसा नवेन । विहिताम्बुधरव्रणं प्रपेदे गगनं तापितपायितासिलक्ष्मीम्

kṛtadāhamudarciṣaḥ śikhābhiḥ pariṣiktaṃ muhurambhasā navena / vihitāmbudharavraṇaṃ prapede gaganaṃ tāpitapāyitāsilakṣmīm

Sanskrit only: no published translation is held for this verse.

इति नरपतिरस्त्रं यद्यदाविश्चकार प्रकुपित इव रोगः क्षिप्रकारी विकारम् । भिषगिव गुरुदोषच्छेदिनोपक्रमेण क्रमविदथ मुरारिः प्रत्यहंस्तत्तदाशु

iti narapatirastraṃ yadyadāviścakāra prakupita iva rogaḥ kṣiprakārī vikāram / bhiṣagiva gurudoṣacchedinopakrameṇa kramavidatha murāriḥ pratyahaṃstattadāśu

Sanskrit only: no published translation is held for this verse.

शुद्धिं गतैरपि परामृजुभिर्विदित्वा बाणैरजय्यमविघट्टितमर्मभिस्तम् । मर्मातिगैरनृजुभिर्नितरामशुद्धैर् वाक्सायकैरथ तुतोद तदा विपक्षः

śuddhiṃ gatairapi parāmṛjubhirviditvā bāṇairajayyamavighaṭṭitamarmabhistam / marmātigairanṛjubhirnitarāmaśuddhair vāksāyakairatha tutoda tadā vipakṣaḥ

Sanskrit only: no published translation is held for this verse.

राहुस्त्रीस्तनयोरकारि सहसा येनाश्लथालिङ्गनव्यापारैकविनोददुर्ललितयोः कार्कश्यलक्ष्मीर्वृथा । तेनाक्रोशत एव तस्य मुरजित्तत्काललोलानलज्वालापल्लवितेन मूर्धविकलं चक्रेण चक्रे वपुः

rāhustrīstanayorakāri sahasā yenāślathāliṅganavyāpāraikavinodadurlalitayoḥ kārkaśyalakṣmīrvṛthā / tenākrośata eva tasya murajittatkālalolānalajvālāpallavitena mūrdhavikalaṃ cakreṇa cakre vapuḥ

Sanskrit only: no published translation is held for this verse.

श्रिया जुष्टं दिव्यैः सपटहरवैरन्वितं पुष्पवर्षैर् वपुष्टचैद्यस्य क्षणमृषिगणैः स्तूयमानं निरीय । प्रकाशेनाकाशे दिनकरकरान्विक्षिपद्विस्मिताक्षैर् नरेन्द्रैरौपेन्द्रं वपुरथ विशद्धाम वीक्षांबभूवे

śriyā juṣṭaṃ divyaiḥ sapaṭaharavairanvitaṃ puṣpavarṣair vapuṣṭacaidyasya kṣaṇamṛṣigaṇaiḥ stūyamānaṃ nirīya / prakāśenākāśe dinakarakarānvikṣipadvismitākṣair narendrairaupendraṃ vapuratha viśaddhāma vīkṣāṃbabhūve

Sanskrit only: no published translation is held for this verse.