Magha: Sisupalavadha 4

निशवासधूमं सहरत्नभार्भित्त्वोत्थितं भूमिमिवोरगाणां । नीलोपलस्यूतविचित्रधातुमसौ गिरिं रैवतकं ददर्श

niśavāsadhūmaṃ saharatnabhārbhittvotthitaṃ bhūmimivoragāṇāṃ / nīlopalasyūtavicitradhātumasau giriṃ raivatakaṃ dadarśa

Sanskrit only: no published translation is held for this verse.

गुर्वीरजस्रं दृषदः समन्तादुपर्युपर्यम्बुमुचांवितानैः । विन्ध्यायमानं दिवसस्य भर्तुमार्गं पुना रोद्धुमिवोन्नमद्भिः

gurvīrajasraṃ dṛṣadaḥ samantāduparyuparyambumucāṃvitānaiḥ / vindhyāyamānaṃ divasasya bhartumārgaṃ punā roddhumivonnamadbhiḥ

Sanskrit only: no published translation is held for this verse.

क्रान्तं रुचा श्यामलिताभिरामंलताभिरामन्त्रितषट्पदाभिः । श्रितं शिलाश्यामलताभिरामं लताभिरामनत्रितषट्पदाभिः

krāntaṃ rucā śyāmalitābhirāmaṃlatābhirāmantritaṣaṭpadābhiḥ / śritaṃ śilāśyāmalatābhirāmaṃ latābhirāmanatritaṣaṭpadābhiḥ

Sanskrit only: no published translation is held for this verse.

सहस्रसंख्यैर् गगनं पादैर् भुवं व्याप्य वितिष्ठमानम् । विलोचनस्थानगतोष्णरश्मिनिशाकरं साधु हिरण्यगर्भम्

sahasrasaṃkhyair gaganaṃ pādair bhuvaṃ vyāpya vitiṣṭhamānam / vilocanasthānagatoṣṇaraśminiśākaraṃ sādhu hiraṇyagarbham

Sanskrit only: no published translation is held for this verse.

क्वचिज्जलापायविपाण्डुराणि धौतोत्तरीयप्रतिमच्छवीनि । अभ्राणिबिभ्रामुमाङ्गसङ्गविभक्तभस्मानमिव स्मरारिम्

kvacijjalāpāyavipāṇḍurāṇi dhautottarīyapratimacchavīni / abhrāṇibibhrāmumāṅgasaṅgavibhaktabhasmānamiva smarārim

Sanskrit only: no published translation is held for this verse.

छायां निजस्त्रीचटुलालसानां मदेन किञ्चिच्चटुलालसानाम् । कुर्वाणमुत्पिञ्जलजातपत्रैर्विहङ्गमानां जलजातपत्रै

chāyāṃ nijastrīcaṭulālasānāṃ madena kiñciccaṭulālasānām / kurvāṇamutpiñjalajātapatrairvihaṅgamānāṃ jalajātapatrai

Sanskrit only: no published translation is held for this verse.

स्कन्धाधिरूढोज्ज्वलनीलकण्ठानुर्वीरुहः श्लिष्टतनूनहीन्द्रैः । प्रनर्तितानेकलताभुजाग्रान्रुद्राननेकानिव धारयन्तम्

skandhādhirūḍhojjvalanīlakaṇṭhānurvīruhaḥ śliṣṭatanūnahīndraiḥ / pranartitānekalatābhujāgrānrudrānanekāniva dhārayantam

Sanskrit only: no published translation is held for this verse.

विलम्बिनीलोत्पलकर्णपूरा कपोलभित्तीरिव लोध्रगौरीः । नवोलपालङ्कृतसैकताभाः शुचीरपःशैवलनीर्दधानम्

vilambinīlotpalakarṇapūrā kapolabhittīriva lodhragaurīḥ / navolapālaṅkṛtasaikatābhāḥ śucīrapaḥśaivalanīrdadhānam

Sanskrit only: no published translation is held for this verse.

राजीवराजीवशलोलभृङ्गं मुष्णान्तमुष्णं ततिभिस्तरूणाम् । कान्तालकान्ता ललनाः सुराणां रक्षोभिरक्षेभितमुद्वहन्तम्

rājīvarājīvaśalolabhṛṅgaṃ muṣṇāntamuṣṇaṃ tatibhistarūṇām / kāntālakāntā lalanāḥ surāṇāṃ rakṣobhirakṣebhitamudvahantam

Sanskrit only: no published translation is held for this verse.

मुदे मुरारेरमरैः सुमेरोरानीय यस्योपचितस्य शृङ्गैः । भवन्ति नोद्दामगिरां कवीनामुच्छ्रायसौन्दर्यगुणा मृषोद्याः

mude murāreramaraiḥ sumerorānīya yasyopacitasya śṛṅgaiḥ / bhavanti noddāmagirāṃ kavīnāmucchrāyasaundaryaguṇā mṛṣodyāḥ

Sanskrit only: no published translation is held for this verse.

यतः परार्घ्यानि भृतान्यनूनै प्रस्थैर्मुहुर्भूरिभिरुच्चिखानि । आढ्यादिवप्रापणिकादजस्रं जग्राह रत्नान्यमितानि लोकः

yataḥ parārghyāni bhṛtānyanūnai prasthairmuhurbhūribhiruccikhāni / āḍhyādivaprāpaṇikādajasraṃ jagrāha ratnānyamitāni lokaḥ

Sanskrit only: no published translation is held for this verse.

अखिध्यतासन्नमुदग्रतापं रविं दधाने ऽप्यरविन्दधाने । भृङ्गावलिर्यस्यतटे निपीतरसा नमत्तामरसा न मत्ता

akhidhyatāsannamudagratāpaṃ raviṃ dadhāne 'pyaravindadhāne / bhṛṅgāvaliryasyataṭe nipītarasā namattāmarasā na mattā

Sanskrit only: no published translation is held for this verse.

यत्राधिरूढेनमहीरुहोच्चैरुन्निद्रपुष्पाक्षिसहस्रभाजा । सुराधिपाधिष्ठितहस्तिमल्ललीलां दधौ राजतगण्डशैलः

yatrādhirūḍhenamahīruhoccairunnidrapuṣpākṣisahasrabhājā / surādhipādhiṣṭhitahastimallalīlāṃ dadhau rājatagaṇḍaśailaḥ

Sanskrit only: no published translation is held for this verse.

विभिन्नवर्णागरुडाग्रजेन सूर्यस्यरथ्याः परितः स्फुरन्त्या । रत्नैः पुनर्यत्र रुचं स्वामानिन्यिरे वंशकरीरनीलैः

vibhinnavarṇāgaruḍāgrajena sūryasyarathyāḥ paritaḥ sphurantyā / ratnaiḥ punaryatra rucaṃ svāmāninyire vaṃśakarīranīlaiḥ

Sanskrit only: no published translation is held for this verse.

यत्रोज्झिताभिर्मुहुरम्बुवाहैः समुन्नमद्भिर्न समुन्नमद्भि । वनं बबाधे विषपावकोत्था विपन्नगानामविपन्नगानाम्

yatrojjhitābhirmuhurambuvāhaiḥ samunnamadbhirna samunnamadbhi / vanaṃ babādhe viṣapāvakotthā vipannagānāmavipannagānām

Sanskrit only: no published translation is held for this verse.

फलद्भिरुष्णांशुकराभिमर्शात्कर्शानवं धाम पतङ्गकान्तैः । शशंस यः पात्रगुणाद्गुणानां संक्रान्तिमाक्रान्तगुणातिरेकाम्

phaladbhiruṣṇāṃśukarābhimarśātkarśānavaṃ dhāma pataṅgakāntaiḥ / śaśaṃsa yaḥ pātraguṇādguṇānāṃ saṃkrāntimākrāntaguṇātirekām

Sanskrit only: no published translation is held for this verse.

दृषटो ऽपि शैलः स मुहुर्मुरारेरपूर्ववद्विस्मयमाततान । क्षणेक्षमे यन्नवतामुपैति तदेवरूपं रमणीयतायाः

dṛṣaṭo 'pi śailaḥ sa muhurmurārerapūrvavadvismayamātatāna / kṣaṇekṣame yannavatāmupaiti tadevarūpaṃ ramaṇīyatāyāḥ

Sanskrit only: no published translation is held for this verse.

उच्चारणज्ञे ऽथगिरादधानमुच्चा रणत्पक्षिगणास्तटीस्तम् । उत्कं धरं द्रष्टुमवेक्ष्य शौरिणुत्कन्धरं दारुक इत्युवाच

uccāraṇajñe 'thagirādadhānamuccā raṇatpakṣigaṇāstaṭīstam / utkaṃ dharaṃ draṣṭumavekṣya śauriṇutkandharaṃ dāruka ityuvāca

Sanskrit only: no published translation is held for this verse.

आच्छादितायतददिगम्बरमुच्चकैर्गाम् आक्रम्यसंस्थितमुदग्रविशालशृङ्गम् । मूर्ध्निस्खलत्तुहिनदीधितिकोटिमेनम् उद्वीक्ष्य को भुवि न विस्मयते नगेशम्

ācchāditāyatadadigambaramuccakairgām ākramyasaṃsthitamudagraviśālaśṛṅgam / mūrdhniskhalattuhinadīdhitikoṭimenam udvīkṣya ko bhuvi na vismayate nageśam

Sanskrit only: no published translation is held for this verse.

उदयतिविततर्ःध्वरशमिरज्जावहिमरुचौ हिमधाम्नि याति चास्तम् । वहतिगिरिरयं विलम्बिधणटाद्वयपरिवारितवारणेन्द्रलीलाम्

udayativitatarḥdhvaraśamirajjāvahimarucau himadhāmni yāti cāstam / vahatigirirayaṃ vilambidhaṇaṭādvayaparivāritavāraṇendralīlām

Sanskrit only: no published translation is held for this verse.

वहति यः परितः कनकस्थलीः सहरिता लसमाननवांशुकः । अचलेषभवानिव राजते स हरितालसमाननवांशुकः

vahati yaḥ paritaḥ kanakasthalīḥ saharitā lasamānanavāṃśukaḥ / acaleṣabhavāniva rājate sa haritālasamānanavāṃśukaḥ

Sanskrit only: no published translation is held for this verse.

पाश्चात्यभागमिह सानुषु सन्निषण्णाः पश्यन्ति शान्तमलसान्द्रतरांशुजालम् । संपूर्णलब्धललनालापनोपमानम् उत्सङ्गसह्गिहरिणमस्य मृगाङ्गमूर्तेः

pāścātyabhāgamiha sānuṣu sanniṣaṇṇāḥ paśyanti śāntamalasāndratarāṃśujālam / saṃpūrṇalabdhalalanālāpanopamānam utsaṅgasahgihariṇamasya mṛgāṅgamūrteḥ

Sanskrit only: no published translation is held for this verse.

कृत्वापुंवत्पादमुच्चैर्भृगुभ्यो मूर्ध्नि ग्राव्णां जर्जरा निर्झरौघाः । कुर्वन्ति द्यामुत्पतन्तः स्मरार्तस्वर्लोकस्त्रीगात्रनिर्णमत्र

kṛtvāpuṃvatpādamuccairbhṛgubhyo mūrdhni grāvṇāṃ jarjarā nirjharaughāḥ / kurvanti dyāmutpatantaḥ smarārtasvarlokastrīgātranirṇamatra

Sanskrit only: no published translation is held for this verse.

स्थगयन्त्यमूः शामितचातकार्तस्वरा जलदास्तडित्तुलितकान्तकार्तस्वराः । जगतीरिहस्फुरितचारुचामीकराः सवितुः कचित्कपिशयन्ति चामी कराः

sthagayantyamūḥ śāmitacātakārtasvarā jaladāstaḍittulitakāntakārtasvarāḥ / jagatīrihasphuritacārucāmīkarāḥ savituḥ kacitkapiśayanti cāmī karāḥ

Sanskrit only: no published translation is held for this verse.

उत्क्षिप्तमुच्छ्रितसितांशुकरावलम्बैरुत्तम्भितोडुभिरतिवतरां शिरोभिः । श्रद्धेयनिर्झरजलव्यपदेशमस्य विष्वक्तटेषु पतति स्फुटमन्तरीक्षम्

utkṣiptamucchritasitāṃśukarāvalambairuttambhitoḍubhirativatarāṃ śirobhiḥ / śraddheyanirjharajalavyapadeśamasya viṣvaktaṭeṣu patati sphuṭamantarīkṣam

Sanskrit only: no published translation is held for this verse.

एकत्रस्फटिकतटांशुभिन्ननीरा नीलाश्मद्युतिभिदुराम्भसो ऽपरत्र । कालिन्दीजलजनितश्रियः श्रयन्ते वैदग्धीमिह सरितः सुरापगायाः

ekatrasphaṭikataṭāṃśubhinnanīrā nīlāśmadyutibhidurāmbhaso 'paratra / kālindījalajanitaśriyaḥ śrayante vaidagdhīmiha saritaḥ surāpagāyāḥ

Sanskrit only: no published translation is held for this verse.

इतस्ततःऽस्मिन्विलसन्ति मेरोः समानवप्रेमणिसानुरागाः । स्त्रियशच पत्यौ सुरसुन्दरीभिः समा नवप्रेमणिसानुरागाः

itastataḥ'sminvilasanti meroḥ samānavapremaṇisānurāgāḥ / striyaśaca patyau surasundarībhiḥ samā navapremaṇisānurāgāḥ

Sanskrit only: no published translation is held for this verse.

उच्चैमहारजतराजिविराजितासौ दुर्वर्णभित्तिरिह सान्द्रसुधासवर्णा । अभ्येति भस्मपरिपाण्डुरितस्मरारेर् उद्वह्निलोचनललामललाटलीलाम्

uccaimahārajatarājivirājitāsau durvarṇabhittiriha sāndrasudhāsavarṇā / abhyeti bhasmaparipāṇḍuritasmarārer udvahnilocanalalāmalalāṭalīlām

Sanskrit only: no published translation is held for this verse.

अयमतिजरठाः प्रकामगुर्वीरलघुविलम्बिपयोधरोपरुद्धाः । सततमसुगतामगम्यरूपाः परिणतदिक्करिकास्तटीर्बिभर्ति

ayamatijaraṭhāḥ prakāmagurvīralaghuvilambipayodharoparuddhāḥ / satatamasugatāmagamyarūpāḥ pariṇatadikkarikāstaṭīrbibharti

Sanskrit only: no published translation is held for this verse.

धूमाकारं दधति पुरः सौवर्णे वर्णेनाग्नेः सदृशि तटे पश्यामी । श्यामीभूताः कुसुमसमूहो ऽलीनां लीनामालीमिह तरवो बिभ्राणाः

dhūmākāraṃ dadhati puraḥ sauvarṇe varṇenāgneḥ sadṛśi taṭe paśyāmī / śyāmībhūtāḥ kusumasamūho 'līnāṃ līnāmālīmiha taravo bibhrāṇāḥ

Sanskrit only: no published translation is held for this verse.

व्योमस्पृशः प्रथयता कलधौतभित्तीर् उन्निद्रपुष्पचणचम्पकपिङ्गभासः । सौमेरवीमधिगतेन नितम्बशोभाम् एतेन भारतमिलावृतवद्विभाति

vyomaspṛśaḥ prathayatā kaladhautabhittīr unnidrapuṣpacaṇacampakapiṅgabhāsaḥ / saumeravīmadhigatena nitambaśobhām etena bhāratamilāvṛtavadvibhāti

Sanskrit only: no published translation is held for this verse.

रुचिरचित्रतनूरुहशालिभिर्विचलितैः परितः प्रियकव्रजैः । विवधरत्नमयैरभिबात्यसाववयवैरिव जङ्गमतां गतैः

ruciracitratanūruhaśālibhirvicalitaiḥ paritaḥ priyakavrajaiḥ / vivadharatnamayairabhibātyasāvavayavairiva jaṅgamatāṃ gataiḥ

Sanskrit only: no published translation is held for this verse.

कुशशयैरत्र जलाशयोषिता मुदारमन्ते कलभाविकस्वरैः । प्रगीयते सिद्धगणैश्च योषितामुदारम कलभाविकस्वरैः

kuśaśayairatra jalāśayoṣitā mudāramante kalabhāvikasvaraiḥ / pragīyate siddhagaṇaiśca yoṣitāmudārama kalabhāvikasvaraiḥ

Sanskrit only: no published translation is held for this verse.

आसादितस्य तमसा नियतेर्नियोगादाकाङ्क्षतःपुनरपक्रमणेन कालम् । पत्युस्त्वषामिह महौषधयः कलत्रस्थानं परैननभिभूतममूर्वहन्ति

āsāditasya tamasā niyaterniyogādākāṅkṣataḥpunarapakramaṇena kālam / patyustvaṣāmiha mahauṣadhayaḥ kalatrasthānaṃ parainanabhibhūtamamūrvahanti

Sanskrit only: no published translation is held for this verse.

वनस्पतिस्कन्धनिषण्णबालप्रवालहस्ताः प्रमदा इवात्र । पुष्पेक्षणैलम्भितलोचकैर्वा मधुव्रतव्रातवृतैर्व्रतत्यः

vanaspatiskandhaniṣaṇṇabālapravālahastāḥ pramadā ivātra / puṣpekṣaṇailambhitalocakairvā madhuvratavrātavṛtairvratatyaḥ

Sanskrit only: no published translation is held for this verse.

विहगाः कदम्बसुरभाविह गाः कलयन्तनुक्षणमनेकलयम् । भ्रमयन्नुपैति मुहुरभ्रमयं पवनश्च धूतनवनीपवनः

vihagāḥ kadambasurabhāviha gāḥ kalayantanukṣaṇamanekalayam / bhramayannupaiti muhurabhramayaṃ pavanaśca dhūtanavanīpavanaḥ

Sanskrit only: no published translation is held for this verse.

विद्वद्भिरागमपरैर्विवृतं कथञ्चिच्छ्रुत्वापि दुर्ग्रहमनिश्चितधीभिरन्यैः । श्रेयान्द्विजातिरिव हन्तुमघानि दक्षं गूठार्थमेष निधिमन्त्रगणं बिभर्ति

vidvadbhirāgamaparairvivṛtaṃ kathañcicchrutvāpi durgrahamaniścitadhībhiranyaiḥ / śreyāndvijātiriva hantumaghāni dakṣaṃ gūṭhārthameṣa nidhimantragaṇaṃ bibharti

Sanskrit only: no published translation is held for this verse.

बिम्बोष्ठं बहु मनुते तुरङ्गवक्त्रश् चुम्बन्तं मुखमिह किंनरं प्रियायाः । श्लिष्यन्तंमुहुरितरो ऽपि तं निजस्त्रीम् उत्तुङ्गस्तनभरभङ्गभीरुमध्याम्

bimboṣṭhaṃ bahu manute turaṅgavaktraś cumbantaṃ mukhamiha kiṃnaraṃ priyāyāḥ / śliṣyantaṃmuhuritaro 'pi taṃ nijastrīm uttuṅgastanabharabhaṅgabhīrumadhyām

Sanskrit only: no published translation is held for this verse.

यदेतदस्यानुतटं विभाति वनं ततानेकतमालतालम् । न पुष्पितात्र स्थगितार्करस्मावनान्तताने कतमा लतालम्

yadetadasyānutaṭaṃ vibhāti vanaṃ tatānekatamālatālam / na puṣpitātra sthagitārkarasmāvanāntatāne katamā latālam

Sanskrit only: no published translation is held for this verse.

दन्तोज्ज्वलासु विमलोपलमेखलान्ताः सद्रत्नचित्रकटकासु बृहन्नितम्बाः । अस्मिन्भजन्ति घनकोमलगण्डशैला नार्यो ऽनुरूपमधिवासमधित्यकासु

dantojjvalāsu vimalopalamekhalāntāḥ sadratnacitrakaṭakāsu bṛhannitambāḥ / asminbhajanti ghanakomalagaṇḍaśailā nāryo 'nurūpamadhivāsamadhityakāsu

Sanskrit only: no published translation is held for this verse.

अनतिचिरोज्झितस्य जलदेन चिरस्थितबुद्ध्युदयस्य पयसो ऽनुकृतिम् । विरलविकीर्णवज्रशकला सकलाम् इह विदधाति धौतकलधौतमही

anaticirojjhitasya jaladena cirasthitabuddhyudayasya payaso 'nukṛtim / viralavikīrṇavajraśakalā sakalām iha vidadhāti dhautakaladhautamahī

Sanskrit only: no published translation is held for this verse.

वर्जयन्त्या जनैः संगमेकान्ततस् तर्कयन्त्या सुखं सङ्गमे कान्ततः । योषयैष स्मरासन्नतापाङ्गया सेव्यते ऽनेकया संन्नतापङ्गया

varjayantyā janaiḥ saṃgamekāntatas tarkayantyā sukhaṃ saṅgame kāntataḥ / yoṣayaiṣa smarāsannatāpāṅgayā sevyate 'nekayā saṃnnatāpaṅgayā

Sanskrit only: no published translation is held for this verse.

संकीर्णकीचकवनस्खलितैकवालविच्छेदकातरधियश्चलितुं चमर्यः । अस्मिन्मृदुश्वसनगर्भतदीयरन्ध्रर्यत्स्वनश्रुतिसुखादिव नोत्सहन्ते

saṃkīrṇakīcakavanaskhalitaikavālavicchedakātaradhiyaścalituṃ camaryaḥ / asminmṛduśvasanagarbhatadīyarandhraryatsvanaśrutisukhādiva notsahante

Sanskrit only: no published translation is held for this verse.

मुक्तं मुक्तागौरमिह क्षीरमिवाभ्रैर् वापीष्वन्तर्लीनमहानीलदलासु । शस्त्रीश्यामैरंशुभिराशु द्रुतमम्भश् छायामच्छामृच्छति नीलीसलिलस्य

muktaṃ muktāgauramiha kṣīramivābhrair vāpīṣvantarlīnamahānīladalāsu / śastrīśyāmairaṃśubhirāśu drutamambhaś chāyāmacchāmṛcchati nīlīsalilasya

Sanskrit only: no published translation is held for this verse.

या न ययौ प्रियमन्यवधूभ्यः सारतरागमना यतमानम् । तेन सहेत बिभर्ति रसः स्त्री सा रतरागमनायतानाम्

yā na yayau priyamanyavadhūbhyaḥ sāratarāgamanā yatamānam / tena saheta bibharti rasaḥ strī sā ratarāgamanāyatānām

Sanskrit only: no published translation is held for this verse.

भिन्नेषुरत्नकिरणैः किरणेष्विहेन्दोर् उच्चावचैरुपगतेषु सहस्रसंख्यां । दोषापि नूनमहिमांशुरसौ किलेति व्याकोशकोकनदतां दधते नलिन्यः

bhinneṣuratnakiraṇaiḥ kiraṇeṣvihendor uccāvacairupagateṣu sahasrasaṃkhyāṃ / doṣāpi nūnamahimāṃśurasau kileti vyākośakokanadatāṃ dadhate nalinyaḥ

Sanskrit only: no published translation is held for this verse.

अपशङ्कमङ्कपरिवर्तनोचिताश्चलिताः पुरः पतिमुपेतुमात्मजाः । अनुरोदितीव करुणेन पत्त्रिणां विरुतेन वत्सलतययैष निम्नगाः

apaśaṅkamaṅkaparivartanocitāścalitāḥ puraḥ patimupetumātmajāḥ / anuroditīva karuṇena pattriṇāṃ virutena vatsalatayayaiṣa nimnagāḥ

Sanskrit only: no published translation is held for this verse.

मधुकरविटपानमितास्तरुपङ्क्तीर्बिभ्रतःऽस्य विटपानमिताः । परिपाकपिशङ्गलतारजसा रोधश्चकास्ति कपिशं गलता

madhukaraviṭapānamitāstarupaṅktīrbibhrataḥ'sya viṭapānamitāḥ / paripākapiśaṅgalatārajasā rodhaścakāsti kapiśaṃ galatā

Sanskrit only: no published translation is held for this verse.

प्राग्भागतः पतदिहेदमुपत्यकासु शृङ्गारितायतमहेभकराभमम्भः । संलक्ष्यतेविविधरत्नकरानुविद्धम् ऊर्ध्वप्रसारितसुराधिपचापचारु

prāgbhāgataḥ patadihedamupatyakāsu śṛṅgāritāyatamahebhakarābhamambhaḥ / saṃlakṣyatevividharatnakarānuviddham ūrdhvaprasāritasurādhipacāpacāru

Sanskrit only: no published translation is held for this verse.

दधाति च विकसद्विचित्रकल्पद्रुमकुसुमैरभिगुम्फितानिवैताः । क्षणमलघुविलम्बिपिच्छदाम्नः शिखरशिखाः शिखिशेखरानमुष्य

dadhāti ca vikasadvicitrakalpadrumakusumairabhigumphitānivaitāḥ / kṣaṇamalaghuvilambipicchadāmnaḥ śikharaśikhāḥ śikhiśekharānamuṣya

Sanskrit only: no published translation is held for this verse.

सवधूकाः सुखिनो ऽस्मन्ननवरतममन्दरामतामरसदृशः । नासेवन्ते रसवन्नवरतममन्दरागतामरसदृशः

savadhūkāḥ sukhino 'smannanavaratamamandarāmatāmarasadṛśaḥ / nāsevante rasavannavaratamamandarāgatāmarasadṛśaḥ

Sanskrit only: no published translation is held for this verse.

आच्छाद्य पुष्पपटमेव महान्तमन्तरावर्तिभिर्गृहकपोतशिरोधराभैः । शस्वङ्गानि धूमरुचिमागुरवीं दधानैर् धूपायतीव पटलैर्नीरदानाम्

ācchādya puṣpapaṭameva mahāntamantarāvartibhirgṛhakapotaśirodharābhaiḥ / śasvaṅgāni dhūmarucimāguravīṃ dadhānair dhūpāyatīva paṭalairnīradānām

Sanskrit only: no published translation is held for this verse.

अन्योन्यव्यतिकरचारुभिर्विचित्रैर् अत्रस्यन्नवमणिर्जन्मभिर्मयूखैः । विस्मेरान्गगनसदः करोत्यमुष्मिन्न् आकाशेरचितमभित्ति चित्रकर्म

anyonyavyatikaracārubhirvicitrair atrasyannavamaṇirjanmabhirmayūkhaiḥ / vismerāngaganasadaḥ karotyamuṣminn ākāśeracitamabhitti citrakarma

Sanskrit only: no published translation is held for this verse.

समीरशिशिरः शिरःसुवसता सता जवनिका निकानसुखिनाम् । बिभर्तिजनयन्नयं मुदमपाम् अपायधवला वलाहकततीः

samīraśiśiraḥ śiraḥsuvasatā satā javanikā nikānasukhinām / bibhartijanayannayaṃ mudamapām apāyadhavalā valāhakatatīḥ

Sanskrit only: no published translation is held for this verse.

मैर्त्त्र्यादिचित्तपरिकर्मविदो विधाय क्लेशप्रहाणमिह लब्धसबीजयोगाः । ख्यातिं चसत्त्वपुरुषान्यतयाधिगम्य वाञ्चन्ति तामपि समाधिभृतः निरोद्धुम्

mairttryādicittaparikarmavido vidhāya kleśaprahāṇamiha labdhasabījayogāḥ / khyātiṃ casattvapuruṣānyatayādhigamya vāñcanti tāmapi samādhibhṛtaḥ niroddhum

Sanskrit only: no published translation is held for this verse.

मरकतमयमेदिनीषु भानोस् तरुविटपान्तरपातिनो मयूखाः । अवनतशितिकण्ठकण्ठलक्ष्मीम् इह दधति श्फुरिताणुरेणुजालाः

marakatamayamedinīṣu bhānos taruviṭapāntarapātino mayūkhāḥ / avanataśitikaṇṭhakaṇṭhalakṣmīm iha dadhati śphuritāṇureṇujālāḥ

Sanskrit only: no published translation is held for this verse.

या बिभर्ति कलवल्लकीगुणस्वानमानमतिकालिमालया । नात्र कान्तमुपगीतया तया स्वानमानमति कालिमालया

yā bibharti kalavallakīguṇasvānamānamatikālimālayā / nātra kāntamupagītayā tayā svānamānamati kālimālayā

Sanskrit only: no published translation is held for this verse.

सायं शशाङ्गकिरणाहतचन्द्रकान्तनिस्यन्दिनीरनिकरेण कृताभिषेकाः । अर्कोपलोल्लसितवह्निभिरह्नि तप्तास् तीव्रं महाव्रतमिवात्र चरनति वप्राः

sāyaṃ śaśāṅgakiraṇāhatacandrakāntanisyandinīranikareṇa kṛtābhiṣekāḥ / arkopalollasitavahnibhirahni taptās tīvraṃ mahāvratamivātra caranati vaprāḥ

Sanskrit only: no published translation is held for this verse.

एतस्मिन्नधिकपयःश्रियं वहन्त्यः संक्षोभं पवनभुवा जवेन नीताः । वाल्मीकेररहितरामलक्ष्मणानां साधर्म्यं दधति गिरां महासरस्यः

etasminnadhikapayaḥśriyaṃ vahantyaḥ saṃkṣobhaṃ pavanabhuvā javena nītāḥ / vālmīkerarahitarāmalakṣmaṇānāṃ sādharmyaṃ dadhati girāṃ mahāsarasyaḥ

Sanskrit only: no published translation is held for this verse.

इह मुहुर्मुदितैः कलभै रवः प्रतिदिशं क्रियते कलभैरवः । स्फुरति चानुवनं चमरीचयः कनकरत्नभुवां च मरीचयः

iha muhurmuditaiḥ kalabhai ravaḥ pratidiśaṃ kriyate kalabhairavaḥ / sphurati cānuvanaṃ camarīcayaḥ kanakaratnabhuvāṃ ca marīcayaḥ

Sanskrit only: no published translation is held for this verse.

त्वक्साररन्ध्रपरिपूरणलब्धगीतिर् अस्मिन्नसौ मृदितपक्ष्मलरल्लकाङ्गः । कस्तूरिकामृगविमर्दसुगन्धिरेति रागीव सक्तिमधिकां विषयेषु वायुः

tvaksārarandhraparipūraṇalabdhagītir asminnasau mṛditapakṣmalarallakāṅgaḥ / kastūrikāmṛgavimardasugandhireti rāgīva saktimadhikāṃ viṣayeṣu vāyuḥ

Sanskrit only: no published translation is held for this verse.

प्रीत्यै यूनां व्यवहिततपनाः प्रौढद्वान्तं दिनमिह जलदाः । दोषामन्यं विदधाति सुरतक्रीडायासश्रमपटवः

prītyai yūnāṃ vyavahitatapanāḥ prauḍhadvāntaṃ dinamiha jaladāḥ / doṣāmanyaṃ vidadhāti suratakrīḍāyāsaśramapaṭavaḥ

Sanskrit only: no published translation is held for this verse.

भग्ने निवासो ऽयमिहास्य पुष्पैः सदानतः येन विषाणि नागः । तीव्राणि तेनोज्झति कोपितो ऽसौ ससानतोयेन विषाणि नागः

bhagne nivāso 'yamihāsya puṣpaiḥ sadānataḥ yena viṣāṇi nāgaḥ / tīvrāṇi tenojjhati kopito 'sau sasānatoyena viṣāṇi nāgaḥ

Sanskrit only: no published translation is held for this verse.

प्रालेयशीतलमचलेश्वरमीश्वरो ऽपि सान्द्रभचर्मवसनावरणाधिशेते । सर्वर्तुनिवृत्तिकरे निवसन्नुपैति न द्वन्द्वदुःखमिह किञ्चिदकिञ्चनो ऽपि

prāleyaśītalamacaleśvaramīśvaro 'pi sāndrabhacarmavasanāvaraṇādhiśete / sarvartunivṛttikare nivasannupaiti na dvandvaduḥkhamiha kiñcidakiñcano 'pi

Sanskrit only: no published translation is held for this verse.

नवनगवनलेखाश्यामध्याभिराभिः स्फटिककटकभूमिनाटयत्येष शैलः । अहिपरिकरभाजो भास्मनैरङ्गरागैर् अधिगतधवलिम्नः शूलपाणेरभिख्याम्

navanagavanalekhāśyāmadhyābhirābhiḥ sphaṭikakaṭakabhūmināṭayatyeṣa śailaḥ / ahiparikarabhājo bhāsmanairaṅgarāgair adhigatadhavalimnaḥ śūlapāṇerabhikhyām

Sanskrit only: no published translation is held for this verse.

दधद्भिरभितस्तटौ विकचवारिजाम्बूनदैर् विनोदितदिनक्लमाः कृतरुचश्चजाम्बूनदैः । निषेव्य मधु माधवाः सरसमत्र कादम्बरं हरन्ति रतये रहः प्रियतमाङ्गकादम्बरम्

dadhadbhirabhitastaṭau vikacavārijāmbūnadair vinoditadinaklamāḥ kṛtarucaścajāmbūnadaiḥ / niṣevya madhu mādhavāḥ sarasamatra kādambaraṃ haranti rataye rahaḥ priyatamāṅgakādambaram

Sanskrit only: no published translation is held for this verse.

दर्पणनिर्मलासु पतिते घनतिमिरमुषि ज्योतिषि रौप्यभित्तिषु पुरः प्रतिफलति मुहुः । व्रीडमसंंमुखो ऽपि रमणैरपहृतवसनाः खाञ्चनकन्दरासु तरुणीरिह नयति रविः

darpaṇanirmalāsu patite ghanatimiramuṣi jyotiṣi raupyabhittiṣu puraḥ pratiphalati muhuḥ / vrīḍamasaṃṃmukho 'pi ramaṇairapahṛtavasanāḥ khāñcanakandarāsu taruṇīriha nayati raviḥ

Sanskrit only: no published translation is held for this verse.

अनुकृतिशिखरौघश्रीभिरभ्यगते ऽसौ त्वयि सरभसमभ्युत्तिष्ठतीवाद्रिरुच्चैः । द्रुतमरुदुपनुन्नैरुन्नमद्भिः सहेलं हलधरपरिधानश्यामलैरम्बुवाहैः

anukṛtiśikharaughaśrībhirabhyagate 'sau tvayi sarabhasamabhyuttiṣṭhatīvādriruccaiḥ / drutamarudupanunnairunnamadbhiḥ sahelaṃ haladharaparidhānaśyāmalairambuvāhaiḥ

Sanskrit only: no published translation is held for this verse.