Magha: Sisupalavadha 6

अथ रिरंसुममुं युगपद्गिरौ कृतयथास्वतरुप्रसवश्रिया । ऋतुगणेन निषेवितुमादधे भुवि पदं विपदन्तकृतं सतां

atha riraṃsumamuṃ yugapadgirau kṛtayathāsvataruprasavaśriyā / ṛtugaṇena niṣevitumādadhe bhuvi padaṃ vipadantakṛtaṃ satāṃ

Sanskrit only: no published translation is held for this verse.

नवपलाशपलाशवनं पुरः स्फुटस्फटपरागतपङ्गजम् । मृदुलतान्तलतान्तमलोकयत्स सुरभिं सुमनोभरैः

navapalāśapalāśavanaṃ puraḥ sphuṭasphaṭaparāgatapaṅgajam / mṛdulatāntalatāntamalokayatsa surabhiṃ sumanobharaiḥ

Sanskrit only: no published translation is held for this verse.

विलुलितालकसंहृतिरामृशन्मृगदृशां श्रमवारि ललाटजम् । तनुतरङ्गततिं सरसां दलत्कुवलयं वलयन्मरुदाववौ

vilulitālakasaṃhṛtirāmṛśanmṛgadṛśāṃ śramavāri lalāṭajam / tanutaraṅgatatiṃ sarasāṃ dalatkuvalayaṃ valayanmarudāvavau

Sanskrit only: no published translation is held for this verse.

तुलयति स्म विलोचनतारकाः कुरबकस्तबकव्यतिषह्किणि । गुणवदाश्रयलब्धगुणोददये मालिनिमालिनि माधवयोषितां

tulayati sma vilocanatārakāḥ kurabakastabakavyatiṣahkiṇi / guṇavadāśrayalabdhaguṇodadaye mālinimālini mādhavayoṣitāṃ

Sanskrit only: no published translation is held for this verse.

स्फुटमिवोज्वलकाञ्चकान्तिभिर्युतमशोकमशोभत चम्पकैः । विरहिणां हृदयस्य भिदाभृतः कपिशितं पिशितं मदनाग्निना

sphuṭamivojvalakāñcakāntibhiryutamaśokamaśobhata campakaiḥ / virahiṇāṃ hṛdayasya bhidābhṛtaḥ kapiśitaṃ piśitaṃ madanāgninā

Sanskrit only: no published translation is held for this verse.

स्मराहुताशनमुर्मुरचूर्णतां दधुरिवाम्रवनस्य रजःकणाः । निपातिताः परितः पथिकव्रजानुपरि ते परितेपुरतो भृशम्

smarāhutāśanamurmuracūrṇatāṃ dadhurivāmravanasya rajaḥkaṇāḥ / nipātitāḥ paritaḥ pathikavrajānupari te paritepurato bhṛśam

Sanskrit only: no published translation is held for this verse.

रतिपतिप्रहितेव कृतक्रुधः प्रियतमेषु वधूरनुनायिका । बकुलपुष्परसासवपेशलध्वनिरगान्निरगात् मधुपावलिः

ratipatiprahiteva kṛtakrudhaḥ priyatameṣu vadhūranunāyikā / bakulapuṣparasāsavapeśaladhvaniragānniragāt madhupāvaliḥ

Sanskrit only: no published translation is held for this verse.

प्रियसखीसदृशं प्रतिबोधिताः किमपि काम्यगिरा परपुष्टया । प्रियतमाय वपुर्गुरुमत्सरच्छिदुरयादुरनाचिं अङ्गनाः

priyasakhīsadṛśaṃ pratibodhitāḥ kimapi kāmyagirā parapuṣṭayā / priyatamāya vapurgurumatsaracchidurayāduranāciṃ aṅganāḥ

Sanskrit only: no published translation is held for this verse.

मधुकरैरपवादकरैरिव स्मृतिभुवः पथिकाः हरिणा इव । कलतया वचसः परिवादिनीस्वरजिता वशमाययुः

madhukarairapavādakarairiva smṛtibhuvaḥ pathikāḥ hariṇā iva / kalatayā vacasaḥ parivādinīsvarajitā vaśamāyayuḥ

Sanskrit only: no published translation is held for this verse.

समभिसृत्य रसादवलम्बितः प्रमदया कुसुमावचिचीर्षया । अविनमन्न रराजवृथोच्चकैरनृतया नृतया वनपादपः

samabhisṛtya rasādavalambitaḥ pramadayā kusumāvacicīrṣayā / avinamanna rarājavṛthoccakairanṛtayā nṛtayā vanapādapaḥ

Sanskrit only: no published translation is held for this verse.

इदमपास्य विरागि परागीरलिकदम्बकमम्बुरुहां ततीः । स्तनभरेण जितस्तबकानमन्नवलते वलते ऽभिमुखं तव

idamapāsya virāgi parāgīralikadambakamamburuhāṃ tatīḥ / stanabhareṇa jitastabakānamannavalate valate 'bhimukhaṃ tava

Sanskrit only: no published translation is held for this verse.

सुरभिणिश्वसिते दधतस्तृषं नवसुधामधुरे च तवाधरे । अलमलेरिव गन्धरसावमू मम न सौमनसौ मनसो मुदे

surabhiṇiśvasite dadhatastṛṣaṃ navasudhāmadhure ca tavādhare / alamaleriva gandharasāvamū mama na saumanasau manaso mude

Sanskrit only: no published translation is held for this verse.

इति गदन्तमनन्तरमङ्गना भुजयुगोन्नमनोच्चतरस्तनी । प्रणयिनं रभसादुदरश्रिया वलिभयादलिभयादिव सस्वजे

iti gadantamanantaramaṅganā bhujayugonnamanoccatarastanī / praṇayinaṃ rabhasādudaraśriyā valibhayādalibhayādiva sasvaje

Sanskrit only: no published translation is held for this verse.

वदनसौरभलोभपरिभ्रमद्भ्रमरसंभ्रमसंभृतशोभया । चलितया विदधे कलमेखलाकलकलो ऽलकलोलदृशान्यया

vadanasaurabhalobhaparibhramadbhramarasaṃbhramasaṃbhṛtaśobhayā / calitayā vidadhe kalamekhalākalakalo 'lakaloladṛśānyayā

Sanskrit only: no published translation is held for this verse.

अजगणन् गणशः प्रियमग्रतः प्रणतमप्यभिमानितया न याः । सति मधावभवन्मदनव्यथा विधुरिता धुरिताः कुकुरस्त्रियः

ajagaṇan gaṇaśaḥ priyamagrataḥ praṇatamapyabhimānitayā na yāḥ / sati madhāvabhavanmadanavyathā vidhuritā dhuritāḥ kukurastriyaḥ

Sanskrit only: no published translation is held for this verse.

कुसुमकार्मुककार्मुकसंहितद्रुतशिलीमुखखण्डितविग्रहाः । मरणमप्यपराः प्रतिपेदिरे किमु मुहुर्मुहुर्गतभर्तृकाः

kusumakārmukakārmukasaṃhitadrutaśilīmukhakhaṇḍitavigrahāḥ / maraṇamapyaparāḥ pratipedire kimu muhurmuhurgatabhartṛkāḥ

Sanskrit only: no published translation is held for this verse.

रुरुधिषा वदनाम्बुरुहश्रियः सुतनु सत्मलङ्करणाय ते । तदपि सम्प्रति सन्निहिते मधावधिगमं धिगमङ्गलमश्रुणः

rurudhiṣā vadanāmburuhaśriyaḥ sutanu satmalaṅkaraṇāya te / tadapi samprati sannihite madhāvadhigamaṃ dhigamaṅgalamaśruṇaḥ

Sanskrit only: no published translation is held for this verse.

त्यजति कष्टामसावचिरादसून् विरहवेदनयेत्यघशङ्गिभिः । प्रियतया गदितास्त्वयि बान्धवैरवितथा वितथाः सखि मा गिरः

tyajati kaṣṭāmasāvacirādasūn virahavedanayetyaghaśaṅgibhiḥ / priyatayā gaditāstvayi bāndhavairavitathā vitathāḥ sakhi mā giraḥ

Sanskrit only: no published translation is held for this verse.

न खलु दूरगतो ऽप्यधिवर्तते महमसाविति बन्धुतयोदितैः । प्रणयिनो निशमय्य वधूर्बहिः स्वरमृतैरमृतैरिव निर्ववौ

na khalu dūragato 'pyadhivartate mahamasāviti bandhutayoditaiḥ / praṇayino niśamayya vadhūrbahiḥ svaramṛtairamṛtairiva nirvavau

Sanskrit only: no published translation is held for this verse.

मधुरया मधुबोधितमाधवीमधुसमृद्धिसमेधितमेधया । मधुकराङ्गनया मुहुरुन्मदध्वनिभृता निभृताक्षरमुज्जगे

madhurayā madhubodhitamādhavīmadhusamṛddhisamedhitamedhayā / madhukarāṅganayā muhurunmadadhvanibhṛtā nibhṛtākṣaramujjage

Sanskrit only: no published translation is held for this verse.

अरुणिताखिशैलवना मुहुर्विदधती पथिकान् परितापिनः । विकचकिंशुकसंहतिरुच्चकैरुदवहद्दवहव्यवहश्रियम्

aruṇitākhiśailavanā muhurvidadhatī pathikān paritāpinaḥ / vikacakiṃśukasaṃhatiruccakairudavahaddavahavyavahaśriyam

Sanskrit only: no published translation is held for this verse.

रवितुरङ्गतनूरुहतुल्यतां दधति यत्र शिरीषरजोरुचः । उपययौ विदधन्नवमल्लिकाः शुचिरसौ चिरसौरभसंपदः

ravituraṅgatanūruhatulyatāṃ dadhati yatra śirīṣarajorucaḥ / upayayau vidadhannavamallikāḥ śucirasau cirasaurabhasaṃpadaḥ

Sanskrit only: no published translation is held for this verse.

दलितकोमलपाटलकुड्मले निजवधूश्वसितानुविधायिनि । मरुति वाति विलासिभिरुन्मदभ्रमदलौ मदलौल्यमुपाददे

dalitakomalapāṭalakuḍmale nijavadhūśvasitānuvidhāyini / maruti vāti vilāsibhirunmadabhramadalau madalaulyamupādade

Sanskrit only: no published translation is held for this verse.

निदधिरे दयितोरसि तत्क्षणस्पनवारितुषारभृतः स्तनाः । सरसचन्दनरेणुरनुक्षणं विचकरे च करेण वरोरुभिः

nidadhire dayitorasi tatkṣaṇaspanavārituṣārabhṛtaḥ stanāḥ / sarasacandanareṇuranukṣaṇaṃ vicakare ca kareṇa varorubhiḥ

Sanskrit only: no published translation is held for this verse.

स्फुरदधीरतडिन्नयना मुहुः प्रियमिवागलितोरुपयोधरा । जलधरावलिरप्रतिपालितस्वसमया समयाञ्जगतीधरम्

sphuradadhīrataḍinnayanā muhuḥ priyamivāgalitorupayodharā / jaladharāvalirapratipālitasvasamayā samayāñjagatīdharam

Sanskrit only: no published translation is held for this verse.

गजकदम्बकमेचकमुच्चकैर्नभसि वीक्ष्य नवाम्बुदमम्बरे । अभिससार न वल्लभमङ्गना न चकमे च कमेकरसं रहः

gajakadambakamecakamuccakairnabhasi vīkṣya navāmbudamambare / abhisasāra na vallabhamaṅganā na cakame ca kamekarasaṃ rahaḥ

Sanskrit only: no published translation is held for this verse.

अनुययौ विविधोपलकुण्डलद्युतिवितानकसंवलितांशुकम् । धुततनुर्वलयस्य पयोमुचः शबलिमा बलिमानमुषो वपुः

anuyayau vividhopalakuṇḍaladyutivitānakasaṃvalitāṃśukam / dhutatanurvalayasya payomucaḥ śabalimā balimānamuṣo vapuḥ

Sanskrit only: no published translation is held for this verse.

द्रुतसमीरचलैः क्षणलक्षितव्यवहिता विटपैरिव मञ्जरी । नततमालनिभस्य नभस्तरोरचिररोचिररोचत वारिदैः

drutasamīracalaiḥ kṣaṇalakṣitavyavahitā viṭapairiva mañjarī / natatamālanibhasya nabhastaroracirarocirarocata vāridaiḥ

Sanskrit only: no published translation is held for this verse.

पटलमम्बुमुचां पथिकाङ्गना सपदि जीवितसंशयमेष्यती । सनयनाम्बुसखीजन संभ्रमाद्विधुरबन्धुरबन्धुरमैक्षत

paṭalamambumucāṃ pathikāṅganā sapadi jīvitasaṃśayameṣyatī / sanayanāmbusakhījana saṃbhramādvidhurabandhurabandhuramaikṣata

Sanskrit only: no published translation is held for this verse.

प्रवसतः सुतरामुदकम्पयद्विलकन्दलकम्पनलालितः । नमयति स्म वनानि मनस्विनीजननमनो घनमारुतः

pravasataḥ sutarāmudakampayadvilakandalakampanalālitaḥ / namayati sma vanāni manasvinījananamano ghanamārutaḥ

Sanskrit only: no published translation is held for this verse.

जलदपङ्क्तिरनर्तयदुन्मदंकलविलापि कलापिकदम्बकम् । कृतसमार्जनमर्दलमण्डलध्वनिजया निजया स्वनसंपदा

jaladapaṅktiranartayadunmadaṃkalavilāpi kalāpikadambakam / kṛtasamārjanamardalamaṇḍaladhvanijayā nijayā svanasaṃpadā

Sanskrit only: no published translation is held for this verse.

नवकदम्बजो ऽरुणिताम्बरैरधिपुरन्ध्रि शिलीन्ध्रसुगन्धिभिः । मनसि रागवतामनुरागिता नवनवा वनवायुभिरादधे

navakadambajo 'ruṇitāmbarairadhipurandhri śilīndhrasugandhibhiḥ / manasi rāgavatāmanurāgitā navanavā vanavāyubhirādadhe

Sanskrit only: no published translation is held for this verse.

शमिततापमपोढमहीरजः प्रथमबिन्दुभिरम्बुमुचो ऽम्भसां । प्रविरलैरचलाङ्गनमङ्गनाजनसुगं न सुगन्धि न चक्रिरे

śamitatāpamapoḍhamahīrajaḥ prathamabindubhirambumuco 'mbhasāṃ / praviralairacalāṅganamaṅganājanasugaṃ na sugandhi na cakrire

Sanskrit only: no published translation is held for this verse.

द्विरदवलक्षमलक्ष्यत स्फुरितभृङ्गमृच्छवि केतकम् । घनघनौघविघट्टनया दिवः कृशसिखं शशिखण्डमिव च्युतम्

dviradavalakṣamalakṣyata sphuritabhṛṅgamṛcchavi ketakam / ghanaghanaughavighaṭṭanayā divaḥ kṛśasikhaṃ śaśikhaṇḍamiva cyutam

Sanskrit only: no published translation is held for this verse.

दलितमौक्तिकचूर्णविपाण्डवः स्फुरितनिर्झरशीकरचारवः । कुटजपुष्पपरागकणाः स्फुटं विदधिरे दधिरेणुविडम्बनाम्

dalitamauktikacūrṇavipāṇḍavaḥ sphuritanirjharaśīkaracāravaḥ / kuṭajapuṣpaparāgakaṇāḥ sphuṭaṃ vidadhire dadhireṇuviḍambanām

Sanskrit only: no published translation is held for this verse.

नवपयःकणकोमलमालतीकुसुमसंततिसंततसङ्गिभिः । प्रचलितोडुनिभैः परिपाण्डिमाः शुभरजोभरजो ऽलिभिराददे

navapayaḥkaṇakomalamālatīkusumasaṃtatisaṃtatasaṅgibhiḥ / pracalitoḍunibhaiḥ paripāṇḍimāḥ śubharajobharajo 'libhirādade

Sanskrit only: no published translation is held for this verse.

निजरजः पटवासमिवाकिरद्धृतपटोपमवारिमुचां दिशां । प्रियवियुक्तवधूजनचेतसामनवनी नवनीपवनावलिः

nijarajaḥ paṭavāsamivākiraddhṛtapaṭopamavārimucāṃ diśāṃ / priyaviyuktavadhūjanacetasāmanavanī navanīpavanāvaliḥ

Sanskrit only: no published translation is held for this verse.

प्रणयकोपभृतो ऽपि पराङ्मुखाः सपदि वारिधरारवभीरवः । प्रणयिनः परिरब्धुमथाङ्गना ववलिरे वलिरेचितमध्यमाः

praṇayakopabhṛto 'pi parāṅmukhāḥ sapadi vāridharāravabhīravaḥ / praṇayinaḥ parirabdhumathāṅganā vavalire valirecitamadhyamāḥ

Sanskrit only: no published translation is held for this verse.

विगतरागगुणो ऽपि जनो न कश्चलति वाति पयोदनभस्वति । अभिहिते ऽलिभिरेवमिवोच्चकैरननृते ननृते नवपल्लवैः

vigatarāgaguṇo 'pi jano na kaścalati vāti payodanabhasvati / abhihite 'libhirevamivoccakairananṛte nanṛte navapallavaiḥ

Sanskrit only: no published translation is held for this verse.

अरमयन् भवनादचिरद्युतेः किल भयादमपयातुमनिच्छवः । यदुनरेन्द्रगणं तरुणागणास्तमथ मन्मथमन्थरभाषिणः

aramayan bhavanādaciradyuteḥ kila bhayādamapayātumanicchavaḥ / yadunarendragaṇaṃ taruṇāgaṇāstamatha manmathamantharabhāṣiṇaḥ

Sanskrit only: no published translation is held for this verse.

ददतमन्तरिताहिमदीधितिं खगकुलाय कुलायनिलायिताम् । जलदकालमबोधकृतं दिशामपराथाप रथवयवायुधः

dadatamantaritāhimadīdhitiṃ khagakulāya kulāyanilāyitām / jaladakālamabodhakṛtaṃ diśāmaparāthāpa rathavayavāyudhaḥ

Sanskrit only: no published translation is held for this verse.

स विकचोत्पलचक्षुषमैक्षत क्षितिभृतो ऽङगगतां दयितामिव । शरदमच्छगलद्वसनोपमाक्षमधनामघनाशनकीर्तनः

sa vikacotpalacakṣuṣamaikṣata kṣitibhṛto 'ṅagagatāṃ dayitāmiva / śaradamacchagaladvasanopamākṣamadhanāmaghanāśanakīrtanaḥ

Sanskrit only: no published translation is held for this verse.

जगति नैशमशीतकरः करैर्वियति वारिदवृन्दमयं तमः । जलजराजिषु नैन्द्रमदिद्रवन्न महतामहताः क्व च नारयः

jagati naiśamaśītakaraḥ karairviyati vāridavṛndamayaṃ tamaḥ / jalajarājiṣu naindramadidravanna mahatāmahatāḥ kva ca nārayaḥ

Sanskrit only: no published translation is held for this verse.

समय एव करोति बलाबलं प्रणिगतवन्त इतीव शरीरिणाम् । शरदि हंसरवाः परुषीकृतस्वरमयूरमयू रमणीयताम्

samaya eva karoti balābalaṃ praṇigatavanta itīva śarīriṇām / śaradi haṃsaravāḥ paruṣīkṛtasvaramayūramayū ramaṇīyatām

Sanskrit only: no published translation is held for this verse.

तनुरुहाणि पुरो विजितध्वनेर्धवलपक्षविहङ्गमकूजितैः । जगलुरक्षमयेव शिखण्डिनः परिभवो ऽरिभवो हि सुदुःसहः

tanuruhāṇi puro vijitadhvanerdhavalapakṣavihaṅgamakūjitaiḥ / jagalurakṣamayeva śikhaṇḍinaḥ paribhavo 'ribhavo hi suduḥsahaḥ

Sanskrit only: no published translation is held for this verse.

अनुवनं वनराजिवधूमुखे बहलरागजवाधरचारुणि । विकचबाणवलयो ऽधिकं रुरुचिरे रुचिरेक्षणविभ्रमाः

anuvanaṃ vanarājivadhūmukhe bahalarāgajavādharacāruṇi / vikacabāṇavalayo 'dhikaṃ rurucire rucirekṣaṇavibhramāḥ

Sanskrit only: no published translation is held for this verse.

कनकभङ्गपिशङ्गदलैर्दधे सरजसारुणकेशरचारुभिः । प्रियविमानितमानवतीरुषां निरसनैरसनैरवृथार्थता

kanakabhaṅgapiśaṅgadalairdadhe sarajasāruṇakeśaracārubhiḥ / priyavimānitamānavatīruṣāṃ nirasanairasanairavṛthārthatā

Sanskrit only: no published translation is held for this verse.

मुखसरोजरुचं मदपाटलामनुचकार चकोरदृशां यतः । धृतनवातपमुत्सुकतामतो न कमलं कमलम्भयदम्भसि

mukhasarojarucaṃ madapāṭalāmanucakāra cakoradṛśāṃ yataḥ / dhṛtanavātapamutsukatāmato na kamalaṃ kamalambhayadambhasi

Sanskrit only: no published translation is held for this verse.

विगतसस्यजिधत्समघट्टयत्कलमगोपवधूर्न मृगव्रजम् । श्रुततदीरितकोमलगीतकध्वनिमिषे ऽनिमेषेक्षणमग्रतः

vigatasasyajidhatsamaghaṭṭayatkalamagopavadhūrna mṛgavrajam / śrutatadīritakomalagītakadhvanimiṣe 'nimeṣekṣaṇamagrataḥ

Sanskrit only: no published translation is held for this verse.

कृतमदं निगदन्त इवाकुलीकृतजगत्रयमूर्जमतङ्गजम् । ववुरयुक्छदगुच्छसुगन्धयः सततगास्ततगानगिरो ऽलिभिः

kṛtamadaṃ nigadanta ivākulīkṛtajagatrayamūrjamataṅgajam / vavurayukchadagucchasugandhayaḥ satatagāstatagānagiro 'libhiḥ

Sanskrit only: no published translation is held for this verse.

विगतवारिधरावरणाः क्वचिददृशुरुल्लसितासितासिताः । क्वचिदिवेन्द्रगजाजिनकञ्चुकाः शरदि नीरदिनीर्यदेवो दिशः

vigatavāridharāvaraṇāḥ kvacidadṛśurullasitāsitāsitāḥ / kvacidivendragajājinakañcukāḥ śaradi nīradinīryadevo diśaḥ

Sanskrit only: no published translation is held for this verse.

विलुलितामनिलैः शरदङ्गना नवसरोरुहकेशरसम्भवाम् । विकरितुं परिहासविधित्सया हरिवधूरिव धूलिमुधक्षिपत्

vilulitāmanilaiḥ śaradaṅganā navasaroruhakeśarasambhavām / vikarituṃ parihāsavidhitsayā harivadhūriva dhūlimudhakṣipat

Sanskrit only: no published translation is held for this verse.

हरितपत्रमयीव मरुद्गणैः स्रगवनद्धमनोरमपल्लवा । मधुरिपोरभिताम्रमुखी मुदं दिवि तता विततान शुकावलिः

haritapatramayīva marudgaṇaiḥ sragavanaddhamanoramapallavā / madhuriporabhitāmramukhī mudaṃ divi tatā vitatāna śukāvaliḥ

Sanskrit only: no published translation is held for this verse.

स्मितसरोरुहनेत्रसरोजलामतिसितङ्गविहङ्गहसद्दिवम् । अकलयन् मुदितामिव सर्वतः स शरदन्तुरदिह्मुखाम्

smitasaroruhanetrasarojalāmatisitaṅgavihaṅgahasaddivam / akalayan muditāmiva sarvataḥ sa śaradanturadihmukhām

Sanskrit only: no published translation is held for this verse.

गजद्वयसीरपि हैमनस्तुहिनयन् सरितः पृषतां पतिः । सलिलसन्ततिमध्वगयोषितामतुनतातनुतापकृतं दृशां

gajadvayasīrapi haimanastuhinayan saritaḥ pṛṣatāṃ patiḥ / salilasantatimadhvagayoṣitāmatunatātanutāpakṛtaṃ dṛśāṃ

Sanskrit only: no published translation is held for this verse.

इदमयुक्तमहो महदेव यद्वरतनोः स्मरयत्यनिलो ऽन्यदा । स्मृसयौवनसोष्मपयोधरान् सतुहिनस्तु हिनस्तु वियोगिनः

idamayuktamaho mahadeva yadvaratanoḥ smarayatyanilo 'nyadā / smṛsayauvanasoṣmapayodharān satuhinastu hinastu viyoginaḥ

Sanskrit only: no published translation is held for this verse.

प्रियतमेन यया सरुषा स्थितं न सह सा सहसा परिरभ्य तम् । श्लथयितुं क्षणमक्षमतामङ्गना न सह सा सहसा कृतवेपथुः

priyatamena yayā saruṣā sthitaṃ na saha sā sahasā parirabhya tam / ślathayituṃ kṣaṇamakṣamatāmaṅganā na saha sā sahasā kṛtavepathuḥ

Sanskrit only: no published translation is held for this verse.

भृशमदूयत याधरपल्लवक्षतिरनावरणा हिममारुतैः । दशनरश्मिपटेन च सीत्कृतैर्निवासितेव सितेन सुनिर्ववौ

bhṛśamadūyata yādharapallavakṣatiranāvaraṇā himamārutaiḥ / daśanaraśmipaṭena ca sītkṛtairnivāsiteva sitena sunirvavau

Sanskrit only: no published translation is held for this verse.

व्रणभृता सुतनोः कलसीकृतस्फुरितदन्तमरीचिमयं दधे । स्फुटमिवावरणं हिमारुतैर्मृदुतया दुतयाधरलेखया

vraṇabhṛtā sutanoḥ kalasīkṛtasphuritadantamarīcimayaṃ dadhe / sphuṭamivāvaraṇaṃ himārutairmṛdutayā dutayādharalekhayā

Sanskrit only: no published translation is held for this verse.

धृततुषारकणस्य नभस्वतस्तरुलताङ्गुलितर्जनविभ्रमाः । पृथु निरन्तरमिष्टभुजान्तरं वनितयानितया न विषेहिरे

dhṛtatuṣārakaṇasya nabhasvatastarulatāṅgulitarjanavibhramāḥ / pṛthu nirantaramiṣṭabhujāntaraṃ vanitayānitayā na viṣehire

Sanskrit only: no published translation is held for this verse.

हिमऋतावपि ताः स्म भृशस्विदो युवतयः सुतरामुपकारिणौ । प्रकटयत्यनुरागमकृत्रिमं स्मरमयं रमयन्ति विलासिनः

himaṛtāvapi tāḥ sma bhṛśasvido yuvatayaḥ sutarāmupakāriṇau / prakaṭayatyanurāgamakṛtrimaṃ smaramayaṃ ramayanti vilāsinaḥ

Sanskrit only: no published translation is held for this verse.

कुसुमयन्फलिनीरवैमर्दविकासिभिरहितहुंकृतिः । उपवनं निरभर्सयत प्रियान्वियुवतीर्युवतीः शिशिरानिलः

kusumayanphalinīravaimardavikāsibhirahitahuṃkṛtiḥ / upavanaṃ nirabharsayata priyānviyuvatīryuvatīḥ śiśirānilaḥ

Sanskrit only: no published translation is held for this verse.

उपचितेषु परेष्वसमर्थतां व्रजति कालवशाद्बलवानपि । तपसि मन्दगभस्तिरभीषुमान्नहि महाहिमनिकरो ऽभवत्

upaciteṣu pareṣvasamarthatāṃ vrajati kālavaśādbalavānapi / tapasi mandagabhastirabhīṣumānnahi mahāhimanikaro 'bhavat

Sanskrit only: no published translation is held for this verse.

अबिषिषेणयिषुं भुवनानि यः स्मरमिवाख्यात लोध्ररचश्चयः । क्षुभितसैन्यपरागविपाण्डुरद्युतिरयं तिरयन्नुभूद्दिशः

abiṣiṣeṇayiṣuṃ bhuvanāni yaḥ smaramivākhyāta lodhraracaścayaḥ / kṣubhitasainyaparāgavipāṇḍuradyutirayaṃ tirayannubhūddiśaḥ

Sanskrit only: no published translation is held for this verse.

शिशिरमासमपास्य गुणोस्य नः क इव शीतहरस्य कुचोष्मणः । इति धियास्तरुषः परिरेभिरे घनमतो नमतो ऽनुमतान् प्रियाः

śiśiramāsamapāsya guṇosya naḥ ka iva śītaharasya kucoṣmaṇaḥ / iti dhiyāstaruṣaḥ parirebhire ghanamato namato 'numatān priyāḥ

Sanskrit only: no published translation is held for this verse.

अधिलवङ्गममी रजसाधिकं मलिनिताः सुमनोदलतालिनः । स्फुटमिति प्रसवेन पुरो ऽहसत्सपदि कुन्दलता दलतालिनः

adhilavaṅgamamī rajasādhikaṃ malinitāḥ sumanodalatālinaḥ / sphuṭamiti prasavena puro 'hasatsapadi kundalatā dalatālinaḥ

Sanskrit only: no published translation is held for this verse.

अतिसुरभिभाजि पुष्पश्रियामतुनुतरतयेष सन्तानकः । तरुणपरभृतः स्वनं रागिणामतनुत रतये वसन्तानकः

atisurabhibhāji puṣpaśriyāmatunutaratayeṣa santānakaḥ / taruṇaparabhṛtaḥ svanaṃ rāgiṇāmatanuta rataye vasantānakaḥ

Sanskrit only: no published translation is held for this verse.

नोज्झितुं युवतिमानसनिरासे दक्षमिष्टमधुवासरसां । चूतमालिरलिनामतिरागादक्षमिष्ट मधुवासरसारम्

nojjhituṃ yuvatimānasanirāse dakṣamiṣṭamadhuvāsarasāṃ / cūtamāliralināmatirāgādakṣamiṣṭa madhuvāsarasāram

Sanskrit only: no published translation is held for this verse.

जगद्वशीकर्तुमिमाः स्मरस्य प्रभावनीके तनवै जयन्तीः । इत्यस्य तेने कदलीर्मधुश्रीः प्रभावनी केतनवैजयन्तीः

jagadvaśīkartumimāḥ smarasya prabhāvanīke tanavai jayantīḥ / ityasya tene kadalīrmadhuśrīḥ prabhāvanī ketanavaijayantīḥ

Sanskrit only: no published translation is held for this verse.

स्मररागमयी वपुस्तमिस्रा परिसस्तार रवेरसत्यवशम् । प्रियमाप दिवापि कोकिले स्त्री परितस्ताररवे रसत्वश्यम्

smararāgamayī vapustamisrā parisastāra raverasatyavaśam / priyamāpa divāpi kokile strī paritastārarave rasatvaśyam

Sanskrit only: no published translation is held for this verse.

वपुरम्बुविहारमिहं शुचिना रुचिरं कमनीयतरा गतिमा । रमणेन रमण्यचिरांशुलतारुचिरङ्कमनीयत रागमिता

vapurambuvihāramihaṃ śucinā ruciraṃ kamanīyatarā gatimā / ramaṇena ramaṇyacirāṃśulatāruciraṅkamanīyata rāgamitā

Sanskrit only: no published translation is held for this verse.

मुदमब्दभुवामपां मयूराः सहसायन्त नदी पपाट लाभे । अलिना रतमालिनी शिल्लीन्ध्रे सह सायन्तनदीपपाटलाभे

mudamabdabhuvāmapāṃ mayūrāḥ sahasāyanta nadī papāṭa lābhe / alinā ratamālinī śillīndhre saha sāyantanadīpapāṭalābhe

Sanskrit only: no published translation is held for this verse.

कुटजानि वीक्ष्य शिखिभिः शिखरीन्द्रं समयावनौ घनमदभ्रमराणि । गगनं च गीतनिनदस्य गिरोच्चैः समया वनौघनमदभ्रमराणि

kuṭajāni vīkṣya śikhibhiḥ śikharīndraṃ samayāvanau ghanamadabhramarāṇi / gaganaṃ ca gītaninadasya giroccaiḥ samayā vanaughanamadabhramarāṇi

Sanskrit only: no published translation is held for this verse.

अभीष्ठमासाद्य चिराय काले समुद्धृताशां कमनी चकाशे । योषिन्मनोजन्मसुखोदयेषु समुद्धृताशङ्गमनीचकाशे

abhīṣṭhamāsādya cirāya kāle samuddhṛtāśāṃ kamanī cakāśe / yoṣinmanojanmasukhodayeṣu samuddhṛtāśaṅgamanīcakāśe

Sanskrit only: no published translation is held for this verse.

स्तनयोः समयेन याङ्गनानामभिनद्धारसमा न सा रसेन । परिरम्भरुचिं ततिर्जलानामभिनद्धा रसमानसारसेन

stanayoḥ samayena yāṅganānāmabhinaddhārasamā na sā rasena / parirambharuciṃ tatirjalānāmabhinaddhā rasamānasārasena

Sanskrit only: no published translation is held for this verse.

जातप्रीतिर्या मधुरेणानुवनान्तं कामे कान्ते सारसिकाकुरुतेन । तत्सम्पर्क प्राप्य पुरा मोहनलीलां कामेकान्ते सा रसिका का कुरुते न

jātaprītiryā madhureṇānuvanāntaṃ kāme kānte sārasikākurutena / tatsamparka prāpya purā mohanalīlāṃ kāmekānte sā rasikā kā kurute na

Sanskrit only: no published translation is held for this verse.

कान्ताजनेन रहसि प्रसभं गृहीतकेशे रते स्मरसहासवतोपितेन । प्रेम्णा मनस्तु रजनीष्वपि हैमनीषु के शेरते स्म रसहासवतोपितेन

kāntājanena rahasi prasabhaṃ gṛhītakeśe rate smarasahāsavatopitena / premṇā manastu rajanīṣvapi haimanīṣu ke śerate sma rasahāsavatopitena

Sanskrit only: no published translation is held for this verse.

गतवतामपि विस्मयमुच्चकैरसकलामलपल्लवलीलया । मधुकृतामसकृद्गिरमावली रसकलामलपल्लवलीलया

gatavatāmapi vismayamuccakairasakalāmalapallavalīlayā / madhukṛtāmasakṛdgiramāvalī rasakalāmalapallavalīlayā

Sanskrit only: no published translation is held for this verse.

कुर्वन्तमित्यतिभरेण नगानवाचः पुष्पैविराममलिनां च न गानवाचः । श्रीमान्समस्तमनुसानु गिरौविहर्तु बिभ्रत्यचोदि स मयूरगिरा विहर्तुम्

kurvantamityatibhareṇa nagānavācaḥ puṣpaivirāmamalināṃ ca na gānavācaḥ / śrīmānsamastamanusānu girauvihartu bibhratyacodi sa mayūragirā vihartum

Sanskrit only: no published translation is held for this verse.