Library·Magha: Sisupalavadha·7
अनुगिरमृतुभिर्वितायमानामथ स विलोकयितुं वनान्तलक्ष्मीम् । निरगमदभिराद्धुमदृतानां भवति महत्सु न निष्फलः प्रयासः
anugiramṛtubhirvitāyamānāmatha sa vilokayituṃ vanāntalakṣmīm / niragamadabhirāddhumadṛtānāṃ bhavati mahatsu na niṣphalaḥ prayāsaḥ
Sanskrit only: no published translation is held for this verse.
दधति सुमनसो वनानि बह्वीर्युवतियुता यदवः प्रयातुमीषुः । मनसिमहास्त्रमन्यथामी न कुसुमपञ्चकमलं विसोढुम्
dadhati sumanaso vanāni bahvīryuvatiyutā yadavaḥ prayātumīṣuḥ / manasimahāstramanyathāmī na kusumapañcakamalaṃ visoḍhum
Sanskrit only: no published translation is held for this verse.
अवसमधिगम्य तं हरन्तयो हृदयमयत्नकृतोज्वलस्वरूपाः । अवनिषु पदमङ्गनास्तदानीं न्यदधत विभ्रमसम्पदो ऽङगनासु
avasamadhigamya taṃ harantayo hṛdayamayatnakṛtojvalasvarūpāḥ / avaniṣu padamaṅganāstadānīṃ nyadadhata vibhramasampado 'ṅaganāsu
Sanskrit only: no published translation is held for this verse.
नखरुचिरचिन्द्रचापं ललितगतेषु गतागतं दधाना । मुखरितवलयं पृथौ नितम्बे भुजलतिका मुहुरस्खलत्तरुण्याः
nakharuciracindracāpaṃ lalitagateṣu gatāgataṃ dadhānā / mukharitavalayaṃ pṛthau nitambe bhujalatikā muhuraskhalattaruṇyāḥ
Sanskrit only: no published translation is held for this verse.
अतियपरिणाह्ववान् वितेने बहुतरमर्पितकिङ्किणीकः । अलघुनि जघनस्थले ऽपरस्या ध्वनिमधिकं कलमेखलाकलापः
atiyapariṇāhvavān vitene bahutaramarpitakiṅkiṇīkaḥ / alaghuni jaghanasthale 'parasyā dhvanimadhikaṃ kalamekhalākalāpaḥ
Sanskrit only: no published translation is held for this verse.
गुरुनिबिडनितम्बबिम्बभाराक्रमणनिपीडितमङ्गनाजनस्य । चरणयुगमसुस्रुवत्पदेषु स्वरसमसक्तमलक्तकच्छलेन
gurunibiḍanitambabimbabhārākramaṇanipīḍitamaṅganājanasya / caraṇayugamasusruvatpadeṣu svarasamasaktamalaktakacchalena
Sanskrit only: no published translation is held for this verse.
तव सपदि समीपमानये तामहमिति तस्य मयाग्रतो ऽभ्यधायि । अतिरभसाकृतालघुप्रतिज्ञामनृतगिरं गुणगौरि मा कृथा माम्
tava sapadi samīpamānaye tāmahamiti tasya mayāgrato 'bhyadhāyi / atirabhasākṛtālaghupratijñāmanṛtagiraṃ guṇagauri mā kṛthā mām
Sanskrit only: no published translation is held for this verse.
न च सुतनु न वेद्मि यन्महीयानसुनिरसस्तव निश्चयः परेण । वितथयति न जानातु मद्वचो ऽसाविति च तथापि सखीषु मे ऽभिमानः
na ca sutanu na vedmi yanmahīyānasunirasastava niścayaḥ pareṇa / vitathayati na jānātu madvaco 'sāviti ca tathāpi sakhīṣu me 'bhimānaḥ
Sanskrit only: no published translation is held for this verse.
सततमनभिभाषणं मया ते परिणमितं भवतीमनानयन्तया । त्वयि तदिति विरोधनिश्चितायां भवति भवत्वसुहृज्जनः सकामः
satatamanabhibhāṣaṇaṃ mayā te pariṇamitaṃ bhavatīmanānayantayā / tvayi taditi virodhaniścitāyāṃ bhavati bhavatvasuhṛjjanaḥ sakāmaḥ
Sanskrit only: no published translation is held for this verse.
गतधृतिरवलम्बितुं बतासूननलमनालपनादहं भवत्याः । प्रणयति यदि न प्रसादबुद्धिर्भव मम मानिनि जीविते दयालुः
gatadhṛtiravalambituṃ batāsūnanalamanālapanādahaṃ bhavatyāḥ / praṇayati yadi na prasādabuddhirbhava mama mānini jīvite dayāluḥ
Sanskrit only: no published translation is held for this verse.
प्रियमिति वनिता नितान्तमागःस्मरणसरोषषकषायिताक्षी । चरणगतसखीवचो ऽनुरोधात् किल कथमप्यनुकूलयाञ्चकार
priyamiti vanitā nitāntamāgaḥsmaraṇasaroṣaṣakaṣāyitākṣī / caraṇagatasakhīvaco 'nurodhāt kila kathamapyanukūlayāñcakāra
Sanskrit only: no published translation is held for this verse.
द्रुतपदमिति मा वयस्य यासिर्ननु सुतनुं परिपालयानुयान्तीम् । नहि न विदितखेदमेदतीयस्तनजघनोद्वहने तवापि चेतः
drutapadamiti mā vayasya yāsirnanu sutanuṃ paripālayānuyāntīm / nahi na viditakhedamedatīyastanajaghanodvahane tavāpi cetaḥ
Sanskrit only: no published translation is held for this verse.
इति वदति सखीजने ऽनुरागाद्दयिततमामपरश्चिरं प्रतीक्ष्य । तदनुगमवशादनायतानि न्यधित मिमान इवावनिं पदानि
iti vadati sakhījane 'nurāgāddayitatamāmaparaściraṃ pratīkṣya / tadanugamavaśādanāyatāni nyadhita mimāna ivāvaniṃ padāni
Sanskrit only: no published translation is held for this verse.
यदि मयि लघिमानमागतायां तव धृतिरस्ति गतास्मि सम्प्रतीयम् । द्रुततरपदपातमापपात प्रियमिति कोपपदेन कापि संख्या
yadi mayi laghimānamāgatāyāṃ tava dhṛtirasti gatāsmi sampratīyam / drutatarapadapātamāpapāta priyamiti kopapadena kāpi saṃkhyā
Sanskrit only: no published translation is held for this verse.
अविरलपुलकः सह व्रजन्त्याः प्रतिपदमेकतरः स्तनस्तरुण्याः । घटितविघटितः प्रियस्य वक्षस्तटभुवि कन्दुकविभ्रमं बभार
aviralapulakaḥ saha vrajantyāḥ pratipadamekataraḥ stanastaruṇyāḥ / ghaṭitavighaṭitaḥ priyasya vakṣastaṭabhuvi kandukavibhramaṃ babhāra
Sanskrit only: no published translation is held for this verse.
अशिथिलमपरावसज्य कण्ठे दृढपरिरब्धबृहद्बहिस्तनेन । हृषिततनुरुहा भुजेन भर्तृर्मृदुममृदु व्यतिविद्धमेकबाहुं
aśithilamaparāvasajya kaṇṭhe dṛḍhaparirabdhabṛhadbahistanena / hṛṣitatanuruhā bhujena bhartṛrmṛdumamṛdu vyatividdhamekabāhuṃ
Sanskrit only: no published translation is held for this verse.
मुहुरसुसममाध्नती नितान्तं प्रणदितकाञ्चि नितम्बमण्डलेन । विषमितपृथुहारयष्टि तिर्यक्कुचमितरं तदुरस्थले निपीड्य
muhurasusamamādhnatī nitāntaṃ praṇaditakāñci nitambamaṇḍalena / viṣamitapṛthuhārayaṣṭi tiryakkucamitaraṃ tadurasthale nipīḍya
Sanskrit only: no published translation is held for this verse.
गुरुतरकलनूपुरानुनादं सललितनर्तितवामपादपद्मा । इतरदतिलोलमादधाना पदमथ मन्मथमन्थरं जगाम
gurutarakalanūpurānunādaṃ salalitanartitavāmapādapadmā / itaradatilolamādadhānā padamatha manmathamantharaṃ jagāma
Sanskrit only: no published translation is held for this verse.
लधुललितपदं तदंसपीठद्वयनिहितोभयपाणिपल्लवान्या । सकठिनकुचचूचुकप्रणोदं प्रियमबला सविलासमन्विनाय
ladhulalitapadaṃ tadaṃsapīṭhadvayanihitobhayapāṇipallavānyā / sakaṭhinakucacūcukapraṇodaṃ priyamabalā savilāsamanvināya
Sanskrit only: no published translation is held for this verse.
जघनमेलघपीवरोरु कृच्छ्रादुरुनिबिरीसनितम्बभारखेदि । दयिततमशिरोधरावलम्बिस्वभुजलताविभवेन काचिदूहे
jaghanamelaghapīvaroru kṛcchrādurunibirīsanitambabhārakhedi / dayitatamaśirodharāvalambisvabhujalatāvibhavena kācidūhe
Sanskrit only: no published translation is held for this verse.
अनुवपुरपरेण बाहुमूलप्रहितभुजाकलितस्तनेन निन्ये । निहितदशनवाससा कपोले विषमवितीर्णपदं बलादिवान्या
anuvapurapareṇa bāhumūlaprahitabhujākalitastanena ninye / nihitadaśanavāsasā kapole viṣamavitīrṇapadaṃ balādivānyā
Sanskrit only: no published translation is held for this verse.
अनुवनमसितभ्रुवः सखीभिः सह पदवीमपरः पुरोगतायाः । उरसि सरसरागपदलेखाप्रतिमतयानुययावसंशयानः
anuvanamasitabhruvaḥ sakhībhiḥ saha padavīmaparaḥ purogatāyāḥ / urasi sarasarāgapadalekhāpratimatayānuyayāvasaṃśayānaḥ
Sanskrit only: no published translation is held for this verse.
मदनरसमहौघपूर्णनाभीह्रदपरिवाहितरोमराजयस्ताः । सरित इव सविभ्रमप्रयातप्रणदितहंसकभूषणा विरेजुः
madanarasamahaughapūrṇanābhīhradaparivāhitaromarājayastāḥ / sarita iva savibhramaprayātapraṇaditahaṃsakabhūṣaṇā virejuḥ
Sanskrit only: no published translation is held for this verse.
श्रुतिपथमधुराणि सारसानामनुनदि सुश्रुविरे रुतानि ताभिः । विदधति जनतामनःशरव्यव्यधपटुमन्मथचापनादशङ्काम्
śrutipathamadhurāṇi sārasānāmanunadi suśruvire rutāni tābhiḥ / vidadhati janatāmanaḥśaravyavyadhapaṭumanmathacāpanādaśaṅkām
Sanskrit only: no published translation is held for this verse.
मधुमथनवधूरिवाह्वयन्ति भ्रमरकुलानि जगुर्यदुत्सुकानि । तदभिनयमिवावलिर्वनानामतनुत नूतनपल्लवाङुगुलीभिः
madhumathanavadhūrivāhvayanti bhramarakulāni jaguryadutsukāni / tadabhinayamivāvalirvanānāmatanuta nūtanapallavāṅugulībhiḥ
Sanskrit only: no published translation is held for this verse.
असकलकलिकाकुलीकृतालिस्खलनविकीर्णविकासिकेशराणाम् । मरुदवनिरुहां रजो वधूभ्यः मुपहरन् विचकार कोरकाणि
asakalakalikākulīkṛtāliskhalanavikīrṇavikāsikeśarāṇām / marudavaniruhāṃ rajo vadhūbhyaḥ mupaharan vicakāra korakāṇi
Sanskrit only: no published translation is held for this verse.
उपवनपवनानुपातदक्षैरलिभिरलाभि यदङ्गनाजनस्य । परिमलविषयस्तदुन्नतानामनुगमने खलु सम्पदो ऽग्रतःस्थाः
upavanapavanānupātadakṣairalibhiralābhi yadaṅganājanasya / parimalaviṣayastadunnatānāmanugamane khalu sampado 'grataḥsthāḥ
Sanskrit only: no published translation is held for this verse.
रथचरणधराङ्गनाकराब्जव्यतिकरसम्पदुपात्तसौमनस्याः । जगति सुमनसस्तदादि नूनं दधति परिस्फुटमर्थतो ऽभिधानम्
rathacaraṇadharāṅganākarābjavyatikarasampadupāttasaumanasyāḥ / jagati sumanasastadādi nūnaṃ dadhati parisphuṭamarthato 'bhidhānam
Sanskrit only: no published translation is held for this verse.
अभिमुखपतितैर्गुणप्रकर्षादवजितमुद्धतिमुज्वलां दधानैः । तरुकिसलयजालमग्रहस्तैः प्रसभमनीयत भङ्गमङ्गनानां
abhimukhapatitairguṇaprakarṣādavajitamuddhatimujvalāṃ dadhānaiḥ / tarukisalayajālamagrahastaiḥ prasabhamanīyata bhaṅgamaṅganānāṃ
Sanskrit only: no published translation is held for this verse.
मुदितमधुभुजो भुजेन शाखाश्चलितविशृङ्खलशङ्खकं धुवत्याः । तरुरतिशायितापराङ्गनायाः शिरसि मुदेव मुमोच पुष्पवर्षम्
muditamadhubhujo bhujena śākhāścalitaviśṛṅkhalaśaṅkhakaṃ dhuvatyāḥ / taruratiśāyitāparāṅganāyāḥ śirasi mudeva mumoca puṣpavarṣam
Sanskrit only: no published translation is held for this verse.
अनवरतरसेन रागभाजा करजपरिक्षतिलब्धसंस्तवेन । सपदि तरुणपल्लवेन वध्वा विगतदयं खलु खण्डितेन मम्ले
anavaratarasena rāgabhājā karajaparikṣatilabdhasaṃstavena / sapadi taruṇapallavena vadhvā vigatadayaṃ khalu khaṇḍitena mamle
Sanskrit only: no published translation is held for this verse.
प्रियमभिकुसुमोद्यतस्य बाहोर्नवनखमण्डनचारु मूलमन्या । मुहुरितरकराहितेन पीनस्तनतटरोधि तिरोदधे ऽंशुकेन
priyamabhikusumodyatasya bāhornavanakhamaṇḍanacāru mūlamanyā / muhuritarakarāhitena pīnastanataṭarodhi tirodadhe 'ṃśukena
Sanskrit only: no published translation is held for this verse.
विततवलिविभाव्यपाण्डुलेखाकृतपरभाघविलीनरोमराजिः । कृशमपि कृशतां पुनर्नयन्ती विपुलतरोन्मुखलोचनावलग्नं
vitatavalivibhāvyapāṇḍulekhākṛtaparabhāghavilīnaromarājiḥ / kṛśamapi kṛśatāṃ punarnayantī vipulataronmukhalocanāvalagnaṃ
Sanskrit only: no published translation is held for this verse.
प्रसकलकुचबन्धुरोद्धुरोरःप्रसभविभिभिन्नतनूत्तरीयबन्धा । अनमवदुदरोच्छ्वसद्दुकूलस्फुटतरलक्ष्यगभीरनाबिमूला
prasakalakucabandhuroddhuroraḥprasabhavibhibhinnatanūttarīyabandhā / anamavadudarocchvasaddukūlasphuṭataralakṣyagabhīranābimūlā
Sanskrit only: no published translation is held for this verse.
व्यवहितमविजानाती किलान्तवर्णभुवि वल्लभमाभिमुख्यभाजम् । अधिविटपि सलीलमग्रपुष्पग्रहणपदेन चिरं विलम्ब्य काचित्
vyavahitamavijānātī kilāntavarṇabhuvi vallabhamābhimukhyabhājam / adhiviṭapi salīlamagrapuṣpagrahaṇapadena ciraṃ vilambya kācit
Sanskrit only: no published translation is held for this verse.
अथ किल कथिते सखीभिरत्र क्षणमपरेव ससंभ्रमा भवन्ती । शिथिलितकुसुमाकुलाग्रपाणिः प्रतिपदसंयमितांशुकावृताङ्गी
atha kila kathite sakhībhiratra kṣaṇamapareva sasaṃbhramā bhavantī / śithilitakusumākulāgrapāṇiḥ pratipadasaṃyamitāṃśukāvṛtāṅgī
Sanskrit only: no published translation is held for this verse.
कृतभयपरितोषसन्निपातं सचकितसस्मितवक्त्रवारिजश्रीः । मनसिजगुरुतत्क्षणोपदिष्टं किमपि रासेन रसन्तरं भजन्ती
kṛtabhayaparitoṣasannipātaṃ sacakitasasmitavaktravārijaśrīḥ / manasijagurutatkṣaṇopadiṣṭaṃ kimapi rāsena rasantaraṃ bhajantī
Sanskrit only: no published translation is held for this verse.
अवनदवदनेन्दुरिच्छतीव व्यवधिमधीरतया यदस्थितास्मै । अहरत सुतरामतो ऽस्य चेतः स्फुटमभिभूषयति स्त्रियस्त्रपैव
avanadavadanenduricchatīva vyavadhimadhīratayā yadasthitāsmai / aharata sutarāmato 'sya cetaḥ sphuṭamabhibhūṣayati striyastrapaiva
Sanskrit only: no published translation is held for this verse.
किसलयशकलेष्ववाचनीयाः पुलकिनि केवलमङ्गकेनिधेयाः । नखपदलिपयो ऽपि दीपितार्थाः प्रणिदधिरे दयितैरनङ्गलेखाः
kisalayaśakaleṣvavācanīyāḥ pulakini kevalamaṅgakenidheyāḥ / nakhapadalipayo 'pi dīpitārthāḥ praṇidadhire dayitairanaṅgalekhāḥ
Sanskrit only: no published translation is held for this verse.
कृतकृतकरुषा सखीमपास्य त्वमकुशलेति कयाचिदात्मनैव । अभिमतमभि साभिलाषमाविष्कृतभुजमूलमबन्धि मूर्ध्नि माला
kṛtakṛtakaruṣā sakhīmapāsya tvamakuśaleti kayācidātmanaiva / abhimatamabhi sābhilāṣamāviṣkṛtabhujamūlamabandhi mūrdhni mālā
Sanskrit only: no published translation is held for this verse.
अभिमुखमुपयाति मा स्म किञ्चित्त्वमभिदधाः पटले मधुव्रतानाम् । मधुसुरभिमुखाब्जगन्धलब्धेरधिकमधित्वदनेन मा निपाति
abhimukhamupayāti mā sma kiñcittvamabhidadhāḥ paṭale madhuvratānām / madhusurabhimukhābjagandhalabdheradhikamadhitvadanena mā nipāti
Sanskrit only: no published translation is held for this verse.
सरजसमकरन्दनिर्भरासु प्रसवविभूतिषु भूरुहां विरक्तः । ध्रुवममृतपनामवाञ्छयासावधरममुं मधुपस्तवाजिहीते
sarajasamakarandanirbharāsu prasavavibhūtiṣu bhūruhāṃ viraktaḥ / dhruvamamṛtapanāmavāñchayāsāvadharamamuṃ madhupastavājihīte
Sanskrit only: no published translation is held for this verse.
इति वदति सखीजने निमीलद्विगुणितसान्द्रतराक्षिपक्ष्ममाला । अपदतलिभयेन भर्तुरङ्गं भवति हि विक्लवता गुणो ऽङ्गनानाम्
iti vadati sakhījane nimīladviguṇitasāndratarākṣipakṣmamālā / apadatalibhayena bharturaṅgaṃ bhavati hi viklavatā guṇo 'ṅganānām
Sanskrit only: no published translation is held for this verse.
मुखकमलकमुन्नमय्य यूना यदभिनवोढवधूर्बलादचुम्बि । तदपि न किल बालपल्लवाग्रग्रहयापरया विविदे विदग्धसक्या
mukhakamalakamunnamayya yūnā yadabhinavoḍhavadhūrbalādacumbi / tadapi na kila bālapallavāgragrahayāparayā vivide vidagdhasakyā
Sanskrit only: no published translation is held for this verse.
व्रततिविततिभिस्तिरोहितायां प्रतियुवतौ वदनं प्रियः प्रियायाः । यदधयदधरावलोपनृत्यत्करवलयस्वनितेन तद्विवव्रे
vratativitatibhistirohitāyāṃ pratiyuvatau vadanaṃ priyaḥ priyāyāḥ / yadadhayadadharāvalopanṛtyatkaravalayasvanitena tadvivavre
Sanskrit only: no published translation is held for this verse.
विलसितमनुकुर्वती पुरस्ताद्धरणिरुहाधिरुहो वधूर्लतायाः । रमणमृजुतया पुरः सखीनामकलितचापलदोषमालिलिङ्ग
vilasitamanukurvatī purastāddharaṇiruhādhiruho vadhūrlatāyāḥ / ramaṇamṛjutayā puraḥ sakhīnāmakalitacāpaladoṣamāliliṅga
Sanskrit only: no published translation is held for this verse.
सललिकमवलम्ब्य पाणिनांसे सहचरमुच्छ्रतगुच्छवाञ्छयान्या । सकलकलभकुम्भविभ्रमाभ्यामुरसि रसादवतस्तरे स्तनाभ्यां
salalikamavalambya pāṇināṃse sahacaramucchratagucchavāñchayānyā / sakalakalabhakumbhavibhramābhyāmurasi rasādavatastare stanābhyāṃ
Sanskrit only: no published translation is held for this verse.
मृदुचरणतलाग्रदुःस्थितत्वादसहतरा कुचकुम्भयोर्भरस्य । उपरिनिरवलम्बनं प्रियस्य न्यपतदथोच्चतरोच्चिचीषयान्या
mṛducaraṇatalāgraduḥsthitatvādasahatarā kucakumbhayorbharasya / upariniravalambanaṃ priyasya nyapatadathoccataroccicīṣayānyā
Sanskrit only: no published translation is held for this verse.
उपरिजतरुजानि याजमानां कुशलतया परिरम्भलोलुपो ऽन्यः । प्रथितपृथुपयोधरां गृहाण स्वयमिति मुग्धवधूमुदास दोर्भ्याम्
uparijatarujāni yājamānāṃ kuśalatayā parirambhalolupo 'nyaḥ / prathitapṛthupayodharāṃ gṛhāṇa svayamiti mugdhavadhūmudāsa dorbhyām
Sanskrit only: no published translation is held for this verse.
इदमिदमिति भूरुहां प्रसूनैर्मुहुरतिलोभयता पुरःपुरो ऽन्या । अनुरहसमनायि नायकेन त्वरयति रन्तुमहो जनं मनोभूः
idamidamiti bhūruhāṃ prasūnairmuhuratilobhayatā puraḥpuro 'nyā / anurahasamanāyi nāyakena tvarayati rantumaho janaṃ manobhūḥ
Sanskrit only: no published translation is held for this verse.
विजनमिति बलादमुं गृहीत्वा क्षणमथ वीक्ष्य विपक्षमन्तिको ऽन्या । अभिपतितुमना लघुत्वभीतेरभवदमुञचति वल्लभे ऽतिगुर्वी
vijanamiti balādamuṃ gṛhītvā kṣaṇamatha vīkṣya vipakṣamantiko 'nyā / abhipatitumanā laghutvabhīterabhavadamuñacati vallabhe 'tigurvī
Sanskrit only: no published translation is held for this verse.
अधिरजनि जगाम धाम तस्याः प्रियतमयेति रुषा स्रजावनद्धः । पदमपि चलितुं युवा न सेहे किमिव न शक्तिहरं ससाध्वसानां
adhirajani jagāma dhāma tasyāḥ priyatamayeti ruṣā srajāvanaddhaḥ / padamapi calituṃ yuvā na sehe kimiva na śaktiharaṃ sasādhvasānāṃ
Sanskrit only: no published translation is held for this verse.
न खलु वयममुष्य दानयोग्याः पिबति च पाति च यासकौ रहस्त्वां । व्रज विचपममुं ददस्व तस्यै भवतु यतः सदृशोश्चिराय योगः
na khalu vayamamuṣya dānayogyāḥ pibati ca pāti ca yāsakau rahastvāṃ / vraja vicapamamuṃ dadasva tasyai bhavatu yataḥ sadṛśościrāya yogaḥ
Sanskrit only: no published translation is held for this verse.
तव कितव किमाहितैर्वृथा नः क्षितिरुहपल्लवपुष्पकर्णपूरैः । ननु जनविदितैर्भवद्व्यलीकैश्चिरपरिपूरितमेव कर्णयुग्मम्
tava kitava kimāhitairvṛthā naḥ kṣitiruhapallavapuṣpakarṇapūraiḥ / nanu janaviditairbhavadvyalīkaiściraparipūritameva karṇayugmam
Sanskrit only: no published translation is held for this verse.
मुहुरुपहसितामिवालिनादैर्वितरसि नः कालिकां किमर्थमेनाम् । वसतिमुपगतेन धाम्नि तस्याः शठ कलिरेष महांस्त्वयाद्य दत्तः
muhurupahasitāmivālinādairvitarasi naḥ kālikāṃ kimarthamenām / vasatimupagatena dhāmni tasyāḥ śaṭha kalireṣa mahāṃstvayādya dattaḥ
Sanskrit only: no published translation is held for this verse.
इति गदितवती रुषा जघान स्फुरितमनोरमपक्ष्मकेशरेण । श्रवणनियमितेन कान्तमन्या सममसिताम्बुरुहेण चक्षुषा च
iti gaditavatī ruṣā jaghāna sphuritamanoramapakṣmakeśareṇa / śravaṇaniyamitena kāntamanyā samamasitāmburuheṇa cakṣuṣā ca
Sanskrit only: no published translation is held for this verse.
विनयति सुदृशो दृशः परागं प्रणयिनि कौसुममाननानिलेन । तदहितयुवतेरभीक्ष्णमक्ष्णोर्द्वयमपि रोषरझोभिरापुपूरे
vinayati sudṛśo dṛśaḥ parāgaṃ praṇayini kausumamānanānilena / tadahitayuvaterabhīkṣṇamakṣṇordvayamapi roṣarajhobhirāpupūre
Sanskrit only: no published translation is held for this verse.
स्फुचमिदमभिचारमन्त्र एव प्रतियुवतेरभिधानमङ्गनानाम् । वरतनुरमुनोपहूय पत्या मृदुकुसुमेन यदाहताप्यमूर्च्छत्
sphucamidamabhicāramantra eva pratiyuvaterabhidhānamaṅganānām / varatanuramunopahūya patyā mṛdukusumena yadāhatāpyamūrcchat
Sanskrit only: no published translation is held for this verse.
समदनमवतंसिते ऽद्कर्णं प्रणयवता कुसुमे सुमध्यमायाः । व्रजदपि लघुतां बभूव भारः सपदि हिरण्मयमण्डनं सपत्न्याः
samadanamavataṃsite 'dkarṇaṃ praṇayavatā kusume sumadhyamāyāḥ / vrajadapi laghutāṃ babhūva bhāraḥ sapadi hiraṇmayamaṇḍanaṃ sapatnyāḥ
Sanskrit only: no published translation is held for this verse.
अवजितमधुना तवाहमक्ष्णो रुचितयेत्यवनम्य लज्जयेव । श्रवणकुवलयं विलासवत्या भ्रमररुतैरुपकर्णमाचचक्षे
avajitamadhunā tavāhamakṣṇo rucitayetyavanamya lajjayeva / śravaṇakuvalayaṃ vilāsavatyā bhramararutairupakarṇamācacakṣe
Sanskrit only: no published translation is held for this verse.
अवचितकुसुमा विहाय वल्लीर्युवतीषु कोमलमाल्यमालिनीषु । पदमुपदधिरे कुलान्यलीनां न परिचयो मलिनात्मनां प्रधानम्
avacitakusumā vihāya vallīryuvatīṣu komalamālyamālinīṣu / padamupadadhire kulānyalīnāṃ na paricayo malinātmanāṃ pradhānam
Sanskrit only: no published translation is held for this verse.
श्लथशिरसिजपातभारादिव नितरां नतिमद्भिरंसभागैः । मुकुलितनयनैर्मुखारविन्दैर्घनमहतामिव पक्ष्मणां भरेण
ślathaśirasijapātabhārādiva nitarāṃ natimadbhiraṃsabhāgaiḥ / mukulitanayanairmukhāravindairghanamahatāmiva pakṣmaṇāṃ bhareṇa
Sanskrit only: no published translation is held for this verse.
अदिकमरुणिमानमुद्वहद्भिर्विकसदशीतमरीचिरशमिजालैः । परिचितपरिचुम्बनाभियोगादपगतकुङ्कुमरेणुभिः कपोलैः
adikamaruṇimānamudvahadbhirvikasadaśītamarīciraśamijālaiḥ / paricitaparicumbanābhiyogādapagatakuṅkumareṇubhiḥ kapolaiḥ
Sanskrit only: no published translation is held for this verse.
अवसितललितक्रियेण बाह्वोर्ललिततरेण तनीयसा युगेन । सरसकिसलयानुरञ्जितैर्वा करकमलैः पुनरुक्तभाभिः
avasitalalitakriyeṇa bāhvorlalitatareṇa tanīyasā yugena / sarasakisalayānurañjitairvā karakamalaiḥ punaruktabhābhiḥ
Sanskrit only: no published translation is held for this verse.
स्मरसरसमुरःस्थलेन पत्युर्विनिमयसंक्रमिताङ्गरागरागैः । भृशमतिशयखेदसम्पदेव स्तनयुगलैरितरेतरं निषण्णैः
smarasarasamuraḥsthalena patyurvinimayasaṃkramitāṅgarāgarāgaiḥ / bhṛśamatiśayakhedasampadeva stanayugalairitaretaraṃ niṣaṇṇaiḥ
Sanskrit only: no published translation is held for this verse.
अतनुकुचभरानतेन भूयः श्रमजनितानतिना शरीरकेण । अनुचितगतिसादनिःसहत्वं कलभकरोरुभिरूरुभिर्दधानैः
atanukucabharānatena bhūyaḥ śramajanitānatinā śarīrakeṇa / anucitagatisādaniḥsahatvaṃ kalabhakarorubhirūrubhirdadhānaiḥ
Sanskrit only: no published translation is held for this verse.
अपगतनवयावकैश्चिराय क्षितिगमनेन पुनर्वितीर्णरागैः । कथमपि चरणोत्पलैश्चलद्भिर्भृशाविनिवेशात्परस्परस्य
apagatanavayāvakaiścirāya kṣitigamanena punarvitīrṇarāgaiḥ / kathamapi caraṇotpalaiścaladbhirbhṛśāviniveśātparasparasya
Sanskrit only: no published translation is held for this verse.
मुहुरिति वनविभ्रमाभिषङ्गादतमि तदा नितरां नितम्बिनीभिः । मृदुतरतनवो ऽनलसाः प्रकृत्या चिरमपि ताः किमुत प्रयासभाजः
muhuriti vanavibhramābhiṣaṅgādatami tadā nitarāṃ nitambinībhiḥ / mṛdutaratanavo 'nalasāḥ prakṛtyā ciramapi tāḥ kimuta prayāsabhājaḥ
Sanskrit only: no published translation is held for this verse.
प्रतममलघुमौक्तकाभमासीच्छ्रमजलमुज्ज्वलगण्डमण्डलेषु । कठिनकुचतटाग्रपाति पश्चादथ शतसर्करतां जगाम तासाम्
pratamamalaghumauktakābhamāsīcchramajalamujjvalagaṇḍamaṇḍaleṣu / kaṭhinakucataṭāgrapāti paścādatha śatasarkaratāṃ jagāma tāsām
Sanskrit only: no published translation is held for this verse.
विपुलकमपि यौवनोद्धतानां घनपुलकोदयकोमलं चकाशे । परिमलितमपि प्रियैः प्रकामं कुचयुगमुज्ज्वलमेष कामिनीनाम्
vipulakamapi yauvanoddhatānāṃ ghanapulakodayakomalaṃ cakāśe / parimalitamapi priyaiḥ prakāmaṃ kucayugamujjvalameṣa kāminīnām
Sanskrit only: no published translation is held for this verse.
अविरतकुसुमावचायखेदान्निहितभुजालतयैकयोपकण्ठम् । विपुलतरनिरन्तरालग्नस्तनपिहितप्रियवक्षसा ललम्बे
aviratakusumāvacāyakhedānnihitabhujālatayaikayopakaṇṭham / vipulataranirantarālagnastanapihitapriyavakṣasā lalambe
Sanskrit only: no published translation is held for this verse.
अभिमतमभितः कृताङ्गभङ्गा कुचयुगमुन्नतिवित्तमुन्नमय्य । तनुरभिलषितं क्लमच्छलेन व्यवृणुत वेल्लितबाहुवल्लरीका
abhimatamabhitaḥ kṛtāṅgabhaṅgā kucayugamunnativittamunnamayya / tanurabhilaṣitaṃ klamacchalena vyavṛṇuta vellitabāhuvallarīkā
Sanskrit only: no published translation is held for this verse.
हिमलतसदृशः श्रमोदबिन्दूनुपनयता किल नूतनोढवध्वाः । कुचकलशकिशोरकौ कथञ्चित्तरलतया तरुणेन पस्पृशाते
himalatasadṛśaḥ śramodabindūnupanayatā kila nūtanoḍhavadhvāḥ / kucakalaśakiśorakau kathañcittaralatayā taruṇena paspṛśāte
Sanskrit only: no published translation is held for this verse.
गत्वोद्रेकं जघनपुलिने रुद्धमध्यप्रदेशः क्रमन्नूरुद्रुमभुजलताः पूर्णनाभीह्रदान्ताः । उल्लङ्घ्योच्चैः कुचतटभुवं प्लावयन् रोकूपान् स्वेदपूरो युवतिसरितां व्याप गण्डस्थलानि
gatvodrekaṃ jaghanapuline ruddhamadhyapradeśaḥ kramannūrudrumabhujalatāḥ pūrṇanābhīhradāntāḥ / ullaṅghyoccaiḥ kucataṭabhuvaṃ plāvayan rokūpān svedapūro yuvatisaritāṃ vyāpa gaṇḍasthalāni
Sanskrit only: no published translation is held for this verse.
प्रियकरपरिमार्गदङ्गनानां यदाभूत् पुनरधिकतरैव स्वेदतोयोदयश्रीः । अथ वपुरभिषेक्तुं तास्तदाम्भोभिरीषुर्वनविहरणखेदम्लानमम्लानशोभाः
priyakaraparimārgadaṅganānāṃ yadābhūt punaradhikataraiva svedatoyodayaśrīḥ / atha vapurabhiṣektuṃ tāstadāmbhobhirīṣurvanaviharaṇakhedamlānamamlānaśobhāḥ
Sanskrit only: no published translation is held for this verse.