Mrgendragama [MT] 4

अथात्मवतां मत्वा [वा] स्वाधिकारं सुदुष्करम् । यतेरन्नत्मवत्तायै देशिकाद्या जिगीषवः

athātmavatāṃ matvā [vā] svādhikāraṃ suduṣkaram / yaterannatmavattāyai deśikādyā jigīṣavaḥ

Sanskrit only: no published translation is held for this verse.

तदात्मवत्त्वं योगित्वं जिताक्षस्योपपद्यते । प्राणायामाद्यनुष्ठानाज् जिताक्षत्वं शनैः शनैः

tadātmavattvaṃ yogitvaṃ jitākṣasyopapadyate / prāṇāyāmādyanuṣṭhānāj jitākṣatvaṃ śanaiḥ śanaiḥ

Sanskrit only: no published translation is held for this verse.

प्राणायामः प्रत्याहारो धारणा ध्यानवीक्षणे । जपः समाधिरित्यङ्गान्य् अङ्गी योगो ऽष्टमः स्वयम्

prāṇāyāmaḥ pratyāhāro dhāraṇā dhyānavīkṣaṇe / japaḥ samādhirityaṅgāny aṅgī yogo 'ṣṭamaḥ svayam

Sanskrit only: no published translation is held for this verse.

प्राणः प्रागुदितो वायुर् आयामो ऽस्य प्रखेदनम् । प्रेरणाकृष्टिसंरोध- लक्षणं क्रतुदोषनुत्

prāṇaḥ prāgudito vāyur āyāmo 'sya prakhedanam / preraṇākṛṣṭisaṃrodha- lakṣaṇaṃ kratudoṣanut

Sanskrit only: no published translation is held for this verse.

ततः सुखलवास्वादे तेषां वृत्तस्य चेतसः । प्रत्याहारो विधातव्यः सर्वतो विनिवर्तनम्

tataḥ sukhalavāsvāde teṣāṃ vṛttasya cetasaḥ / pratyāhāro vidhātavyaḥ sarvato vinivartanam

Sanskrit only: no published translation is held for this verse.

तेनेन्द्रियार्थसंसर्ग- विनिवृत्तेश्चितो मतिः । धारणायोग्यतामेति पदे स्वेच्छाप्रकल्पिते

tenendriyārthasaṃsarga- vinivṛtteścito matiḥ / dhāraṇāyogyatāmeti pade svecchāprakalpite

Sanskrit only: no published translation is held for this verse.

चिन्ता तद्विषया ध्यानं तच्चादिष्टं मुहुर्मुहुः । तदेकतानतामेति स समाधिर्विधीयते

cintā tadviṣayā dhyānaṃ taccādiṣṭaṃ muhurmuhuḥ / tadekatānatāmeti sa samādhirvidhīyate

Sanskrit only: no published translation is held for this verse.

जपस्तद्भाषणं ध्येय- संमुखीकरणं मुने । ऊहो ऽभिवीक्षणं वस्तु- विकल्पानन्तरोदितः

japastadbhāṣaṇaṃ dhyeya- saṃmukhīkaraṇaṃ mune / ūho 'bhivīkṣaṇaṃ vastu- vikalpānantaroditaḥ

Sanskrit only: no published translation is held for this verse.

यदा वेत्ति पदं हेयम् उपादेयं च तत्स्थितेः । तत्पोषकं विपक्षं च यच्च तत्पोषकं परम्

yadā vetti padaṃ heyam upādeyaṃ ca tatsthiteḥ / tatpoṣakaṃ vipakṣaṃ ca yacca tatpoṣakaṃ param

Sanskrit only: no published translation is held for this verse.

एषु व्यस्तसमस्तेषु कृतयत्नस्य योगिनः । विभान्ति शक्तयो विश्वं व्याप्य भानोरिव त्विषः

eṣu vyastasamasteṣu kṛtayatnasya yoginaḥ / vibhānti śaktayo viśvaṃ vyāpya bhānoriva tviṣaḥ

Sanskrit only: no published translation is held for this verse.

न तमीष्टे नरः कश्चित् रक्षोदानवमानवाः । रोरुचानमतीत्यैतान् दृक्क्रियाप्राणरोचिषा

na tamīṣṭe naraḥ kaścit rakṣodānavamānavāḥ / rorucānamatītyaitān dṛkkriyāprāṇarociṣā

Sanskrit only: no published translation is held for this verse.

निवृत्तेर्मनसो हेतुः संसर्गात्प्राणखेदनम् । निवृत्तिर्धारणादीनां मूलं सर्वस्य तत्ततः

nivṛttermanaso hetuḥ saṃsargātprāṇakhedanam / nivṛttirdhāraṇādīnāṃ mūlaṃ sarvasya tattataḥ

Sanskrit only: no published translation is held for this verse.

विस्तरेण सुरश्रेष्ठ विप्रकृष्टं च यत्स्थितम् । यदन्यत्साधनं किंचिद् योगसिद्धेश्च कथ्यताम्

vistareṇa suraśreṣṭha viprakṛṣṭaṃ ca yatsthitam / yadanyatsādhanaṃ kiṃcid yogasiddheśca kathyatām

Sanskrit only: no published translation is held for this verse.

न शक्यं विस्तराद्वक्तुं तत्प्रसङ्गभयाद्विधेः । प्रश्नस्यावश्यवाच्यत्वात् तथाप्युद्देश उच्यते

na śakyaṃ vistarādvaktuṃ tatprasaṅgabhayādvidheḥ / praśnasyāvaśyavācyatvāt tathāpyuddeśa ucyate

Sanskrit only: no published translation is held for this verse.

मूत्राद्युत्सृज्य विधिवद् एकार्धदशसप्तभिः । मृद्भिर्लिङ्गगुदासव्य- हस्तयुग्मानि शौचयेत्

mūtrādyutsṛjya vidhivad ekārdhadaśasaptabhiḥ / mṛdbhirliṅgagudāsavya- hastayugmāni śaucayet

Sanskrit only: no published translation is held for this verse.

द्विर्व्रती त्रिरपः पीत्वा द्विर्विमृज्याननं स्पृशेत् । स्वबाहुनाभिहृत्कानि द्विस्त्रिर्वा शौचिताधरः

dvirvratī trirapaḥ pītvā dvirvimṛjyānanaṃ spṛśet / svabāhunābhihṛtkāni dvistrirvā śaucitādharaḥ

Sanskrit only: no published translation is held for this verse.

हितजीर्णाशनस्वस्थस् त्रिकुड्यावेष्टिते गृहे । बाधाशून्ये वनादौ वा स्वासनस्थ उदङ्मुखः

hitajīrṇāśanasvasthas trikuḍyāveṣṭite gṛhe / bādhāśūnye vanādau vā svāsanastha udaṅmukhaḥ

Sanskrit only: no published translation is held for this verse.

नमस्कृत्य महेशानम् उमास्कन्दगणाधिपान् । ऋजुग्रीवाशिरोवक्षा नासाग्राहितदृग्द्वयः

namaskṛtya maheśānam umāskandagaṇādhipān / ṛjugrīvāśirovakṣā nāsāgrāhitadṛgdvayaḥ

Sanskrit only: no published translation is held for this verse.

पार्ष्णिभ्यां वृषणौ रक्षन् दन्तैर्दन्तानसंस्पृशन् । विष्टभदेहो दन्ताग्रे जिह्वामादाय सुस्थितः

pārṣṇibhyāṃ vṛṣaṇau rakṣan dantairdantānasaṃspṛśan / viṣṭabhadeho dantāgre jihvāmādāya susthitaḥ

Sanskrit only: no published translation is held for this verse.

रेचयेच्छक्तिपर्यन्तं पुटेनैकेन मारुतम् । स रेचकस्तदभ्यासाद् वेधविक्षिप्तकर्मसु

recayecchaktiparyantaṃ puṭenaikena mārutam / sa recakastadabhyāsād vedhavikṣiptakarmasu

Sanskrit only: no published translation is held for this verse.

क्रमशः शक्ततामेति विकृष्टविषयेष्वपि । बाह्येन वायुना मूर्तेः शक्तिसीमप्रपूरणम्

kramaśaḥ śaktatāmeti vikṛṣṭaviṣayeṣvapi / bāhyena vāyunā mūrteḥ śaktisīmaprapūraṇam

Sanskrit only: no published translation is held for this verse.

पूरकः स तदभ्यासात् सुगुर्वपि विकर्षयेत् । त्यागसंग्रहणे हित्वा निरोधः कुम्भकः स्मृतः

pūrakaḥ sa tadabhyāsāt sugurvapi vikarṣayet / tyāgasaṃgrahaṇe hitvā nirodhaḥ kumbhakaḥ smṛtaḥ

Sanskrit only: no published translation is held for this verse.

रोधशक्तिस्तदभ्यासाद् व्यक्तिमेत्यनिवारिता । तथास्य चरतो विद्वान् सोमसूर्येशवर्त्मसु

rodhaśaktistadabhyāsād vyaktimetyanivāritā / tathāsya carato vidvān somasūryeśavartmasu

Sanskrit only: no published translation is held for this verse.

तद्धर्मयोग्यतां बुद्ध्वा योगी संसाधयेन्मतम् । पूरकं कुम्भकं वापि भजेच्चन्द्रपथि स्थिते

taddharmayogyatāṃ buddhvā yogī saṃsādhayenmatam / pūrakaṃ kumbhakaṃ vāpi bhajeccandrapathi sthite

Sanskrit only: no published translation is held for this verse.

पुष्टिमृत्युजयाद्यर्थं स्वात्मनो ऽन्यस्य रेचकम् । अनग्निज्वलने वृक्ष- शोषणे बीजनाशने

puṣṭimṛtyujayādyarthaṃ svātmano 'nyasya recakam / anagnijvalane vṛkṣa- śoṣaṇe bījanāśane

Sanskrit only: no published translation is held for this verse.

स्तोभोन्मादविषोद्दीप्ति- प्रमुखेषु तु रेचकम् । ध्यानार्चनजपाद्येषु देहत्यागे च शाङ्करे

stobhonmādaviṣoddīpti- pramukheṣu tu recakam / dhyānārcanajapādyeṣu dehatyāge ca śāṅkare

Sanskrit only: no published translation is held for this verse.

कुम्भको रेचकश्चेष्टो दीक्षासंस्थापनेषु च । यवीयान् मध्यमो ज्येष्ठः स तालैर्द्वादशादिभिः

kumbhako recakaśceṣṭo dīkṣāsaṃsthāpaneṣu ca / yavīyān madhyamo jyeṣṭhaḥ sa tālairdvādaśādibhiḥ

Sanskrit only: no published translation is held for this verse.

तालो द्वादशभिर्जानु- परिणाहपरिभ्रमैः । सो ऽपि ध्यानजपोपेतः सगर्भो ऽन्यस्तदुज्झितः

tālo dvādaśabhirjānu- pariṇāhaparibhramaiḥ / so 'pi dhyānajapopetaḥ sagarbho 'nyastadujjhitaḥ

Sanskrit only: no published translation is held for this verse.

यथा सगर्भः स्थैर्याय मनसो न तथेतरः । प्रातर्निशाकृतं पापं दिनान्ते च दिवाकृतम्

yathā sagarbhaḥ sthairyāya manaso na tathetaraḥ / prātarniśākṛtaṃ pāpaṃ dinānte ca divākṛtam

Sanskrit only: no published translation is held for this verse.

हन्त्यगर्भो ऽपि देवानां प्रचलत्वं प्रधावताम् । स्नातो भवति तीर्थेषु सर्वक्रतुषु दीक्षितः

hantyagarbho 'pi devānāṃ pracalatvaṃ pradhāvatām / snāto bhavati tīrtheṣu sarvakratuṣu dīkṣitaḥ

Sanskrit only: no published translation is held for this verse.

पोतः पितॄणां यः शश्वत्- सगर्भमिममाचरेत् । ध्यायेदध्वान्तगं देवं जपेत्तद्वाचकं सदा

potaḥ pitṝṇāṃ yaḥ śaśvat- sagarbhamimamācaret / dhyāyedadhvāntagaṃ devaṃ japettadvācakaṃ sadā

Sanskrit only: no published translation is held for this verse.

क्षित्यादीन्यथ तत्त्वानि तद्रूपाधिकृतानि वा । यस्मान्नाचेतनं तत्त्वं सिद्धमप्युपकारकम्

kṣityādīnyatha tattvāni tadrūpādhikṛtāni vā / yasmānnācetanaṃ tattvaṃ siddhamapyupakārakam

Sanskrit only: no published translation is held for this verse.

शैवं वपुरिति ध्यायेद् अतो यद्यत्समीहितम् । सिद्धये धारणादीनां वृत्तीनामनिलस्य च

śaivaṃ vapuriti dhyāyed ato yadyatsamīhitam / siddhaye dhāraṇādīnāṃ vṛttīnāmanilasya ca

Sanskrit only: no published translation is held for this verse.

सगर्भं कुम्भकं विद्वान् आतिष्ठेदविखिन्नधीः । अयमर्कगुणं कालं कृतचित्तव्यवस्थितिः

sagarbhaṃ kumbhakaṃ vidvān ātiṣṭhedavikhinnadhīḥ / ayamarkaguṇaṃ kālaṃ kṛtacittavyavasthitiḥ

Sanskrit only: no published translation is held for this verse.

प्राप्नोति धारणाशब्दं धारणासिद्धिदानतः । स्थित्यर्थो धारणाशब्दः स्थानार्थो ऽप्युपचारतः

prāpnoti dhāraṇāśabdaṃ dhāraṇāsiddhidānataḥ / sthityartho dhāraṇāśabdaḥ sthānārtho 'pyupacārataḥ

Sanskrit only: no published translation is held for this verse.

स्थानं प्राथमिकस्येमान् यवन्यादीनि नेतरत् । तानि हेमहिमज्योतिः- कृष्णस्वच्छानि रूपतः

sthānaṃ prāthamikasyemān yavanyādīni netarat / tāni hemahimajyotiḥ- kṛṣṇasvacchāni rūpataḥ

Sanskrit only: no published translation is held for this verse.

वेद्यर्धमण्डलत्र्यस्त्र- वृत्तपद्माकृतीनि तु । स्थैर्याप्यायनविप्लोष- प्रेरणाशून्यताप्तये

vedyardhamaṇḍalatryastra- vṛttapadmākṛtīni tu / sthairyāpyāyanaviploṣa- preraṇāśūnyatāptaye

Sanskrit only: no published translation is held for this verse.

भवन्ति वज्रकज्वाला- बिन्दुशून्यान्वितानि तु । बाधकान्यनुवर्तीनि मध्यस्थान्यवगत्य च

bhavanti vajrakajvālā- binduśūnyānvitāni tu / bādhakānyanuvartīni madhyasthānyavagatya ca

Sanskrit only: no published translation is held for this verse.

योगी व्यस्तसमस्तानि बिभृयादिष्टसिद्धये । क्व देशे धारणारूपं चिन्तनीयं विपश्चिता

yogī vyastasamastāni bibhṛyādiṣṭasiddhaye / kva deśe dhāraṇārūpaṃ cintanīyaṃ vipaścitā

Sanskrit only: no published translation is held for this verse.

किं च व्यस्तसमस्तानां फलं ब्रूहि सुरेश्वर । हृदि चेतसि विक्षिप्ते धारयेत्क्षितिमर्थवित्

kiṃ ca vyastasamastānāṃ phalaṃ brūhi sureśvara / hṛdi cetasi vikṣipte dhārayetkṣitimarthavit

Sanskrit only: no published translation is held for this verse.

जलं पिपासितः कण्ठे मन्दे ऽग्नौ जठरे ऽनलम् । प्राणादिवृत्तिसिद्ध्यर्थं हृत्कण्ठादिषु मारुतम्

jalaṃ pipāsitaḥ kaṇṭhe mande 'gnau jaṭhare 'nalam / prāṇādivṛttisiddhyarthaṃ hṛtkaṇṭhādiṣu mārutam

Sanskrit only: no published translation is held for this verse.

विषाद्यभिभवे व्योम तेषु यत्रोपयोगवत् । खं समस्तेषु भूतेषु वारिवायू शिखिक्षिती

viṣādyabhibhave vyoma teṣu yatropayogavat / khaṃ samasteṣu bhūteṣu vārivāyū śikhikṣitī

Sanskrit only: no published translation is held for this verse.

वार्यग्नी भूमिपवनौ वारिक्ष्मे अनलानिलौ । मध्यस्थारातिमित्राणि चतुष्के युग्मयुग्मशः

vāryagnī bhūmipavanau vārikṣme analānilau / madhyasthārātimitrāṇi catuṣke yugmayugmaśaḥ

Sanskrit only: no published translation is held for this verse.

परिज्ञायेति मतिमान् योजयेदिष्टसिद्धये । कानि प्राणादिवृत्तीनां स्थानान्यस्मिन् शरीरके

parijñāyeti matimān yojayediṣṭasiddhaye / kāni prāṇādivṛttīnāṃ sthānānyasmin śarīrake

Sanskrit only: no published translation is held for this verse.

जितासु तासु किं च स्याद् इति ब्रूहि सुरोत्तम । तस्य हृन्नाभ्युरःकण्ठ- पृष्ठदेशेषु धारणात्

jitāsu tāsu kiṃ ca syād iti brūhi surottama / tasya hṛnnābhyuraḥkaṇṭha- pṛṣṭhadeśeṣu dhāraṇāt

Sanskrit only: no published translation is held for this verse.

जयः प्रणयनादीनां वृत्तीनां योगिनो भवेत् । जितप्रणयनो धत्ते स्वेच्छया देहमात्मनः

jayaḥ praṇayanādīnāṃ vṛttīnāṃ yogino bhavet / jitapraṇayano dhatte svecchayā dehamātmanaḥ

Sanskrit only: no published translation is held for this verse.

जितापनयनो ऽश्नाति शकृदादि जहाति न । विजितोन्नयनो ऽभ्येति वाग्वशित्वादिकान् गुणान्

jitāpanayano 'śnāti śakṛdādi jahāti na / vijitonnayano 'bhyeti vāgvaśitvādikān guṇān

Sanskrit only: no published translation is held for this verse.

समानवृतीविजयाद् भवेत्त्यक्तजरो वशी । वपुर्विहारवशिता भवेद्विनमने जिते

samānavṛtīvijayād bhavettyaktajaro vaśī / vapurvihāravaśitā bhavedvinamane jite

Sanskrit only: no published translation is held for this verse.

पङ्काम्बुकण्टकासङ्गो वीर्यमक्षयमद्भुतम् । धारणा द्वादश ध्यानं दिव्यालोकप्रवृत्तिदम्

paṅkāmbukaṇṭakāsaṅgo vīryamakṣayamadbhutam / dhāraṇā dvādaśa dhyānaṃ divyālokapravṛttidam

Sanskrit only: no published translation is held for this verse.

समाधिरणिमादीनां द्वादशैतानि कारणम् । प्राणायामं विनाप्येवं वश्यात्मा चेतसि स्थितः

samādhiraṇimādīnāṃ dvādaśaitāni kāraṇam / prāṇāyāmaṃ vināpyevaṃ vaśyātmā cetasi sthitaḥ

Sanskrit only: no published translation is held for this verse.

समभ्यस्यन्नवाप्नोति गुणानुक्ताननन्तरम् । यद्यद्वस्तु यथोद्दिष्ट- क्रमयोगात् प्रपद्यते

samabhyasyannavāpnoti guṇānuktānanantaram / yadyadvastu yathoddiṣṭa- kramayogāt prapadyate

Sanskrit only: no published translation is held for this verse.

तत्र तत्राअस्य चिद्व्यक्तिस् तद्व्याप्तिविषया भवेत् । इति बाह्ये स्थिते सर्वम् आकलय्य स्वचक्षुषा

tatra tatrāasya cidvyaktis tadvyāptiviṣayā bhavet / iti bāhye sthite sarvam ākalayya svacakṣuṣā

Sanskrit only: no published translation is held for this verse.

सर्वान् पदर्थान् संत्यज्य शिवतत्त्वं समभ्यसेत् । शिवगर्भान् समातिष्ठन् प्राणायामादिकानपि

sarvān padarthān saṃtyajya śivatattvaṃ samabhyaset / śivagarbhān samātiṣṭhan prāṇāyāmādikānapi

Sanskrit only: no published translation is held for this verse.

जहाति जन्तुर्यः प्राणान् स शिवत्वं प्रपद्यते । रूपं परं महेशस्य ध्यातुं शक्यं न जातुचित्

jahāti janturyaḥ prāṇān sa śivatvaṃ prapadyate / rūpaṃ paraṃ maheśasya dhyātuṃ śakyaṃ na jātucit

Sanskrit only: no published translation is held for this verse.

वैचित्र्यात्कल्पितं भ्रान्त्यै तत्रास्था चेतसः कथम् । पार्थिवाप्ये विचित्राङ्के न ध्येये धारणे तदा

vaicitryātkalpitaṃ bhrāntyai tatrāsthā cetasaḥ katham / pārthivāpye vicitrāṅke na dhyeye dhāraṇe tadā

Sanskrit only: no published translation is held for this verse.

तथाप्यभ्यासतः सिद्धाः श्रूयन्ते योगिनस्तयोः । भोगविप्लुतचित्तस्य कथं स्याच्चित्तसंस्थितिः

tathāpyabhyāsataḥ siddhāḥ śrūyante yoginastayoḥ / bhogaviplutacittasya kathaṃ syāccittasaṃsthitiḥ

Sanskrit only: no published translation is held for this verse.

नाधिकृत्याविरक्ताणून् प्राहेदं साधनं हरः । शक्यते विषयीकर्तुं जगदप्यखिलं शनैः

nādhikṛtyāviraktāṇūn prāhedaṃ sādhanaṃ haraḥ / śakyate viṣayīkartuṃ jagadapyakhilaṃ śanaiḥ

Sanskrit only: no published translation is held for this verse.

किमु चित्रं वपुर्दान्तैर् वैराग्याभ्यासशालिभिः । केयं वा रूपकेयत्ता सर्वाधिष्ठानयोगिनः

kimu citraṃ vapurdāntair vairāgyābhyāsaśālibhiḥ / keyaṃ vā rūpakeyattā sarvādhiṣṭhānayoginaḥ

Sanskrit only: no published translation is held for this verse.

सर्वदा सर्वभूतानां सर्वाकारोपकारिणः । स्थानरूपप्रमाणानि परिकल्प्य स्वचेतसा

sarvadā sarvabhūtānāṃ sarvākāropakāriṇaḥ / sthānarūpapramāṇāni parikalpya svacetasā

Sanskrit only: no published translation is held for this verse.

यत्रोपरमते चित्तं तत्तद्ध्येयं पुनः पुनः । तेनास्य चेतसः स्थैर्यं सविशेषगुणः शनैः

yatroparamate cittaṃ tattaddhyeyaṃ punaḥ punaḥ / tenāsya cetasaḥ sthairyaṃ saviśeṣaguṇaḥ śanaiḥ

Sanskrit only: no published translation is held for this verse.

उन्मील्य योगसंस्कारं हतविघ्नस्य जायते । एवमातिष्ठतः सम्यग् विनैवाकारकल्पनाम्

unmīlya yogasaṃskāraṃ hatavighnasya jāyate / evamātiṣṭhataḥ samyag vinaivākārakalpanām

Sanskrit only: no published translation is held for this verse.

अकिञ्चिच्चिन्तकस्यास्य रूपमुन्मीलति स्वकम् । सर्वार्थदृक्क्रियारूपम् आनन्दमव्ययम् [॥]

akiñciccintakasyāsya rūpamunmīlati svakam / sarvārthadṛkkriyārūpam ānandamavyayam [..]

Sanskrit only: no published translation is held for this verse.

यत्प्राप्य न पुनर्दुःख- योगमेत्यशिवावहम् । एतत्समस्तगुह्यानां गुह्यं सिद्धामरस्तुतम्

yatprāpya na punarduḥkha- yogametyaśivāvaham / etatsamastaguhyānāṃ guhyaṃ siddhāmarastutam

Sanskrit only: no published translation is held for this verse.

साक्षादालोचनं शम्भोर् अत्युत्पावनमुत्तमम् । नाल्पकालोषितायैतद् देयं नातिप्रमादिने । नामेधिने नातपसे यश्च नाभ्यर्चयेच्छिवम्

sākṣādālocanaṃ śambhor atyutpāvanamuttamam / nālpakāloṣitāyaitad deyaṃ nātipramādine / nāmedhine nātapase yaśca nābhyarcayecchivam

Sanskrit only: no published translation is held for this verse.

अस्याभ्यासाद्दिव्यसिद्ध्यंशुजालैर् इष्टान् लोकान् रोरुचानो विहृत्य । काले हित्वापास्रवं देहमास्ते स्वात्मन्येवाश्चर्यचर्याधिवासः

asyābhyāsāddivyasiddhyaṃśujālair iṣṭān lokān rorucāno vihṛtya / kāle hitvāpāsravaṃ dehamāste svātmanyevāścaryacaryādhivāsaḥ

Sanskrit only: no published translation is held for this verse.