Moksopaya with Bhaskarakantha's Tika 1.23

इति श्रीभास्करकण्ठविरचितायां श्रीमोक्षोपायटीकायां वैराग्यप्रकरणे द्वाविंशः सर्गः ॥ १,२२ ॥ एवं कालनिन्दां कृत्वा कालविलासं कथयति अस्योड्डामरलीलस्य दूरास्तसकलापदः । संसारे राजपुत्रस्य कालस्याकलितौजसः

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe dvāviṃśaḥ sargaḥ || 1,22 || evaṃ kālanindāṃ kṛtvā kālavilāsaṃ kathayati asyoḍḍāmaralīlasya dūrāstasakalāpadaḥ / saṃsāre rājaputrasya kālasyākalitaujasaḥ

Sanskrit only: no published translation is held for this verse.

अस्मिन्न् आचरतो दीनैर् मुग्धैर् भूतमृगव्रजैः । आखेटकं जर्जरिते जगज्जङ्गलजालके

asminn ācarato dīnair mugdhair bhūtamṛgavrajaiḥ / ākheṭakaṃ jarjarite jagajjaṅgalajālake

Sanskrit only: no published translation is held for this verse.

एकदेशोल्लसच्चारुवडवानलपङ्कजा । क्रीडापुष्करिणी रम्या कल्पकालमहार्णवः

ekadeśollasaccāruvaḍavānalapaṅkajā / krīḍāpuṣkariṇī ramyā kalpakālamahārṇavaḥ

Sanskrit only: no published translation is held for this verse.

कटुतिक्ताम्लभूताढ्यैः सदधिक्षीरसागरैः । तैर् एव तैः पर्युषितैर् जगद्भिः काल्यवर्तनम्

kaṭutiktāmlabhūtāḍhyaiḥ sadadhikṣīrasāgaraiḥ / tair eva taiḥ paryuṣitair jagadbhiḥ kālyavartanam

Sanskrit only: no published translation is held for this verse.

चण्डी चतुरसञ्चारा सर्वमातृगणान्विता । संसारवनविन्यस्तनरैणाकर्षणी वृकी

caṇḍī caturasañcārā sarvamātṛgaṇānvitā / saṃsāravanavinyastanaraiṇākarṣaṇī vṛkī

Sanskrit only: no published translation is held for this verse.

पृथ्वी करतले पृथ्वी पानपात्री रसान्विता । कमलोत्पलकल्हारलोलजालकमालिता

pṛthvī karatale pṛthvī pānapātrī rasānvitā / kamalotpalakalhāralolajālakamālitā

Sanskrit only: no published translation is held for this verse.

विरावी विकटास्फालो नृसिंहो भुजपञ्जरे । सटाविकटपीनांसः कान्तः क्रीडाशकुन्तकः

virāvī vikaṭāsphālo nṛsiṃho bhujapañjare / saṭāvikaṭapīnāṃsaḥ kāntaḥ krīḍāśakuntakaḥ

Sanskrit only: no published translation is held for this verse.

अलाबुवीणामधुरः शरद्व्योमामलच्छविः । देवः किल महाकालो लीलाकोकिलबालकः

alābuvīṇāmadhuraḥ śaradvyomāmalacchaviḥ / devaḥ kila mahākālo līlākokilabālakaḥ

Sanskrit only: no published translation is held for this verse.

अजस्रस्फूर्जिताकारो वान्तदुःखशराशनिः । अभावनामकोदण्डः परिस्फुरति सर्वतः

ajasrasphūrjitākāro vāntaduḥkhaśarāśaniḥ / abhāvanāmakodaṇḍaḥ parisphurati sarvataḥ

Sanskrit only: no published translation is held for this verse.

सर्गान्तश्लोकेन कालविलासवर्णनं समापयति अनुत्तमस्फुरितविलासवर्धितो भ्रमन् हरन् परिविलसन् विदारयन् । जरज्जगज् जरढविलोलमर्कटः परिस्फुरद्वपुर् इह काल ईहते

sargāntaślokena kālavilāsavarṇanaṃ samāpayati anuttamasphuritavilāsavardhito bhraman haran parivilasan vidārayan / jarajjagaj jaraḍhavilolamarkaṭaḥ parisphuradvapur iha kāla īhate

Sanskrit only: no published translation is held for this verse.