Moksopaya with Bhaskarakantha's Tika 1.4

इति श्रीभास्करकण्ठविरचितायां श्रीमोक्षोपायटीकायां वैराग्यप्रकरणे तृतीयः सर्गः ॥ १,३ ॥ अथोनषोडशे वर्षे वर्तमाने रघूद्वहे । रामानुयायिनि तथा शत्रुघ्ने लक्ष्मणे ऽपि च

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe tṛtīyaḥ sargaḥ || 1,3 || athonaṣoḍaśe varṣe vartamāne raghūdvahe / rāmānuyāyini tathā śatrughne lakṣmaṇe 'pi ca

Sanskrit only: no published translation is held for this verse.

भरते संस्थिते नित्यम् मातामहगृहे सुखम् । पालयत्य् अवनिं राज्ञि यथावद् अखिलाम् इमाम्

bharate saṃsthite nityam mātāmahagṛhe sukham / pālayaty avaniṃ rājñi yathāvad akhilām imām

Sanskrit only: no published translation is held for this verse.

जन्यत्रार्थं च पुत्राणाम् प्रत्यहं सह मन्त्रिभिः । कृतमन्त्रे महाप्राज्ञे तज्ज्ञे दशरथे नृपे

janyatrārthaṃ ca putrāṇām pratyahaṃ saha mantribhiḥ / kṛtamantre mahāprājñe tajjñe daśarathe nṛpe

Sanskrit only: no published translation is held for this verse.

कृतायां तीर्थयात्रायां रामो निजगृहस्थितः । जगामानुदिनं कार्श्यं शरदीवामलं सरः

kṛtāyāṃ tīrthayātrāyāṃ rāmo nijagṛhasthitaḥ / jagāmānudinaṃ kārśyaṃ śaradīvāmalaṃ saraḥ

Sanskrit only: no published translation is held for this verse.

कार्श्यम् एव कथयति क्रमाद् अस्य विशालाक्षम् पाण्डुताम् मुखम् आदधे । पाकफुल्लदलं शुक्लं सालिमालम् इवाम्बुजम्

kārśyam eva kathayati kramād asya viśālākṣam pāṇḍutām mukham ādadhe / pākaphulladalaṃ śuklaṃ sālimālam ivāmbujam

Sanskrit only: no published translation is held for this verse.

कपोलतलसंलीनपाणिः पद्मासनस्थितः । चिन्तापरवशस् तूष्णीम् अव्यापारो बभूव सः

kapolatalasaṃlīnapāṇiḥ padmāsanasthitaḥ / cintāparavaśas tūṣṇīm avyāpāro babhūva saḥ

Sanskrit only: no published translation is held for this verse.

कृशाङ्गश् चिन्तया युक्तः खेदी परमदुर्मनाः । नोवाच कस्यचित् किञ्चिल् लिपिकर्मार्पितोपमः

kṛśāṅgaś cintayā yuktaḥ khedī paramadurmanāḥ / novāca kasyacit kiñcil lipikarmārpitopamaḥ

Sanskrit only: no published translation is held for this verse.

खेदात् परिजनेनासौ प्रार्थ्यमानः पुनः पुनः । चकाराह्निकम् आचारम् परिम्लानमुखाम्बुजः

khedāt parijanenāsau prārthyamānaḥ punaḥ punaḥ / cakārāhnikam ācāram parimlānamukhāmbujaḥ

Sanskrit only: no published translation is held for this verse.

एवम् मुनिविशिष्टं तं रामं गुणगणाकरम् । आलोक्य भ्रातराव् अस्य ताम् एवाययतुर् दशाम्

evam muniviśiṣṭaṃ taṃ rāmaṃ guṇagaṇākaram / ālokya bhrātarāv asya tām evāyayatur daśām

Sanskrit only: no published translation is held for this verse.

तथा तेषु तनूजेषु खेदवत्सु कृशेषु च । सपत्नीको महीपालश् चिन्ताविवशतां ययौ

tathā teṣu tanūjeṣu khedavatsu kṛśeṣu ca / sapatnīko mahīpālaś cintāvivaśatāṃ yayau

Sanskrit only: no published translation is held for this verse.

का ते पुत्र घना चिन्तेत्य् एवं रामम् पुनः पुनः । अपृच्छत् स्निग्धया वाचा न चाकथयद् अस्य सः

kā te putra ghanā cintety evaṃ rāmam punaḥ punaḥ / apṛcchat snigdhayā vācā na cākathayad asya saḥ

Sanskrit only: no published translation is held for this verse.

न किञ्चित् तात मे दुःकम् इत्य् उक्त्वा पितुर् अङ्कगः । रामो राजीवपत्राक्षस् तूष्णीम् एव स्म तिष्ठति

na kiñcit tāta me duḥkam ity uktvā pitur aṅkagaḥ / rāmo rājīvapatrākṣas tūṣṇīm eva sma tiṣṭhati

Sanskrit only: no published translation is held for this verse.

ततो दशरथो राजा रामः किं खेदवान् इति । अपृच्छत् सर्वकार्यज्ञं वसिष्ठं वदतां वरम्

tato daśaratho rājā rāmaḥ kiṃ khedavān iti / apṛcchat sarvakāryajñaṃ vasiṣṭhaṃ vadatāṃ varam

Sanskrit only: no published translation is held for this verse.

अस्त्य् अत्र कारणं श्रीमन् मा राजन् दुःखम् अस्तु ते । इत्य् उक्तश् चिन्तया युक्तो वसिष्ठमुनिना नृपः

asty atra kāraṇaṃ śrīman mā rājan duḥkham astu te / ity uktaś cintayā yukto vasiṣṭhamuninā nṛpaḥ

Sanskrit only: no published translation is held for this verse.

कोपं विषादकलनां विततं च हर्षं नाल्पेन कारणवशेन वहन्ति सन्तः । सर्गेण संहतिजवेन विना जगत्यां भूतानि भूप न महान्ति विकारयन्ति

kopaṃ viṣādakalanāṃ vitataṃ ca harṣaṃ nālpena kāraṇavaśena vahanti santaḥ / sargeṇa saṃhatijavena vinā jagatyāṃ bhūtāni bhūpa na mahānti vikārayanti

Sanskrit only: no published translation is held for this verse.