Moksopaya with Bhaskarakantha's Tika 3.10

इति श्रीभास्करकण्ठविरचितायां श्रीमोक्षोपायटीकायाम् उत्पत्तिप्रकरणे नवमः सर्गः ॥ ३,९ ॥ ॐ । अत्र मोहम् आपन्न इव श्रीरामः पृच्छति महाप्रलयसम्पत्तौ यद् एतद् अवशिष्यते । भवत्व् एतद् अनाकारं नाम नास्त्य् अत्र संशयः

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe navamaḥ sargaḥ || 3,9 || oṃ | atra moham āpanna iva śrīrāmaḥ pṛcchati mahāpralayasampattau yad etad avaśiṣyate / bhavatv etad anākāraṃ nāma nāsty atra saṃśayaḥ

Sanskrit only: no published translation is held for this verse.

बहिर् अनुभूयमानाकाररहितशून्यादिवस्तुरूपतानिरासस् तु तस्य न युज्यत इति कथयति न शून्यं कथम् एतत् स्यान् न प्रकाशः कथं भवेत् । कथं वा न तमोरूपं कथं वा नैव खात्मकम्

bahir anubhūyamānākārarahitaśūnyādivasturūpatānirāsas tu tasya na yujyata iti kathayati na śūnyaṃ katham etat syān na prakāśaḥ kathaṃ bhavet / kathaṃ vā na tamorūpaṃ kathaṃ vā naiva khātmakam

Sanskrit only: no published translation is held for this verse.

कथं वा नैव चिद्रूपं जीवो वा न कथं भवेत् । कथं न बुद्धितत्त्वं स्यात् कथं वा न मनो भवेत्

kathaṃ vā naiva cidrūpaṃ jīvo vā na kathaṃ bhavet / kathaṃ na buddhitattvaṃ syāt kathaṃ vā na mano bhavet

Sanskrit only: no published translation is held for this verse.

कथं वा न न किञ्चित् स्यात् कथं वा सर्वम् इत्य् अपि । अनया च वचोभङ्ग्या मम मोह इवोदितः

kathaṃ vā na na kiñcit syāt kathaṃ vā sarvam ity api / anayā ca vacobhaṅgyā mama moha ivoditaḥ

Sanskrit only: no published translation is held for this verse.

श्रीवसिष्ठ उत्तरम् आह विषमो ऽयम् अति प्रश्नो भवता समुदाहृतः । भिनद्म्य् एनं त्व् अयत्नेन नैशं तम इवांशुमान्

śrīvasiṣṭha uttaram āha viṣamo 'yam ati praśno bhavatā samudāhṛtaḥ / bhinadmy enaṃ tv ayatnena naiśaṃ tama ivāṃśumān

Sanskrit only: no published translation is held for this verse.

प्रश्नम् एव भिनत्ति महाकल्पान्तसम्पत्तौ यत् तत् सद् अवशिष्यते । तद् राम न यथा शून्यं तद् इदं शृणु कथ्यते

praśnam eva bhinatti mahākalpāntasampattau yat tat sad avaśiṣyate / tad rāma na yathā śūnyaṃ tad idaṃ śṛṇu kathyate

Sanskrit only: no published translation is held for this verse.

तद् एव कथयति अनुत्कीर्णा यथा स्तम्भे संस्थिता सालभञ्जिका । तथा विश्वं स्थितं तत्र तेन शून्यं न तत् पदम्

tad eva kathayati anutkīrṇā yathā stambhe saṃsthitā sālabhañjikā / tathā viśvaṃ sthitaṃ tatra tena śūnyaṃ na tat padam

Sanskrit only: no published translation is held for this verse.

एतद् एवम् विस्तरं कथयति अयम् इत्थं महाभोगो जगदाख्यो ऽवभासते । सत्यो भवत्व् असत्यो वा यत्र तत्र क्व शून्यता

etad evam vistaraṃ kathayati ayam itthaṃ mahābhogo jagadākhyo 'vabhāsate / satyo bhavatv asatyo vā yatra tatra kva śūnyatā

Sanskrit only: no published translation is held for this verse.

यथा न पुत्रिकाशून्यः स्तम्भो ऽनुत्कीर्णसालिकः । तथा तात जगद् ब्रह्म तेन शून्यं न तत् पदम्

yathā na putrikāśūnyaḥ stambho 'nutkīrṇasālikaḥ / tathā tāta jagad brahma tena śūnyaṃ na tat padam

Sanskrit only: no published translation is held for this verse.

सोम्याम्भसि यथा वीचिर् न चास्ति न च नास्ति च । तथा जगद् ब्रह्मणीदं शून्याशून्यपदं गतम्

somyāmbhasi yathā vīcir na cāsti na ca nāsti ca / tathā jagad brahmaṇīdaṃ śūnyāśūnyapadaṃ gatam

Sanskrit only: no published translation is held for this verse.

ननु तर्हि पुत्रिकादिसादृश्येन सिद्धा एव ब्रह्मणि जगत्स्थितिर् इत्य् । अत्राह देशकालादिशान्तत्वात् पुत्रिकारचनं द्रुमे । सम्भवत्य् अजधातौ तु केन नान्तर् विमुह्यते

nanu tarhi putrikādisādṛśyena siddhā eva brahmaṇi jagatsthitir ity | atrāha deśakālādiśāntatvāt putrikāracanaṃ drume / sambhavaty ajadhātau tu kena nāntar vimuhyate

Sanskrit only: no published translation is held for this verse.

फलितम् आह तत् स्तम्भपुत्रिकाद्य् एतत् परमार्थजगत्स्थितेः । एकदेशेन सदृशम् उपमानं न सर्वतः

phalitam āha tat stambhaputrikādy etat paramārthajagatsthiteḥ / ekadeśena sadṛśam upamānaṃ na sarvataḥ

Sanskrit only: no published translation is held for this verse.

जगदाधारत्वेन शून्यत्वं निरस्य तद्रूपतया निरस्यति न कदाचिद् उदेतीदं परस्मान् न च शाम्यति । इदंरूपं केवलं सद् ब्रह्म स्वात्मनि संस्थितम्

jagadādhāratvena śūnyatvaṃ nirasya tadrūpatayā nirasyati na kadācid udetīdaṃ parasmān na ca śāmyati / idaṃrūpaṃ kevalaṃ sad brahma svātmani saṃsthitam

Sanskrit only: no published translation is held for this verse.

अशून्यापेक्षया शून्यशब्दार्थपरिकल्पना । अशून्यत्वासम्भवतश् शून्यताशून्यते कुतः

aśūnyāpekṣayā śūnyaśabdārthaparikalpanā / aśūnyatvāsambhavataś śūnyatāśūnyate kutaḥ

Sanskrit only: no published translation is held for this verse.

शून्यत्वं निवार्य प्रकाशरूपत्वं निवारयति ब्रह्मण्य् अयं प्रकाशो हि न सम्भवति भूतजः । सूर्यानलेन्दुतारादि कुतस् तत्र किलाव्यये

śūnyatvaṃ nivārya prakāśarūpatvaṃ nivārayati brahmaṇy ayaṃ prakāśo hi na sambhavati bhūtajaḥ / sūryānalendutārādi kutas tatra kilāvyaye

Sanskrit only: no published translation is held for this verse.

तमोरूपत्वं निवारयति महाभूतप्रकाशानाम् अभावस् तम उच्यते । महाभूताभावजं तु तेनात्र न तमः क्वचित्

tamorūpatvaṃ nivārayati mahābhūtaprakāśānām abhāvas tama ucyate / mahābhūtābhāvajaṃ tu tenātra na tamaḥ kvacit

Sanskrit only: no published translation is held for this verse.

ननु तेजसो ऽभावे कथं तत् प्रकाशत इत्य् । अत्राह स्वानुभूतिप्रकाशो ऽस्य केवलं व्योमरूपिणः । यो ऽन्तर् अस्ति स तेनैव न त्व् अन्येनानुभूयते

nanu tejaso 'bhāve kathaṃ tat prakāśata ity | atrāha svānubhūtiprakāśo 'sya kevalaṃ vyomarūpiṇaḥ / yo 'ntar asti sa tenaiva na tv anyenānubhūyate

Sanskrit only: no published translation is held for this verse.

प्रकृतम् अनुसन्धत्ते मुक्तं तमःप्रकाशाभ्याम् इत्य् एतद् अजरं पदम् । आकाशकोशम् एवैनं विद्धि कोशं जगत्स्थितेः

prakṛtam anusandhatte muktaṃ tamaḥprakāśābhyām ity etad ajaraṃ padam / ākāśakośam evainaṃ viddhi kośaṃ jagatsthiteḥ

Sanskrit only: no published translation is held for this verse.

दृष्टान्तेनैतद् एव दृढयति बिल्वस्य बिल्वसंज्ञस्य यथा भेदो न कश्चन । तथेह ब्रह्मजगतोर् न मनाग् अपि भिन्नता

dṛṣṭāntenaitad eva dṛḍhayati bilvasya bilvasaṃjñasya yathā bhedo na kaścana / tatheha brahmajagator na manāg api bhinnatā

Sanskrit only: no published translation is held for this verse.

ननु तथापि प्रकृते किम् आयातम् इत्य् । अत्राह सलिले ऽन्तर् यथा वीचिर् मृदो ऽन्तर् घटको यथा । तथा यत्र जगत्सत्ता तत् कथं खात्मकं भवेत्

nanu tathāpi prakṛte kim āyātam ity | atrāha salile 'ntar yathā vīcir mṛdo 'ntar ghaṭako yathā / tathā yatra jagatsattā tat kathaṃ khātmakaṃ bhavet

Sanskrit only: no published translation is held for this verse.

चिद्रूपतानिवारणार्थं प्रक्रियाम् आरभते मृज्जलाद्युपमानश्रीः साकारात्र समा न सा । ब्रह्म त्व् आकाशविशदं तस्यान्तःस्थं तथैव तत्

cidrūpatānivāraṇārthaṃ prakriyām ārabhate mṛjjalādyupamānaśrīḥ sākārātra samā na sā / brahma tv ākāśaviśadaṃ tasyāntaḥsthaṃ tathaiva tat

Sanskrit only: no published translation is held for this verse.

पुनर् अप्य् उपसंहारव्याजेन जगतो निराकारत्वं साधयति तस्माद् यादृक् चिदाकाशम् आकाशाद् अपि निर्मलम् । तदन्तःस्थं तादृग् एव जगच्छब्दार्थभाग् अपि

punar apy upasaṃhāravyājena jagato nirākāratvaṃ sādhayati tasmād yādṛk cidākāśam ākāśād api nirmalam / tadantaḥsthaṃ tādṛg eva jagacchabdārthabhāg api

Sanskrit only: no published translation is held for this verse.

मरिचे ऽन्तर् यथा तैक्ष्ण्यम् ऋते भोक्तुर् न लक्ष्यते । चिन्मात्रत्वं पराकाशे तथा चेत्यकलां विना

marice 'ntar yathā taikṣṇyam ṛte bhoktur na lakṣyate / cinmātratvaṃ parākāśe tathā cetyakalāṃ vinā

Sanskrit only: no published translation is held for this verse.

फलितम् आह तस्माच् चिद् अप्य् अचिद्रूपा चेत्यरिक्ततयात्मनि । जगत्ता तादृश्य् एवेयं तादृङ्मात्रात्मतावशा

phalitam āha tasmāc cid apy acidrūpā cetyariktatayātmani / jagattā tādṛśy eveyaṃ tādṛṅmātrātmatāvaśā

Sanskrit only: no published translation is held for this verse.

ननु जगतः सर्वथाभिन्नत्वे रूपालोकमनस्काराः किंरूपा इत्य् । अत्राह रूपालोकमनस्कारास् तन्मया एव नेतरत् । यथास्थितम् अतो विश्वं सुषुप्तं तुर्यम् एव वा

nanu jagataḥ sarvathābhinnatve rūpālokamanaskārāḥ kiṃrūpā ity | atrāha rūpālokamanaskārās tanmayā eva netarat / yathāsthitam ato viśvaṃ suṣuptaṃ turyam eva vā

Sanskrit only: no published translation is held for this verse.

जगतः तुर्यरूपब्रह्मत्वेन योगिनो व्यवहारे ऽपि ब्रह्ममयताम् आह तेन योगी सुषुप्तात्मा व्यवहार्य् अपि शान्तधीः । आस्ते ब्रह्म निराभासं सर्वभासां समुद्गकम्

jagataḥ turyarūpabrahmatvena yogino vyavahāre 'pi brahmamayatām āha tena yogī suṣuptātmā vyavahāry api śāntadhīḥ / āste brahma nirābhāsaṃ sarvabhāsāṃ samudgakam

Sanskrit only: no published translation is held for this verse.

पुनर् अपि प्रकृतं ब्रह्मजगदभेदम् एव कथयति आकारिणि यथा सौम्ये स्थितस् तोये द्रवक्रमः । अनाकृतौ तथा विश्वं स्थितं तत्सदृशं परे

punar api prakṛtaṃ brahmajagadabhedam eva kathayati ākāriṇi yathā saumye sthitas toye dravakramaḥ / anākṛtau tathā viśvaṃ sthitaṃ tatsadṛśaṃ pare

Sanskrit only: no published translation is held for this verse.

अभेदम् उक्त्वा तत्त्वम् एव कथयति पूर्णात् पूर्णं प्रसरति निराकारान् निराकृति । ब्रह्मणो विश्वम् आभातं तद् विश्वार्थविवर्जितम्

abhedam uktvā tattvam eva kathayati pūrṇāt pūrṇaṃ prasarati nirākārān nirākṛti / brahmaṇo viśvam ābhātaṃ tad viśvārthavivarjitam

Sanskrit only: no published translation is held for this verse.

पूर्णात् पूर्णं प्रसरति संस्थितं पूर्णम् एव तत् । अतो विश्वम् अनुत्पन्नं यच् चोत्पन्नं तद् एव तत्

pūrṇāt pūrṇaṃ prasarati saṃsthitaṃ pūrṇam eva tat / ato viśvam anutpannaṃ yac cotpannaṃ tad eva tat

Sanskrit only: no published translation is held for this verse.

एतावत्या प्रक्रियया सिद्धम् अचिद्रूपत्वं ब्रह्मणः कथयति चेत्यासम्भवतस् तस्मिन् पदे केव चिदर्थता । आस्वादकासम्भवतो मरिचे केव तीक्ष्णता

etāvatyā prakriyayā siddham acidrūpatvaṃ brahmaṇaḥ kathayati cetyāsambhavatas tasmin pade keva cidarthatā / āsvādakāsambhavato marice keva tīkṣṇatā

Sanskrit only: no published translation is held for this verse.

पुनर् अप्य् एतद् एव कथयति सत्येवेयम् असत्यैव चितेश् चित्तोदिता परे । अभावात् प्रतिबिम्बस्य प्रतिबिम्बार्हता कुतः

punar apy etad eva kathayati satyeveyam asatyaiva citeś cittoditā pare / abhāvāt pratibimbasya pratibimbārhatā kutaḥ

Sanskrit only: no published translation is held for this verse.

जीवादिरूपतानिरासार्थं परमात्मतत्त्वं विशिनष्टि परमाणोर् अपि परं तद् अणीयो ऽप्य् अणीयसः । शुद्धं सूक्ष्मं परं शान्तं तद् आकाशोदराद् अपि

jīvādirūpatānirāsārthaṃ paramātmatattvaṃ viśinaṣṭi paramāṇor api paraṃ tad aṇīyo 'py aṇīyasaḥ / śuddhaṃ sūkṣmaṃ paraṃ śāntaṃ tad ākāśodarād api

Sanskrit only: no published translation is held for this verse.

दिक्कालाद्यनवच्छिन्नरूपत्वाद् अतिविस्तृतम् । तद् अनाद्यन्तम् आभासं भासनीयविवर्जितम्

dikkālādyanavacchinnarūpatvād ativistṛtam / tad anādyantam ābhāsaṃ bhāsanīyavivarjitam

Sanskrit only: no published translation is held for this verse.

प्रोक्तविशेषणावष्टम्भेन जीवादिरूपताम् अस्य निवारयति चिद्रूपम् एव नो यत्र लभ्यते तत्र जीवता । कथं स्याच् चित्तताकारा वासनानिलरूपिणी

proktaviśeṣaṇāvaṣṭambhena jīvādirūpatām asya nivārayati cidrūpam eva no yatra labhyate tatra jīvatā / kathaṃ syāc cittatākārā vāsanānilarūpiṇī

Sanskrit only: no published translation is held for this verse.

चिद्रूपत्वाभावेनैव युगपज्जीवादितां निराकरोति चिद्रूपानुदयाद् एव तत्र नास्त्य् एव जीवता । न बुद्धिता न चित्तत्त्वं नेन्द्रियत्वं न वासनाः

cidrūpatvābhāvenaiva yugapajjīvāditāṃ nirākaroti cidrūpānudayād eva tatra nāsty eva jīvatā / na buddhitā na cittattvaṃ nendriyatvaṃ na vāsanāḥ

Sanskrit only: no published translation is held for this verse.

फलितम् आह एवं स्थितं लयारम्भपूर्णम् अप्य् अजरं पदम् । अस्मद्दृष्ट्या स्थितं शान्तं शून्यम् आकाशतो ऽधिकम्

phalitam āha evaṃ sthitaṃ layārambhapūrṇam apy ajaraṃ padam / asmaddṛṣṭyā sthitaṃ śāntaṃ śūnyam ākāśato 'dhikam

Sanskrit only: no published translation is held for this verse.

परमात्मस्वरूपं दुर्बोधं ज्ञात्वा पुनर् अपि श्रीरामः पृच्छति परमार्थस्य किं रूपं तस्यानन्तचिदाकृतेः । पुनर् एतत् समाचक्ष्व निपुणं बोधवृद्धये

paramātmasvarūpaṃ durbodhaṃ jñātvā punar api śrīrāmaḥ pṛcchati paramārthasya kiṃ rūpaṃ tasyānantacidākṛteḥ / punar etat samācakṣva nipuṇaṃ bodhavṛddhaye

Sanskrit only: no published translation is held for this verse.

श्रीवसिष्ठ उत्तरम् आह महाप्रलयसम्पत्तौ सर्वकारणकारणम् । शिष्यते यत् परं ब्रह्म तद् इदं वर्ण्यते शृणु

śrīvasiṣṭha uttaram āha mahāpralayasampattau sarvakāraṇakāraṇam / śiṣyate yat paraṃ brahma tad idaṃ varṇyate śṛṇu

Sanskrit only: no published translation is held for this verse.

परमात्मस्वरूपम् एव वर्णयति नाशयित्वा स्वम् आत्मानं मनसो वृत्तिसङ्क्षये । यद् रूपं यद् अनाख्येयं तद् रूपं तस्य वस्तुनः

paramātmasvarūpam eva varṇayati nāśayitvā svam ātmānaṃ manaso vṛttisaṅkṣaye / yad rūpaṃ yad anākhyeyaṃ tad rūpaṃ tasya vastunaḥ

Sanskrit only: no published translation is held for this verse.

नास्ति दृश्यं जगद् द्रष्टा दृश्याभावाद् विलीनवत् । भातीति भासनं यत् स्यात् तद् रूपं तस्य वस्तुनः

nāsti dṛśyaṃ jagad draṣṭā dṛśyābhāvād vilīnavat / bhātīti bhāsanaṃ yat syāt tad rūpaṃ tasya vastunaḥ

Sanskrit only: no published translation is held for this verse.

चितेर् जीवस्वभावो यो यदि चेत्योन्मुखो वपुः । चिन्मात्रं विमलं शान्तं तत् तत् कारणकारणम्

citer jīvasvabhāvo yo yadi cetyonmukho vapuḥ / cinmātraṃ vimalaṃ śāntaṃ tat tat kāraṇakāraṇam

Sanskrit only: no published translation is held for this verse.

अङ्गुष्ठस्याथ वाङ्गुल्या वाताद्यस्पर्शने सति । जीवतश् चेतसो रूपं यत् तत् परमम् आत्मनः

aṅguṣṭhasyātha vāṅgulyā vātādyasparśane sati / jīvataś cetaso rūpaṃ yat tat paramam ātmanaḥ

Sanskrit only: no published translation is held for this verse.

अस्वप्नाया अनन्ताया अजडाया घनस्थितेः । यद् रूपं चिरचिन्तायास् तत् तदानघ शिष्यते

asvapnāyā anantāyā ajaḍāyā ghanasthiteḥ / yad rūpaṃ ciracintāyās tat tadānagha śiṣyate

Sanskrit only: no published translation is held for this verse.

यद् व्योम्नो हृदयं यद् वा शिलायाः पवनस्य च । तस्याचेत्यस्य चिद्व्योम्नस् तद् रूपं परमात्मनः

yad vyomno hṛdayaṃ yad vā śilāyāḥ pavanasya ca / tasyācetyasya cidvyomnas tad rūpaṃ paramātmanaḥ

Sanskrit only: no published translation is held for this verse.

अचेत्यस्यामनस्कस्य जीवतो या क्रियावतः । स्यात् स्थितिः सा परा शान्ता सत्ता तस्याद्यवस्तुनः

acetyasyāmanaskasya jīvato yā kriyāvataḥ / syāt sthitiḥ sā parā śāntā sattā tasyādyavastunaḥ

Sanskrit only: no published translation is held for this verse.

चित्प्रकाशस्य यन् मध्यं प्रकाशस्य घनस्य च । दर्शनस्य च यन् मध्यं तद् रूपं ब्रह्मणो विदुः

citprakāśasya yan madhyaṃ prakāśasya ghanasya ca / darśanasya ca yan madhyaṃ tad rūpaṃ brahmaṇo viduḥ

Sanskrit only: no published translation is held for this verse.

वेदनस्य प्रकाशस्य दृश्यस्य तमसस् तथा । वेदनं यद् अनाद्यन्तं तद् रूपं परमात्मनः

vedanasya prakāśasya dṛśyasya tamasas tathā / vedanaṃ yad anādyantaṃ tad rūpaṃ paramātmanaḥ

Sanskrit only: no published translation is held for this verse.

यतो जगद् उदेतीव नित्यानुदितरूप्य् अपि । विभिन्नवद् इवाभिन्नं तद् रूपं पारमात्मिकम्

yato jagad udetīva nityānuditarūpy api / vibhinnavad ivābhinnaṃ tad rūpaṃ pāramātmikam

Sanskrit only: no published translation is held for this verse.

व्यवहारपरस्यापि यत् पाषाणवद् आसनम् । अव्योम्न एव व्योमत्वं तद् रूपं पारमात्मिकम्

vyavahāraparasyāpi yat pāṣāṇavad āsanam / avyomna eva vyomatvaṃ tad rūpaṃ pāramātmikam

Sanskrit only: no published translation is held for this verse.

वेद्यवेदनवेत्तृत्वरूपत्रयम् इदं पुनः । यत्रोदेत्य् अस्तम् आयाति तत् तत् परमम् उत्तमम्

vedyavedanavettṛtvarūpatrayam idaṃ punaḥ / yatrodety astam āyāti tat tat paramam uttamam

Sanskrit only: no published translation is held for this verse.

वेद्यवेदनवेत्तृत्वं यत्रेदं प्रतिबिम्बति । अबुद्ध्यादौ महादर्शे तद् रूपं परमं स्मृतम्

vedyavedanavettṛtvaṃ yatredaṃ pratibimbati / abuddhyādau mahādarśe tad rūpaṃ paramaṃ smṛtam

Sanskrit only: no published translation is held for this verse.

मनष्षष्ठेन्द्रियातीतं यद् रूपं स्यान् महाचितेः । जङ्गमे स्थावरे वापि तत् सर्गान्ते ऽवशिष्यते

manaṣṣaṣṭhendriyātītaṃ yad rūpaṃ syān mahāciteḥ / jaṅgame sthāvare vāpi tat sargānte 'vaśiṣyate

Sanskrit only: no published translation is held for this verse.

स्थावराणां हि यद् रूपं तच् चेद् बोधमयं भवेत् । मनोबुद्ध्यादिनिर्मुक्तं तत् परेण समं भवेत्

sthāvarāṇāṃ hi yad rūpaṃ tac ced bodhamayaṃ bhavet / manobuddhyādinirmuktaṃ tat pareṇa samaṃ bhavet

Sanskrit only: no published translation is held for this verse.

सर्गान्तश्लोकेन पूर्वोक्तम् उपसंहरति ब्रह्मार्कशक्रहरविष्णुसदाशिवादि- शान्तौ शिवं परमम् एतद् इहैकम् आस्ते । शिष्टं प्रदिष्टम् अविनष्टम् अकष्टम् इष्टं मिश्रं न मिश्रम् अणुनाश्रितम् आश्रितेन

sargāntaślokena pūrvoktam upasaṃharati brahmārkaśakraharaviṣṇusadāśivādi- śāntau śivaṃ paramam etad ihaikam āste / śiṣṭaṃ pradiṣṭam avinaṣṭam akaṣṭam iṣṭaṃ miśraṃ na miśram aṇunāśritam āśritena

Sanskrit only: no published translation is held for this verse.