Moksopaya with Bhaskarakantha's Tika 3.106

अस्ति तावद् अयं देशो नानावननदीयुतः । वसुधामण्डलस्यास्य सहोदर इवानुजः

asti tāvad ayaṃ deśo nānāvananadīyutaḥ / vasudhāmaṇḍalasyāsya sahodara ivānujaḥ

Sanskrit only: no published translation is held for this verse.

अस्मिंश् चायम् अहम् राजा पौराभिमतवृत्तिमान् । इन्द्रस् स्वर्ग इवास्यां तु सभायाम् अद्य संस्थितः

asmiṃś cāyam aham rājā paurābhimatavṛttimān / indras svarga ivāsyāṃ tu sabhāyām adya saṃsthitaḥ

Sanskrit only: no published translation is held for this verse.

यावद् अभ्यागतो दूरात् कश्चिच् छाम्बरिकस् त्व् अयम् । रसातलाद् अभ्युत्थितो मायी मय इव स्वयम्

yāvad abhyāgato dūrāt kaścic chāmbarikas tv ayam / rasātalād abhyutthito māyī maya iva svayam

Sanskrit only: no published translation is held for this verse.

अनेन भ्रामितैषेह पिञ्छिका राजिराजिता । कल्पान्तपवनाभ्रेण शक्रचापलता यथा

anena bhrāmitaiṣeha piñchikā rājirājitā / kalpāntapavanābhreṇa śakracāpalatā yathā

Sanskrit only: no published translation is held for this verse.

आलोक्यैताम् अहं लोलाम् अस्याश्वस्य पुरस्स्थितेः । पृष्ठम् आरूढवान् एक आत्मना भ्रान्तमानसः

ālokyaitām ahaṃ lolām asyāśvasya purassthiteḥ / pṛṣṭham ārūḍhavān eka ātmanā bhrāntamānasaḥ

Sanskrit only: no published translation is held for this verse.

ततो ऽद्रिं प्रलयक्षुब्धं पुष्करावर्तको यथा । तथा चलन्तं चलितस् स्वश्वम् आरूढवान् अहम्

tato 'driṃ pralayakṣubdhaṃ puṣkarāvartako yathā / tathā calantaṃ calitas svaśvam ārūḍhavān aham

Sanskrit only: no published translation is held for this verse.

गन्तुं प्रवृत्तो मृगयाम् एको ऽहम् अथ रंहसा । उर्वराम् इव निर्भेत्तुं कल्लोलः प्रलयाम्बुधेः

gantuṃ pravṛtto mṛgayām eko 'ham atha raṃhasā / urvarām iva nirbhettuṃ kallolaḥ pralayāmbudheḥ

Sanskrit only: no published translation is held for this verse.

तेनानिलविलोलेन दूरं नीतो ऽस्मि वाजिना । भोगाभ्यासजडेनाज्ञो मुग्धस् स्वमनसा यथा

tenānilavilolena dūraṃ nīto 'smi vājinā / bhogābhyāsajaḍenājño mugdhas svamanasā yathā

Sanskrit only: no published translation is held for this verse.

अकिञ्चनमनश्शून्यं स्त्रीचित्तम् इव दुर्भगम् । ततः प्रलयनिर्दग्धजगदास्पदभीषणम्

akiñcanamanaśśūnyaṃ strīcittam iva durbhagam / tataḥ pralayanirdagdhajagadāspadabhīṣaṇam

Sanskrit only: no published translation is held for this verse.

निष्पक्षि क्षारनीहारं निर्वृक्षम् अजलं महत् । सम्प्राप्तो ऽहम् अपर्यन्तम् अरण्यं तान्तवाहनः

niṣpakṣi kṣāranīhāraṃ nirvṛkṣam ajalaṃ mahat / samprāpto 'ham aparyantam araṇyaṃ tāntavāhanaḥ

Sanskrit only: no published translation is held for this verse.

तद् द्वितीयम् इवाकाशं तथाष्टमम् इवाम्बुधिम् । पञ्चमं सागरम् इव संशुष्कं शून्यकोटरम्

tad dvitīyam ivākāśaṃ tathāṣṭamam ivāmbudhim / pañcamaṃ sāgaram iva saṃśuṣkaṃ śūnyakoṭaram

Sanskrit only: no published translation is held for this verse.

ज्ञस्येव विततं चेतो मूर्खस्येव रुषो ऽजवम् । अदृष्टजनसंसर्गम् अजाततृणपल्लवम्

jñasyeva vitataṃ ceto mūrkhasyeva ruṣo 'javam / adṛṣṭajanasaṃsargam ajātatṛṇapallavam

Sanskrit only: no published translation is held for this verse.

अरण्यं महद् आसाद्य मतिर् मे खेदम् आगता । ललनेवैत्य दारिद्र्यं निरन्नफलबान्धवम्

araṇyaṃ mahad āsādya matir me khedam āgatā / lalanevaitya dāridryaṃ nirannaphalabāndhavam

Sanskrit only: no published translation is held for this verse.

कचन्मरुमरीच्यम्बुपूरप्लुतककुब्मुखे । आसूर्यान्तं दिनं तत्र प्रक्रान्तं सीदता मया

kacanmarumarīcyambupūraplutakakubmukhe / āsūryāntaṃ dinaṃ tatra prakrāntaṃ sīdatā mayā

Sanskrit only: no published translation is held for this verse.

तद् अरण्यं मयातीतम् अतिकृच्छ्रेण खेदिना । विवेकिनेव संसारो मध्यशून्यातताकृतिः

tad araṇyaṃ mayātītam atikṛcchreṇa khedinā / vivekineva saṃsāro madhyaśūnyātatākṛtiḥ

Sanskrit only: no published translation is held for this verse.

तद्दिनेनातिवाह्याहं प्राप्तवाञ् जङ्गलं महत् । अस्ताद्रिसानुं खिन्नः खं शून्यं भ्रान्त्वेव भास्करः

taddinenātivāhyāhaṃ prāptavāñ jaṅgalaṃ mahat / astādrisānuṃ khinnaḥ khaṃ śūnyaṃ bhrāntveva bhāskaraḥ

Sanskrit only: no published translation is held for this verse.

जम्बूकदम्बप्रायेषु कलालापाः पतत्रिणः । यत्र स्फुरन्ति षण्डेषु पान्थानाम् इव बन्धवः

jambūkadambaprāyeṣu kalālāpāḥ patatriṇaḥ / yatra sphuranti ṣaṇḍeṣu pānthānām iva bandhavaḥ

Sanskrit only: no published translation is held for this verse.

यत्र शष्पशिखाश्रेण्यो दृश्यन्ते ऽविरलास् स्थले । कदर्थलक्ष्म्या जिह्मस्य हृदीवानन्दवृत्तयः

yatra śaṣpaśikhāśreṇyo dṛśyante 'viralās sthale / kadarthalakṣmyā jihmasya hṛdīvānandavṛttayaḥ

Sanskrit only: no published translation is held for this verse.

पूर्वाद् अरण्याद् अरसात् तद् धि किञ्चित् सुखावहम् । अत्यन्तदुःखान् मरणाद् वरं व्याधिर् हि जन्तुषु

pūrvād araṇyād arasāt tad dhi kiñcit sukhāvaham / atyantaduḥkhān maraṇād varaṃ vyādhir hi jantuṣu

Sanskrit only: no published translation is held for this verse.

तत्र जम्बीरषण्डस्य तलं सम्प्राप्तवान् अहम् । मार्काण्डेय इवागेन्द्रम् एकार्णवविहारतः

tatra jambīraṣaṇḍasya talaṃ samprāptavān aham / mārkāṇḍeya ivāgendram ekārṇavavihārataḥ

Sanskrit only: no published translation is held for this verse.

आलम्बिता मया तत्र स्कन्धसंसङ्गिनी लता । नीला जलदमालेव तापतप्तेन भूभृता

ālambitā mayā tatra skandhasaṃsaṅginī latā / nīlā jaladamāleva tāpataptena bhūbhṛtā

Sanskrit only: no published translation is held for this verse.

मयि प्रलम्बमाने ऽस्यां प्रयातस् स तुरङ्गमः । गङ्गावलम्बिनि जने यथा दुष्कृतसञ्चयः

mayi pralambamāne 'syāṃ prayātas sa turaṅgamaḥ / gaṅgāvalambini jane yathā duṣkṛtasañcayaḥ

Sanskrit only: no published translation is held for this verse.

चिरदीर्घाध्वगः खिन्नस् तत्र विश्रान्तवान् अहम् । भानुर् अस्ताचलोत्सङ्गे तले कल्पतरोर् इव

ciradīrghādhvagaḥ khinnas tatra viśrāntavān aham / bhānur astācalotsaṅge tale kalpataror iva

Sanskrit only: no published translation is held for this verse.

यावत् समस्तसंसारव्यवहारभरैस् समम् । रविर् विश्रमणायेव निविष्टो ऽस्ताचलाङ्गने

yāvat samastasaṃsāravyavahārabharais samam / ravir viśramaṇāyeva niviṣṭo 'stācalāṅgane

Sanskrit only: no published translation is held for this verse.

शनैश् श्यामिकया ग्रस्ते समस्ते भुवनोदरे । रात्रिसंव्यवहारेषु सम्प्रवृत्तेषु जङ्गले

śanaiś śyāmikayā graste samaste bhuvanodare / rātrisaṃvyavahāreṣu sampravṛtteṣu jaṅgale

Sanskrit only: no published translation is held for this verse.

अहं तनुतृणे तस्मिन् पेलवे षण्डकोदरे । निलीनो ऽविरलालस्यस् स्वनीडे विहगो यथा

ahaṃ tanutṛṇe tasmin pelave ṣaṇḍakodare / nilīno 'viralālasyas svanīḍe vihago yathā

Sanskrit only: no published translation is held for this verse.

विपद्भ्रष्टविवेकस्य च्छिन्नाशस्य गलत्स्मृतेः । विक्रीतस्येव दीनस्य मग्नस्येवान्धकूपके

vipadbhraṣṭavivekasya cchinnāśasya galatsmṛteḥ / vikrītasyeva dīnasya magnasyevāndhakūpake

Sanskrit only: no published translation is held for this verse.

तत्र कल्पसमा रात्रिर् मोहमग्नस्य मे गता । एकार्णवोह्यमानस्य मार्काण्डेयमुनेर् इव

tatra kalpasamā rātrir mohamagnasya me gatā / ekārṇavohyamānasya mārkāṇḍeyamuner iva

Sanskrit only: no published translation is held for this verse.

न स्नातवान् न स्थितवान् न तदा भुक्तवान् अहम् । केवलं मे गता रात्रिस् सापदां धुरि तिष्ठतः

na snātavān na sthitavān na tadā bhuktavān aham / kevalaṃ me gatā rātris sāpadāṃ dhuri tiṣṭhataḥ

Sanskrit only: no published translation is held for this verse.

विनिद्रस्य विधैर्यस्य स्फुरतस् सह पल्लवैः । मम दुःखातिदैर्घ्येण सा व्यतीयाय शर्वरी

vinidrasya vidhairyasya sphuratas saha pallavaiḥ / mama duḥkhātidairghyeṇa sā vyatīyāya śarvarī

Sanskrit only: no published translation is held for this verse.

ततस् तिमिरलेखासु सह तारेन्दुकैरवैः । मयीवापद्यमानासु म्लानताम् अलसाननैः

tatas timiralekhāsu saha tārendukairavaiḥ / mayīvāpadyamānāsu mlānatām alasānanaiḥ

Sanskrit only: no published translation is held for this verse.

शाम्यन्तीषु च वेतालक्ष्वेडास्व् अजनजङ्गले । सह शीतार्तिमद्दन्तपङ्क्तिटाङ्कारसीत्कृतैः

śāmyantīṣu ca vetālakṣveḍāsv ajanajaṅgale / saha śītārtimaddantapaṅktiṭāṅkārasītkṛtaiḥ

Sanskrit only: no published translation is held for this verse.

माम् अबन्तरनिर्मग्नं हसन्तीम् इव दृष्टवान् । अहं पूर्वां दिशं प्रातर् मधुपानारुणाम् इव

mām abantaranirmagnaṃ hasantīm iva dṛṣṭavān / ahaṃ pūrvāṃ diśaṃ prātar madhupānāruṇām iva

Sanskrit only: no published translation is held for this verse.

क्षणाद् अज्ञ इव ज्ञानं दरिद्र इव काञ्चनम् । दृष्टवान् अहम् अर्कं खवारणारोहणोन्मुखम्

kṣaṇād ajña iva jñānaṃ daridra iva kāñcanam / dṛṣṭavān aham arkaṃ khavāraṇārohaṇonmukham

Sanskrit only: no published translation is held for this verse.

उत्थाय वारवाणं च तत आस्फोटितं मया । हस्तिचर्म हरेणेव सन्ध्यानृत्तानुरागिणा

utthāya vāravāṇaṃ ca tata āsphoṭitaṃ mayā / hasticarma hareṇeva sandhyānṛttānurāgiṇā

Sanskrit only: no published translation is held for this verse.

प्रवृत्तस् ताम् अहं स्फारां विहर्तुं जङ्गलस्थलीम् । कालो जगत्कुटीं कल्पदग्धभूतगणाम् इव

pravṛttas tām ahaṃ sphārāṃ vihartuṃ jaṅgalasthalīm / kālo jagatkuṭīṃ kalpadagdhabhūtagaṇām iva

Sanskrit only: no published translation is held for this verse.

न किञ्चिद् दृश्यते तत्र भूतं जरढजङ्गले । अभिजातो गुणलवो यथा मूर्खशरीरके

na kiñcid dṛśyate tatra bhūtaṃ jaraḍhajaṅgale / abhijāto guṇalavo yathā mūrkhaśarīrake

Sanskrit only: no published translation is held for this verse.

केवलं विगताशङ्कं षण्डभ्रमणचञ्चलाः । चीचीकूचीचीवचना विहरन्ति विहङ्गमाः

kevalaṃ vigatāśaṅkaṃ ṣaṇḍabhramaṇacañcalāḥ / cīcīkūcīcīvacanā viharanti vihaṅgamāḥ

Sanskrit only: no published translation is held for this verse.

अथाष्टभागम् आपन्ने व्योम्नो दिवसनायके । शुष्कावश्यायलेशासु स्नातास्व् इव लतासु च

athāṣṭabhāgam āpanne vyomno divasanāyake / śuṣkāvaśyāyaleśāsu snātāsv iva latāsu ca

Sanskrit only: no published translation is held for this verse.

भ्रमतात्र मया दृष्टा दारिकौदनधारिणी । गृहीतामृतसत्कुम्भा दानवेनेव माधवी

bhramatātra mayā dṛṣṭā dārikaudanadhāriṇī / gṛhītāmṛtasatkumbhā dānaveneva mādhavī

Sanskrit only: no published translation is held for this verse.

तरत्तारकनेत्रां तां श्यामाम् अधवलाम्बराम् । अहम् अभ्यागतस् तत्र शर्वरीम् इव चन्द्रमाः

tarattārakanetrāṃ tāṃ śyāmām adhavalāmbarām / aham abhyāgatas tatra śarvarīm iva candramāḥ

Sanskrit only: no published translation is held for this verse.

मह्यम् ओदनम् आश्व् एतद् बाले बलवदापदे । देहि दीनार्तिहरणात् स्फारतां यान्ति सम्पदः

mahyam odanam āśv etad bāle balavadāpade / dehi dīnārtiharaṇāt sphāratāṃ yānti sampadaḥ

Sanskrit only: no published translation is held for this verse.

क्षुद् अन्तर् दहतीयं मां बाले वृद्धिम् उपेयुषी । कृष्णसर्पी प्रसूतेव कोटरस्था जरद्द्रुमम्

kṣud antar dahatīyaṃ māṃ bāle vṛddhim upeyuṣī / kṛṣṇasarpī prasūteva koṭarasthā jaraddrumam

Sanskrit only: no published translation is held for this verse.

याच्ञयापि तया मह्यम् इत्थं दत्तं न किञ्चन । यत्नप्रार्थितया लक्ष्म्या यथा दुष्कृतिने धनम्

yācñayāpi tayā mahyam itthaṃ dattaṃ na kiñcana / yatnaprārthitayā lakṣmyā yathā duṣkṛtine dhanam

Sanskrit only: no published translation is held for this verse.

केवलं चिरकालेन मय्य् अत्यन्तानुगामिनि । षण्डात् षण्डं निपतति च्छायाभूते पुरस्स्थिते

kevalaṃ cirakālena mayy atyantānugāmini / ṣaṇḍāt ṣaṇḍaṃ nipatati cchāyābhūte purassthite

Sanskrit only: no published translation is held for this verse.

तयोक्तो हारकेयूरिंश् चण्डालीं विद्धि माम् इति । राक्षसीम् इव सुक्रूरां पुरुषाश्वगजाननाम्

tayokto hārakeyūriṃś caṇḍālīṃ viddhi mām iti / rākṣasīm iva sukrūrāṃ puruṣāśvagajānanām

Sanskrit only: no published translation is held for this verse.

राजन् याचनमात्रेण मत्तो नाप्नोषि भोजनम् । ग्राम्याद् अनभिजातेहात् सौजन्यम् इव सुन्दर

rājan yācanamātreṇa matto nāpnoṣi bhojanam / grāmyād anabhijātehāt saujanyam iva sundara

Sanskrit only: no published translation is held for this verse.

इत्य् उक्तवत्या गच्छन्त्या स्खलन्त्येव पदे पदे । कुञ्जकेषु निमज्जन्त्या लीलावनतयोदितम्

ity uktavatyā gacchantyā skhalantyeva pade pade / kuñjakeṣu nimajjantyā līlāvanatayoditam

Sanskrit only: no published translation is held for this verse.

ददानि भोजनम् इदं भर्ता भवसि चेन् मम । लोको नोपकरोत्य् अर्थं सामान्यस् स्निग्धतां विना

dadāni bhojanam idaṃ bhartā bhavasi cen mama / loko nopakaroty arthaṃ sāmānyas snigdhatāṃ vinā

Sanskrit only: no published translation is held for this verse.

वाहयत्य् अत्र मे दान्तान् उड्डारे पुक्कसः पिता । श्मशान इव वेतालः क्षुधितो धूलिधूसरः

vāhayaty atra me dāntān uḍḍāre pukkasaḥ pitā / śmaśāna iva vetālaḥ kṣudhito dhūlidhūsaraḥ

Sanskrit only: no published translation is held for this verse.

तस्येदम् अन्नं भवति भर्तृत्वे दीयते स्थिते । प्राणैर् अपि हि सम्पूज्या वल्लभाः पुरुषा यतः

tasyedam annaṃ bhavati bhartṛtve dīyate sthite / prāṇair api hi sampūjyā vallabhāḥ puruṣā yataḥ

Sanskrit only: no published translation is held for this verse.

अथोक्ता सा मया भर्ता भवामि तव सुव्रते । केनापदि विचार्यन्ते वर्णधर्मकुलक्रमाः

athoktā sā mayā bhartā bhavāmi tava suvrate / kenāpadi vicāryante varṇadharmakulakramāḥ

Sanskrit only: no published translation is held for this verse.

ततस् तयौदनाद् अर्धं मह्यम् एकं समर्पितम् । माधवीवामृताद् अर्धम् इन्द्रायाग्निमते पुरा

tatas tayaudanād ardhaṃ mahyam ekaṃ samarpitam / mādhavīvāmṛtād ardham indrāyāgnimate purā

Sanskrit only: no published translation is held for this verse.

जम्बूफलरसः पीतस् स भुक्तः पुक्कसौदनः । विश्रान्तं च मया तत्र मोहापहृतचेतसा

jambūphalarasaḥ pītas sa bhuktaḥ pukkasaudanaḥ / viśrāntaṃ ca mayā tatra mohāpahṛtacetasā

Sanskrit only: no published translation is held for this verse.

मां तडाकम् इवापूर्य सा प्रावृट्श्यामला गता । हस्तेन समुपादाय प्राणं बहिर् इव स्थितम्

māṃ taḍākam ivāpūrya sā prāvṛṭśyāmalā gatā / hastena samupādāya prāṇaṃ bahir iva sthitam

Sanskrit only: no published translation is held for this verse.

दुराकृतिं दुरारम्भम् आससाद भयप्रदम् । पितरं पीवराकारम् अवीचिम् इव शासना

durākṛtiṃ durārambham āsasāda bhayapradam / pitaraṃ pīvarākāram avīcim iva śāsanā

Sanskrit only: no published translation is held for this verse.

तया मदनुषङ्गिण्या स्वार्थस् तस्मै निवेदितः । मातङ्गाय भ्रमर्येव निस्स्वनेनालिलग्नया

tayā madanuṣaṅgiṇyā svārthas tasmai niveditaḥ / mātaṅgāya bhramaryeva nissvanenālilagnayā

Sanskrit only: no published translation is held for this verse.

स तस्या बाढम् इत्य् उक्त्वा दिनान्ते समुपस्थिते । मुमोच दान्ताव् आबद्धौ कृतान्तः किङ्कराव् इव

sa tasyā bāḍham ity uktvā dinānte samupasthite / mumoca dāntāv ābaddhau kṛtāntaḥ kiṅkarāv iva

Sanskrit only: no published translation is held for this verse.

नीहाराभ्रकडारासु दिक्षु प्रोद्धूलितास्व् इव । वेतालवद् वनात् तस्माद् दिनान्ते चलिता वयम्

nīhārābhrakaḍārāsu dikṣu proddhūlitāsv iva / vetālavad vanāt tasmād dinānte calitā vayam

Sanskrit only: no published translation is held for this verse.

क्षणेन पक्कणं प्राप्तास् सन्ध्यायां दीर्घजङ्गलात् । श्मशानाद् इव वेतालाश् श्मशानम् इतरन् महत्

kṣaṇena pakkaṇaṃ prāptās sandhyāyāṃ dīrghajaṅgalāt / śmaśānād iva vetālāś śmaśānam itaran mahat

Sanskrit only: no published translation is held for this verse.

विकर्तितवराहाश्वकपिकुक्कुटवायसम् । रक्तसिक्तोर्वराभागप्रभ्रमन्मक्षिकागणम्

vikartitavarāhāśvakapikukkuṭavāyasam / raktasiktorvarābhāgaprabhramanmakṣikāgaṇam

Sanskrit only: no published translation is held for this verse.

शोषार्थप्रसृतार्द्रान्त्रतन्द्रीजालपतत्खगम् । निष्कुटास्थितजम्बीरषण्डलग्नश्वजाघनि

śoṣārthaprasṛtārdrāntratandrījālapatatkhagam / niṣkuṭāsthitajambīraṣaṇḍalagnaśvajāghani

Sanskrit only: no published translation is held for this verse.

शुष्यद्गुरुवसापिण्डपूर्णालिन्दलसत्खगम् । दृतिप्रसक्तरक्ताक्तचर्मस्रवदसृग्लवम्

śuṣyadguruvasāpiṇḍapūrṇālindalasatkhagam / dṛtiprasaktaraktāktacarmasravadasṛglavam

Sanskrit only: no published translation is held for this verse.

बालहस्तस्थितक्रव्यपिण्डारणितमक्षिकम् । जर्जरज्येष्ठचण्डालतर्जितारटितार्भकम्

bālahastasthitakravyapiṇḍāraṇitamakṣikam / jarjarajyeṣṭhacaṇḍālatarjitāraṭitārbhakam

Sanskrit only: no published translation is held for this verse.

तत् प्रविष्टा वयं कीर्णशिरोऽन्त्रं भीमपक्कणम् । मृतभूतं जगत् कल्पे कृतान्तानुचरा इव

tat praviṣṭā vayaṃ kīrṇaśiro'ntraṃ bhīmapakkaṇam / mṛtabhūtaṃ jagat kalpe kṛtāntānucarā iva

Sanskrit only: no published translation is held for this verse.

सम्भ्रमोपहितानल्पकदलीदलपीठके । अहम् आस्थितवांस् तत्र नवे श्वशुरमन्दिरे

sambhramopahitānalpakadalīdalapīṭhake / aham āsthitavāṃs tatra nave śvaśuramandire

Sanskrit only: no published translation is held for this verse.

श्वश्र्वा मे केकराक्ष्यास् तु तेनास्रुलवचक्षुषा । जामातायम् इति प्रोक्तं तया तद् अभिनन्दितम्

śvaśrvā me kekarākṣyās tu tenāsrulavacakṣuṣā / jāmātāyam iti proktaṃ tayā tad abhinanditam

Sanskrit only: no published translation is held for this verse.

अथ विश्रम्य चण्डालभोजनान्य् अजिनासने । सञ्चितान्य् उपभुक्तानि दुष्कृतानीव भूरिशः

atha viśramya caṇḍālabhojanāny ajināsane / sañcitāny upabhuktāni duṣkṛtānīva bhūriśaḥ

Sanskrit only: no published translation is held for this verse.

अनन्तदुःखबीजानि नमनोज्ञतराण्य् अपि । तानि प्रणयवाक्यानि श्रुतान्य् असुभगान्य् अलम्

anantaduḥkhabījāni namanojñatarāṇy api / tāni praṇayavākyāni śrutāny asubhagāny alam

Sanskrit only: no published translation is held for this verse.

निरभ्राम्बरनक्षत्रे कस्मिंश्चिन् दिवसे ततः । तैस् तैर् आरम्भसंरम्भैस् तैर् वस्त्रविभवार्पणैः

nirabhrāmbaranakṣatre kasmiṃścin divase tataḥ / tais tair ārambhasaṃrambhais tair vastravibhavārpaṇaiḥ

Sanskrit only: no published translation is held for this verse.

दत्ताथ तेन सा मह्यं कुमारी भयदायिनी । सुकृष्णा कृष्णवर्णेन दुष्कृतेनेव शासना

dattātha tena sā mahyaṃ kumārī bhayadāyinī / sukṛṣṇā kṛṣṇavarṇena duṣkṛteneva śāsanā

Sanskrit only: no published translation is held for this verse.

सरभसम् अभितो विनेदुर् अत्र प्रसृतमहामदिरासवाश् श्वपाकाः । हतपटुपटहा विलासवन्तस् स्वयम् इव दुष्कृतराशयो महान्तः

sarabhasam abhito vinedur atra prasṛtamahāmadirāsavāś śvapākāḥ / hatapaṭupaṭahā vilāsavantas svayam iva duṣkṛtarāśayo mahāntaḥ

Sanskrit only: no published translation is held for this verse.