Moksopaya with Bhaskarakantha's Tika 3.108

अथ गच्छति काले ऽत्र जराजर्जरितायुषि । तुषारपूर्णशष्पौघसमश्मश्रुधृते मयि

atha gacchati kāle 'tra jarājarjaritāyuṣi / tuṣārapūrṇaśaṣpaughasamaśmaśrudhṛte mayi

Sanskrit only: no published translation is held for this verse.

कर्मवातावनुन्नेषु सरसेष्व् अरसेष्व् अपि । पतत्सु वासरौघेषु शीर्णपर्णगणेष्व् इव

karmavātāvanunneṣu saraseṣv araseṣv api / patatsu vāsaraugheṣu śīrṇaparṇagaṇeṣv iva

Sanskrit only: no published translation is held for this verse.

आजाव् इव शरौघेषु सुखदुःखेष्व् अनारतम् । कलहेष्व् अथ कार्येषु आगच्छत्सु व्रजत्सु च

ājāv iva śaraugheṣu sukhaduḥkheṣv anāratam / kalaheṣv atha kāryeṣu āgacchatsu vrajatsu ca

Sanskrit only: no published translation is held for this verse.

विकल्पकलनावर्तवर्तिनीव जगद्भ्रमे । समुद्र इव कल्लोलभरे भ्रमति चेतसि

vikalpakalanāvartavartinīva jagadbhrame / samudra iva kallolabhare bhramati cetasi

Sanskrit only: no published translation is held for this verse.

चलं चिन्ताचितं चक्रम् आरूढे भ्रान्त आत्मनि । प्रोह्यमाने तृण इव सावर्ते कालसागरे

calaṃ cintācitaṃ cakram ārūḍhe bhrānta ātmani / prohyamāne tṛṇa iva sāvarte kālasāgare

Sanskrit only: no published translation is held for this verse.

विन्ध्योर्वीव्रणकीटस्य ग्रामैकशरणस्य च । द्विबाहोर् गर्दभस्यात्र क्षीण इत्थं समागणे

vindhyorvīvraṇakīṭasya grāmaikaśaraṇasya ca / dvibāhor gardabhasyātra kṣīṇa itthaṃ samāgaṇe

Sanskrit only: no published translation is held for this verse.

विस्मृते मम भूपत्वे शवस्येव महाज्वरे । चण्डालत्वे स्थिरीभूते छिन्नपक्ष इवाचले

vismṛte mama bhūpatve śavasyeva mahājvare / caṇḍālatve sthirībhūte chinnapakṣa ivācale

Sanskrit only: no published translation is held for this verse.

संसारम् इव कल्पान्तो दावाग्निर् इव काननम् । सागरोर्मिस् तटम् इव शुष्कवृक्षम् इवाशनिः

saṃsāram iva kalpānto dāvāgnir iva kānanam / sāgarormis taṭam iva śuṣkavṛkṣam ivāśaniḥ

Sanskrit only: no published translation is held for this verse.

अकाण्डमरणोड्डीनचण्डचण्डालमण्डलम् । निरन्नतृणपत्त्राम्बु विन्ध्यकच्छं तदा ययौ

akāṇḍamaraṇoḍḍīnacaṇḍacaṇḍālamaṇḍalam / nirannatṛṇapattrāmbu vindhyakacchaṃ tadā yayau

Sanskrit only: no published translation is held for this verse.

न वर्षति घनव्राते दृष्टनष्टे क्वचित् स्थिते । पूताङ्गारकणोन्मिश्रगतौ वहति मारुते

na varṣati ghanavrāte dṛṣṭanaṣṭe kvacit sthite / pūtāṅgārakaṇonmiśragatau vahati mārute

Sanskrit only: no published translation is held for this verse.

शीर्णमर्मरपर्णासु दावाग्निवलितासु च । वनस्थलीषु शून्यासु चिरप्रव्रजितास्व् इव

śīrṇamarmaraparṇāsu dāvāgnivalitāsu ca / vanasthalīṣu śūnyāsu cirapravrajitāsv iva

Sanskrit only: no published translation is held for this verse.

अकाण्डम् अभवद् भीमम् उद्दामदवपावकम् । शोषिताशेषगहनं भस्मशेषतृणोलपम्

akāṇḍam abhavad bhīmam uddāmadavapāvakam / śoṣitāśeṣagahanaṃ bhasmaśeṣatṛṇolapam

Sanskrit only: no published translation is held for this verse.

पांसुधूसरसर्वाङ्गं क्षुधिताशेषमानवम् । निरन्नतृणपानीयदेशोद्यद्दावमण्डलम्

pāṃsudhūsarasarvāṅgaṃ kṣudhitāśeṣamānavam / nirannatṛṇapānīyadeśodyaddāvamaṇḍalam

Sanskrit only: no published translation is held for this verse.

कचन्मरुमरीच्यम्बुमज्जन्महिषमण्डलम् । वातोत्थसैकतव्यूहवारिवाहावृताम्बरम्

kacanmarumarīcyambumajjanmahiṣamaṇḍalam / vātotthasaikatavyūhavārivāhāvṛtāmbaram

Sanskrit only: no published translation is held for this verse.

पानीयशब्दमात्रैकश्रवणोत्कनरव्रजम् । आतपाद् अतिसंशोषसीदत्सकलमानवम्

pānīyaśabdamātraikaśravaṇotkanaravrajam / ātapād atisaṃśoṣasīdatsakalamānavam

Sanskrit only: no published translation is held for this verse.

पुत्रग्रसनसंरब्धक्षुधितोज्झितजीवितम् । स्वाङ्गचर्वणसंरम्भलुठद्दशनमण्डलम्

putragrasanasaṃrabdhakṣudhitojjhitajīvitam / svāṅgacarvaṇasaṃrambhaluṭhaddaśanamaṇḍalam

Sanskrit only: no published translation is held for this verse.

मांसशङ्कानिगीर्णोग्रखदिराग्निकणोत्करम् । मण्डूकाशावशग्रस्तवनपाषाणखण्डकम्

māṃsaśaṅkānigīrṇograkhadirāgnikaṇotkaram / maṇḍūkāśāvaśagrastavanapāṣāṇakhaṇḍakam

Sanskrit only: no published translation is held for this verse.

अन्योऽन्यद्रुतसंसक्तमातृपुत्रपितृव्रजम् । गृध्रोदररटत्साग्रनिगीर्णवनशारिकम्

anyo'nyadrutasaṃsaktamātṛputrapitṛvrajam / gṛdhrodararaṭatsāgranigīrṇavanaśārikam

Sanskrit only: no published translation is held for this verse.

परस्पराङ्गविच्छेदरक्तसिक्तधरातलम् । हरिग्रसनसंरब्धमत्तक्षुभितवारणम्

parasparāṅgavicchedaraktasiktadharātalam / harigrasanasaṃrabdhamattakṣubhitavāraṇam

Sanskrit only: no published translation is held for this verse.

दरीनिगिरणैकोत्कसिंहभ्रमणभीषणम् । अन्योऽन्यग्रसनोद्युक्तलोकमल्लकृताहवम्

darīnigiraṇaikotkasiṃhabhramaṇabhīṣaṇam / anyo'nyagrasanodyuktalokamallakṛtāhavam

Sanskrit only: no published translation is held for this verse.

निष्पत्त्रपादपोड्डीनपूताङ्गारमयानिलम् । रक्तपानोत्कमार्जारलीढधातुतलावनि

niṣpattrapādapoḍḍīnapūtāṅgāramayānilam / raktapānotkamārjāralīḍhadhātutalāvani

Sanskrit only: no published translation is held for this verse.

ज्वालाघनघनाटोपसावतंसवनानिलम् । सर्वस्खलज्ज्वलद्वह्निपुञ्जपिञ्जरजङ्गलम्

jvālāghanaghanāṭopasāvataṃsavanānilam / sarvaskhalajjvaladvahnipuñjapiñjarajaṅgalam

Sanskrit only: no published translation is held for this verse.

दग्धाजगरकुञ्जोत्थधूममांसलगुल्मकम् । मारुतावलितज्वालासन्ध्याभ्रवलिताम्बरम्

dagdhājagarakuñjotthadhūmamāṃsalagulmakam / mārutāvalitajvālāsandhyābhravalitāmbaram

Sanskrit only: no published translation is held for this verse.

उड्डामरमरुद्भ्रान्तभास्मनस्तम्भमण्डलम् । साक्रन्दनरदन्ताग्रशीर्णार्भककृतारवम्

uḍḍāmaramarudbhrāntabhāsmanastambhamaṇḍalam / sākrandanaradantāgraśīrṇārbhakakṛtāravam

Sanskrit only: no published translation is held for this verse.

सम्भ्रान्तपुरुषव्यूहदन्तकृत्तमहाशवम् । मांसभोगजवग्रस्तरक्तरक्तनिजाङ्गुलि

sambhrāntapuruṣavyūhadantakṛttamahāśavam / māṃsabhogajavagrastaraktaraktanijāṅguli

Sanskrit only: no published translation is held for this verse.

नीलपत्त्रलताशब्दपीतधूमघनच्छवि । भ्रमद्गृध्रनिगीर्णोग्रनभोभ्रान्तोल्मुकामिषम्

nīlapattralatāśabdapītadhūmaghanacchavi / bhramadgṛdhranigīrṇogranabhobhrāntolmukāmiṣam

Sanskrit only: no published translation is held for this verse.

इतरेतरभिन्नाङ्गलोकविद्रवणाकुलम् । ज्वलिताग्निटनत्कारविदीर्णहृदयोदरम्

itaretarabhinnāṅgalokavidravaṇākulam / jvalitāgniṭanatkāravidīrṇahṛdayodaram

Sanskrit only: no published translation is held for this verse.

गतमारुतभाङ्कारभीमदावाग्निवल्गनम् । भीताजगरफूत्कारपतदङ्गारपादपम्

gatamārutabhāṅkārabhīmadāvāgnivalganam / bhītājagaraphūtkārapatadaṅgārapādapam

Sanskrit only: no published translation is held for this verse.

तद् अकाण्डं स्फुटं प्राप्य स देशश् शुष्ककोटरः । द्वादशार्काग्निदग्धस्य जगतो ऽनुकृतिं ययौ

tad akāṇḍaṃ sphuṭaṃ prāpya sa deśaś śuṣkakoṭaraḥ / dvādaśārkāgnidagdhasya jagato 'nukṛtiṃ yayau

Sanskrit only: no published translation is held for this verse.

ज्वलदनलजटालवृक्षषण्डः प्रसृतमरुत्प्रसरापनुन्नलोकः । ज्वलनतपनभास्करात्मजानां रमणगृहानुकृतिं जगाम देशः

jvaladanalajaṭālavṛkṣaṣaṇḍaḥ prasṛtamarutprasarāpanunnalokaḥ / jvalanatapanabhāskarātmajānāṃ ramaṇagṛhānukṛtiṃ jagāma deśaḥ

Sanskrit only: no published translation is held for this verse.