Moksopaya with Bhaskarakantha's Tika 3.114

अविद्याविभवप्रोत्थं जगतः पुरुषस्य वा । महद् आन्ध्यम् इदं ब्रह्मन् कथं नाम विनश्यति

avidyāvibhavaprotthaṃ jagataḥ puruṣasya vā / mahad āndhyam idaṃ brahman kathaṃ nāma vinaśyati

Sanskrit only: no published translation is held for this verse.

यथा तुषारनलिनी भास्करालोकनात् क्षणात् । नश्यत्य् एवम् अविद्येयं नश्यत्य् आत्मावलोकनात्

yathā tuṣāranalinī bhāskarālokanāt kṣaṇāt / naśyaty evam avidyeyaṃ naśyaty ātmāvalokanāt

Sanskrit only: no published translation is held for this verse.

तावत् संसारभृगुषु स्वात्मना सह देहिनम् । आन्दोलयति सा यैषा दुःखकण्टकजालिषु

tāvat saṃsārabhṛguṣu svātmanā saha dehinam / āndolayati sā yaiṣā duḥkhakaṇṭakajāliṣu

Sanskrit only: no published translation is held for this verse.

अविद्या यावद् अस्यास् तु नोत्पन्ना क्षयकारिणी । स्वयम् आत्मावलोकेच्छा मोहसङ्क्षयदायिनी

avidyā yāvad asyās tu notpannā kṣayakāriṇī / svayam ātmāvalokecchā mohasaṅkṣayadāyinī

Sanskrit only: no published translation is held for this verse.

अस्याः परं प्रपश्यन्त्यास् स्वात्मनाशः प्रवर्तते । आतपानुभवार्थिन्याश् छायाया इव राघव

asyāḥ paraṃ prapaśyantyās svātmanāśaḥ pravartate / ātapānubhavārthinyāś chāyāyā iva rāghava

Sanskrit only: no published translation is held for this verse.

दृष्टे सर्वगते देवे स्वयम् एव विलीयते । सर्वाशाभ्युदिते छाया द्वादशार्कगणे यथा

dṛṣṭe sarvagate deve svayam eva vilīyate / sarvāśābhyudite chāyā dvādaśārkagaṇe yathā

Sanskrit only: no published translation is held for this verse.

इच्छामात्रम् अविद्येह तन्नाशो मोक्ष उच्यते । स चासङ्कल्पमात्रेण सिद्धो भवति राघव

icchāmātram avidyeha tannāśo mokṣa ucyate / sa cāsaṅkalpamātreṇa siddho bhavati rāghava

Sanskrit only: no published translation is held for this verse.

मनाग् अपि मनोव्योम्नि वासनातमसि क्षते । कालिमा तनुताम् एति चिदादित्यमहोदयात्

manāg api manovyomni vāsanātamasi kṣate / kālimā tanutām eti cidādityamahodayāt

Sanskrit only: no published translation is held for this verse.

यथोदिते दिनकरे क्वापि याति तमस्वती । तथा विवेके ऽभ्युदिते क्वाप्य् अविद्या प्रलीयते

yathodite dinakare kvāpi yāti tamasvatī / tathā viveke 'bhyudite kvāpy avidyā pralīyate

Sanskrit only: no published translation is held for this verse.

दृढवासनया बन्धो घनताम् एति चेतसः । चलवेतालसङ्कल्पस् सन्ध्याकाले यथा शिशोः

dṛḍhavāsanayā bandho ghanatām eti cetasaḥ / calavetālasaṅkalpas sandhyākāle yathā śiśoḥ

Sanskrit only: no published translation is held for this verse.

यावत् किञ्चिद् इदं दृश्यं साविद्या क्षीयते च सा । आत्मभावनया ब्रह्मन्न् आत्मासौ कीदृशस् स्मृतः

yāvat kiñcid idaṃ dṛśyaṃ sāvidyā kṣīyate ca sā / ātmabhāvanayā brahmann ātmāsau kīdṛśas smṛtaḥ

Sanskrit only: no published translation is held for this verse.

चेत्यानुपातरहितं सामान्येन च सर्वगम् । यच् चित्तत्त्वम् अनाख्येयं स आत्मा परमेश्वरः

cetyānupātarahitaṃ sāmānyena ca sarvagam / yac cittattvam anākhyeyaṃ sa ātmā parameśvaraḥ

Sanskrit only: no published translation is held for this verse.

आब्रह्मस्तम्बपर्यन्तं तृणादि यद् इदं जगत् । तत् सर्वं सर्वदात्मैव नाविद्या विद्यते ऽनघ

ābrahmastambaparyantaṃ tṛṇādi yad idaṃ jagat / tat sarvaṃ sarvadātmaiva nāvidyā vidyate 'nagha

Sanskrit only: no published translation is held for this verse.

सर्वं च खल्व् इदं ब्रह्म नित्यं चिद्घनम् अक्षयम् । कल्पनान्या मनोनाम्नी विद्यते न हि काचन

sarvaṃ ca khalv idaṃ brahma nityaṃ cidghanam akṣayam / kalpanānyā manonāmnī vidyate na hi kācana

Sanskrit only: no published translation is held for this verse.

न जायते न म्रियते किञ्चिद् अस्मिञ् जगत्त्रये । न च भावविकाराणां सत्ता क्वचन विद्यते

na jāyate na mriyate kiñcid asmiñ jagattraye / na ca bhāvavikārāṇāṃ sattā kvacana vidyate

Sanskrit only: no published translation is held for this verse.

केवलं केवलाभासं सर्वसामान्यम् अक्षतम् । चेत्यानुपातरहितं चिन्मात्रम् इह विद्यते

kevalaṃ kevalābhāsaṃ sarvasāmānyam akṣatam / cetyānupātarahitaṃ cinmātram iha vidyate

Sanskrit only: no published translation is held for this verse.

अस्मिन् नित्ये तते शुद्धे चिन्मात्रे निरुपद्रवे । शान्ते समसमाभोगे निर्विकारोदितात्मनि

asmin nitye tate śuddhe cinmātre nirupadrave / śānte samasamābhoge nirvikāroditātmani

Sanskrit only: no published translation is held for this verse.

यैषा स्वभावाभिगतं स्वयं सङ्कल्प्य धावति । चिच् चेत्यं स्वयम् अम्लाना सा म्लाना तन् मनस् स्मृतम्

yaiṣā svabhāvābhigataṃ svayaṃ saṅkalpya dhāvati / cic cetyaṃ svayam amlānā sā mlānā tan manas smṛtam

Sanskrit only: no published translation is held for this verse.

एकस्मात् सर्वगाद् देवात् सर्वशक्तेर् महात्मनः । विभागकलनाशक्तिर् लहरीवोत्थिताम्भसः

ekasmāt sarvagād devāt sarvaśakter mahātmanaḥ / vibhāgakalanāśaktir laharīvotthitāmbhasaḥ

Sanskrit only: no published translation is held for this verse.

एकस्मिन् वितते शान्ते या न किञ्चन विद्यते । सङ्कल्पमात्रेण गता सा सिद्धिं परमात्मनि

ekasmin vitate śānte yā na kiñcana vidyate / saṅkalpamātreṇa gatā sā siddhiṃ paramātmani

Sanskrit only: no published translation is held for this verse.

अतस् सङ्कल्पसिद्धेयं सङ्कल्पेनैव नश्यति । येनैव जाता तेनैव वह्निज्वालेव वायुना

atas saṅkalpasiddheyaṃ saṅkalpenaiva naśyati / yenaiva jātā tenaiva vahnijvāleva vāyunā

Sanskrit only: no published translation is held for this verse.

पौरुषोद्योगसिद्धेन भोगाशारूपतां गता । असङ्कल्पनमात्रेण साविद्या परिलीयते

pauruṣodyogasiddhena bhogāśārūpatāṃ gatā / asaṅkalpanamātreṇa sāvidyā parilīyate

Sanskrit only: no published translation is held for this verse.

नाहं ब्रह्मेति सङ्कल्पात् सुदृढाद् बध्यते मनः । सर्वं ब्रह्मेति सङ्कल्पात् सुदृढान् मुच्यते पुनः

nāhaṃ brahmeti saṅkalpāt sudṛḍhād badhyate manaḥ / sarvaṃ brahmeti saṅkalpāt sudṛḍhān mucyate punaḥ

Sanskrit only: no published translation is held for this verse.

सङ्कल्पः परमो बन्धस् त्व् असङ्कल्पो विमुक्तता । सङ्कल्पम् अवजित्यान्तर् यथेच्छसि तथा कुरु

saṅkalpaḥ paramo bandhas tv asaṅkalpo vimuktatā / saṅkalpam avajityāntar yathecchasi tathā kuru

Sanskrit only: no published translation is held for this verse.

दृष्टा मयाम्बरे ऽत्रास्ति नलिनी हेमपङ्कजा । लोलवैडूर्यमधुपा सुगन्धितदिगम्बरा

dṛṣṭā mayāmbare 'trāsti nalinī hemapaṅkajā / lolavaiḍūryamadhupā sugandhitadigambarā

Sanskrit only: no published translation is held for this verse.

उद्दण्डैः प्रकटाभोगैर् मृणालभुजमण्डलैः । विहसन्ती प्रकाशस्य शशिनो रश्मिमण्डलात्

uddaṇḍaiḥ prakaṭābhogair mṛṇālabhujamaṇḍalaiḥ / vihasantī prakāśasya śaśino raśmimaṇḍalāt

Sanskrit only: no published translation is held for this verse.

विकल्पजालिकैवेत्थम् असत्यैवापि सत्समा । मनस्स्वास्थ्यविनाशार्थं यथा बालेन कल्प्यते

vikalpajālikaivettham asatyaivāpi satsamā / manassvāsthyavināśārthaṃ yathā bālena kalpyate

Sanskrit only: no published translation is held for this verse.

तथैवेयम् अविद्येह भावनाभवबन्धनी । चपलेनासुखायैव मनोबालेन कल्पिता

tathaiveyam avidyeha bhāvanābhavabandhanī / capalenāsukhāyaiva manobālena kalpitā

Sanskrit only: no published translation is held for this verse.

कृशो ऽतिदुःखी बद्धो ऽहं हस्तपादादिमान् अहम् । इति भावानुरूपेण व्यवहारेण बध्यते

kṛśo 'tiduḥkhī baddho 'haṃ hastapādādimān aham / iti bhāvānurūpeṇa vyavahāreṇa badhyate

Sanskrit only: no published translation is held for this verse.

नाहं दुःखी न मे देहः को बन्धो ऽस्यात्मनश् चितः । इति भावानुरूपेण व्यवहारेण मुच्यते

nāhaṃ duḥkhī na me dehaḥ ko bandho 'syātmanaś citaḥ / iti bhāvānurūpeṇa vyavahāreṇa mucyate

Sanskrit only: no published translation is held for this verse.

नाहं मांसं न चास्थीनि देहाद् अन्यः परो ह्य् अहम् । इति निश्चयवान् अन्तःक्षीणाविद्य इहोच्यते

nāhaṃ māṃsaṃ na cāsthīni dehād anyaḥ paro hy aham / iti niścayavān antaḥkṣīṇāvidya ihocyate

Sanskrit only: no published translation is held for this verse.

प्रोत्तुङ्गसुरशैलाग्रवैडूर्यशिखरप्रभा । अथ वार्कांशुदुर्भेदा तिमिरश्रीस् स्थितोपरि

prottuṅgasuraśailāgravaiḍūryaśikharaprabhā / atha vārkāṃśudurbhedā timiraśrīs sthitopari

Sanskrit only: no published translation is held for this verse.

कल्प्यते हि यथा व्योम्नः कालिमेति स्वभावजः । पुंसा धरणिसंस्थेन स्वविकल्पनयेद्धया

kalpyate hi yathā vyomnaḥ kālimeti svabhāvajaḥ / puṃsā dharaṇisaṃsthena svavikalpanayeddhayā

Sanskrit only: no published translation is held for this verse.

कल्पितैवम् अविद्येयम् अनात्मन्य् आत्मभावना । पुरुषेणाप्रबुद्धेन न प्रबुद्धेन राघव

kalpitaivam avidyeyam anātmany ātmabhāvanā / puruṣeṇāprabuddhena na prabuddhena rāghava

Sanskrit only: no published translation is held for this verse.

मेरुनीलमणिच्छाया नेयं नापि तमःप्रभा । तद् इदं किं कृतं ब्रह्मन् नीलत्वं नभसो वद

merunīlamaṇicchāyā neyaṃ nāpi tamaḥprabhā / tad idaṃ kiṃ kṛtaṃ brahman nīlatvaṃ nabhaso vada

Sanskrit only: no published translation is held for this verse.

न राम नीलता व्योम्नश् शून्यस्य गुणवत् स्थिता । अन्यरत्नप्रभाभावान् न चाप्य् एषात्र मैरवी

na rāma nīlatā vyomnaś śūnyasya guṇavat sthitā / anyaratnaprabhābhāvān na cāpy eṣātra mairavī

Sanskrit only: no published translation is held for this verse.

तेजोमयत्वाद् अण्डस्य स्फारत्वात् सिद्धतेजसः । प्राकाश्याद् अण्डपारस्य तमसो नात्र सम्भवः

tejomayatvād aṇḍasya sphāratvāt siddhatejasaḥ / prākāśyād aṇḍapārasya tamaso nātra sambhavaḥ

Sanskrit only: no published translation is held for this verse.

केवलं शून्यतैवैषा बह्वी सुभग दृश्यते । वयस्येवानुरूपाया अविद्याया न सन्मयी

kevalaṃ śūnyataivaiṣā bahvī subhaga dṛśyate / vayasyevānurūpāyā avidyāyā na sanmayī

Sanskrit only: no published translation is held for this verse.

स्वदृष्टिक्षयसम्पत्ताव् असद् एवोत्थितं तमः । वस्तु स्वभावात् तद् व्योम्नः कार्ष्ण्यम् इत्य् अवलोक्यते

svadṛṣṭikṣayasampattāv asad evotthitaṃ tamaḥ / vastu svabhāvāt tad vyomnaḥ kārṣṇyam ity avalokyate

Sanskrit only: no published translation is held for this verse.

एतद्बुद्ध्या यथा व्योम्नि दृश्यमानो ऽपि कालिमा । न कालिमेति बोधस् स्याद् अविद्यातिमिरे तथा

etadbuddhyā yathā vyomni dṛśyamāno 'pi kālimā / na kālimeti bodhas syād avidyātimire tathā

Sanskrit only: no published translation is held for this verse.

असङ्कल्पो ह्य् अविद्याया निग्रहः कथितो बुधैः । यथा गगनपद्मिन्यास् स चातिसुकरस् स्वयम्

asaṅkalpo hy avidyāyā nigrahaḥ kathito budhaiḥ / yathā gaganapadminyās sa cātisukaras svayam

Sanskrit only: no published translation is held for this verse.

भ्रमस्य जागतस्यास्य जातस्याकाशवर्णवत् । अपुनस्स्मरणं मन्ये साधो विस्मरणं वरम्

bhramasya jāgatasyāsya jātasyākāśavarṇavat / apunassmaraṇaṃ manye sādho vismaraṇaṃ varam

Sanskrit only: no published translation is held for this verse.

नष्टो ऽहम् इति सङ्कल्पाद् यथा दुःखेन नश्यति । प्रबुद्धो ऽस्मीति सङ्कल्पाज् जनो ऽभ्येति तथा सुखम्

naṣṭo 'ham iti saṅkalpād yathā duḥkhena naśyati / prabuddho 'smīti saṅkalpāj jano 'bhyeti tathā sukham

Sanskrit only: no published translation is held for this verse.

तथा सम्मूढसङ्कल्पान् मूढताम् एति वै पुनः । प्रबोधोदारसङ्कल्पात् प्रबोधायानुधावति

tathā sammūḍhasaṅkalpān mūḍhatām eti vai punaḥ / prabodhodārasaṅkalpāt prabodhāyānudhāvati

Sanskrit only: no published translation is held for this verse.

क्षणात् संस्मरणाद् एषाम् अविद्योदेति शाश्वती । यत्नाद् विस्मरणाद् अर्थः परिनश्यति तत्त्वतः

kṣaṇāt saṃsmaraṇād eṣām avidyodeti śāśvatī / yatnād vismaraṇād arthaḥ parinaśyati tattvataḥ

Sanskrit only: no published translation is held for this verse.

भावनी सर्वभावानां सर्वभूतविमोहनी । तारणी स्वात्मनो नाशे स्वात्मवृद्धौ विनाशिकी

bhāvanī sarvabhāvānāṃ sarvabhūtavimohanī / tāraṇī svātmano nāśe svātmavṛddhau vināśikī

Sanskrit only: no published translation is held for this verse.

मनो यद् अनुसन्धत्ते तत् सर्वेन्द्रियवृत्तयः । क्षणात् सम्पादयन्त्य् एता राजाज्ञाम् इव मन्त्रिणः

mano yad anusandhatte tat sarvendriyavṛttayaḥ / kṣaṇāt sampādayanty etā rājājñām iva mantriṇaḥ

Sanskrit only: no published translation is held for this verse.

तस्मान् मनोऽनुसन्धानं भावेषु न करोति यः । अन्तश् चेतनयत्नेन स शान्तिम् अधिगच्छति

tasmān mano'nusandhānaṃ bhāveṣu na karoti yaḥ / antaś cetanayatnena sa śāntim adhigacchati

Sanskrit only: no published translation is held for this verse.

यद् आदाव् एव नास्तीदं तद् अद्यापि न विद्यते । यद् इदं भाति तद् ब्रह्म शान्तम् एकम् अनिङ्गनम्

yad ādāv eva nāstīdaṃ tad adyāpi na vidyate / yad idaṃ bhāti tad brahma śāntam ekam aniṅganam

Sanskrit only: no published translation is held for this verse.

मननीयमनोमानान्य् अतः कस्य कथं कुतः । निर्विकारम् अनाद्यन्तम् आस्यताम् अपयन्त्रणम्

mananīyamanomānāny ataḥ kasya kathaṃ kutaḥ / nirvikāram anādyantam āsyatām apayantraṇam

Sanskrit only: no published translation is held for this verse.

परं पौरुषम् आश्रित्य यत्नाद् परमया धिया । भोगाशाभावनां चित्तात् समूलम् अलम् उद्धरेत्

paraṃ pauruṣam āśritya yatnād paramayā dhiyā / bhogāśābhāvanāṃ cittāt samūlam alam uddharet

Sanskrit only: no published translation is held for this verse.

यद् उदेति परो मोहो जरामरणकारणम् । आशापाशशतोल्लासी वासना तद् विजृम्भते

yad udeti paro moho jarāmaraṇakāraṇam / āśāpāśaśatollāsī vāsanā tad vijṛmbhate

Sanskrit only: no published translation is held for this verse.

मम पुत्रा मम धनम् अहं सो ऽयम् इदं मम । इतीयम् इन्द्रजालेन वासनैका विवल्गति

mama putrā mama dhanam ahaṃ so 'yam idaṃ mama / itīyam indrajālena vāsanaikā vivalgati

Sanskrit only: no published translation is held for this verse.

शून्य एव शरीरे ऽस्मिन् विलोलो ऽर्जुनवातवत् । अविद्यया वासनया त्व् अहम्भावाहिर् अर्पितः

śūnya eva śarīre 'smin vilolo 'rjunavātavat / avidyayā vāsanayā tv ahambhāvāhir arpitaḥ

Sanskrit only: no published translation is held for this verse.

परमार्थेन तत्त्वज्ञ ममाहम् इदम् इत्य् अलम् । आत्मतत्त्वाद् ऋते मन्ये न कदाचन किञ्चन

paramārthena tattvajña mamāham idam ity alam / ātmatattvād ṛte manye na kadācana kiñcana

Sanskrit only: no published translation is held for this verse.

साद्रिद्यूर्वीगिरिश्रेण्या सृष्टिदृष्ट्या पुनः पुनः । सैवान्येव विचित्रेयम् अविद्या परिवर्तते

sādridyūrvīgiriśreṇyā sṛṣṭidṛṣṭyā punaḥ punaḥ / saivānyeva vicitreyam avidyā parivartate

Sanskrit only: no published translation is held for this verse.

उदेत्य् अज्ञानमात्रेण नश्यति ज्ञानमात्रतः । संविन्मात्रपरिच्छेद्या रज्ज्वाम् इव भुजङ्गमः

udety ajñānamātreṇa naśyati jñānamātrataḥ / saṃvinmātraparicchedyā rajjvām iva bhujaṅgamaḥ

Sanskrit only: no published translation is held for this verse.

साद्रिद्यूर्वीनदी सेयं याविद्या ज्ञस्य राम सा । नाविद्या तस्य तद् ब्रह्म स्वे महिम्नि व्यवस्थितम्

sādridyūrvīnadī seyaṃ yāvidyā jñasya rāma sā / nāvidyā tasya tad brahma sve mahimni vyavasthitam

Sanskrit only: no published translation is held for this verse.

रज्जुसर्पविकल्पौ द्वाव् अज्ञानैकोपकल्पितौ । ज्ञेन त्व् एकैव निर्णीता ब्रह्मदृष्टिर् अकृत्रिमा

rajjusarpavikalpau dvāv ajñānaikopakalpitau / jñena tv ekaiva nirṇītā brahmadṛṣṭir akṛtrimā

Sanskrit only: no published translation is held for this verse.

मा भवाज्ञो भव ज्ञस् त्वं जहि संसारवासनाः । अनात्मन्य् आत्मभावेन किम् अन्य इव रोदिषि

mā bhavājño bhava jñas tvaṃ jahi saṃsāravāsanāḥ / anātmany ātmabhāvena kim anya iva rodiṣi

Sanskrit only: no published translation is held for this verse.

कस् तवायं जडो मूको देहो भवति राघव । यदर्थं सुखदुःखाभ्याम् अवशः परिहीयते

kas tavāyaṃ jaḍo mūko deho bhavati rāghava / yadarthaṃ sukhaduḥkhābhyām avaśaḥ parihīyate

Sanskrit only: no published translation is held for this verse.

यथा हि काष्ठजतुनोर् यथा बदरकुण्डयोः । श्लिष्टयोर् अपि नैकत्वं देहदेहवतोस् तथा

yathā hi kāṣṭhajatunor yathā badarakuṇḍayoḥ / śliṣṭayor api naikatvaṃ dehadehavatos tathā

Sanskrit only: no published translation is held for this verse.

भस्त्रादाहे यथा दाहो न भस्त्रान्तरवर्तिनः । पवनस्य तथा देहनाशे नात्म विनश्यति

bhastrādāhe yathā dāho na bhastrāntaravartinaḥ / pavanasya tathā dehanāśe nātma vinaśyati

Sanskrit only: no published translation is held for this verse.

दुःखितो ऽहं सुखाढ्यो ऽहम् इति भ्रान्ती रघूद्वह । अनयोपहते चित्ते दुष्पारेह कदर्थना

duḥkhito 'haṃ sukhāḍhyo 'ham iti bhrāntī raghūdvaha / anayopahate citte duṣpāreha kadarthanā

Sanskrit only: no published translation is held for this verse.

मिथ्यैवानर्थकारिण्या मनोमननपीनया । अनया दुःखदायिन्या महामोहमलान्धया

mithyaivānarthakāriṇyā manomananapīnayā / anayā duḥkhadāyinyā mahāmohamalāndhayā

Sanskrit only: no published translation is held for this verse.

चन्द्रबिम्बे सुधार्द्रे ऽपि कृत्वा रौरवकल्पनाम् । नारकं दाहसंशोषदुःखं समनुभूयते

candrabimbe sudhārdre 'pi kṛtvā rauravakalpanām / nārakaṃ dāhasaṃśoṣaduḥkhaṃ samanubhūyate

Sanskrit only: no published translation is held for this verse.

जललोलोच्चकल्हारपुष्पशीतलवीचिषु । सरस्सु मृगतृष्णाढ्यं महत्त्वं परिदृश्यते

jalaloloccakalhārapuṣpaśītalavīciṣu / sarassu mṛgatṛṣṇāḍhyaṃ mahattvaṃ paridṛśyate

Sanskrit only: no published translation is held for this verse.

नभोनगरनिर्माणपातोत्पतनसम्भ्रमाः । स्वप्नादिष्व् अनुभूयन्ते विचित्रसुखदुःखदाः

nabhonagaranirmāṇapātotpatanasambhramāḥ / svapnādiṣv anubhūyante vicitrasukhaduḥkhadāḥ

Sanskrit only: no published translation is held for this verse.

संसारवासना चेतो यदि नाम न पूरयेत् । तज् जाग्रत्स्वप्नसंरम्भाः कं नयेयुर् इहापदम्

saṃsāravāsanā ceto yadi nāma na pūrayet / taj jāgratsvapnasaṃrambhāḥ kaṃ nayeyur ihāpadam

Sanskrit only: no published translation is held for this verse.

दृश्यन्ते रौरवावीचिनरकानर्थशासनाः । मिथ्याज्ञाने गते वृद्धिं स्वर्गोपवनभूमिषु

dṛśyante rauravāvīcinarakānarthaśāsanāḥ / mithyājñāne gate vṛddhiṃ svargopavanabhūmiṣu

Sanskrit only: no published translation is held for this verse.

अनया वेधितं चेतो बिसतन्ताव् अपि क्षणात् । पश्यत्य् अखिलसंसारसागरावर्तविभ्रमम्

anayā vedhitaṃ ceto bisatantāv api kṣaṇāt / paśyaty akhilasaṃsārasāgarāvartavibhramam

Sanskrit only: no published translation is held for this verse.

अनयोपहते चित्ते राज्य एव हि संस्थितः । तास् ता दशा जनो याति या न योग्याश् श्वपाकिनः

anayopahate citte rājya eva hi saṃsthitaḥ / tās tā daśā jano yāti yā na yogyāś śvapākinaḥ

Sanskrit only: no published translation is held for this verse.

तस्माद् राम परित्यज्य वासनां भवबन्धनीम् । सर्वभावमयीं तिष्ठ नीरागस् स्फटिको यथा

tasmād rāma parityajya vāsanāṃ bhavabandhanīm / sarvabhāvamayīṃ tiṣṭha nīrāgas sphaṭiko yathā

Sanskrit only: no published translation is held for this verse.

तिष्ठतस् तव कार्येषु मास्तु रागानुरञ्जना । स्फटिकस्येव चित्राणि प्रतिबिम्बानि गृह्णतः

tiṣṭhatas tava kāryeṣu māstu rāgānurañjanā / sphaṭikasyeva citrāṇi pratibimbāni gṛhṇataḥ

Sanskrit only: no published translation is held for this verse.

विगतकौतुकसङ्गसमिद्धया यदि करोषि सदैव हि लीलया । वरधिया जगति प्रकृतिक्रियास् तद् असि केन महान् उपमीयसे

vigatakautukasaṅgasamiddhayā yadi karoṣi sadaiva hi līlayā / varadhiyā jagati prakṛtikriyās tad asi kena mahān upamīyase

Sanskrit only: no published translation is held for this verse.