Moksopaya with Bhaskarakantha's Tika 3.126

इन्द्रियग्रामसङ्ग्रामसेतुना भवसागरः । तीर्यते नेतरेणेह केनचिन् नाम कर्मणा ॥मु ३,१२६।१ (= म्त् ४,४।१)॥ शास्त्रसत्सङ्गमाभ्यासैस् सविवेको जितेन्द्रियः । अत्यन्ताभावम् एवास्य दृश्यौघस्यावगच्छति

indriyagrāmasaṅgrāmasetunā bhavasāgaraḥ / tīryate netareṇeha kenacin nāma karmaṇā //MU 3,126.1 (= MT 4,4.1)// śāstrasatsaṅgamābhyāsais saviveko jitendriyaḥ / atyantābhāvam evāsya dṛśyaughasyāvagacchati

Sanskrit only: no published translation is held for this verse.

एतत् ते कथितं सर्वं स्वरूपं रूपिणां वर । संसारसागरश्रेण्यो यथायान्ति प्रयान्ति च

etat te kathitaṃ sarvaṃ svarūpaṃ rūpiṇāṃ vara / saṃsārasāgaraśreṇyo yathāyānti prayānti ca

Sanskrit only: no published translation is held for this verse.

बहुनात्र किम् उक्तेन मनः कर्मद्रुमाङ्कुरः । तस्मिंश् छिन्ने जगच्छाखश् छिन्नः कर्मतरुर् भवेत्

bahunātra kim uktena manaḥ karmadrumāṅkuraḥ / tasmiṃś chinne jagacchākhaś chinnaḥ karmatarur bhavet

Sanskrit only: no published translation is held for this verse.

मनस् सर्वम् इदं राम तस्मिन्न् अन्तश् चिकित्सिते । चिकित्सितो ऽयं सकलो जन्मजालमयो भवः

manas sarvam idaṃ rāma tasminn antaś cikitsite / cikitsito 'yaṃ sakalo janmajālamayo bhavaḥ

Sanskrit only: no published translation is held for this verse.

तद् एतज् जायते लोके मनो मललवाकुलम् । मनसो व्यतिरेकेण देहः क्व किल दृश्यते

tad etaj jāyate loke mano malalavākulam / manaso vyatirekeṇa dehaḥ kva kila dṛśyate

Sanskrit only: no published translation is held for this verse.

दृश्यात्यन्तासम्भवनम् ऋते नान्येन हेतुना । मनःपिशाचः प्रशमं याति कल्पशतैर् अपि

dṛśyātyantāsambhavanam ṛte nānyena hetunā / manaḥpiśācaḥ praśamaṃ yāti kalpaśatair api

Sanskrit only: no published translation is held for this verse.

एतच् च सम्भवत्य् एव मनोव्याधिचिकित्सने । दृश्यात्यन्तासम्भवात्म परमौषधम् उत्तमम्

etac ca sambhavaty eva manovyādhicikitsane / dṛśyātyantāsambhavātma paramauṣadham uttamam

Sanskrit only: no published translation is held for this verse.

मनो मोहम् उपादत्ते म्रियते जायते मनः । कस्यचित् तु प्रसादेन बध्यते मुच्यते पुनः

mano moham upādatte mriyate jāyate manaḥ / kasyacit tu prasādena badhyate mucyate punaḥ

Sanskrit only: no published translation is held for this verse.

स्फुरतीत्थं जगत् सर्वं चित्ते मननमन्थरे । शून्य एवाम्बरे स्फारे गन्धर्वाणां पुरं यथा

sphuratītthaṃ jagat sarvaṃ citte mananamanthare / śūnya evāmbare sphāre gandharvāṇāṃ puraṃ yathā

Sanskrit only: no published translation is held for this verse.

मनसीदं जगत् कृत्स्नं स्फारं स्फुरति चास्ति च । पुष्पगुच्छ इवामोदस् तत्स्थस् तस्माद् इवेतरः

manasīdaṃ jagat kṛtsnaṃ sphāraṃ sphurati cāsti ca / puṣpaguccha ivāmodas tatsthas tasmād ivetaraḥ

Sanskrit only: no published translation is held for this verse.

यथा तिलकणे तैलं गुणो गुणिनि वा यथा । यथा धर्मिणि वा धर्मस् तथेदं मनसि स्थितम्

yathā tilakaṇe tailaṃ guṇo guṇini vā yathā / yathā dharmiṇi vā dharmas tathedaṃ manasi sthitam

Sanskrit only: no published translation is held for this verse.

यथाम्भसि तरङ्गौघ इन्दौ द्वीन्दुभ्रमो यथा । मृगतृष्णा यथा तापे संसारश् चित्तके तथा

yathāmbhasi taraṅgaugha indau dvīndubhramo yathā / mṛgatṛṣṇā yathā tāpe saṃsāraś cittake tathā

Sanskrit only: no published translation is held for this verse.

रश्मिजालं यथा सूर्ये यथालोकश् च तेजसि । यथौष्ण्यं चित्रभानौ वा मनसीदं तथा जगत्

raśmijālaṃ yathā sūrye yathālokaś ca tejasi / yathauṣṇyaṃ citrabhānau vā manasīdaṃ tathā jagat

Sanskrit only: no published translation is held for this verse.

शैत्यं यथैव तुहिने यथा नभसि शून्यता । यथा चञ्चलता वायौ मनसीदं तथा जगत्

śaityaṃ yathaiva tuhine yathā nabhasi śūnyatā / yathā cañcalatā vāyau manasīdaṃ tathā jagat

Sanskrit only: no published translation is held for this verse.

मनो जगज् जगद् अखिलं तथा मनः परस्परं त्व् अविरहितं सदैव हि । तयोर् द्वयोर् मनसि निरन्तरं क्षते क्षतं जगन् न तु जगति क्षते मनः

mano jagaj jagad akhilaṃ tathā manaḥ parasparaṃ tv avirahitaṃ sadaiva hi / tayor dvayor manasi nirantaraṃ kṣate kṣataṃ jagan na tu jagati kṣate manaḥ

Sanskrit only: no published translation is held for this verse.