Moksopaya with Bhaskarakantha's Tika 3.134

सुरासुरनराकारा इमा यास् संविदो मुने । ब्रह्मार्णवाद् अभिन्नास् ते सत्यम् एतन् मृषेतरत् ॥मु ३,१३४।१ (= म्त् ४,१२।१)॥ मिथ्याभावनया ब्रह्मन् स्वविकल्पकलङ्किताः । न ब्रह्म वयम् इत्य् अन्तर्निश्चयेन ह्य् अधोगताः

surāsuranarākārā imā yās saṃvido mune / brahmārṇavād abhinnās te satyam etan mṛṣetarat //MU 3,134.1 (= MT 4,12.1)// mithyābhāvanayā brahman svavikalpakalaṅkitāḥ / na brahma vayam ity antarniścayena hy adhogatāḥ

Sanskrit only: no published translation is held for this verse.

ब्रह्मणो व्यतिरिक्तत्वं ब्रह्मार्णवगता अपि । भावयन्त्यो विमुह्यन्ति भीमासु भवभूमिषु

brahmaṇo vyatiriktatvaṃ brahmārṇavagatā api / bhāvayantyo vimuhyanti bhīmāsu bhavabhūmiṣu

Sanskrit only: no published translation is held for this verse.

या एतास् संविदो ब्राह्म्यो मुने नैककलङ्किताः । एतत् तत् कर्मणां बीजम् अथ कर्मैव विद्धि वा

yā etās saṃvido brāhmyo mune naikakalaṅkitāḥ / etat tat karmaṇāṃ bījam atha karmaiva viddhi vā

Sanskrit only: no published translation is held for this verse.

सङ्कल्परूपयैवान्तर् मुने कलनयैतया । कर्मजालकरञ्जानां बीजमुष्ट्या करालया

saṅkalparūpayaivāntar mune kalanayaitayā / karmajālakarañjānāṃ bījamuṣṭyā karālayā

Sanskrit only: no published translation is held for this verse.

इमा जगति विस्तीर्णे शरीरोपलपङ्क्तयः । तिष्ठन्ति परिवल्गन्ति रुदन्ति च हसन्ति च

imā jagati vistīrṇe śarīropalapaṅktayaḥ / tiṣṭhanti parivalganti rudanti ca hasanti ca

Sanskrit only: no published translation is held for this verse.

आब्रह्मस्तम्बपर्यन्तं स्पन्दनैः पवनो यथा । उल्लसन्ति नियच्छन्ति म्लायन्ति विहसन्ति च

ābrahmastambaparyantaṃ spandanaiḥ pavano yathā / ullasanti niyacchanti mlāyanti vihasanti ca

Sanskrit only: no published translation is held for this verse.

ता एताः काश्चिद् अत्यच्छा यथा हरिहरादयः । काश्चिद् अल्पविमोहस्था यथोरगनरामराः

tā etāḥ kāścid atyacchā yathā hariharādayaḥ / kāścid alpavimohasthā yathoraganarāmarāḥ

Sanskrit only: no published translation is held for this verse.

काश्चिद् अत्यन्तमोहस्था यथा तरुतृणादयः । काश्चिद् अज्ञानसम्मूढाः क्रिमिकीटत्वम् आगताः

kāścid atyantamohasthā yathā tarutṛṇādayaḥ / kāścid ajñānasammūḍhāḥ krimikīṭatvam āgatāḥ

Sanskrit only: no published translation is held for this verse.

काश्चित् तृणवद् उह्यन्ते दूरे ब्रह्ममहोदधेः । अप्राप्तभूमिका एता यथोरगनरादयः

kāścit tṛṇavad uhyante dūre brahmamahodadheḥ / aprāptabhūmikā etā yathoraganarādayaḥ

Sanskrit only: no published translation is held for this verse.

तटमात्रं समालोक्य काश्चित् खेदम् उपागताः । जाताजाता निखन्यन्ते कृतान्तजरदाखुना

taṭamātraṃ samālokya kāścit khedam upāgatāḥ / jātājātā nikhanyante kṛtāntajaradākhunā

Sanskrit only: no published translation is held for this verse.

काश्चिद् अन्तरम् आसाद्य ब्रह्मतत्त्वमहाम्बुधेः । गतास् तत्ताम् अशोकाय हरिब्रह्महरादिकाः

kāścid antaram āsādya brahmatattvamahāmbudheḥ / gatās tattām aśokāya haribrahmaharādikāḥ

Sanskrit only: no published translation is held for this verse.

अल्पमोहान्विताः काश्चित् तम् एव ब्रह्मवारिधिम् । अदृष्टरागरोगौघम् अवलम्ब्य व्यवस्थिताः

alpamohānvitāḥ kāścit tam eva brahmavāridhim / adṛṣṭarāgarogaugham avalambya vyavasthitāḥ

Sanskrit only: no published translation is held for this verse.

काश्चिद् भोक्तव्यजन्मौघा भुक्तजन्मौघकोटयः । वन्ध्याः प्रकाशतामस्यस् संस्थिता भूतजातयः

kāścid bhoktavyajanmaughā bhuktajanmaughakoṭayaḥ / vandhyāḥ prakāśatāmasyas saṃsthitā bhūtajātayaḥ

Sanskrit only: no published translation is held for this verse.

काश्चिद् ऊर्ध्वाद् अधो यान्ति तथाधस्तान् महत् पदम् । ऊर्ध्वाद् ऊर्ध्वतरं काश्चिद् अधस्तात् काश्चिद् अप्य् अधः

kāścid ūrdhvād adho yānti tathādhastān mahat padam / ūrdhvād ūrdhvataraṃ kāścid adhastāt kāścid apy adhaḥ

Sanskrit only: no published translation is held for this verse.

बहुसुखदुःखकटङ्कटा क्रियेयं परमपदास्मरणात् समागतेह । परमपदावगमात् प्रयाति नाशं विहगपतिस्मरणाद् विषव्यथेव

bahusukhaduḥkhakaṭaṅkaṭā kriyeyaṃ paramapadāsmaraṇāt samāgateha / paramapadāvagamāt prayāti nāśaṃ vihagapatismaraṇād viṣavyatheva

Sanskrit only: no published translation is held for this verse.