Moksopaya with Bhaskarakantha's Tika 3.138

समङ्गातापसीम् एतां तनुं सन्त्यज्य भार्गव । प्रविशेमां तनुं साधो नगरीम् इव पार्थिवः

samaṅgātāpasīm etāṃ tanuṃ santyajya bhārgava / praviśemāṃ tanuṃ sādho nagarīm iva pārthivaḥ

Sanskrit only: no published translation is held for this verse.

काले पूर्वजया तन्वा तपः कृत्वानया पुनः । गुरुत्वम् असुरेन्द्राणां कर्तव्यं भवतानघ

kāle pūrvajayā tanvā tapaḥ kṛtvānayā punaḥ / gurutvam asurendrāṇāṃ kartavyaṃ bhavatānagha

Sanskrit only: no published translation is held for this verse.

महाकल्पान्त आयाते भवता भार्गवी तनुः । अपुनर्ग्रहणायैषा त्याज्या प्रम्लानपुष्पवत्

mahākalpānta āyāte bhavatā bhārgavī tanuḥ / apunargrahaṇāyaiṣā tyājyā pramlānapuṣpavat

Sanskrit only: no published translation is held for this verse.

जीवन्मुक्तपदं प्राप्तस् तन्वा प्राक्तनरूपया । महासुरेन्द्रगुरुतां कुर्वंस् तिष्ठ महामते

jīvanmuktapadaṃ prāptas tanvā prāktanarūpayā / mahāsurendragurutāṃ kurvaṃs tiṣṭha mahāmate

Sanskrit only: no published translation is held for this verse.

कल्याणम् अस्तु वां यामो वयं त्व् अभिमतां दिशम् । न किञ्चिद् अपि तच् चित्तं यस्य नाभिमतं भवेत्

kalyāṇam astu vāṃ yāmo vayaṃ tv abhimatāṃ diśam / na kiñcid api tac cittaṃ yasya nābhimataṃ bhavet

Sanskrit only: no published translation is held for this verse.

इत्य् उक्त्वा मुञ्चतोः पुष्पं तयोस् सो ऽन्तरधीयत । तप्तांशुर् इव रोदस्योस् समम् अंशुभिर् अंशुमान्

ity uktvā muñcatoḥ puṣpaṃ tayos so 'ntaradhīyata / taptāṃśur iva rodasyos samam aṃśubhir aṃśumān

Sanskrit only: no published translation is held for this verse.

गते तस्मिन् भगवति ताम् उक्त्वा भवितव्यताम् । विचार्य भार्गवो ऽभेद्यां नियतां नियतेर् गतिम्

gate tasmin bhagavati tām uktvā bhavitavyatām / vicārya bhārgavo 'bhedyāṃ niyatāṃ niyater gatim

Sanskrit only: no published translation is held for this verse.

कालकारणसंशुष्कां भाविपुष्पफलोदयाम् । विवेश तां तनुं बालां सुलताम् इव माधवः

kālakāraṇasaṃśuṣkāṃ bhāvipuṣpaphalodayām / viveśa tāṃ tanuṃ bālāṃ sulatām iva mādhavaḥ

Sanskrit only: no published translation is held for this verse.

सा ब्राह्मणतनुर् भूमौ विवर्णवदनाङ्गिका । पपात कम्पिता तूर्णं छिन्नमूला लता यथा

sā brāhmaṇatanur bhūmau vivarṇavadanāṅgikā / papāta kampitā tūrṇaṃ chinnamūlā latā yathā

Sanskrit only: no published translation is held for this verse.

तस्यां प्रविष्टजीवायां पुत्रतन्वां महामुनिः । चकाराप्यायनं मन्त्रैस् सकमण्डलुवारिभिः

tasyāṃ praviṣṭajīvāyāṃ putratanvāṃ mahāmuniḥ / cakārāpyāyanaṃ mantrais sakamaṇḍaluvāribhiḥ

Sanskrit only: no published translation is held for this verse.

सर्वनाड्यस् ततस् तन्व्यास् तस्याः पूर्णा विरेजिरे । सरितः प्रावृषीवाम्बुपूरपूरितकोटराः

sarvanāḍyas tatas tanvyās tasyāḥ pūrṇā virejire / saritaḥ prāvṛṣīvāmbupūrapūritakoṭarāḥ

Sanskrit only: no published translation is held for this verse.

नलिनी प्रावृषीवासौ मधाव् इव नवा लता । यदा पूर्णा तदा तस्याः प्राणाः पल्लविता बभुः

nalinī prāvṛṣīvāsau madhāv iva navā latā / yadā pūrṇā tadā tasyāḥ prāṇāḥ pallavitā babhuḥ

Sanskrit only: no published translation is held for this verse.

अथ शुक्रस् समुत्तस्थौ वहत्प्राणसमीरणः । रसमारुतसंयोगाद् आपूर्ण इव वारिदः

atha śukras samuttasthau vahatprāṇasamīraṇaḥ / rasamārutasaṃyogād āpūrṇa iva vāridaḥ

Sanskrit only: no published translation is held for this verse.

पुरो ऽभिवादयाम् आस पितरं पावनाकृतिः । प्रथमोल्लासितो मेघस् स्तनितेनेव पर्वतम्

puro 'bhivādayām āsa pitaraṃ pāvanākṛtiḥ / prathamollāsito meghas staniteneva parvatam

Sanskrit only: no published translation is held for this verse.

पिताथ प्राक्तनीं तस्याप्य् आलिलिङ्ग तनुं ततः । स्नेहार्द्रवृत्तिर् जलदश् चिराद् गिरितटीम् इव

pitātha prāktanīṃ tasyāpy āliliṅga tanuṃ tataḥ / snehārdravṛttir jaladaś cirād giritaṭīm iva

Sanskrit only: no published translation is held for this verse.

भृगुर् ददर्श सस्नेहं प्राक्तनीं तानयीं तनुम् । मत्तो जातो ऽयम् इत्य् आस्था हरत्य् अपि महामतिम्

bhṛgur dadarśa sasnehaṃ prāktanīṃ tānayīṃ tanum / matto jāto 'yam ity āsthā haraty api mahāmatim

Sanskrit only: no published translation is held for this verse.

मत्पुत्रो ऽयम् इति स्नेहो भृगुम् अप्य् अहरत् तदा । परतात्मीयता चेयं यावदाकृति भाविनी

matputro 'yam iti sneho bhṛgum apy aharat tadā / paratātmīyatā ceyaṃ yāvadākṛti bhāvinī

Sanskrit only: no published translation is held for this verse.

बभूवतुः पितापुत्रौ ताव् अथान्योऽन्यशोभितौ । निशावसानमुदिताव् अर्कपद्माकराव् इव

babhūvatuḥ pitāputrau tāv athānyo'nyaśobhitau / niśāvasānamuditāv arkapadmākarāv iva

Sanskrit only: no published translation is held for this verse.

चिरसङ्गमसम्बद्धाव् इव चक्राह्वदम्पती । घनागमघनस्नेहौ मयूरजलदाव् इव

cirasaṅgamasambaddhāv iva cakrāhvadampatī / ghanāgamaghanasnehau mayūrajaladāv iva

Sanskrit only: no published translation is held for this verse.

चिरकालदृढोत्कण्ठयोग्यया कथया तया । स्थित्वा तत्र मुहूर्तं ताव् अथोत्थाय महामती

cirakāladṛḍhotkaṇṭhayogyayā kathayā tayā / sthitvā tatra muhūrtaṃ tāv athotthāya mahāmatī

Sanskrit only: no published translation is held for this verse.

समङ्गाद्विजदेहं तं भस्मसात् तत्र चक्रतुः । को हि नाम जगज्जात आचारं नानुतिष्ठति

samaṅgādvijadehaṃ taṃ bhasmasāt tatra cakratuḥ / ko hi nāma jagajjāta ācāraṃ nānutiṣṭhati

Sanskrit only: no published translation is held for this verse.

एवं तौ कानने तस्मिन् पावने भृगुभार्गवौ । संस्थितौ तपसा दीप्तौ दिवीव शशिभास्करौ

evaṃ tau kānane tasmin pāvane bhṛgubhārgavau / saṃsthitau tapasā dīptau divīva śaśibhāskarau

Sanskrit only: no published translation is held for this verse.

चेरतुर् ज्ञातविज्ञेयौ जीवन्मुक्तौ जगद्गुरू । देशकालदशौघेषु सुगमं सुस्थिरं तपः

ceratur jñātavijñeyau jīvanmuktau jagadgurū / deśakāladaśaugheṣu sugamaṃ susthiraṃ tapaḥ

Sanskrit only: no published translation is held for this verse.

अथासुरगुरुत्वं स शुक्रः कालेन लब्धवान् । भृगुर् अप्य् आत्मनो योग्ये पदे ऽतिष्ठद् अनामये

athāsuragurutvaṃ sa śukraḥ kālena labdhavān / bhṛgur apy ātmano yogye pade 'tiṣṭhad anāmaye

Sanskrit only: no published translation is held for this verse.

शुक्रो ऽसौ प्रथमम् इति क्रमेण जात एतस्मात् परमपदाद् उदारकीर्तिः । स्वेनाशु स्मृतिपदविभ्रमेण पश्चाद् एवं च प्रविलुलितो दशान्तरेषु

śukro 'sau prathamam iti krameṇa jāta etasmāt paramapadād udārakīrtiḥ / svenāśu smṛtipadavibhrameṇa paścād evaṃ ca pravilulito daśāntareṣu

Sanskrit only: no published translation is held for this verse.