Moksopaya with Bhaskarakantha's Tika 3.23

इति सङ्कथनं कृत्वा तस्यां निशि वराङ्गने । सुप्ते परिजने नूनम् अथान्तःपुरमण्डपे

iti saṅkathanaṃ kṛtvā tasyāṃ niśi varāṅgane / supte parijane nūnam athāntaḥpuramaṇḍape

Sanskrit only: no published translation is held for this verse.

दृढाखिलार्गलद्वारगवाक्षे दक्षचेतसी । पुष्पपूरणसुस्फीतमांसलामोदमन्थरे

dṛḍhākhilārgaladvāragavākṣe dakṣacetasī / puṣpapūraṇasusphītamāṃsalāmodamanthare

Sanskrit only: no published translation is held for this verse.

अम्लानमालावसनशवपार्श्वासनस्थिते । सकलामलपूर्णेन्दुवदनोद्द्योतितास्पदे

amlānamālāvasanaśavapārśvāsanasthite / sakalāmalapūrṇenduvadanoddyotitāspade

Sanskrit only: no published translation is held for this verse.

समाधिस्थानकं गत्वा तस्थतुर् निश्चलाङ्गके । रत्नस्तम्भाद् इवोत्कीर्णे चित्रभित्ताव् इवार्पिते

samādhisthānakaṃ gatvā tasthatur niścalāṅgake / ratnastambhād ivotkīrṇe citrabhittāv ivārpite

Sanskrit only: no published translation is held for this verse.

सर्वास् तत्यजतुश् चिन्तास् सङ्कोचं समुपागते । दिवसान्त इवाब्जिन्यौ प्रसृतामोदलेखिके

sarvās tatyajatuś cintās saṅkocaṃ samupāgate / divasānta ivābjinyau prasṛtāmodalekhike

Sanskrit only: no published translation is held for this verse.

बभूवतुर् भृशं शान्ते शुद्धे स्पन्दविवर्जिते । गिरौ शरदि निर्वात इव वृष्ट्याभ्रमालिके

babhūvatur bhṛśaṃ śānte śuddhe spandavivarjite / girau śaradi nirvāta iva vṛṣṭyābhramālike

Sanskrit only: no published translation is held for this verse.

निर्विकल्पसमाधानाज् जहतुर् व्योम्नि संविदम् । यथा कल्पलते कान्ते पूर्णम् ऋत्वन्तरे रसम्

nirvikalpasamādhānāj jahatur vyomni saṃvidam / yathā kalpalate kānte pūrṇam ṛtvantare rasam

Sanskrit only: no published translation is held for this verse.

अहं जगद् इति भ्रान्तेर् दृश्यस्यादाव् अनुद्भवः । यदा ताभ्याम् अवगतस् स्वात्यन्ताभावनात्मकः

ahaṃ jagad iti bhrānter dṛśyasyādāv anudbhavaḥ / yadā tābhyām avagatas svātyantābhāvanātmakaḥ

Sanskrit only: no published translation is held for this verse.

तदा दृश्यपिशाचो ऽयम् अलम् अस्तङ्गतस् तयोः । असत्त्वाद् एव चास्माकं शशशृङ्गम् इवानघ

tadā dṛśyapiśāco 'yam alam astaṅgatas tayoḥ / asattvād eva cāsmākaṃ śaśaśṛṅgam ivānagha

Sanskrit only: no published translation is held for this verse.

आदाव् एव हि यन् नास्ति वर्तमाने ऽपि तत् तथा । भातं चाभातम् एवातो मृगतृष्णाम्बुवज् जगत्

ādāv eva hi yan nāsti vartamāne 'pi tat tathā / bhātaṃ cābhātam evāto mṛgatṛṣṇāmbuvaj jagat

Sanskrit only: no published translation is held for this verse.

स्वभावः केवलश् शान्तस् स्त्रीद्वयं तद् बभूव ह । चन्द्रार्कादिपदार्थौघदूरमुक्तम् इवाम्बरम्

svabhāvaḥ kevalaś śāntas strīdvayaṃ tad babhūva ha / candrārkādipadārthaughadūramuktam ivāmbaram

Sanskrit only: no published translation is held for this verse.

तेनैव ज्ञानदेहेन ततार ज्ञप्तिदेवता । मानुषी त्व् इतरेणाशु ज्ञानाज्ञानानुरूपिणा

tenaiva jñānadehena tatāra jñaptidevatā / mānuṣī tv itareṇāśu jñānājñānānurūpiṇā

Sanskrit only: no published translation is held for this verse.

गेहान्तर् एव प्रादेशमात्रम् आरुह्य वै दिवः । बभूवतुश् चिदाकाशरूपिण्यौ व्योमगाकृती

gehāntar eva prādeśamātram āruhya vai divaḥ / babhūvatuś cidākāśarūpiṇyau vyomagākṛtī

Sanskrit only: no published translation is held for this verse.

अथ ते ललने लीलालाने ललितलोचने । स्वभावाच् चेत्यसंवित्तेर् नभो दूरम् इवागते

atha te lalane līlālāne lalitalocane / svabhāvāc cetyasaṃvitter nabho dūram ivāgate

Sanskrit only: no published translation is held for this verse.

तत्रस्थे एकचिद्वृत्त्या पुप्लुवाते नभस्तलम् । कोटियोजनविस्तीर्णं दूराद् दूरतरान्तरम्

tatrasthe ekacidvṛttyā pupluvāte nabhastalam / koṭiyojanavistīrṇaṃ dūrād dūratarāntaram

Sanskrit only: no published translation is held for this verse.

दृश्यानुसन्धाननिजस्वभावाद् आकाशदेहे अपि ते मिथो ऽत्र । परस्पराकारविलोकनेन बभूवतुस् स्नेहपरे वयस्ये

dṛśyānusandhānanijasvabhāvād ākāśadehe api te mitho 'tra / parasparākāravilokanena babhūvatus snehapare vayasye

Sanskrit only: no published translation is held for this verse.